Apríl 2024 | ||||||
S | M | Þ | M | F | L | |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 1 | 2 | 3 | 4 |
Fyrri | Núna | Næsti |
Holtavörðuh. | 11:51 | 0 | 0°C |
Laxárdalsh. | 11:51 | 0 | 0°C |
Vatnsskarð | 11:51 | 0 | 0°C |
Þverárfjall | 11:51 | 0 | 0°C |
Kjalarnes | 11:51 | 0 | 0°C |
Hafnarfjall | 11:51 | 0 | 0°C |
13. apríl 2024 Klúðrið er víðaKlúðrið og bullið er víða í samfélaginu okkar og er af mörgu að taka. Ætla ég að nefna aðeins nokkur atriði. Landsbankaklúðrið í kringum kaupin á TM. Alveg er það merkilegt þegar embættis- menn telja sig geta tekið ákvarðanir um hvað sem þeim dettur í hug. ::Lesa |
Að halda vonglaður að heiman og snúa heim aftur með bjartar myndir af vinum sínum, frænkum eða frændum er góður kostur og alls þessa nutu fjölmargir niðjar Ártúnahjónanna, þeirra Sigríðar og Jóns Tryggvasonar sem komu saman á Bakkaflöt að morgni 17. júní og luku mótinu með sameiginlegum morgunverði daginn eftir. Sigríður tók þátt í mótinu en Jón lést fyrir nokkrum árum en hefði orðið 100 ára 28. mars s.l. Þann dag valdi Sigurdís Tryggvadóttir fyrir burtfarartónleika sína frá FÍH og þeir fóru fram glæsibrag í húsakynnum skólans við Rauðagerði. Þannig varð til annað ættarmót á þessum 100. afmælisdegi Jóns því ættingjar söfnuðust þangað norðan úr landi og allt austan af Rangárvöllum. Sigurdís var líka söngstjóri á ættarmótinu á Bakkaflöt, stefndi saman ungum tónlistarmönnum í fjölskyldunni, flestum blásurum og svo hljómaði Braggablús, leikinn og síðan sunginn. Með frænkum sínum Höllu Ósk og Sigríði Emblu myndaði Sigurdís tríó og mótsgestir hlýddu fagnandi á söng þeirra. Á ættarmótinu flutti Guðrún Þóranna sérkennari ágætan þátt af föður sínum og öðrum ættmennum, en hann valdist ungur til forystu meðal sveitunga sinna, bæði í hagsmunamálum sveitunganna og menningarmálum. Jón starfaði í karlakórnum frá unglingsárum og var söngstjóri kórsins í 35 ár.
Elsta barnabarn Jóns, Starri fléttufræðingur kom til mótsins á gamla Ártúnabílnum sem heldur enn gamla númerinu H 322. Starri rifjaði líka upp myndir og minningar af afa sínum á kvöldvökunni. Margrét Jónsdóttir útbjó skrá fyrir mótið með nýlegum dægurlagatextum og manntali þar sem nær 60 afkomendur auk tengdamanna eru nefndir. Mörg lög ný og gömul voru kyrjuð um kvöldið þar á Bakkaflöt þar sem hjónin Klara Jónsdóttir og Sigurður Friðriksson hafa byggt stórt hús og mörg smærri til að taka móti gestum og var þáttur þeirra og barna þeirra, sem einnig eru gestgjafar á Bakkaflöt, stór í þessu vel heppnaði móti.
Nokkrar vísur eftir Jón hafa varðveist og ein þeirra á frekar óvenjulega sögu sem má gjarnan hefja í Ártúnaeldhúsinu þar sem Hjálmar Jónsson, ungi presturinn í sveitinni var gestkomandi og verið var að tala um vísur. Sr. Hjálmar fór með höfundarlausa vísu sem honum hafði nýlega áskotnast:
Norðurleiðum fer ei fram
með ferðahraðann:
Fimm tíma í Fornahvamm
en fjórir þaðan.
Þegar Jón heyrði vísuna fór hann að rifja upp ferðalag sitt með Norðurleiðarrútu sunnan úr Reykjavík en þá tók ferðin til Akureyrar 2 daga og var gist á Blönduósi. Sessunautur Jóns var Guðbrandur sýslumaður Ísberg og Jón gerði vísuna þeim Guðbrandi til skemmtunar og afþreyingar á þessu 9 tíma ferðalagi. Vísunni og tildrögum hennar gleymdi höfundur svo gjörsamlega, en kátínu vakti hún þarna með morgunkaffinu þegar vísan fann aftur höfund sinn eftir hálfa öld. Guðbrandur á heiðurinn af því að hafa varðveitt vísuna og miðlað.
Mótsskráin frá Bakkaflöt hófst á vísu eftir Jón Tryggvason.
Dagur á fjöllum ljúfur leið
ljómandi bjartur hlýr og góður.
Við áningastaði alla beið
öræfakyrrð og fjallagróður.
Jón í Ártúnum tók þátt í nokkrum hagyrðingamótum, s.s. því fyrsta sem haldið var á Skagaströnd 1989. Sjö árum síðan var mótið haldið á Núpi og þá kom Jón með rútunni vestur í Hrútafjörð og slóst í för með Sunnlendingum sem höfðu tryggt sér bústað á Gerðhömrum og áttu góða daga með Vestfirðingum og öðrum landsmönnum sem streymdu vestur að Núpi af þessu tilefni. Einn Sunnlendinganna, Gísli í Króki skrifaði í gestabókina:
Gerðishamra góða mynd
geymir lengi hjarta mitt
þar má líta kræfa kind
krummager og lúmskan pytt.
Hér við loksins fundum frið
flaut af hverju strái smjör.
Staðinn kringir klettarið
kyssir bára stein í vör.
Eftir allt ferðaspjallið hér að ofan langar ritara að minna lesara á annan kost góðan sem getur líka verið upptaktur að nýrri för en það er að sitja heima með morgunútvarpið sitt og tölvuna sína, en í dag, 19. júní, er morgunútvarpið helgað baráttu kvenna og áföngum í því ferðalagi. – Og skemmtilegur var þátturinn af Önnu frá Moldnúpi, fjósakonunni sem fór út í heim.
Vísað er til: http://bragi.info/hunafloi/hofundur.php?ID=15322 og http://bragi.info/stjorn/index.php?brtyp=2&brid=5378
Gísli í Króki: http://bragi.info/hunafloi/visur.php?VID=26697
Eldra stökuspjall: https://www.huni.is/index.php?number=15&pid=13&date_from=201505190000&date_to=201706190952
Bakkaflöt ferðaþjónusta: http://bakkaflot.com/?lang=icelandic
Ingi Heiðmar Jónsson
Fréttir | 19. apríl 2024 - kl. 21:12
Gular veðurviðvaranir taka gildi á morgun allt frá Breiðafirði, um Vestfirði, allt Norðurland og austur á firði, vegna talsverðrar rigningar og asahláku á morgun og fram á aðfaranótt sunnudags. Á vef Veðurstofunnar segir að vegna ört hækkandi hitastigs megi búast við miklum leysingum, auknu afrennsli og vatnavöxtum í ám og lækjum. Mikilvægt sé að hreinsa frá niðurföllum til að forðast vatnstjón vegna rigningar og leysingavatns.
|
Fréttir | 19. apríl 2024 - kl. 20:56
Verkalýðsmálaráð Samfylkingarinnar boðar til málstofu um húsnæðis- og kjaramál, laugardaginn 20. apríl klukkan 09:00 í húsnæði stéttarfélagsins Samstöðu að Þverbraut 1 á Blönduósi. Frummælendur verða Þórarinn Sverrisson, formaður Öldunnar, stéttarfélags í Skagafirði, Ásgerður Pálsdóttir, fyrrverandi formaður Samstöðu og núverandi formaður Félags eldri borgara á Blönduósi og Finnbogi Sveinbjörnsson, formaður Verkalýðsfélags Vestfjarða.
|
Fréttir | 19. apríl 2024 - kl. 12:07
Sunnudaginn 28. apríl verða haldnir tónleikar í Blönduóskirkju þar sem kirkjukórinn mun syngja nokkur hugljúf vorlög undir stjórn Eyþórs Franzsonar Wechner organista. Jafnframt mun Eyþór sýna snilli sína og leyfa okkur að heyra hvað orgelið hefur upp á að bjóða.
|
Fréttir | 18. apríl 2024 - kl. 20:37
Húnaþing vestra og Leigufélagið Bríet hafa undirritað viljayfirlýsingu um uppbyggingu leiguíbúða í Húnaþingi vestra. Í yfirlýsingunni lýsa aðilar yfir vilja til samstarfs um uppbyggingu leiguíbúða í sveitarfélaginu auk þess sem Húnaþing vestra leggur til íbúðir í sinni eigu í gegnum svokölluð yfirtökuverkefni. Viljayfirlýsing þessi kemur til viðbótar samkomulagi sem undirritað var á dögunum milli innviðaráðuneytis, Húnaþings vestra og HMS um uppbyggingu allt að 50 íbúða til sölu og leigu á næstu fimm árum.
|
Fréttir | 18. apríl 2024 - kl. 20:23
Árleg kökukeppni Undirheima, sem er félagsmiðstöð fyrir unglinga í Höfðaskóla, var haldin í gærkvöldi. Keppendur voru tólf talsins og voru tveir til þrír saman í hóp. Skreyta þurfti kökurnar á staðnum og höfðu keppendur 60 mínútur til þess að ljúka verkinu. Að því loknu valdi þriggja manna dómnefnd þrjú efstu sætin sem frumlegustu kökuna, besta bragðið og fallegustu kökuna. Að hennar sögn var valið ekki auðvelt. Sagt er frá þessu á vef Skagastrandar.
|
Fréttir | 18. apríl 2024 - kl. 06:05
Lið Grunnskóla Húnaþings vestra er komið í úrslit Skólahreysti en keppt var í Laugardagshöll og sýnt beint á RÚV. Liðið stóð sig frábærlega og sigraði riðilinn sinn. Úrslitakeppnin fer fram 25. maí næstkomandi. Lið Grunnskóla Húnaþings vestra skipa þau Friðrik Hrafn Hannesson, Saga Ísey Þorsteinsdóttir, Victor Þór Sigurbjörnsson, Nóa Sophia Ásgeirsdóttir, Indriði Rökkvi Ragnarsson og Victoría Elma Vignisdóttir.
|
Fréttir | 18. apríl 2024 - kl. 05:59
Viðbragðsaðilar á Norðurlandi vestra stefna á að halda hópslysaæfingu 11. maí næstkomandi. Hluti hópsins hittist á Blönduósi í fyrradag og æfðu viðbragð við flugslysi og rútuslysi, þar sem settar voru upp tvær borðæfingar. Æfingarnar eru undirbúningur fyrir stóru æfinguna í maí og er samvinna lykilinn að góðri útkomu, eins og segir á facebooksíðu Lögreglunnar á Norðurlandi vestra. „Samhæft viðbragð skilar betri þjónustu til borgaranna.“
|
Fréttir | 17. apríl 2024 - kl. 06:10
Sigríður Ỏlafsdóttir úr Húnaþingi vestra var endurkjörin formaður kjördæmisráðs Sjálfstæðisflokksins í Norðvesturkjördæmi en ráðið hélt aðalfund sinn á Laugum í Sælingsdal um síðustu helgi. Á fundinum var samþykkt stjórnmálaályktun þar sem meðal annars er komið inn á að atvinnufrelsi og eignarréttur sé órjúfanlegur hluti frjáls samfélags og forsenda þess að hægt sé að tryggja jöfn tækifæri í landinu.
|
Fréttir | 16. apríl 2024 - kl. 14:48
Tilkynning frá Háskólanum á Hólum
Háskólinn á Hólum hlýtur Byggðagleraugu Samtaka sveitarfélaga á Norðurlandi vestra fyrir framsækið og metnaðarfullt starf. Námið við háskólann er sértækt að því leyti að það byggir á traustum grunni fyrir mikilvægar framtíðar atvinnugreinar í samfélaginu þar á meðal íslenska hestinn, ferðaþjónustu í dreifbýli og fiskeldi, en skólinn hefur dregið til sín nemendur víðsvegar að úr heiminum. Í Háskólanum á Hólum er öflugt háskólastarf sem er í stöðugum vexti og nýsköpun.
|
Fréttir | 16. apríl 2024 - kl. 05:32
Sveitarfélagið Skagaströnd heldur íbúafund í Fellsborg miðvikudaginn 17. apríl klukkan 17:00. Á dagskrá eru fjölmörg mál eins og staðan á hafnarframkvæmdum, breyting á námsstofu, sorpmál, vinnuskóli, gjaldskrár og kjarasamningar.
|
Fréttir | 16. apríl 2024 - kl. 05:27
Sr. Sigríður Gunnarsdóttir sóknarprestur í Skagafjarðarprestakalli hefur verið skipuð prófastur í Húnavatns- og Skagafjarðarprófastsdæmi. Hún tekur við af sr. Döllu Þórðardóttur á Miklabæ, sem lét af störfum 1. desember síðastliðinn. Frá þeim tíma hefur sr. Gísli Gunnarsson vígslubiskup á Hólum gegnt prófstsstörfum.
|
Tilkynningar | 16. apríl 2024 - kl. 05:17
Frá Félagi eldri borgara í Húnaþingi vestra
Aðalfundur Félags eldri borgara í Húnaþingi vestra verður haldinn miðvikudaginn 17. apríl 2024 klukkan 14:00 í Félagsheimilinu á Hvammstanga. Á dagskrá eru venjuleg aðalfundarstörf, skýrsla og tillögur ferðanefndar og margt fleira. Unnur Valborg Hilmarsdóttir sveitarstjóri verður gestur fundarins. Kaffiveitingar að hætti kaffinefndar. Nýir félagar ávallt velkomnir.
|
Tilkynningar | 16. apríl 2024 - kl. 05:13
Frá stjórn
Aðalfundur Hollvinasamtaka heilbrigðisstofnunarinnar á Blönduósi verður haldinn í fundarsal HSB föstudaginn 26. apríl næstkomandi klukkan 16.00.
Dagskrá: Venjuleg aðalfundarstörf.
|
Fréttir | 15. apríl 2024 - kl. 09:43
Knattspyrnulið Kormáks Hvatar mætti í Fífuna í Kópavogi í gær og spilaði gegn Augnabliki í 2. umferð Mjólkurbikarsins. Leikurinn fór fjörlega af stað og vel fyrir gestina því Papa Diounkou Tecagne skoraði fyrsta mark leiksins á 9. mínútu. Heimamenn voru ekki lengi að svara með marki á 13. mínútu og öðru marki á 31. mínútu. Staðan í hálfleik 2-1 fyrir Augnablik. Í seinni hálfleik voru skoruð fjögur mörk, þrjú af heimamönnum og einn af gestunum, en það gerði Kristinn Bjarni Andrason. Leikurinn endaði því 5-2 fyrir Augnablik.
|
02. apríl 2023 Sjö leiðir til að létta þér þrifin í vor og sumarNú er vorið komið og sumarið framundan og þá er ekki úr vegi að koma með nokkur góð húsræða. ::Lesa |
03. febrúar 2023 Á ferðalagiGuðmundur var að spjalla við Tóta, bróður sinn í Kaliforníu. ::Lesa |