Guðmundur Ingi Guðbrandsson, umhverfis- og auðlindaráðherra og Þórdís Kolbrún Reykfjörð Gylfadóttir, ferðamála- iðnaðar- og nýsköpunarráðherra, tilkynntu í dag um úthlutun á ríflega 2,8 milljörðum króna til uppbyggingar innviða og annarra verkefna á fjölsóttum stöðum í náttúru �slands og öðrum ferðamannastöðum. Þar á meðal eru sex verkefni í Húnavatnssýslum sem fá samtals um 99 milljónir króna á þessu ári. Með úthlutuninni er blásið til sóknar í uppbyggingu innviða á friðlýstum svæðum og öðrum ferðamannastöðum í náttúru �slands.

​Annars vegar er um að ræða tæplega 2,1 milljarða króna úthlutun vegna þriggja ára verkefnaáætlunar Landsáætlunar um uppbyggingu innviða sem gildir fyrir árin 2018-2020. Verkefnaáætlunin tekur m.a. til friðlýstra svæða og fjölsóttra staða í eigu íslenska ríkisins, valinna svæða sveitarfélaga auk landvörslu. Þá er fé veitt til óstaðbundinna áhersluverkefna. Alls er fjármagni veitt á 71 stað og eina gönguleið til fjölbreyttra verkefna, með sérstaka áherslu á vernd náttúru, minjavernd, bætt öryggi, svo og bætta aðstöðu fyrir gesti á þessu stöðum.​

Hins vegar er um að ræða 722 milljón króna úthlutun úr Framkvæmdasjóði ferðamannastaða fyrir árið 2018. Tekið skal fram að gert er ráð fyrir að Framkvæmdasjóðurinn úthluti alls 2,2 milljörðum á árunum 2018 til 2020 en úthlutað er árlega. Þetta er í fyrsta sinn sem sjóðurinn styrkir ekki ferðamannastaði í eigu ríkisins og er það í samræmi við breytta löggjöf um sjóðinn. Alls hljóta 56 staðir styrk úr sjóðnum að þessu sinni. Sérstök áhersla er lögð á að fjölga viðkomustöðum ferðamanna til að stuðla að því að álag minnki á fjölsóttum stöðum og lýtur 21 verkefni að þessu markmiði. 

​Úthlutun úr Framkvæmdasjóði ferðamannastaða fyrir árið 2018 til verkefna í Húnavatnssýslum:

Húnavatnshreppur fær úthlutað 57 milljónum króna í styrk vegna Þrístapa; aðkomusvæði, bílastæði, stígagerð og fræðsluskilti. Styrkurinn er til að gera svæðið öruggt og aðgengilegt fyrir ferðamenn, útbúa bílastæði og göngustíg að aftökustaðnum að Þrístapa ásamt svæði með upplýsingaskiltum og fræðslu. Verkefnið er til að auka öryggi á stað sem gæti orðið vinsæll ferðamannastaður. Þar sem deiliskipulag vegna verkefnisins er í vinnslu er lagt til að styrkur verði veittur þegar samþykkt deiliskipulag liggur fyrir og eingöngu ef það hefur tekið gildi fyrir 28. maí 2018. Að öðrum kosti verði verkefnið ekki styrkt, styrkurinn fellur niður án frekari viðvarana og styrkfjárhæðin rennur aftur í sjóðinn til endurúthlutunar.

Blönduósbær fær úthlutað 32 milljónum króna í styrk vegna Hrúteyjar; gamla Blöndubrúin frá 1987 gerð að göngubrú. Styrkurinn er til að nota gömlu Blöndubrúna frá 1897 sem göngubrú út í Hrútey og bæta þannig aðgengi að eyjunni og varðveita samtímis elsta samgöngumannvirki á �slandi. � þessum 1. áfanga verður brúin sett á sinn stað, gerðir stígar og bílastæði við aðkomu. Hrútey er í eigu Blönduósbæjar og hefur verið samstarf við Skógræktarfélag A-Hún. um opin skóg í eyjunni. Hrútey er náttúruperla Blönduósbæjar og gæti orðið með bættu aðgengi að vinsælum og áhugaverðum ferðamannastað með endurnýtingu sögulegra mannvirkja. Verkefnið er einnig til þess fallið að auka öryggi ferðamanna, bæta aðgengi og stuðla að náttúruvernd.

Þingeyraklausturskirkja fær úthlutað rúmlega 2,5 milljónum króna vegna deiliskipulags og aðkomu; bílastæði og stígakerfi. Styrkurinn er til að gera deiliskipulag sem nær yfir aðkomu, bílastæði og stígakerfi á kirkjutorfunni við Þingeyrarkirkju og Klausturstofu. Um er að ræða brýnt verkefni sökum aukinnar aðsóknar gesta á þessum merka stað.

Selasetur �slands fær úthlutað rúmlega 3 milljónum króna vegna selaskoðunarstaðar á Flatnefsstöðum. Styrkurinn er til að byggja upp selaskoðunarstað á Flatnefsstöðum, Vatnsnesi, ásamt gönguleið. Um er að ræða vinnu við deiliskipulag og hönnun á aðkomuvegi, bílastæðum, göngustígum, pöllum o.s.frv. Vatnsnes hefur nýtt sér sérstöðu sína hvað varðar Selaskoðun. Með því að fjölga selaskoðunarstöðum á Vatnsnesi má dreifa álagi ferðaþjónustu á náttúruna.

Húnaþing vestra fær úthlutað 1,6 milljón króna vegna Kolugljúfurs; bætt aðgengi og öryggi framhald. Styrkurinn er til að bæta aðgengis- og öryggismál á viðkvæmu og hættulegu svæði sem er umhverfis gljúfrin. Markmið verkefnisins er að byggja upp fyrsta hluta göngustíga með nauðsynlegum búnaði í samræmi við nýsamþykkt deiliskipulag. Kolugljúfur er einn mikilvægasti ferðamannastaður Norðurlands vestra. Afar mikilvægt er að tryggja vernd náttúru og auka öryggi ferðamanna á þessum stað sem býr yfir hrikalegri náttúru.

Skagabyggð fær úthlutað 2,7 milljónum króna vegna Kálfshamarsvíkur sem áfangastaðar. Styrkurinn er til gerðar deiliskipulags og hönnunar til uppbyggingar göngustíga. Kálfshamarsvík hefur allt til að bera til að verða mikilvægur ferðamannastaður á frekar fásóttum Skaganum.

​Úthlutun vegna þriggja ára verkefnaáætlunar fyrir árin 2018-2020 til verkefna í Húnavatnssýslum, samtals 68,5 milljónir króna:

Borgarvirki. Friðlýstar/friðaðar fornminjar og á náttúruminjaskrá. Afmörkuð uppbygging, verndaraðgerðir. Fjárhæð 28 milljónir króna.

​Hveravellir. Friðlýst sem náttúruvætti. Viðhald. Fjárhæð 2 milljónir króna.

​Hvítserkur. Ã� náttúruminjaskrá. Öryggisaðgerðir. Fjárhæð 21 milljónir króna.

​Þrístapar. Friðlýstar/friðaðar fornmingja. Afmörkuð uppbygging. Fjárhæð 15 milljónir króna.

Finna má nánari upplýsingar um úthlutun styrkja á vef stjórnarráðsins. Þar má einnig finna þriggja ára verkefnaáætlun Landsáætlunar um uppbyggingu innviða, kynningu ráðherra og lista yfir úthlutun Framkvæmdasjóðs ferðamannastaða.