Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Föstudagur, 28. febrúar 2020
ASA  5 m/s
C
Olís
huni.is - RSS-efnisveita
 
Febrúar 2020
SMŢMFFL
2627282930311
2345678
9101112131415
16171819202122
23242526272829
FyrriNúnaNćsti
Veðurstofa Íslands
Blönduós 12:00 ASA 5  1°C
Þverárfjall 12:00 A 10  -4°C
Vatnsskarð 12:00 A 18 -4°C
Brúsastaðir 12:00 ASA 19 0°C
Haugur 12:00 A 14  -1°C
Holtavörðuh 12:00 N 6  -3°C
Laxárdalshe 12:00 ANA 15 -2°C
Reykir í Hr 12:00 ASA 12  0°C
Reykjavík 12:00 A 5  0°C
Akureyri - 12:00 ASA 5  -1°C
Egilsstaðaf 12:00 A 4  0°C
Vegagerðin
Holtavörđuh. 12:40 NNA 8 -4°C
Laxárdalsh. 12:40 ANA15 -3°C
Vatnsskarđ 12:40 A17 -4°C
Ţverárfjall 12:40 11.86 0°C
Kjalarnes 12:40 A 14 1°C
Hafnarfjall 12:40 A 9 2°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. febrúar 2020
Gangstéttamokarinn
Það er vel að heiðrinum komið fólkið í Björgunarfélaginu Blöndu, sem lesendur Húnahornsins kusu sem “fólk ársins 2019” og tók við viðurkenningu á þorrablótinu á Blönduósi.
::Lesa

Northwest.is


SSNV

Leita í netfangaskrá
 
Eftir Gunnar Tryggva Halldórsson
14. febrúar 2020
Eftir Inga Heiðmar Jónsson
06. febrúar 2020
Eftir Sigurbjörn Þorkelsson
01. febrúar 2020
Eftir Gunnar Rúnar Kristjánsson
22. janúar 2020
Eftir Sigurbjörn Þorkelsson
20. janúar 2020
Eftir Inga Heiðmar Jónsson
18. janúar 2020
Eftir Arnheiði Jóhannsdóttur
15. janúar 2020
Eftir Sigurbjörn Þorkelsson
08. janúar 2020
Pistlar | 20. janúar 2020 - kl. 09:12
Ég á líf
Eftir Sigurbjörn Þorkelsson

Það eru ekki alltaf jólin. Að þeim tíma loknum tekur við árstími sem sumir eiga erfitt með að höndla í myrkrinu. Að þreyja þorrann og góuna fram á vorið reynist sumum erfitt. Kvíði magnast hjá mörgum eftir hátíðarnar af því að fólk veit ekki hvað verður eða hverju það má eiga von á.

Mundu þá að innra með þér býr lítið ljós. Veikburða logi sem þó aldrei verður slökktur, sama hvað. Mundu líka að í augum Guðs ert þú ekki eitthvað sem var. Heldur verðmæti sem eru og munu verða. Eilífðar verðmæti.

Ævigangan er eitthvað svo ófyrirsjáanleg. Það er þó gott að geta horft á lífið sem spennandi framhaldssögu, þótt við vitum ekki hvert það leiði okkur. Lífið er nefnilega svalt ævintýri sem oft tekur óvænta stefnu. Þar sem skuggar, dimma og kuldi takast á við ljósið, vonina og birtuna, væntingar og vorið.

Lífið getur sannarlega á sundum verið nokkuð svalt. Jafnvel býsna napurt og oft æði kalt. En þótt suma daga það kunni að vera ferlegt púl, heldur napurt og lundin fúl. Þá koma sannarlega líka dagar sem það er bara alveg ferlega hipp og kúl.

Lífið er nefnilega eins og gimsteinn okkur af Guði gefinn. Partur af auðlegð himinsins. Eilíf perla sem okkur er ætlað að annast af nærgætni, pússa og gæta dag hvern uns yfir lýkur.

Ég held að málið sé nefnilega að uppgötva og átta sig á því að við höfum verið valin í lið lífsins. Og hefur þú gert þér grein fyrir að þú ert í sigurliðinu?

Í því hlýtur að vera fólgin ögrun sem hefur á okkur mótandi áhrif sem fá okkur til að leggja okkur fram til að þjóna lífinu og liðinu sem við höfum verið í. Áskorun sem leiðir til þakklætis í kærleika, friðar og aga. Höfum hins vegar hugfast að við eru kölluð í lið lífsins sem leikmenn en ekki sem dómarar.

Hvað veist þú annars merkilegra en það að vera valin í lið lífsins og fá að spila með til sigurs? Og þótt einstaka viðureignir kunni að tapast, mun liðið að lokum standa uppi sem sigurvegari.

Látum því lífið ekki úr greipum okkar renna eins og sand sem fýkur út í loftið og verður viðskila við sjálfan sig og tilgang sinn.

Lof sé Guði fyrir lífið, óendanlega elsku hans og trúfesti sem nær langt út yfir gröf og dauða. Já, dýrð sé Guði sem kom til að frelsa okkur og gera okkur að erfingjum eilífðarinnar.

Með hjartans þakklæti, kærleiks- og friðarkveðju.

- Lifi lífið!

Höfundur er ljóðskáld og rithöfundur og aðdáandi lífsins.

Höf. rzg
Ljósm: stjornarradid.is
Ljósm: stjornarradid.is
Fréttir | 28. febrúar 2020 - kl. 12:35
Jarðstrengjavæðingu dreifikerfis raforku verður flýtt um áratug samkvæmt tillögum átakshóps ríkisstjórnarinnar um úrbætur í innviðum sem kynntar voru í morgun. Hópurinn var skipaður í kjölfar fárviðrisins sem gekk yfir landið í desember síðastliðnum. Samkvæmt núverandi áætlunum lýkur jarðstrengjavæðingunni eftir 15 ár eða árið 2035. Lagt er til að verkið verði unnið þrefalt hraðar eða á fimm árum. Því verði þannig að mestu lokið 2025.
Glaðheimar
Ánægja með nýja bókasafnið. Ljósm: hofdaskoli.is
Ánægja með nýja bókasafnið. Ljósm: hofdaskoli.is
Fréttir | 28. febrúar 2020 - kl. 12:28
Síðastliðið haust fagnaði Höfðaskóli á Skagaströnd 80 ára afmæli. "Það hefur lengi verið draumur nemenda og starfsfólks að taka bókasafn skólans í gegn, kaupa þar inn ný húsgögn og gera það eftirsóknarverðara fyrir nemendur. Sá draumur varð að veruleika þegar Sveitarfélagið Skagaströnd gaf skólanum ný húsgögn á bókasafnið í afmælisgjöf. Þessi gjöf var kærkomin og mun nýtast okkur vel. Takk kærlega fyrir okkur," segir á vef Höfðaskóla.
Fréttir | 28. febrúar 2020 - kl. 12:18
Samtök sveitarfélaga á Norðurlandi vestra stóðu í gær fyrir vefráðstefnunni Er vinnustaður bara hugarástand en hún var hluti af norðurslóðaverkefninu Digi2Market sem eflir dreifðari byggðir með nýtingu stafrænna lausna. Markmið SSNV með ráðstefnunni var að vekja athygli einstaklinga, fyrirtækja, sveitarfélaga og annarra hagsmunaaðila á tækifærum skrifstofusetra, að því er segir á vef samtakanna.
Sameining A-Hún
Fréttir | 27. febrúar 2020 - kl. 14:58
Á næstu vikum verða haldnar vinnustofur á Norðurlandi sem miða að því að styrkja samstarf milli framleiðenda og þeirra sem selja veitingar og matvæli á Norðurstrandarleiðinni. „Taste the Arctic Coast Way“ er vinnuheiti á verkefni þar sem áhersla er lögð á að gefa gestum Norðurstrandarleiðar tækifæri til að njóta matar úr héraði sem er framleiddur í hæsta gæðaflokki. Til að mæta væntingum gesta er markmið verkefnisins að styrkja fyrirtæki og framleiðendur á svæðinu með áherslu á staðbundin matvæli og hráefni, ýta undir árstíðabundnar áherslur í matargerð og auka sjálfbærni.
Fréttir | 26. febrúar 2020 - kl. 12:43
Listamenn febrúar mánaðar hjá Nesi listamiðstöð að Fjörubraut 8 á Skagaströnd bjóða til opins húss í dag klukkan 16:30-18:30. Listamennirnir eru Marie-France De Saint Mathieu, Alex Kahler, Janette Kerr, John Mulvany, Sue Ninham, Sarah Osbourne, David Sappa og Suzanne Yeremyan. „Það hafa verið stormasamar vikur og hafa listamennirnir brugðist við óveðrinu með því að búa til teikningar, málverk, hryllingsskáldsögur og skúlptúra úr steinum og ís,“ segir í auglýsingu frá listamiðstöðinni. Allir eru velkomnir.
Tilkynningar | 26. febrúar 2020 - kl. 10:35
Starfsfólk vantar við Höfðaskóla á Skagaströnd frá og með 1. ágúst 2020. Laus er 100% staða umsjónarkennara á unglingastigi, starf sem snýr að teymiskennslu og er ráðið til eins árs. Lausar eru tvær 100% stöður umsjónarkennara á miðstigi, starf sem snýr að teymiskennslu. Ein staða er laus við frístund, um er að ræða 50% stöðu þar sem vinnutími er frá 12-16. Þá er ein 80% staða skólaliða laus. Umsóknarfrestur er til miðnættis 17. mars 2020. Aðstoðað verður við leit að húsnæði sé þess óskað.
Tilkynningar | 25. febrúar 2020 - kl. 19:40
Tilkynning frá stjórn
Aðalfundur frjálsíþróttadeildar Hvatar verður haldinn mánudaginn 9. mars næstkomandi klukkan 20:00 í norðursal Íþróttamiðstöðvarinnar á Blönduósi. Á dagskrá eru venjuleg aðalfundarstörf.
Tilkynningar | 25. febrúar 2020 - kl. 14:48
Frá Félags- og skólaþjónustu A-Hún.
Laus er til umsóknar íbúð á Hnitbjörgum á Blönduósi. Hnitbjörg er kjarni tíu íbúða fyrir aldraða í sjálfstæðri búsetu. Um er að ræða tveggja herbergja íbúð á 1. hæð, útgengt er í sólskála og út á verönd. Félagsstarf aldraðra er í húsinu yfir vetrarmánuðina. Íbúðin verður laus til afhendingar 1. apríl 2020 en umsóknarfrestur rennur út 4. mars 2020. Sótt er um á sérstökum eyðublöðum sem aðgengileg eru á vefnum eða á skrifstofu Félags- og skólaþjónustu A-Hún, Flúðabakka 2, Blönduósi.
Tilkynningar | 25. febrúar 2020 - kl. 12:07
Tilkynning frá stjórn knattspyrnudeildar
Hvatarkrakkar ganga í hús og safna dósum og flöskum næstkomandi fimmtudag, 27. febrúar, söfnunin hefst kl. 18:00. Það má endilega skilja poka eftir út við götu ef þið verðið ekki heima.
Fréttir | 25. febrúar 2020 - kl. 10:50
Á þessu ári eru 50 ár liðin frá formlegri vígslu Húnavallaskóla. Af því tilefni verður efnt til hátíðardagskrár laugardaginn 6. júní í sumar. Fyrrum nemendum, starfsfólki og velunnurum skólans er boðið. Dagskráin hefst klukkan 14 og endar á hátíðarkvöldverði og skemmtidagskrá um kvöldið. Í auglýsingu frá afmælisnefndinni eru áhugasamir vinsamlegast beðnir um að skrá þátttöku í kvöldverðinn fyrir 25. maí og þá er fyrrum nemendur og starfsfólk beðið um að senda myndir frá tíma þeirra í skólanum.
Fréttir | 25. febrúar 2020 - kl. 09:08
Gul veðurviðvörun er nú í gildi á Norðurlandi vestra og nær hún til klukkan 20 í kvöld. Veðurstofan spáir norðaustan 13-18 metrum á sekúndu og snjókomu á Tröllaskaga og á Ströndum, en úrkomuminni annars staðar. Búast má við skafrenningi og lélegu skyggni og versnandi akstursskilyrðum. Samgöngutruflanir eru líklegar. Vetrarfærð er í öllum landshlutum.
Fréttir | 24. febrúar 2020 - kl. 14:38
Samtök sveitarfélaga á Norðurlandi vestra standa fyrir vefráðstefnu næstkomandi fimmtudag, 27. febrúar klukkan 10, um tækifæri dreifðra byggða þegar kemur að svokölluðum skrifstofusetrum (e.coworking space). Ráðstefnan, sem nefnist Er vinnustaður bara hugarástand? er hluti af verkefninu Digi2Market sem styrkt er af Norðurslóðaáætlun. Í auglýsingu frá SSNV segir að meðal aðgerða í gildandi byggðaáætlun sé gert ráð fyrir að 10% allra auglýstra starfa í ráðuneytum og stofnunum þeirra verði án staðsetningar árið 2024, þannig að búseta hafi ekki áhrif við val á starfsfólki.
Tilkynningar | 24. febrúar 2020 - kl. 11:01
Frá Stéttarfélaginu Samstöðu
Stjórn og trúnaðarráð Stéttarfélagsins Samstöðu samþykkti á fundi sínum þann 20. febrúar síðastliðinn, tillögu uppstillingarnefndar, að framboði til stjórnarkjörs í félaginu í þau embætti sem kjósa á um í ár, samkvæmt lögum félagsins. Skila skal framboðum til stjórnarkjörs í Stéttarfélaginu Samstöðu árið 2020, ásamt meðmælum að minnsta kosti 30 fullgildra félagsmanna, á skrifstofu Stéttafélagsins Samstöðu, Þverbraut 1, 540 Blönduósi, merkt Kjörstjórn, fyrir kl. 16.00 þann 10.mars 2020.
Eyjólfur og Adolf við undirritunina. Ljósm: Aðsend.
Eyjólfur og Adolf við undirritunina. Ljósm: Aðsend.
Fréttir | 24. febrúar 2020 - kl. 09:22
Adolf Berndsen, stjórnarformaður BioPol á Skagaströnd, og Eyjólfur Guðmundsson, rektor Háskólans á Akureyri, endurnýjuðu í síðasta mánuði samstarfssamning milli stofnananna til næstu fimm ára en þær hafa átt í farsælu samstarfi frá árinu 2007. Sjávarlíftæknisetrið BioPol sem stofnað var á Skagaströnd í september 2007 hefur unnið að fjölbreyttum verkefnum sem meðal annars hafa miðað að því að kortleggja vannýtt tækifæri, til verðmætasköpunar, innan íslensks sjávarútvegs.
 
Prenta Prenta  
 
Til baka
 
Húsfrúin
04. febrúar 2020
Róbinson Krúsó meðferðin
Við getum flest verið sammála um að jákvæð hugsun sé forsenda þess að samþykkja það að jákvæðni auki líkurnar á skilningi og að skilningur sé ein helsta breytan í góðum mannlegum samskiptum.
::Lesa
Spaugið
04. febrúar 2020
Sherlock og Watson
Sherlock Holmes og Dr. Watson fóru í útilegu. Eftir að hafa gætt sér á góðum mat og drukkið flösku af víni, bjuggu þeir um sig og fóru að sofa.
::Lesa

©2020 Húnahorniđ