Rúnar formaður USAH og Jón Gíslason, sem tók við verðlaunum Ásdísar Brynju.
Rúnar Pétursson formaður USAH og Sigrún Líndal.
Ný stjórn USAH frá vinstri: Baldur Magnússon, Guðmann Jónasson, Guðrún Sigurjónsdóttir, Rúnar Pétursson og Guðmundur Erlendsson.
Ásdís Brynja. Ljósm: FB/Neisti.
Fréttir | 19. mars 2018 - kl. 14:06
101. ársþing USAH var haldið í gær á Húnavöllum
101. ársþing Ungmennasambands Austur Húnvetninga fór fram í gær á Húnavöllum. Mættir voru fulltrúar frá öllum aðildarfélögum nema einu auk gesta frá UMFÍ. Rúnar A. Pétursson, formaður USAH, setti þingið og bauð alla velkomna og fór yfir starfsemi sambandsins á síðasta ári en fjölmargt var gert og mörg afrek unnin hjá félögum í USAH. Rekstur sambandsins gekk vel og er það aðallega auknum Lottó tekjum að þakka.
Á þinginu voru afhent Hvatningarverðlaun sambandsins en að þessu sinni var það Sigrún Líndal hjá Fram á Skagaströnd sem þau hlaut fyrir óeigingjarnt starf sitt fyrir sambandið og margar nýjungar sem hún hefur bryddað upp á í starfi sínu á Skagaströnd. Þá var tilkynnt um val á Íþróttamanni ársins hjá USAH og fyrir valinu varð Ásdís Brynja Jónsdóttir hjá Hestamannafélaginu Neista.