Apríl 2024 | ||||||
S | M | Þ | M | F | L | |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 1 | 2 | 3 | 4 |
Fyrri | Núna | Næsti |
Holtavörðuh. | 03:19 | 0 | 0°C |
Laxárdalsh. | 03:19 | 0 | 0°C |
Vatnsskarð | 03:19 | 0 | 0°C |
Þverárfjall | 03:19 | 0 | 0°C |
Kjalarnes | 03:19 | 0 | 0°C |
Hafnarfjall | 03:19 | 0 | 0°C |
13. apríl 2024 Klúðrið er víðaKlúðrið og bullið er víða í samfélaginu okkar og er af mörgu að taka. Ætla ég að nefna aðeins nokkur atriði. Landsbankaklúðrið í kringum kaupin á TM. Alveg er það merkilegt þegar embættis- menn telja sig geta tekið ákvarðanir um hvað sem þeim dettur í hug. ::Lesa |
Yrkja – sjóður æskunnar til ræktunar landsins
Hvers vegna og upphafið
Tuttugu ár eru liðin frá gróðursetningu í Háubrekku á vegum Grunnskólans á Blönduósi, nú Blönduskóla. Verkefnið Yrkja/Brekkutré varð til við sölu bókarinnar Yrkja í tilefni 60 ára afmælis Vigdísi Finnbogadóttur, fyrrverandi forseta Íslands. Plöntun hófst á vegum margra skóla 1992 en hér var ekki áhugi fyrr en haustið 1997. Sjóðurinn útvegar skólum landsins 6 plöntur á hvern nemenda sem tekur þátt í verkefninu á hverju ári en umsjón með verkefninu hefur Skógræktarfélag Íslands. Sjóðurinn hefur eigin stjórn og er undirritaður Páll Ingþór Kristinsson einn af stjórnarmönnum.
Mikið átak var sett í gang við skólann á fyrstu árum eftir að plöntun hófst og tóku allir nemendur þátt. Nú hafa verið gróðursettar um 8 þúsund plöntur af um 30 tegundum. Gróðursett hefur verið í Háubrekku, Vetrarklauf, Miðholtsbrekku og út í Vatnahverfi. Í upphafi var Foreldrafélag Grunnskólans á Blönduósi með í verkinu og sendi það bréf inn á öll heimili grunnskólabarna með umsjónarmanni og áttu foreldrar/forráðamenna að merkja við hvað margir kæmu frá heimilinu. Þátttaka var góð og var verkefnið kynnt undir heitinu „Brekkutré - dagur trjáræktar grunnskólanema.“
Erfitt hefur verið að rækta trjágróður í Háubrekku en þar voru sauðfé og fuglar að skemma trén en einnig eru skilyrði mun verri þar en í Vetrarklauf. Vorið 2008 var hæst birkið 1,2 í Háubrekku en þar hófst gróðursetning haustið 1997. Nú á haustdögum mældist hæsta birkið 2,33 m eða tæpur 12 cm vöxtur að meðaltali á ári.
Vorið 1999 voru fengnir nokkrir styrktaraðilar á Blönduósi til að koma verkefninu af stað í Vetrarklauf. Þeirra hlutverk var að borga fyrir stærri tré sem voru upp undir 90 sm há en ekki 10 – 15 sm eins og bakkaplönturnar. Send voru bréf á vegum grunnskólans til 19 fyrirtækja og stofnana. Já svar kom frá 7 fyrirtækjum sem teljast þá stofnendur skógarreitsins í Vetrarklauf með Grunnskólanum á Blönduósi, auk undirritaðs sem hefur gefið ýmsar nýjar tegundir. Gefin voru 19 tré. Hæsta birkið frá fyrstu gróðursetningunni er orðið 3,85 m eða rúmlega 20 cm vöxtur að meðaltali á ári. Hæsta tréð í Vetrarklauf er alaskaösp sem er orðin 7,1 m en td sitkagreni, sem var fyrirtækjagjöf, er orðið 4,2 m.
Í Vetrarklauf er kominn fallegur skógarreitur sem er orðinn meira en mannhæða hár og með mörgum tegundum þó birkið og grenið séu mest áberandi. Um 30 tegundir af trjákenndum plöntum eru komnar í brekkuna en mest áberandi eru birki og grenitegundir. Meðal nýrra tegunda sem erfitt er að rækta eru eik, broddhlynur og alaskaepli.
Leikskólinn Barnabær hefur einnig komið að gróðursetningu á svæðinu og komu td í Vetrarklauf á fyrsta gróðursetningarári. Vegna nálægðar við leikskólann er svæðið gott sem útikennslusvæði.
Nú á haustdögum hafa nemendur í 3. og 4. bekk Blönduskóla hafið smíði á blýöntum og er efniviður í þá sóttur í skógarreitinn í Vetrarklauf.
Úr dagbók afmælisgróðursetningar
Miðvikudagurinn 25. október 2017. Snjólaust nema efst í fjöllum og varla komið frostnótt á Blönduósi það sem af er hausti og vetri. Stutt síðan hægt var að týna ófrosin krækiber. Góð fræmyndun á birki, alaskaösp og fleiri tegundum.
Hæg norðlæg átt, hiti 7,5 gráður og skýjað í Vetrarklauf. Besta veðrið í nokkurn tíma.
Úr Blönduskóla komu 1. – 8. bekkur ásamt kennurum og öðrum starfsmönnum. Fyrsti hópurinn kom rétt fyrir kl 10 og síðasti lauk verki rétt um kl 14. Með fyrsta hópnum voru Þórhalla Guðbjartsdóttir, skólastjóri og Arnar Þór Sævarsson, bæjarstjóri. Þeirra hlutverk var að gróðursetja fyrstu tvær plönturnar með nemendum í 1. og 2. bekk.
Blönduskóli fékk 192 plöntur frá Sólskógum af sitkagreni í gegnum verkefnið Yrkju en var skráð fyrir 400 plöntum af birki sem var mestur fjöldi af plöntum á landsvísu. Gróðursettar voru 72 greniplöntur með hrossataði. Einnig voru gróðursettar 11 pottaplöntur sem voru keyptar sérstaklega fyrir daginn og til að auka fjölbreytni í skógarreitnum.
Ýmislegt fleira var gert í tilefni dagsins. Flutt voru ljóð sem samin voru af börnum í Blönduskóla fyrir verkefnið Yrkja á landsvísu 2012. Sett upp upplýsingafjöl með myndum frá fyrstu gróðursetningunni.
Margar ánægjustundir hefur undirritaður átt með börnum og starfsfólki Blönduskóla á þessum 20 árum og er stoltur að vera þátttakandi með þeim í að auðga landið, binda koltvísýring og eiga ánægjustundir með þeim.
Undirritaður hefur haft umsjón með verkefninu frá upphafi og fagleg þekking komið frá Skógræktarfélagi Austur – Húnvetninga.
Páll Ingþór, eftirlitsmaður eigna hjá Blönduósbæ og formaður Skóg A-Hún.
Fréttir | 17. apríl 2024 - kl. 06:10
Sigríður Ỏlafsdóttir úr Húnaþingi vestra var endurkjörin formaður kjördæmisráðs Sjálfstæðisflokksins í Norðvesturkjördæmi en ráðið hélt aðalfund sinn á Laugum í Sælingsdal um síðustu helgi. Á fundinum var samþykkt stjórnmálaályktun þar sem meðal annars er komið inn á að atvinnufrelsi og eignarréttur sé órjúfanlegur hluti frjáls samfélags og forsenda þess að hægt sé að tryggja jöfn tækifæri í landinu.
|
Fréttir | 16. apríl 2024 - kl. 14:48
Tilkynning frá Háskólanum á Hólum
Háskólinn á Hólum hlýtur Byggðagleraugu Samtaka sveitarfélaga á Norðurlandi vestra fyrir framsækið og metnaðarfullt starf. Námið við háskólann er sértækt að því leyti að það byggir á traustum grunni fyrir mikilvægar framtíðar atvinnugreinar í samfélaginu þar á meðal íslenska hestinn, ferðaþjónustu í dreifbýli og fiskeldi, en skólinn hefur dregið til sín nemendur víðsvegar að úr heiminum. Í Háskólanum á Hólum er öflugt háskólastarf sem er í stöðugum vexti og nýsköpun.
|
Fréttir | 16. apríl 2024 - kl. 05:32
Sveitarfélagið Skagaströnd heldur íbúafund í Fellsborg miðvikudaginn 17. apríl klukkan 17:00. Á dagskrá eru fjölmörg mál eins og staðan á hafnarframkvæmdum, breyting á námsstofu, sorpmál, vinnuskóli, gjaldskrár og kjarasamningar.
|
Fréttir | 16. apríl 2024 - kl. 05:27
Sr. Sigríður Gunnarsdóttir sóknarprestur í Skagafjarðarprestakalli hefur verið skipuð prófastur í Húnavatns- og Skagafjarðarprófastsdæmi. Hún tekur við af sr. Döllu Þórðardóttur á Miklabæ, sem lét af störfum 1. desember síðastliðinn. Frá þeim tíma hefur sr. Gísli Gunnarsson vígslubiskup á Hólum gegnt prófstsstörfum.
|
Tilkynningar | 16. apríl 2024 - kl. 05:17
Frá Félagi eldri borgara í Húnaþingi vestra
Aðalfundur Félags eldri borgara í Húnaþingi vestra verður haldinn miðvikudaginn 17. apríl 2024 klukkan 14:00 í Félagsheimilinu á Hvammstanga. Á dagskrá eru venjuleg aðalfundarstörf, skýrsla og tillögur ferðanefndar og margt fleira. Unnur Valborg Hilmarsdóttir sveitarstjóri verður gestur fundarins. Kaffiveitingar að hætti kaffinefndar. Nýir félagar ávallt velkomnir.
|
Tilkynningar | 16. apríl 2024 - kl. 05:13
Frá stjórn
Aðalfundur Hollvinasamtaka heilbrigðisstofnunarinnar á Blönduósi verður haldinn í fundarsal HSB föstudaginn 26. apríl næstkomandi klukkan 16.00.
Dagskrá: Venjuleg aðalfundarstörf.
|
Fréttir | 15. apríl 2024 - kl. 09:43
Knattspyrnulið Kormáks Hvatar mætti í Fífuna í Kópavogi í gær og spilaði gegn Augnabliki í 2. umferð Mjólkurbikarsins. Leikurinn fór fjörlega af stað og vel fyrir gestina því Papa Diounkou Tecagne skoraði fyrsta mark leiksins á 9. mínútu. Heimamenn voru ekki lengi að svara með marki á 13. mínútu og öðru marki á 31. mínútu. Staðan í hálfleik 2-1 fyrir Augnablik. Í seinni hálfleik voru skoruð fjögur mörk, þrjú af heimamönnum og einn af gestunum, en það gerði Kristinn Bjarni Andrason. Leikurinn endaði því 5-2 fyrir Augnablik.
|
Pistlar | 14. apríl 2024 - kl. 17:16
Eftir Inga Heiðmar Jónsson
Úr dagbók Jónasar Tryggvasonar í Finnstungu fyrir 79 árum: Sun. 8. apríl 1945: Bar lítið til tíðinda. Skagfirska skáldkonan Ỏlína Jónasdóttir er sextug í dag. Vísur hennar eru löngu landfleygar og á hvers manns vörum, þess er yndi hefur af snilld fagurrar stöku. Ég hef ekki, svo ég muni til, heyrt vísu eftir Ỏlínu, sem ekki hafi verið vel gerð, en meiri eða minni snilldarbragur er á þeim flestum ...
|
Pistlar | 13. apríl 2024 - kl. 16:15
Eftir / Written af / by Morgan C. Bresko
Þegar við hugsum um leiðir til að bæta heilsu samfélagsins þá hugsum við ekki alltaf um aðgengi að listum. En þegar við hugsum um það þá eru listir ein tegund tilfinningatjáningar. Hvort sem það er hamingja eða örvænting þá er það nauðsynlegt að hafa útrás til að nálgast tilfinningar á heilbrigðan og öruggan hátt. Samfélög sem styðja við listir, koma saman til að skapa list saman, hafa sýnt sig að vera tengdari
|
Fréttir | 13. apríl 2024 - kl. 10:27
Þrítugasta og annað ársþing Samtaka sveitarfélaga á Norðurlandi vestra var haldið á fimmtudaginn í Félagsheimilinu á Blönduósi og heppnaðist vel, að því er segir á vef samtakanna. Góð mæting var á þingið en á meðal gesta voru kjörnir fulltrúar á Norðurlandi vestra og formaður Sambands íslenskra sveitarfélaga. Fjölbreytt og áhugaverð erindi voru flutt og ný samgöngu- og innviðaáætlun kynnt. Fram kemur á vef SSNV að frekari upplýsinga er að vænta um það sem fram fór á þinginu.
|
Fréttir | 13. apríl 2024 - kl. 10:16
Stjórn meistaraflokks Kormáks Hvatar og veitingastaðurinn Sjávarborg á Hvammstanga hafa skrifað undir samning um að Hvammstangavöllur í Kirkjuhvammi beri nafn Sjávarborgar í sumar. Þetta er fyrsta sinn sem knattspyrnuvöllurinn ber nafn styrktaraðila, að því er segir á Aðdáendasíðu knattspyrnuliðsins Kormáks-Hvatar á Facebook. Í sumar fara fjórir meistaraflokksleikir fram á Sjávarborgarvellinum, auk leikja í yngri flokkum.
|
Fréttir | 12. apríl 2024 - kl. 13:25
Aðalfundur Björgunarfélagsins Blöndu var haldinn í vikunni og að því er fram kemur á facebooksíðu félagsins var mæting félaga mjög góð, bæði hjá gömlum og nýjum. Þar segir að starf félagsins gangi mjög vel sem og rekstur þess. Húsnæði félagsins hafi tekið til sín mikinn tíma félaga en nú sé markmiðið að efla starfið enn frekar. Ný stjórn var kosin á fundinum og var þeim sem stigu til hliðar færðar þakkir fyrir óeigingjarnt starf í þágu félagsins.
|
Fréttir | 11. apríl 2024 - kl. 15:20
Ekki liggur fyrir hvenær boðað verður til íbúakosninga um sameiningu Húnabyggðar og Skagabyggðar en til stóð að hún færi fram í þessum mánuði og að sameining tæki gildi 1. júní næstkomandi, yrði hún samþykkt. Samstarfsnefnd um sameininguna, sem skipuð er átta fulltrúum, fjórum frá hvoru sveitarfélagi, hefur það verkefni að skipuleggja sameiningarvinnuna, m.a. að setja upp verk- og tímaáætlun og leggja fram sameiningartillögu.
|
Fréttir | 11. apríl 2024 - kl. 14:48
Kvenfélagið Freyja færði nýverið Grunnskóla Húnaþings vestra hjartastuðtæki að gjöf. „Gjöfin mun vonandi aldrei koma að notum en við erum þó svo þakklát fyrir þessa höfðinglegu gjöf sem er mikilvæg viðbót í öryggisbúnað skólans,“ segir á vef hans. Höfðaskóli á Skagaströnd fékk líka gjöf nýverið, frá foreldrafélagi skólans, en það voru tvær tifsagir, „sem munu koma sér vel líkt og styrkurinn til bókakaupa gerði í haust,“ segir á vef skólans.
|
02. apríl 2023 Sjö leiðir til að létta þér þrifin í vor og sumarNú er vorið komið og sumarið framundan og þá er ekki úr vegi að koma með nokkur góð húsræða. ::Lesa |
03. febrúar 2023 Á ferðalagiGuðmundur var að spjalla við Tóta, bróður sinn í Kaliforníu. ::Lesa |