Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Föstudagur, 28. febrúar 2020
SA  7 m/s
C
Olís
huni.is - RSS-efnisveita
 
Febrúar 2020
SMŢMFFL
2627282930311
2345678
9101112131415
16171819202122
23242526272829
FyrriNúnaNćsti
Veðurstofa Íslands
Blönduós 10:00 SA 7  0°C
Þverárfjall 10:00 A 8  -4°C
Vatnsskarð 10:00 A 16 -4°C
Brúsastaðir 10:00 A 19 0°C
Haugur 10:00 A 10  -2°C
Holtavörðuh 10:00 ASA 5  -2°C
Laxárdalshe 10:00 NA 13  -4°C
Reykir í Hr 10:00 ANA 6  -1°C
Reykjavík 10:00 A 7  0°C
Akureyri - 10:00 ASA 6  -2°C
Egilsstaðaf 10:00 A 4  0°C
Vegagerðin
Holtavörđuh. 10:40 NNV 4 -4°C
Laxárdalsh. 10:40 ANA 14 -4°C
Vatnsskarđ 10:40 A15 -4°C
Ţverárfjall 10:40 12.61 0°C
Kjalarnes 10:40 A 12 1°C
Hafnarfjall 10:40 NNA 7 1°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. febrúar 2020
Gangstéttamokarinn
Það er vel að heiðrinum komið fólkið í Björgunarfélaginu Blöndu, sem lesendur Húnahornsins kusu sem “fólk ársins 2019” og tók við viðurkenningu á þorrablótinu á Blönduósi.
::Lesa

Northwest.is


SSNV

Leita í netfangaskrá
 
Eftir Gunnar Tryggva Halldórsson
14. febrúar 2020
Eftir Inga Heiðmar Jónsson
06. febrúar 2020
Eftir Sigurbjörn Þorkelsson
01. febrúar 2020
Eftir Gunnar Rúnar Kristjánsson
22. janúar 2020
Eftir Sigurbjörn Þorkelsson
20. janúar 2020
Eftir Inga Heiðmar Jónsson
18. janúar 2020
Eftir Arnheiði Jóhannsdóttur
15. janúar 2020
Eftir Sigurbjörn Þorkelsson
08. janúar 2020
Pistlar | 22. janúar 2020 - kl. 21:23
Hugsað.....Hugsað upphátt
Eftir Gunnar Rúnar Kristjánsson

Ég hef í gegnum árin oft hugsað um afhverju sveitarfélög í Austur-Húnavatnssýslu væru ekki löngu búin að sameinast.

Það gladdi mig mjög í sumarlok 2017 að lesa yfirlýsingar frá sveitarfélögunum fjórum, sem samþykktar voru í sveitarstjórnum, að stofna nefnd er hefði það að markmiði að sameina Austur-Húnavatnssýslu í eitt sveitarfélag. Orðalag hverrar tillögu sem samþykktar voru á sveitarstjórnar- og bæjarstjórnarfundum man ég ekki en inntakið var sameining sveitarfélagana.

Sameiningarnefndin tók til starfa og unnið var mjög ötullega í málinu fyrstu fjóra mánuði ársins 2018. Ráðgjafarfyrirtækið Ráðrík ehf. var ráðið til verksins. Ráðrík hélt fundi með sameiningarnefnd og framkvæmdarráði hennar svo og félagasamtökum. Ráðrík heimsótti fyrirtæki og stofnanir á svæðinu, vann úr gögnum frá sveitarfélögunum sem og öðrum opinberum aðilum. Áfangaskýrslu var skilað til sameiningarnefndar 1. mars 2018. Ráðrík stóð í apríl fyrir fjórum fundum með íbúum sveitarfélaganna þar sem fram hvað skipti mestu fyrir íbúa A-Hún.

Svo var kosið til sveitarstjórnarkosninga. Í undanfara þeirra fannst mér lítið eða ekkert koma fram á framboðslistum um þeirra stefnu til sameiningar. Því var jafnvel haldið fram að kosningarnar snerust ekki um sameiningarmál. Eftir kosningarnar datt allt í dúnalogn. Nýjar sveitarstjórnir völdu sér fulltrúa í sameingarnefnd sem hélt sinn fyrsta fund 1. október, þar sem kosinn var formaður, varformaður og ritari. Á fundinum kynnti Guðný frá Ráðrík niðurstöður þeirrar vinnu. „Nokkrir fundarmenn tóku til máls undir þessum lið og lýstu afstöðu sinni til verkefnisins. Meðal annars kom fram að fundarmönnum finnst vantar heildar framtíðarsýn fyrir svæðið og að íbúar vita að hverju þeir ganga. Vinna þarf samfélagssáttmála fyrir svæðið áður en kosið er um sameiningu. Ennfremur þarf það að liggja fyrirhvernig ríkisvaldið ætlar að koma á móts við sveitarfélög sem eru að huga að sameiningu.[1]

Fundarmennirnir sem tóku til máls eru ekki nafngreindir. Mér finnst að þeir hafi ekki verið búnir að kynna sér vinnu Ráðríks áður en þeir létu þetta út úr sér. Hver leggur fram heildar framtíðaryfirsýn fyrir svæðið? Eru það ekki fulltrúar í sameingarnefnd og fulltrúar í sveitarstjórnum? Það er forvitnilegt að bera saman vinnubrögð við sameiningu sveitrfélaga sem hóf vinnu í lok árs 2018 við vinnubrögð vegna sameiningar sveitarfélaganna í A-Hún.

Á Austurlandi varð lögð fram spurningarkönnun í sveitarfélögunum sex sem vinna saman að félagsþjónustu og brunavörnum, þ.e. Borgarfjarðarhrepps, Djúpavogshrepps, Fljótsdalshrepps, Fljótsdalshéraðs, Seyðisfjarðarkaupstaðar og Vopnafjarðarhrepps. Fjögur sveitarfélög sýndu áhuga á að kanna kosti og galla sameiningar. Það er ekki annað að sjá en vinnan hafi farið strax af stað og unnið hefur verið ötulega af því síðan. Kosin var samstarfsnefnd á grundvelli 119. gr. Sveitarstjórnunarlaga.[2]

Með verkefnastjórn fór samstarfsnefndinn en hún réði til sín verkefnastjóra þá Róbert Ragnarsson og Pál Björgvin Guðmundsson (RR ráðgjöf). Skipaðir voru starfshópar utan um tiltekin verkefni, Fjármál og stjórnsýsla, Fræðslu- og félagsmál, Umhverfis- og skipulagsmál, Menningarmál, Íþrótta- og tómstundamál, Eignir, veitur og B hluta fyrirtæki, Atvinnulíf, innviðir og byggðaþróun. Í starfhópunum störfuðu aðalega starfsmenn sveitarfélaganna en einnig var áhugasömum  íbúum gefin kostur á að vinna með hópunum.

Samráðsnefndinn hélt sinn síðasta fund 1. október 2019. Gengið var til kosninga 26. október 2019 þar sem sameiningin var samþykkt í öllum sveitarfélögunum fjórum. Kosið verður til nýrrar sveitarstjórnar í apríl eftir páska á yfirstandandi ári. Ég bendi öllum að kynna sér efni heimasíðu sameiningar á Austurlandi www.svausturland.is.

Til er málsháttur (að ég held) sem segir „góðir hlutir gerast hægt“. Það er líka þekkt að mál, góð eða slæm, eigi það til að sofna í nefndum. Ég hef heyrt frá nokkrum aðilum að mál eins og sameining sveitarfélaga verði að vinna hratt annars er hætt við að áhugi þeirra sem vinna í verkefninu dofni, hlutir geta gleymst og vinnan farið fyrir ofan garð og neðan.

Ef við hverfum aftur til vinnubragða í A-Hún verður ekki séð annað en vinna er lögst í dvala skv. fundargerðum Samráðsnefndar og Framkvæmdaráðs. Það rifjast upp fyrir mér að í hádegisfréttum á annan dag jóla 2018 hafi Þorleifur Ingvarsson, formaður Sameiningarnefndar, sagt að útspil stjórnvalda geti haft úrslitaáhrif um hvort að sameingu verður eður ei. Þorleifur vill nú að stjórnvöld sýni á spilin og vitnaði til vilja Sigurðar Inga, Sveitarstjórnarráðherra, til fækkunar sveitarfélaga og að jöfnunarsjóður verði notaður til að ná þessu fram á næstu árum. Þá kom fram í fréttinni að Þorleifur telji að ekki verði haldinn fundur í Sameiningarnefndinni fyrr en þessi mál skýrist. Framkvæmdaráð muni vinna í því í janúar (2019) að það fáist við þessu skýr svör um fjárframlög frá Jöfnunarsjóði og að stjórnvöld sýni á spilin. Í viðtali á Rúv í janúar var ekki að heyra að Sigurður Ingi, Sveitastjórnarráðherra, hygðist sýna á spilin eða gefa út reglugerð þar sem fram kæmi breytt hlutverk jöfnunarsjóðs. Heyra mátti greinilega að það var þungt hljóðið í Sigurði Inga.

Næstu skref má lesa í fundargerð Sameiningarnefndar frá 4. feb. 2019 þar sem tekið er fram að ekki verði kosið um sameiningu sveitarfélagana í lok árs 2019. Sameiningarnefndin er sammála um að sameiningarkosningar fari fram 2020 0g í síðasta lagi 2021 þannig að ný sveitarstjórn taki við í eftir almennar sveitastjórnarkosningar 2022 verði sameiningartillagan samþykkt. Á þessum fundi kynntu Guðný og Svanfríður, báðar frá Ráðríku, drög af málefnasamningi og samfélagssáttmála. Mér er ekki kunnugt um að þetta hafi verið gert opinbert en það kann að vera.

Í síðustu fundargerðum frá Framkvæmdaráði frá 7. janúar kemur fátt nýtt fram sem ekki hefur verið tiundað í fyrri fundargerðum. Fundargerðin frá 12. júní greinir frá að boðar hefur verið til auka þings Samtaka íslenskra Sveitarfélaga. Í dag þekkjum við niðurstöðu aukaþingsins þar sem samþykkt var þingsályktunatillaga um stækkun sveitarfélaga þannig að þau verði með 250 íbúa í sveitarstjórnarkosningunum 2022 og 1000 íbúa frá sveitarstjórnarkosningum 2026. Jöfnunarsjóður mun leggja til fjármagn vegna þessarra verkefna.

Skagabyggð er með um 90 íbúa og verður að sameinast öðru sveitarfélagi, eða fjölga íbúm fyrir sveitastjórnarkosningarnar 2022. Takist það ekki verður Skagabyggð „þvingað“ til að sameinast sveitarfélagi sem ákveðið er af Sveitarstjórnarráðuneytinu. Þannig getur Sveitarstjórnarráðuneytið ákveðið að Skagabyggð sameinist Blönduósbæ. Það er ekki ólíklegt að Sveitarstjórnarráðuneytið velji þessa sameiningu því þá verður Blönduósbær með1000 íbúa. Húnavatnshreppur og Skagaströnd verða að leita eftir sameiningu við önnur sveitarfélög fyrir 2026. Þeim nægir ekki að sameinast. Náist ekki að sameinast öðrum sveitarfélögum er líklegt að þau verði sameinuð Blönduósbæ. Það er líka hugsanlegt að Húnavatnshreppur verði sameinaður Húnaþingi vestra.

Síðasti fundur Sameiningarnefndar var haldin 5. desember 2019. Verkefni þess fundar var að velja nýjan formann, en Þorleifur Ingvarsson hafði sagt sig úr nefndinni s.l. sumar. Jón Gíslason, oddviti Húnavatnshrepps, var valinn formaður. Þá var ákveðið að leita eftir samstarfi við RR ráðgjöf og Ráðrík ehf þökkuð unnin störf fyrir nefndina.

Nú þegar liggur fyrir Þingsályktunartillaga um stefnumótandi áætlun í málefnum sveitarfélaga, sem verður örugglega samþykkt á alþingi er ekkert til fyrirstöðu að vinda sér í vinnu um sameiningu sveitarfélaganna fjögurra. Ég fullyrði að ef vel er að verki staðið er hægt að kjósa um sameiningu á hausti komanda. Verði tillagan samþykt tel ég réttast að kjósa til nýrrar sveitarstjórnar vorið 2021. Þó svo að sú sveitarstjórn sæti aðeins í eitt ár verður vinnan að sameiningu sveitarfélagana komin af stað.

Hugsað upphátt í uphafi árs
Gunnar Rúnar Kristjánsson
Áhugamaður um sveitarstjórnarmál

  [1] 6. FUNDUR SAMEININGARNEFNDAR A-HÚN

[2] Sveitastjórnarlög nr 138, 28 sept. 2011, XII kafli samein ing sveitarfélaga

Höf. rzg
Fréttir | 27. febrúar 2020 - kl. 14:58
Á næstu vikum verða haldnar vinnustofur á Norðurlandi sem miða að því að styrkja samstarf milli framleiðenda og þeirra sem selja veitingar og matvæli á Norðurstrandarleiðinni. „Taste the Arctic Coast Way“ er vinnuheiti á verkefni þar sem áhersla er lögð á að gefa gestum Norðurstrandarleiðar tækifæri til að njóta matar úr héraði sem er framleiddur í hæsta gæðaflokki. Til að mæta væntingum gesta er markmið verkefnisins að styrkja fyrirtæki og framleiðendur á svæðinu með áherslu á staðbundin matvæli og hráefni, ýta undir árstíðabundnar áherslur í matargerð og auka sjálfbærni.
Glaðheimar
Fréttir | 26. febrúar 2020 - kl. 12:43
Listamenn febrúar mánaðar hjá Nesi listamiðstöð að Fjörubraut 8 á Skagaströnd bjóða til opins húss í dag klukkan 16:30-18:30. Listamennirnir eru Marie-France De Saint Mathieu, Alex Kahler, Janette Kerr, John Mulvany, Sue Ninham, Sarah Osbourne, David Sappa og Suzanne Yeremyan. „Það hafa verið stormasamar vikur og hafa listamennirnir brugðist við óveðrinu með því að búa til teikningar, málverk, hryllingsskáldsögur og skúlptúra úr steinum og ís,“ segir í auglýsingu frá listamiðstöðinni. Allir eru velkomnir.
Tilkynningar | 26. febrúar 2020 - kl. 10:35
Starfsfólk vantar við Höfðaskóla á Skagaströnd frá og með 1. ágúst 2020. Laus er 100% staða umsjónarkennara á unglingastigi, starf sem snýr að teymiskennslu og er ráðið til eins árs. Lausar eru tvær 100% stöður umsjónarkennara á miðstigi, starf sem snýr að teymiskennslu. Ein staða er laus við frístund, um er að ræða 50% stöðu þar sem vinnutími er frá 12-16. Þá er ein 80% staða skólaliða laus. Umsóknarfrestur er til miðnættis 17. mars 2020. Aðstoðað verður við leit að húsnæði sé þess óskað.
Sameining A-Hún
Tilkynningar | 25. febrúar 2020 - kl. 19:40
Tilkynning frá stjórn
Aðalfundur frjálsíþróttadeildar Hvatar verður haldinn mánudaginn 9. mars næstkomandi klukkan 20:00 í norðursal Íþróttamiðstöðvarinnar á Blönduósi. Á dagskrá eru venjuleg aðalfundarstörf.
Tilkynningar | 25. febrúar 2020 - kl. 14:48
Frá Félags- og skólaþjónustu A-Hún.
Laus er til umsóknar íbúð á Hnitbjörgum á Blönduósi. Hnitbjörg er kjarni tíu íbúða fyrir aldraða í sjálfstæðri búsetu. Um er að ræða tveggja herbergja íbúð á 1. hæð, útgengt er í sólskála og út á verönd. Félagsstarf aldraðra er í húsinu yfir vetrarmánuðina. Íbúðin verður laus til afhendingar 1. apríl 2020 en umsóknarfrestur rennur út 4. mars 2020. Sótt er um á sérstökum eyðublöðum sem aðgengileg eru á vefnum eða á skrifstofu Félags- og skólaþjónustu A-Hún, Flúðabakka 2, Blönduósi.
Tilkynningar | 25. febrúar 2020 - kl. 12:07
Tilkynning frá stjórn knattspyrnudeildar
Hvatarkrakkar ganga í hús og safna dósum og flöskum næstkomandi fimmtudag, 27. febrúar, söfnunin hefst kl. 18:00. Það má endilega skilja poka eftir út við götu ef þið verðið ekki heima.
Fréttir | 25. febrúar 2020 - kl. 10:50
Á þessu ári eru 50 ár liðin frá formlegri vígslu Húnavallaskóla. Af því tilefni verður efnt til hátíðardagskrár laugardaginn 6. júní í sumar. Fyrrum nemendum, starfsfólki og velunnurum skólans er boðið. Dagskráin hefst klukkan 14 og endar á hátíðarkvöldverði og skemmtidagskrá um kvöldið. Í auglýsingu frá afmælisnefndinni eru áhugasamir vinsamlegast beðnir um að skrá þátttöku í kvöldverðinn fyrir 25. maí og þá er fyrrum nemendur og starfsfólk beðið um að senda myndir frá tíma þeirra í skólanum.
Fréttir | 25. febrúar 2020 - kl. 09:08
Gul veðurviðvörun er nú í gildi á Norðurlandi vestra og nær hún til klukkan 20 í kvöld. Veðurstofan spáir norðaustan 13-18 metrum á sekúndu og snjókomu á Tröllaskaga og á Ströndum, en úrkomuminni annars staðar. Búast má við skafrenningi og lélegu skyggni og versnandi akstursskilyrðum. Samgöngutruflanir eru líklegar. Vetrarfærð er í öllum landshlutum.
Fréttir | 24. febrúar 2020 - kl. 14:38
Samtök sveitarfélaga á Norðurlandi vestra standa fyrir vefráðstefnu næstkomandi fimmtudag, 27. febrúar klukkan 10, um tækifæri dreifðra byggða þegar kemur að svokölluðum skrifstofusetrum (e.coworking space). Ráðstefnan, sem nefnist Er vinnustaður bara hugarástand? er hluti af verkefninu Digi2Market sem styrkt er af Norðurslóðaáætlun. Í auglýsingu frá SSNV segir að meðal aðgerða í gildandi byggðaáætlun sé gert ráð fyrir að 10% allra auglýstra starfa í ráðuneytum og stofnunum þeirra verði án staðsetningar árið 2024, þannig að búseta hafi ekki áhrif við val á starfsfólki.
Tilkynningar | 24. febrúar 2020 - kl. 11:01
Frá Stéttarfélaginu Samstöðu
Stjórn og trúnaðarráð Stéttarfélagsins Samstöðu samþykkti á fundi sínum þann 20. febrúar síðastliðinn, tillögu uppstillingarnefndar, að framboði til stjórnarkjörs í félaginu í þau embætti sem kjósa á um í ár, samkvæmt lögum félagsins. Skila skal framboðum til stjórnarkjörs í Stéttarfélaginu Samstöðu árið 2020, ásamt meðmælum að minnsta kosti 30 fullgildra félagsmanna, á skrifstofu Stéttafélagsins Samstöðu, Þverbraut 1, 540 Blönduósi, merkt Kjörstjórn, fyrir kl. 16.00 þann 10.mars 2020.
Eyjólfur og Adolf við undirritunina. Ljósm: Aðsend.
Eyjólfur og Adolf við undirritunina. Ljósm: Aðsend.
Fréttir | 24. febrúar 2020 - kl. 09:22
Adolf Berndsen, stjórnarformaður BioPol á Skagaströnd, og Eyjólfur Guðmundsson, rektor Háskólans á Akureyri, endurnýjuðu í síðasta mánuði samstarfssamning milli stofnananna til næstu fimm ára en þær hafa átt í farsælu samstarfi frá árinu 2007. Sjávarlíftæknisetrið BioPol sem stofnað var á Skagaströnd í september 2007 hefur unnið að fjölbreyttum verkefnum sem meðal annars hafa miðað að því að kortleggja vannýtt tækifæri, til verðmætasköpunar, innan íslensks sjávarútvegs.
Gagnaver Etix Everywhere. Ljósm: Höskuldur B. Erlingsson
Gagnaver Etix Everywhere. Ljósm: Höskuldur B. Erlingsson
Fréttir | 21. febrúar 2020 - kl. 22:31
Eins og flestir lesendur Húnahornsins vita hefur gagna­vers­fyr­ir­tækið Etix Everywh­ere Bor­eal­is staðið í um­fangs­mik­illi upp­bygg­ingu á síðustu miss­er­um og lauk fé­lagið fram­kvæmd­um á síðasta ári við nýtt gagnaver á Blönduósi.
Fréttir | 21. febrúar 2020 - kl. 22:12
Árlegt grímuball Blönduskóla verður á sínum stað í Félagsheimilinu á Blönduósi á öskudaginn, miðvikudaginn 26. febrúar. Húsið opnar kl. 16:15 og hálftíma síðar verður marserað, dansað, kötturinn sleginn úr tunnunni og dansað meira. Ballinu lýkur kl. 18:00.
Fréttir | 21. febrúar 2020 - kl. 16:46
Enn og aftur er gul veðurviðvörun í gildi á Norðurlandi vestra. Veðrið hefur versnað þegar liðið hefur á daginn og tók viðvörunin gildi klukkan 16:10 og gildir til klukkan 06:00 í fyrramálið. Spáð er Norðaustan strekkingi eða allhvössum vindi og snjókomu eða éljum og skafrenningi, einkum á utanverðum Tröllaskaga. Búast má við lélegum akstursskilyrðum og afmörkuðum samgöngutruflunum. Búið er að loka veginum yfir Þverárfjall.
 
Prenta Prenta  
 
Til baka
 
Húsfrúin
04. febrúar 2020
Róbinson Krúsó meðferðin
Við getum flest verið sammála um að jákvæð hugsun sé forsenda þess að samþykkja það að jákvæðni auki líkurnar á skilningi og að skilningur sé ein helsta breytan í góðum mannlegum samskiptum.
::Lesa
Spaugið
04. febrúar 2020
Sherlock og Watson
Sherlock Holmes og Dr. Watson fóru í útilegu. Eftir að hafa gætt sér á góðum mat og drukkið flösku af víni, bjuggu þeir um sig og fóru að sofa.
::Lesa

©2020 Húnahorniđ