Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Föstudagur, 24. maí 2019
NNA  5 m/s
C
Olís
huni.is - RSS-efnisveita
 
Á döfinni
Maí 2019
SMŢMFFL
2829301234
567891011
12131415161718
19202122232425
2627282930311
FyrriNúnaNćsti
Veðurstofa Íslands
Blönduós 12:00 NNA 5  8°C
Reykir í Hr 12:00 NNV 10  6°C
Reykjavík 12:00 N 3  10°C
Akureyri - 12:00 N 3  6°C
Egilsstaðaf 12:00 N 4  6°C
Haugur 12:00 NNA 4  7°C
Holtavörðuh 12:00 N 6  4°C
Þverárfjall 12:00 NA 7  2°C
Laxárdalshe 12:00 NNA 6  5°C
Brúsastaðir 12:00 NNV 6  8°C
Vegagerðin
Holtavörđuh. 12:50 N 6 5°C
Laxárdalsh. 12:50 NNA 6 6°C
Vatnsskarđ 12:50 ANA 3 5°C
Ţverárfjall 12:50 NA 6 3°C
Kjalarnes 12:50 VSV 2 12°C
Hafnarfjall 12:50 NNA 8 12°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
14. maí 2019
Gleðilegt sumar
Gleðilegs sumars óska ég ykkur öllum og vonandi fáum við gott sumar eftir þennan góða vetur. Nú þegar hefur fólk hafist handa við að snyrta til á lóðum sínum, klippa runna og tré í görðum og raka saman lauf og rusl sem nóg er af í kringum okkur eftir veturinn.
::Lesa

Northwest.is


SSNV

Leita í netfangaskrá
 
Eftir Elínu S. Sigurðardóttur
18. maí 2019
Eftir Sigurbjörn Þorkelsson
10. maí 2019
Eftir Sigurbjörn Þorkelsson
19. apríl 2019
Eftir Inga Heiðmar Jónsson
19. apríl 2019
Eftir Sigurbjörn Þorkelsson
12. apríl 2019
Eftir Sigurbjörn Þorkelsson
08. apríl 2019
Eftir Inga Heiðmar Jónsson
01. apríl 2019
Eftir Guðjón S. Brjánsson
21. mars 2019
Pistlar | 13. janúar 2016 - kl. 19:03
Stökuspjall - Túngarður í Tungunesi
Eftir Inga Heiðmar Jónsson

Fjölnismenn hrærðust úti í Kaupmannahöfn en andi þeirra hrærðist á Íslandi og skáldið Jónas Hallgrímsson bar fram tillögu 25. ágúst 1838 í Hinu íslenska bókmenntafélagi að safna saman skýrslum fornum og nýjum. Það varð til þess að nefnd var kosin sem samdi bréf til presta með 70 spurningar sem var svo sent með vorskipunum. Og Jónas sendi fleiri kveðjur heim en með þrestinum góða í sonnettunni Ég bið að heilsa:

Vertu nú sæl! þótt sjónum mínum falin
sértu, ég alla daga minnist þín;
vertu nú sæl! því dagur fyllir dalinn,
dunandi fossinn kallar þig til sín;
hann breiðir fram af bergi hvítan skrúða,
bústaður þinn er svölum drifinn úða.

Hér fær feiman kveðju í Hulduljóðum Jónasar. En prestarnir svöruðu velflestir kalli Íslendinga utan frá Sjálandi og sr. Jón Þórðarson á Auðkúlu tvisvar og skrifar í seinna svari 1873:

Áhugi manna er fremur að lifna á jarðræktinni, sér í lagi á þúfnasléttun og hafa menn þá aðferð að skera ofan af grassvörðinn, róta svo um þúfunum með plógi, herfa síðan flagið og tyrfa svo yfir og er á flestum bæjum í hreppnum búið að slétta dálítið og á sumum margar dagsláttur svo í Sólheimum, Tungunesi og Tindum. Túngarður hefur hvergi verið hlaðinn nema í Tungunesi, að sunnanverðu við túnið, axlarhár þrepagarður, h.u.b. 60 faðmar. Vatnsveitingaskurðir hafa sums staðar verið grafnir, t.d. á Tindum, en skriðugarða þarf hvergi með. Félag er í hreppnum, þó meir af nafninu til, sem örvað hefur til jarðabóta.

Vestur á Vatnsnesi svarar skáldpresturinn í Tjarnarsókn, Ögmundur Sívertsen í janúar 1940 og lætur fylgja vísukorn um prestsetrið sem er fullkomlega laust við lof:

Tjörn er hjólás sá
und hveli norðurs

um hvern óveður
eilíf snúast!

Annan kveðskap er einnig að finna í svari prestsins, þar sem Guðmundur Ketilsson á Illugastöðum kvartar yfir húsbyggingum, sjá tilvísun.

Annar Fjölnismaður, málfræðingurinn Konráð Gíslason, átti stundum káta spretti á engjum Braga og margur hefur átt erindi að fæðingarstað hans, Löngumýri í Vallhólmi. Þar hefur lengi staðið menningarsetur. Konráð orti haustið 1833 þegar landar ytra biðu eftir Jóni Sigurðssyni við annan mann heiman af Íslandi og voru farnir að óttast um þá:

Á sjávarbotni sitja tveir
seggir í andarslitrum,
aldrei komast aftur þeir
upp úr hrognakytrum.

Sjávarbylgjur belja oft,
bragnar undan hljóða,
aldrei sjá þeir efra loft
ellegar ljósið góða.

Sr. Jón á Auðkúlu var afi frú Sigríðar Stefánsdóttur prestskonu á Æsustöðum og bróðursonur Jóns Árnasonar frá Hofi, þjóðsagnasafnara.

Í Tungunesi bjó upp úr miðri síðustu öld búnaðarfrömuðurinn Erlendur Pálmason, afi systkinanna Elísabetar á Gili og Sigurðar skólameistara í MA, sömuleiðis var Erlendur afi Klemensar í Hlíð og langalangafi Jóns á Stóra-Búrfelli.

Tilvísanir:
Hulduljóð: http://bragi.info/ljod.php?ID=3286 
Sóknarlýsingar um 1840: http://stikill.123.is/blog/2011/04/22/518441/
Sr. Ögmundur Sívertsen á Tjörn: http://bragi.info/hunafloi/visur.php?VID=25951
GKetilsson/Svokölluð raðabygging bæja- og baðstofugafl af þiljutré: http://bragi.info/hunafloi/visur.php?VID=25968
Konráð Gíslason: http://bragi.info/visur.php?VID=24293
Halldóra Bjarnadóttir segir frá JÁ frænda sínum: http://stikill.123.is/blog/yearmonth/2014/12/

Ingi Heiðmar Jónsson

Höf. rzg
Fjara á Norðurlandi vestra. Ljósm: Róbert D. Jónsson.
Fjara á Norðurlandi vestra. Ljósm: Róbert D. Jónsson.
Fréttir | 24. maí 2019 - kl. 07:51
Frá Textílmiðstöð Íslands
Mikil vitundarvakning hefur orðið í samfélaginu á síðustu árum er snýr að plastmengun. Á laugardaginn nk. verða haldnar fimm lista- og vísindasmiðjur á vegum Textílmiðstöðvarinnar og samstarfsaðila þar sem allir áhugasamir um verkefnið eru hvattir til að mæta í eina af fimm fjörum á Norðurlandi vestra, safna saman rusli og reisa vörður undir leiðsögn nemenda frá Listaháskóli Íslands og listamanna sem dvelja á svæðinu.
Tilkynningar | 23. maí 2019 - kl. 11:54
Frá Snjólaugu og Huldu Birnu
Það styttist óðum í okkar skemmtilega leikjanámskeið, en það mun hefjast 10. júní. Elsti árgangur í leikskóla og þau börn sem að eru að ljúka 1-4. bekk í ár eru velkomin á leikjanámskeiðið. Í ár ætlum við aðeins að hrista upp í þessu og hefur verið sett upp glæný skemmtileg 6 vikna dagskrá . Hulda Birna Vignisdóttir ætlar að leiða börnin í leik og starfi í sumar þar sem ýmislegt hopp og trall verður í boði og að sjálfsögðu verða kofabyggingarnar á sínum stað.
Glaðheimar
Tilkynningar | 23. maí 2019 - kl. 11:51
Félags- og skólaþjónustan leitar eftir einstaklingum til að starfa við liðveislu í sumar. Um er að ræða fjölbreytt verkefni með ólíkum einstaklingum. Hlutverk liðveitanda er m.a. að aðstoða einstaklinga og fjölskyldur þeirra til að viðhalda sjálfstæði og styrkja stöðu þeirra, m.a. með aðstoð við vinnu eða tómstundir. Frekari upplýsingar veitir Ásdís Ýr Arnardóttir, félagsmálstjóri, í síma 455-4170 eða í tölvupósti asdis@felahun.is.
Sameining A-Hún
Gagnaverið á Blönduósi. Skjáskot úr sjónvarpsfréttum RÚV.
Gagnaverið á Blönduósi. Skjáskot úr sjónvarpsfréttum RÚV.
Fréttir | 22. maí 2019 - kl. 09:58
Gagnaver Etix á Blönduósi var formlega tekið í notkun í gær að viðstöddu fjölmenni. Fyrsta skóflustungan var tekin 23. maí í fyrra og hófst starfsemi í fyrsta húsinu af sjö þremur mánuðum síðar. Húsin eru alls um 4000 fermetrar á gagnaverssvæðinu í Fálkagerði við Svínvetningabraut rétt fyrir utan Blönduós og samtals eru 25 þúsund tölvuþjónar í gagnaverinu. Fjallað var um málið í sjónvarpsfréttum Ríkisútvarpsins í gærkvöldi og rætt við Björn Brynjúlfsson, framkvæmdastjóra Etix á Íslandi og Valdimar O. Hermannsson, sveitarstjóra Blönduósbæjar.
Norðurstykkið er ofar á myndinni
Norðurstykkið er ofar á myndinni
Fréttir | 21. maí 2019 - kl. 21:22
Tilkynning frá stjórn knattspyrnudeildar Hvatar
Nú er tími til kominn að pota niður útsæðinu en Selvíkurgarðurinn er klár. Búið er að vinna garðinn og stika út þau stæði sem voru í notkun í fyrra. Nú þarf fólk bara að láta vita hvort það ætlar að vera með áfram eða hvort að kartöflurækt þeirra sem voru í fyrra með garð sé lokið í Selvíkurgarðinum.
Eyvindarstofa er á Norðurlandsvegi 4, 2. hæð.
Eyvindarstofa er á Norðurlandsvegi 4, 2. hæð.
Tilkynningar | 21. maí 2019 - kl. 16:23
Sögufélagið Húnvetningur heldur aðalfund sinn sunnudaginn 26. maí klukkan 14 í Eyvindarstofu Blönduósi. Fyrirlesari: Sigrún Magnúsdóttir þjóðfræðingur. Einnig verður greint verður frá undirbúningi ráðstefnu á Skagaströnd á 200. afmælisdegi Jóns Árnasonar þjóðsagnasafnara, laugardaginn 17. ágúst. Þá verður afhjúpað minnismerki um þjóðsagnasafnarann og bókavörðinn. Jón var sonur prestshjónanna á Hofi, fæddur árið 1819.
Fréttir | 21. maí 2019 - kl. 15:36
Arctic Coast Way – Norðurstrandarleið var í dag valið á topp tíu lista yfir þá áfangastaði í Evrópu sem best er að heimsækja, að mati Lonely Planet sem er einn vinsælasti útgefandi ferðahandbóka í heiminum. Leiðin verður formlega opnuð þann 8. júní næstkomandi, en dagskráin verður kynnt síðar, að því er segir í tilkynningu frá Markaðsstofu Norðurlands. Um er að ræða 900 kílómetra leið meðfram Norðurströndinni, frá Hvammstanga til Bakkafjarðar.
Skagaströnd
Skagaströnd
Fréttir | 21. maí 2019 - kl. 10:23
Vinnuskóli Skagastrandar hefst þriðjudaginn 4. júní og er skráning í skólann á skrifstofu sveitarfélagsins eða í gegnum rafræna umsókn. Skólinn verður starfræktur í tíu viku og lýkur 2. ágúst en hann er fyrir nemendur búsetta á Skagaströnd sem hafa nýlokið 8., 9. og 10. bekk Höfðaskóla. Markmiðið er að gefa unglingum kost á samspili vinnu, þjálfunar og fræðslu í sumarleyfi sínu.
Tilkynningar | 21. maí 2019 - kl. 10:14
Frá stjórn GÓS
Golfkennarinn John Garner verður á Blönduósi sunnudaginn 26. maí en þetta er fyrsta heimsókn hans í sumar. Garner kennir börnum 10-15 ára, byrjendum og lengra komnum og er sú kennsla í boði golfklúbbsins. Einnig verður haldið golfleikjanámskeið fyrir 6-9 ára en það verður auglýst nánar síðar.
Anne Siegel. Ljósmynd: Jacobia Dahm / bokmenntaborgin.is
Anne Siegel. Ljósmynd: Jacobia Dahm / bokmenntaborgin.is
Fréttir | 20. maí 2019 - kl. 15:13
Viðburðaröð með Anne Siegel
Sendiráð Þýskalands á Íslandi, Goethe stofnun í Kaupmannahöfn og Reykjavík bókmenntaborg UNESCO standa fyrir viðburðaröð í júní með þýska rithöfundinum og blaðamanninum Anne Siegel í tilefni 70 ára afmælis komu þýskra landbúnaðarverkamanna til Íslands. Anne Siegel hefur gert sögu þýskra kvenna á Íslandi góð skil í bók sinni "Frauen Fische Fjorde." Hún stoppar á sjö völdum stöðum á landinu og segir frá tilurð bókarinnar. Sunnudaginn 2. júní klukkan 15-16 mun hún heimsækja bókasafnið á Blönduósi.
Brynleifur sigrað í sínum flokki. Ljósm: tindastoll.is.
Brynleifur sigrað í sínum flokki. Ljósm: tindastoll.is.
Fréttir | 20. maí 2019 - kl. 12:54
Júdófélagið Pardus á Blönduósi tók þátt í Vormóti Tindastóls í júdó sem haldið var á Sauðárkróki á laugardaginn. Alls mættu 50 keppendur til leiks á mótið frá fimm júdófélögum en auk Pardusar kepptu KA á Akureyri, Júdófélag Reykjavíkur, Júdódeild Ármanns og Júdódeild Tindastóls. Keppt var í fimmtán þyngdar- og aldursflokkum. Keppendur Pardusar stóðu sig vel á mótinu og má þar nefna að Brynleifur Þorsteinsson sigraði í flokki drengirU1-38 og Unnur Ólafsdóttir sigraði í flokki stúlkurU15-57.
Fréttir | 20. maí 2019 - kl. 10:38
Sameiginlegt lið Kormáks og Hvatar spilaði sinn fyrsta leik í B-riðli Íslandsmótsins í knattspyrnu í 4. deild um helgina. Mótherjarnir voru Knattspyrnufélag Breiðholts í Reykjavík og fór leikurinn fram á Leiknisvelli. Heimamenn komust yfir á sextándu mínútu og bættu öðru marki við áður en hálfleikur skall á. Staðan 2-0 í hálfleik KB í vil, nokkuð verðskuldað. Seinni hálfleikurinn var mun jafnari og náði Ingvi Rafn Ingvarsson að minnka muninn á 64. mínútu en aðeins fimm mínútum síðar bættu Breiðholtsmenn við sínu þriðja marki og þannig endaði leikurinn, 3-1 fyrir KB.
Skjáskot úr fréttum RÚV.
Skjáskot úr fréttum RÚV.
Fréttir | 20. maí 2019 - kl. 10:02
Fréttastofa RÚV leit við á Hvammstanga og Blönduósi um helgina í tilefni komu flóttafólks frá Sýrlandi í síðustu viku. Rætt var Valdimar O. Hermannsson, sveitarstjóra Blönduósbæjar sem sagði að staðirnir báðir væru góðir til að vera á og svona sæmilega miðsvæðis, stutt í meiri þjónustu til Skagafjarðar, Akureyrar eða Reykjavíkur. Þá sagði hann að næga vinnu væri að fá fyrir fólkið, fjölbreytta fyrir menntafólk, iðnaðarmenntað eða ómenntað. Sagði hann að það væri að mörgu að hugsa og fjölmargir sjálfboðaliðar hafi lagt hönd á plóg.
Heimilisiðnaðarsafnið á Blönduósi
Heimilisiðnaðarsafnið á Blönduósi
Pistlar | 18. maí 2019 - kl. 08:15
Eftir Elínu S. Sigurðardóttur
Ár hvert er alþjóðlegi safnadagurinn haldinn þann 18. maí og undanfarin ár hafa mörg íslensk söfn fagnað deginum með ýmsum hætti. Yfirskrift alþjóðlega safnadagsins í ár er Söfn sem menningarmiðstöðvar – Framtíð hefðarinnar. Starfsemi Heimilisiðnaðarsafnsins fellur vel að þessari skilgreiningu, því ekki er aðeins verið að hyggja að varðveislu, skráningum, rannsóknum og miðlun menningararfsins, heldur hefur safnið um árabil staðið fyrir ýmsum menningarviðburðum eins og fyrirlestrum, málþingum, tónleikum og námskeiðum.
 
Prenta Prenta  
 
 
Húsfrúin
14. september 2018
Samfélagsmiðlar eru mikilvægir fyrirtækjum
Flest öllum notum við samfélagsmiðla eins og Facebook en þeir hjálpa okkur m.a. að vera í góðu sambandi við vini, ættingja, félagasamtök og fyrirtæki. Samfélagsmiðlar verða sífellt mikilvægari þáttur í að viðhalda góðu sambandi milli fyrirtækja og neytenda. Samfélagsmiðlar hafa látið mikið til sín taka á stuttum tíma og má búast við að vægi þeirra og áhrif verði mun áþreifanlegri í framtíðinni.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2019 Húnahorniđ