Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Sunnudagur, 5. apríl 2020
NA  15 m/s
-4°C
Olís
huni.is - RSS-efnisveita
 
Apríl 2020
SMŢMFFL
2930311234
567891011
12131415161718
19202122232425
262728293012
FyrriNúnaNćsti
Veðurstofa Íslands
Blönduós 12:00 NA 15 -4°C
Þverárfjall 12:00 NA 15 -7°C
Vatnsskarð 12:00 NA 19 -7°C
Brúsastaðir 12:00 NA 18 -5°C
Haugur 12:00 NA 9  -5°C
Holtavörðuh 12:00 NNA 16  -8°C
Laxárdalshe 12:00 NA 18 -6°C
Reykir í Hr 12:00 NNA 11  -3°C
Reykjavík 12:00 NA 5  -1°C
Akureyri - 12:00 NNA 8  -4°C
Egilsstaðaf 12:00 N 17 -2°C
Vegagerðin
Holtavörđuh. 12:10 NNA 15 -8°C
Laxárdalsh. 12:10 NA17 -6°C
Vatnsskarđ 12:00 18.9 0 -6°C
Ţverárfjall 12:10 19.2 0 0°C
Kjalarnes 12:10 NNA21 -2°C
Hafnarfjall 12:10 ANA25 -4°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. mars 2020
Erfiður vetur
Veiran komin. Loðnan farin. Álið að fara. Túristarnir horfnir. Börn á flótta. Krónan fallin. Maxvélarnar strand. Verkföll. Jörðin hristist. Þennan texta las ég við stórgóða skopmynd í Fréttablaðinu fyrir nokkrum dögum.
::Lesa

Northwest.is


SSNV

Leita í netfangaskrá
 
Eftir Inga Heiðmar Jónsson
04. apríl 2020
Eftir Guðjón S. Brjánsson
03. apríl 2020
Eftir Sigurbjörn Þorkelsson
01. apríl 2020
Eftir Unni Valborgu Hilmarsdóttur
01. apríl 2020
Eftir Sigurbjörn Þorkelsson
28. mars 2020
Eftir Bjarna Kristjánsson, Gunnar Jónsson og Örn Ragnarsson
27. mars 2020
Eftir Inga Heiðmar Jónsson
26. mars 2020
Eftir Sigurbjörn Þorkelsson
23. mars 2020
Pistlar | 25. desember 2019 - kl. 22:02
Gjörningaveðrin
Eftir Halldór Gunnar Ólafsson

Gjörningaveður gekk yfir landið í síðustu viku og er kraftaverki líkast að ekki skyldu tapast fleiri mannslíf en það sem raungerðist í Eyjafirði.

Það er merkilegt að upplifa að nú keppast alþingismenn og  ráðherrar við að ræða styrkingu innviða á landsbyggðinni og telja að alltof langt hafi verið gengið hvað varðar niðurskurð hjá hinu opinbera á flestum sviðum. Þetta hljómar næstum eins og engin landshlutasamtök eða sveitarstjórnir hafi nokkurn tímann bent á einmitt þessar staðreyndir.

Í þessu samhengi er áhugavert að skoða hvernig góðum nágrönnum okkar Skagstrendinga hér á Skaga gekk í óveðrinu um daginn. Skagabyggð, sem er sveitarfélag á vestanverðum Skaga, styrkti sína innviði á eigin kostnað fyrir nokkrum árum. Sveitarfélagið, sem er eitt það fámennasta á landinu, greiddi RARIK ríflega 30 milljónir í svokallað flýtigjald til þess að hægt væri að leggja þriggja fasa rafmagn í jörð strax en ekki bíða í áratug eða lengur. Sú framkvæmd tryggði íbúunum birtu og yl í óveðrinu og hefur að öllum líkindum sparað RARIK og samfélaginu öllu mikla fjármuni sem sveitarfélagið greiddi í raun sjálft í formi fyrrgreinds flýtigjalds. Illu heilli var málum öðru vísi háttað á austanverðum Skaga þar sem íbúar á sumum bæjum voru án rafmagns og hita í heila viku.

Gjörningaveðrin, sem beinast að landsbyggðunum, eru þó víðar en flesta grunar. Fyrir Alþingi liggur tillaga sem lýtur að framtíðarskipan sveitarfélaga á Íslandi. Meirihluti Umhverfis- og samgöngunefndar Alþingis afgreiddi tillögu ráðherra úr nefndinni að mestu óbreytta. Tillögu, sem felur í sér lögþvingunarákvæði, þar sem minni sveitarfélögum er gert að sameinast þeim stærri án íbúakosninga. Ef tillagan nær fram að ganga verður því réttur íbúa til þess að taka afstöðu til hugsanlegra sameininga ekki til staðar nema sameiningar eigi sér stað fyrir árið 2022 og 2026.

Samband íslenskra sveitarfélaga hélt sérstakt aukalandsþing til þess að fjalla um tillöguna.  Þar voru það að langmestu leyti þau sveitarfélög, sem tillagan mun ekki hafa áhrif á, sem veittu henni stuðning. Eftirtaldir fyrirvarar voru þó samþykktir í tengslum við fjárhagslegan stuðning Jöfnunarsjóðs:

„Í tillögunni er gert ráð fyrir verulegum fjárhagslegum stuðningi Jöfnunarsjóðs sveitarfélaga við sameiningar sveitarfélaga og því mikilvægt að ríkissjóður veiti sérstök fjárframlög til sjóðsins til að fjármagna þann stuðning“

 Þegar síðan kemur í ljós hvernig Umhverfis- og samgöngunefnd hyggst breyta lögum Jöfnunarsjóðs þarf Samband Íslenskra sveitarfélaga að senda frá sér eftirfarandi umsögn:

„heildaráhrif frumvarpsins verði þau að árleg framlög úr jöfnunarsjóði, önnur en sameiningarframlög, kunni að lækka um 973 m.kr næstu sex árin og síðan um 700 m.kr næstu níu ár þar á eftir, eða samtals um nærri 12 milljarða kr. á næstu 15 árum. Að meginhluta kemur þessi lækkun annarra framlaga til vegna stóraukinna sameiningarframlaga“

Það lítur sem sagt út fyrir að það séu ekki að koma nein NÝ framlög inn í Jöfnunarsjóð til þess að standa undir kostnaði við væntanlegar sameiningar. Fjármagnið verður tekið af öðrum framlögum sjóðsins sem annars hefðu verið nýtt t.d. til reksturs grunnskóla, málefna fatlaðs fólks eða til tekjujöfnunar.

Í mínum huga er hægt að færa rök fyrir því að hér hafi hlutir verið unnir í öfugri röð. Hefði ekki verið nær að halda aukalandsþing Sambandsins þegar lægi fyrir að búið væri að tryggja „nýja fjármuni" til þess að fjármagna væntanlegar sameiningar, sem öllum er ljóst að munu kosta mikla peninga. Stjórn Sambands íslenskra sveitarfélaga vildi hins vegar tryggja að tillaga samgöngu- og sveitarstjórnarráðherra fengi umfjöllun á yfirstandandi löggjafarþingi og því var málið keyrt áfram með þessum hætti. Meginhlutverk Sambands íslenskra sveitarfélaga er að vera sameiginlegur málsvari sveitarfélaganna í landinu og vinna að sameiginlegum hagsmunamálum þeirra. Ég get ekki betur séð en að gangi hlutir eftir með þeim hætti sem ég hef gert að umtalsefni, sé í raun verið að veikja innviði sveitarfélaganna í landinu og stjórn sambandsins sé beinlínis meðsek í þeirri vegferð.

Með þessum skrifum er ég ekki endilega að halda fram að það kunni ekki að vera skynsamlegt að stuðla að sameiningum sveitarfélaga á Íslandi með það að markmiði að gera þau öflugri og því burðugri til þess að takast á við áskoranir framtíðar. Í grunninn held ég að andstaða smærri sveitarfélaga snúi að trausti eða skorti á trausti, einmitt í ljósi þess hvernig hið opinbera hefur með beinum og óbeinum hætti veikt innviði og dregið úr slagkrafti byggða landsins.

Í óveðrinu um daginn voru það íbúarnir sjálfir, björgunarsveitir og aðrir viðbragðsaðilar sem ekki brugðust, í flestum tilfellum fólk sem þekkir aðstæður á hverjum stað fyrir sig og veit hvað íbúum er fyrir bestu. Alþingi Íslendinga á að treysta þessu fólki fyrir sinni framtíð og fella úr gildi ákvæði sem heimila lögþvingaðar sameiningar sveitarfélaga.

Halldór Gunnar Ólafsson,
oddviti Sveitarfélagsins Skagastrandar

 

Höf. rzg
Frá Skagaströnd. Ljósm: hofdaskoli.is
Frá Skagaströnd. Ljósm: hofdaskoli.is
Fréttir | 04. apríl 2020 - kl. 13:33
Fara þarf 25 ár aftur í tímann eða til ársins 1995 til að finna jafn snjóþungan vetur og verið hefur á Skagaströnd síðustu tæpa fjóra mánuði. Snjóþyngslin hafa valdið miklu álagi á snjómokstursmenn, sem oft hafa þurf að sinna mokstri í snarvitlausum veðrum til að hægt sé að halda hjólum atvinnulífsins gangangi. Þetta kemur fram í pistli Ólafs Bernódussonar í Morgunblaðinu í dag þar sem hann skrifar um bæjarlífið á Skagaströnd.
Húnaþing vestra Covid
Mynd: vedur.is
Mynd: vedur.is
Fréttir | 04. apríl 2020 - kl. 12:52
Veðurstofa Íslands hefur gefið út gula veðurviðvörun á öllu landinu í dag sem breytist síðan yfir í appelsínagula viðvörun þegar líður á helgina. Á Norðurlandi vestra er gul viðvörun í gangi frá klukkan 16:00 í dag til klukkan 08:00 í fyrramálið en þá tekur við appelsínugul viðvörun sem stendur til klukkan 22:00. Ekkert ferðaveður er á meðan appelsínugul viðvörun er í gildi.
COVID19
Pistlar | 04. apríl 2020 - kl. 12:28
Eftir Inga Heiðmar Jónsson
Skáldkonan Halldóra Beinteinsdóttir Björnsson var ein Grafardalssystkina en þessi ljóðelski systkinahópur ólst upp á heimili þar sem orðlist og ljóð voru í hávegum höfð. Skáldskapargáfan virðist hafa verið þeim eðlislæg. Hörpuútgáfan hafði gefið út bækur eftir sex þessara systkina þegar kom að safnritinu Raddir dalsins sem geymdi ljóð og vísur frá öllum systkinunum.
Sameining A-Hún
Mynd: AST Norðurland vestra
Mynd: AST Norðurland vestra
Fréttir | 03. apríl 2020 - kl. 15:49
Samkvæmt nýjum tölum frá aðgerðastjórn almannavarna á Norðurlandi vestra eru 29 einstaklingar í einangrun í landshlutanum vegna Covid-19, flestir í Húnaþingi vestra eða 26 og þrír í Skagafirði. Tveir einstaklingar hafa náð bata. Alls hafa 468 verið í sóttkví á svæðinu frá upphafi en í dag er 91 í sóttkví. Í tilkynningu frá aðgerðastjórn kemur fram að hún hafi verið í sambandi við fyrirtæki og stofnanir á svæðinu undanfarna daga í þeim tilgangi að brýna fyrir aðilum um gerð áætlana um órofinn rekstur starfseininga.
Holtastaðakirkja. Ljósm: Bragi J. Ingibergsson.
Holtastaðakirkja. Ljósm: Bragi J. Ingibergsson.
Fréttir | 03. apríl 2020 - kl. 13:41
Biskup Íslands, sr. Agnes M. Sigurðardóttir, hefur beðið þá presta sem geta komið því við að sjá til þess að kirkjuklukkum í sóknum þeirra verði hringt klukkan 14 á mánudögum í tvær mínútur til að lýsa yfir stuðningi við heilbrigðisstarfsfólk og önnur þau er koma að málum er lúta að kórónuveirufaraldrinum.
Ljósm: stjornarradid.is
Ljósm: stjornarradid.is
Fréttir | 03. apríl 2020 - kl. 13:15
Svandís Svavarsdóttir heilbrigðisráðherra hefur ákveðið að framlengja til 4. maí þær takmarkanir á samkomum og skólahaldi sem áttu að falla úr gildi 13. apríl næstkomandi. Ákvörðunin er í samræmi við tillögu sóttvarnalæknis. Þetta kemur fram í tilkynningu á vef Stjórnarráðsins. Þar segir að þótt vel hafi gengið að halda útbreiðslu smita í skefjum valdi áhyggjum hve alvarlega veikum einstaklingum hafi fjölgað hratt sem hafi þurft á gjörgæslu að halda.
Fréttir | 03. apríl 2020 - kl. 12:53
Sveitarstjórn Húnavatnshrepps lýsir yfir vonbrigðum með að umsókn sveitarfélagsins um styrk úr Framkvæmdasjóði ferðamannastaða skuli hafa verið synjað, sérstaklega með tilliti til þess að mikil þörf sé á uppbyggingu ferðamannastaða á svæðinu. Sveitarstjórn hafði sótt um 90 milljón króna styrk fyrir næsta áfanga Þrístapa verkefnisins.
Fréttir | 03. apríl 2020 - kl. 10:27
Tilkynning frá Sýslumanninum á Norðurlandi vestra
Vegna Covid-19 faraldurs sem nú herjar á landið fellur niður fyrirhuguð ferð fulltrúa sýslumanns til Hvammstanga þriðjudaginn 7. apríl nk. Þjónustuþegum er bent á að beina erindum sínum rafrænt á netfang embættisins, nordurlandvestra@syslumenn.is eða hafa samband við aðalskrifstofu embættisins í síma 458-2500.
Pistlar | 03. apríl 2020 - kl. 09:30
Eftir Guðjón S. Brjánsson
Lífið á flestum heimilum landsins er með óvenjulegum brag um þessar mundir, raunar á það við um alla heimsbyggðina. Hér á landi eigum við því láni að fagna að umsjón aðgerða til að sporna við stjórnlausri útbreiðslu Covid veirunnar hefur verið í höndum afburða fagfólks og það er vel. Því er ekki að heilsa í öllum samfélögum. Haft er á orði að þessi faraldur sé ein mesta ógn sem heimurinn hefur staðið frammi fyrir frá stríðslokum, og margir eru uggandi um friðinn.
Ljósm: Róbert Daníel Jónsson
Ljósm: Róbert Daníel Jónsson
Tilkynningar | 02. apríl 2020 - kl. 09:38
Tilkynning frá Textílmiðstöð Íslands
Ákveðið hefur verið að fresta Prjónagleðinni 2020 þar til 11.-13. júní 2021, vegna Covid-19 faraldursins. Til að viðhalda prjóna- og sköpunargleðinni höldum við ótrauð áfram með prjónasamkeppnina, en í ár verður keppnin á netinu og almenningur fær tækifæri til að kjósa sína uppáhaldshönnun. Til að viðhalda sköpunar- og prjónagleðinni á meðan á faraldrinum stendur, munum við halda samkeppnina þrátt fyrir að ekki verði af sjálfri Prjónagleðinni.
Fréttir | 02. apríl 2020 - kl. 08:52
Vinnumálastofnun og stjórn Tryggingasjóðs sjálfstætt starfandi einstaklinga hafa gert samkomulag við Bændasamtök Íslands um fjárstuðning vegna afleysingaþjónustu fyrir bændur sem veikjast af kórónuveirunni og geta af þeim sökum ekki sinnt bústörfum. Samkomulagið er afturvirkt frá 15. mars og gildir til og með 31. maí næstkomandi. Samkvæmt samkomulaginu geta bændur sem veikjast af veirunni ráðið til sín starfsfólk sem verktaka til að sinna afleysingum, að hámarki í 14 daga.
Fréttir | 01. apríl 2020 - kl. 18:23
Frá félagsmálastjóra A-Hún.
Hollvinasamtök Heilbrigðisstofnunarinnar á Blönduósi brugðust við ákalli félagsmálastjóra A-Hún. um afnot af spjaldtölvum með því að færa Hnitbjörgum að gjöf spjaldtölvu og heyrnatól fyrir íbúa. Er það von Hollvinasamtakanna að búnaðurinn komi að góðum notum fyrir heimilisfólkið, svo það geti haft samband við ættingja og vini með myndsamtölum, sér á lagi á meðan heimsfaraldur Covid-19 gengur yfir.
Pistlar | 01. apríl 2020 - kl. 16:17
Eftir Sigurbjörn Þorkelsson
Kærleikans vinir! Það verður nú yfirleitt allt eitthvað svo miklu betra þar sem þið komið við og leggið lið. Því við þurfum himnesk hjörtu fyllt ástríðu og köllun, andagift og krafti, kærleikans hugsjón með von og trú á lífið til að tala samstöðu og kjark inn í harðan heim. Þess vegna getur þín fagra nærvera verið eins og faðmlag Guðs. Fegurðin er himneskt lífsins leyndarmál. Í gegnum hana geislar Guðs um sálirnar leika.
Mynd: AST Norðurland vestra
Mynd: AST Norðurland vestra
Fréttir | 01. apríl 2020 - kl. 15:53
vegna Covid-19
Aðgerðastjórn almannavarna á Norðurlandi vestra hefur birt fjölda þeirra sem eru í einangrun, sóttkví og hafa lokið sóttkví í umdæminu í dag, skipt eftir póstnúmerum. Þar kemur fram að 28 einstaklingar eru í einangrun, 25 í Húnaþingi vestra og þrír á Sauðárkróki. Í sóttkví eru 160 einstaklingar og 300 hafa lokið sóttkví. Flestir eru í sóttkví í Húnaþingi vestra eða 75 og þar hafa einnig flestir lokið sóttkví eða 232.
 
Prenta Prenta  
 
Til baka
 
Húsfrúin
04. febrúar 2020
Róbinson Krúsó meðferðin
Við getum flest verið sammála um að jákvæð hugsun sé forsenda þess að samþykkja það að jákvæðni auki líkurnar á skilningi og að skilningur sé ein helsta breytan í góðum mannlegum samskiptum.
::Lesa
Spaugið
04. febrúar 2020
Sherlock og Watson
Sherlock Holmes og Dr. Watson fóru í útilegu. Eftir að hafa gætt sér á góðum mat og drukkið flösku af víni, bjuggu þeir um sig og fóru að sofa.
::Lesa

©2020 Húnahorniđ