Umræðan um kynferðislega og kynbundna áreitni í anda #MeToo byltingarinnar er mikið fagnaðarefni. Kynferðisleg áreitni og ofbeldi á aldrei að líða. Með byltingunni er þögnin rofin, sem er gott og karlar kallaðir til ábyrgðar. Sögurnar fjalla allar um slæm eða óeðlileg samskipti. Það sem einkennir þær allar er óvirðing, ótryggð og umhyggjuleysi. Samskiptasáttmálinn er rofinn. Afleiðingin er slæm samskipti sem fela í sér óhamingju og óöryggi.

Samskiptasáttmálinn snýst um að vanda sig í samskiptum, að gæta sín á því að gera ekki neitt sem getur skemmt viðkomandi samband. Sáttmálinn er ekki flókinn. Hann fjallar um að byggja upp traust og viðhalda því, rækta það og ávaxta. Traust er m.a. byggt upp með virðingu, tryggð og umhyggju.

Góð samskipti fela í sér lífshamingju. Lífshamingja jafngildir öryggi, eitthvað sem allir sækjast eftir. Aðeins þessi leið, þetta samskiptaferli, frjóvgar markmið viðkomandi aðila, þ.e. notagildi (gæði) samskiptanna fæðist.

Verum góð við hvort annað.