Fyrri mynd
Nćsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Húnahornið
Open Menu Close Menu
Húnahornið
Mánudagur, 28. september 2020
n/a  n/a m/s
C
Olís
huni.is - RSS-efnisveita
 
September 2020
SMÞMFL
303112345
6789101112
13141516171819
20212223242526
27282930123
FyrriNúnaNæsti
Veðurstofa Íslands
Vegagerðin
Holtavörðuh. 01:10 NNV 7 3°C
Laxárdalsh. 01:10 SV 0 4°C
Vatnsskarð 01:10 NV 2 4°C
Þverárfjall 01:10 N 5 2°C
Kjalarnes 01:10 NNV 5 7°C
Hafnarfjall 01:10 N 5 7°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
06. september 2020
Sumri hallar hausta fer
Ljúft, en um margt óvenjulegt sumar er senn á enda runnið og veturinn farinn að minna á sig með hvíta fjallatoppa. Ennþá getum við þó vonast eftir fallegum sólskinsdögum ef við erum heppin.
::Lesa

SSNV

Leita í netfangaskrá
 
Eftir Sigurbjörn Þorkelsson
25. september 2020
Eftir Sigurbjörn Þorkelsson
22. september 2020
Eftir Inga Heiðmar Jónsson
19. september 2020
Eftir Björk Bjarnadóttur
18. september 2020
Eftir Svölu Runólfsdóttur héraðsskjalavörð
02. september 2020
Eftir Inga Heiðmar Jónsson
31. ágúst 2020
Eftir Inga Heiðmar Jónsson
26. ágúst 2020
Eftir Unni Valborgu Hilmarsdóttur
26. ágúst 2020
Norðurland vestra
Norðurland vestra
Fréttir | 21. janúar 2020 - kl. 10:49
Sveitarfélög á Norðurlandi vestra á móti frumvarpi um Hálendisþjóðgarð

Húnavatnshreppur, Húnaþing vestra, Sveitarfélagið Skagafjörður og Akrahreppur hafa sent sameiginlega umsögn við frumvarp til laga um Hálendisþjóðgarð inn í Samráðsgátt stjórnvalda. Sveitarfélögin eru landstór og liggja mörk þeirra á Langjökul, Hofsjökul og Kjöl og ná yfir víðáttumikil landsvæði innan miðhálendisins. Málefnið varðar sveitarfélögin og íbúa þess miklu og leggjast þau gegn framgangi frumvarpsins í núverandi mynd.

Í umsögninni leggja sveitarfélögin til að íslenska ríkið vinni að friðun svæða á miðhálendinu í samráði við einstök sveitarfélög og stefnu þeirra um landnotkun sem birtist í aðalskipulagi. Og að ekki verði önnur svæði lögð inn í þjóðgarð en þau sem sveitarfélög samþykki. Í umsögninni segir að tillögur um stofnun miðhálendisþjóðgarðs hafi verið unnar á eðlilegs samráðs og undirbúnings á lýðræðislegum vattvangi. „Í ljósi aðkomu sveitarfélaga að málefnum miðhálendisins, þekkingar þeirra og nálægðar sætir furðu út frá sjónarmiðum um gæði stjórnsýslu og stjórnunar að æskilegt þyki að fella 30-40% landsins undir miðstýrð stjórnvöld ríkisins,“ segir í umsögninni.

Þá telja sveitarfélögin óvissu ríkja um fjármögnun Hálendisþjóðgarðs og háttu á að þjóðgarðsstofnun leiði til stöðnunar á nauðsynlegri innviðauppbyggingu á þjóðgarðssvæði. Telja þau óásættanlegt að skipulagsvald, sem sé þýðingarmesta tæki sveitarfélaga til að hafa áhrif á þróun byggðar og landnotkunar út frá hagsmunum samfélagsins, yrði nánast fellt niður á þjóðgarðssvæði, samanber framvarpsákvæði um bindandi þýðingu verndar- og stjórnunaráætlana þjóðgarða.

Sjá má sameiginlegu umsögnina hér.

Stöðugt vegið að sjálfstæði landsbyggðarsveitarfélaga
Með sameiginlegu umsögninni í Samráðsgáttinni fylgja umsagnir og bókanir hvers sveitarfélags fyrir sig. Í umsögn Húnavatnshrepps segir að sveitarstjórn telji það ekki ásættanlegt að stjórn og umráð yfir 40% Íslands verði í höndum fárra aðila. Stöðugt sé vegið að sjálfstæði landsbyggðarsveitarfélaga og þeim ekki treyst fyrir því landsvæði sem sé innan þeirra sveitarfélagsmarka.

„Í ljósi þeirrar reynslu sem komin er á rekstur þjóðgarða á Íslandi má glöggt sjá að mjög víða er pottur brotinn t.d. í viðhaldi vega, fráveitumálum og merkingum svo eitthvað sé nefnt. Ljóst er að mörg stór verkefni sem útheimta mikið fjármagn bíða framkvæmda í þjóðgörðum landsins,“ segir í umsögninni.

Sveitarstjórn Húnavatnshrepps fær ekki séð hvernig ríkinu ætlar að takast að halda utanum, sinna og fjármagna öll þau stóru verkefni sem munu bætast við, verði miðhálendisþjóðgarður að veruleika. Allvíða á hálendinu þar sem ekki séu þjóðgarðar sé þegar mjög vel haldið á málum.

Sveitarstjórn Húnavatnshrepps leggst þannig alfarið gegn áformum um stofnun miðhálendisþjóðgarðs sem kynnt hafa verið sveitarfélögum á umliðnum vikum.

Sjá má umsögn Húnavatnshrepps hér.

Höf. rzg
Fréttir | 26. september 2020 - kl. 16:28
Dómsmálaráðuneytið auglýsir laust til umsóknar embætti sýslumannsins á Norðurlandi vestra. Á vef Stjórnarráðsins segir að sýslumenn fari með framkvæmdarvald og stjórnsýslu ríkisins í héraði, hver í sínu umdæmi, eftir því sem lög og reglugerðir eða önnur stjórnvaldsfyrirmæli kveði á um. Auk hefðbundinna verkefna sýslumannsembætta þá annist Sýslumaðurinn á Norðurlandi vestra framkvæmd laga um sjóði og stofnanir sem starfi samkvæmt staðfestri skipulagsskrá og rekstri innheimtumiðstöðvar.
Lífland útsala
Fréttir | 26. september 2020 - kl. 16:03
Sameiginlegt lið Kormáks og Hvatar tók á móti Íþróttafélagi Hafnarfjarðar á Blönduósvelli í dag í undanúrslitum 4. deildar Íslandsmótsins í knattspyrnu karla. ÍH skoraði fyrsta mark leiksins á 18. mínútu og staðan í hálfleik 0-1. Ingvi Rafn Ingvarsson jafnaði leikinn fyrir Kormák/Hvöt á 54. mínútu og ekki urðu mörkin fleiri. Liðin sættust því á jafnan hlut í dag en seinni leikur liðanna í undanúrslitunum fer fram í Hafnarfirði næstkomandi miðvikudag.
Arion banki
Tilkynningar | 26. september 2020 - kl. 11:42
Frá Skagastrandarprestakalli
Kæru vinir, í ljósi aukinna smita undanfarið höfum við í kirkjunni tekið þá ákvörðun að fresta að sinni hefðbundinni messu. Við lítum svo á að það sé óábyrgt að boða til samverustundar með fullorðnum safnaðarmeðlimum og kórfólki. Við erum ennþá að læra að lifa með Covid-19. En við ætlum að hafa sunnudagaskóla, sem verður með hefðbundnu sniði. Við biðjum fallegra bæna, syngjum, hlustum á Biblíusögu og sjáum leikrit.
Glaðheimar
Fréttir | 26. september 2020 - kl. 11:29
Tveir eru nú í einangrun á Norðurlandi vestra vegna COVID-19 smits og þrír eru í sóttkví, samkvæmt nýjum upplýsingum á covid.is. Þar kemur fram að í gær hafi 38 kórónuveirusmit greinst innanlands, þar af 28 í einkennasýnatökum og 10 í sóttkvíar- og handahófsskimunum. Fimmtíu og þrjú prósent þeirra sem greindust voru í sóttkví við greiningu eða 20 manns.
Mynd: birkiskogur.is
Mynd: birkiskogur.is
Fréttir | 26. september 2020 - kl. 09:49
Skógræktin og Landgræðslan taka nú höndum saman og óska eftir stuðningi landsmanna við að breiða birkiskóga landsins út. Hafið er átak við að safna birkifræi sem verður dreift á völdum beitarfriðuðum svæðum í öllum landshlutum. Hugmyndin er að almenningur og hópar vítt og breitt um landið safni birkifræi í nágrenni sínu eða í völdum birkiskógum í sínum landshluta.
Samsett mynd. Myndir frá fotbolti.net
Samsett mynd. Myndir frá fotbolti.net
Fréttir | 25. september 2020 - kl. 13:43
Á vef Skagastrandar er sagt frá því að fjórir afburða leikmenn íslenska kvennalandsliðsins í knattspyrnu eigi rætur að rekja til staðarins. Það eru þær Berglind Björg Þorvaldsdóttir, Glódís Perla Viggósdóttir, Sonný Lára Þráinsdóttir og Sveindís Jane Jónsdóttir.
Skjáskot af ruv.is
Skjáskot af ruv.is
Fréttir | 25. september 2020 - kl. 13:10
Lögreglustjórinn á Norðurlandi vestra, Stefán Vagn Stefánsson, vonast til að fá sérþjálfaða COVID-leitarhunda til landsins, gefi þeir góða raun erlendis. Segir hann í samtali við Ríkisútvarpið að lögreglan sé í stöðugu sambandi við stofnanir í Bretlandi sem þjálfi hunda og rannsaki hvort þeir geti orðið að liði í greiningu kórónuveirusýna. Samkvæmt fréttum frá Finnlandi benda fyrstu niðurstöður til þess að hundar geti greint jákvæð sýni með um 90 prósenta nákvæmni en COVID-leitarhundar tóku til starfa á flugvellinum í Helsinki í Finnlandi í fyrradag.
Pistlar | 25. september 2020 - kl. 13:08
Eftir Sigurbjörn Þorkelsson
Náð Guðs og friður sé með okkur öllum í dag og alla daga. "Guð er andi, og þeir sem tilbiðja hann, eiga að tilbiðja í anda og sannleika." (Jóhannesarguðspjall 4:24) "Í upphafi var Orðið og Orðið var hjá Guði og Orðið var Guð. Hann var í upphafi hjá Guði. Allt varð til fyrir hann, án hans varð ekki neitt sem til er. Í honum var líf og lífið var ljós mannanna. Ljósið skín í myrkrinu en myrkrið tók ekki á móti því.
Sameining A-Hún
Fréttir | 24. september 2020 - kl. 16:21
Á aðalfundur kjördæmisráðs Samfylkingarinnar í Norðvesturkjördæmi sem haldinn var í Borgarnesi 13. september síðastliðinn var samþykkt stjórnmálaályktun. Í henni segir m.a. að algjört forgangsatrið sé að tryggja samfélagslegan arð af auðlindum þjóðarinnar þar sem fullt gjald komi fyrir afnotin og að stuðla þurfi að sjálfbæru landbúnaðarkerfi sem auki hagkvæmni í framleiðslu landbúnaðarafurða og tryggi þannig aukna verðmætasköpun. Þá leggur Samfylkingin í Norðvesturkjördæmi þunga áheslu á tafarlausar umbætur í samgöngumálum.
Tilkynningar | 24. september 2020 - kl. 08:10
Frá velunnurum
Við sem búum á þessu svæði höfum verslun sem hefur þjónað okkur ansi lengi. Það er Kjörbúðin okkar. Viljum við ekki örugglega hafa hana áfram? Hún sér okkur ekki bara fyrir nauðsynjavörum heldur skapar hún líka mörg störf. Þegar ferðamaðurinn hverfur er ennþá nauðsynlegra að við sem búum á þessu svæði VERSLUM Í HEIMABYGGÐ.
Fréttir | 23. september 2020 - kl. 20:37
Sameiginlegt lið Kormáks og Hvatar tók á móti Knattspyrnufélagi Ásvalla á Blönduósvelli klukkan 16 í dag. Leikurinn var síðari viðureign liðanna í úrslitakeppni 4. deildar en fyrri leiknum lauk með jafntefli 2-2 í Hafnarfirði síðastliðinn laugardag. Strax á 6. mínútu skoraði Oliver James Kelaart Torres fyrir heimamenn og varð það eina mark leiksins. Kormákur/Hvöt er því komið áfram í úrslitakeppninni og mætir Íþróttafélagi Hafnarfjarðar í næstu umferð.
Skjáskot af N4
Skjáskot af N4
Fréttir | 23. september 2020 - kl. 13:24
Norðlenska sjónvarsstöðin N4 var á ferðinni í Húnavatnshreppi nýverið. Sjónvarpsfólkið kom við á Húnavöllum, heimsótti Húnavallaskóla og ræddi við Einar Kristján Jónsson, sveitarstjóra sveitarfélagsins um rafhleðslustöðvar. Rætt er við Sigríði Bjarneyju Aadnegard, skólastjóra Húnavallaskóla og stærðfræðikennarana Kristínu Jónu Sigurðardóttur og Jóhönnu Stellu Jóhannsdóttur, um tungumál stærðfræðinnar og stærðfræðispjalli, en það er aðferð sem notuð er í skólanum til að tala um stærðfræði.
Skjáskot af N4.
Skjáskot af N4.
Fréttir | 23. september 2020 - kl. 13:02
Mikið starf hefur verið unnið í kirkjugarðinum á Blönduósi undanfarin þrjú ár sem vakið hefur verðskulda athygli víða, m.a. hjá norðlensku sjónvarpsstöðinni N4 sem tók nýlega tal af Valdimari Guðmannssyni, formanni kirkjugarðsráðs. Veðrið var ekki upp á sitt vesta þegar sjónvarpsfólkið mætti á Blönduós og því fór viðtalið fram í kúluhúsi Valdimars sem staðsett er í garðinum hans en ekki í kirkjugarðinum eins og til stóð.
Tilkynningar | 23. september 2020 - kl. 09:28
Tilkynning frá HSN
HSN á Blönduósi vill ítreka við þá sem koma til okkar að mæta með maska, mæta á réttum tíma og virða fjarlægðarmörk.
 
Prenta Prenta  
 
Til baka
 
Húsfrúin
04. febrúar 2020
Róbinson Krúsó meðferðin
Við getum flest verið sammála um að jákvæð hugsun sé forsenda þess að samþykkja það að jákvæðni auki líkurnar á skilningi og að skilningur sé ein helsta breytan í góðum mannlegum samskiptum.
::Lesa
Spaugið
04. febrúar 2020
Sherlock og Watson
Sherlock Holmes og Dr. Watson fóru í útilegu. Eftir að hafa gætt sér á góðum mat og drukkið flösku af víni, bjuggu þeir um sig og fóru að sofa.
::Lesa

©2020 Húnahornið