Apríl 2024 | ||||||
S | M | Þ | M | F | L | |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 1 | 2 | 3 | 4 |
Fyrri | Núna | Næsti |
Holtavörðuh. | 15:33 | 0 | 0°C |
Laxárdalsh. | 15:33 | 0 | 0°C |
Vatnsskarð | 15:33 | 0 | 0°C |
Þverárfjall | 15:33 | 0 | 0°C |
Kjalarnes | 15:33 | 0 | 0°C |
Hafnarfjall | 15:33 | 0 | 0°C |
13. apríl 2024 Klúðrið er víðaKlúðrið og bullið er víða í samfélaginu okkar og er af mörgu að taka. Ætla ég að nefna aðeins nokkur atriði. Landsbankaklúðrið í kringum kaupin á TM. Alveg er það merkilegt þegar embættis- menn telja sig geta tekið ákvarðanir um hvað sem þeim dettur í hug. ::Lesa |
Fyrir bæjarstjórn Blönduóss liggur nú tillaga um að gamli bærinn verði skilgreindur sem verndarsvæði í byggð. Verði tillagan samþykkt og málið hljóti jákvæða umsögn yfirvalda tel ég það muni verða Blönduósi til mikilla heilla. Mikilvægt er að íbúar kynni sér vel hvaða tækifæri felast í þessu verkefni og að jafnframt að sátt verði meðal húseiganda og íbúa um að fara þessa leið. Til þess að svo megi verða þurfum við að ræða málin og fara vel yfir það hvernig best er að standa að þessu. Ég sem fasteignaeigandi í gamla bænum á Blönduósi, ákvað að stinga niður penna og leggja mitt af mörkum til þessarar umræðu.
Í lögum um menningarminjar nr. 80/2012 er kveðið á um að hús sem eru 100 ára eða eldri séu friðuð, sem þýðir að ekki má raska, spilla, breyta, rífa eða flytja úr stað án leyfis Minjastofnunar. Í gamla bænum á Blönduósi eru 12 hús sem falla í þennan flokk og einnig eru 4 hús á svæðinu, byggð fyrir 1925 sem eru það sem kallast umsagnarskyld, sem þýðir að fá þarf leyfi hjá Minjastofnun ef það á að breyta þeim.
Séu mannvirki skilgreind innan verndarsvæðis skapast möguleikar til að sækja um opinbera styrki til endurgerðar og uppbyggingar ytra byrðis húsa, innra byrðis húsa og umhverfisbóta kringum hús. Ef að svæðið er hinsvegar ekki skilgreint sem verndarsvæði í byggð eru húsin ekki í forgangi við styrkúthlutanir og einungis er hægt að sækja um styrki til uppbyggingar og endurgerðar ytra byrðis en ekki til umhverfisbóta né verkefna innandyra.
Í dag er það þannig að allar breytingar sem húseigendur óska eftir að gera á húsum sínum þurfa að fá leyfi byggingafulltrúa. Óskir um breytingar eru lagðar fyrir bygginganefnd. Verði gamli bærinn skilgreindur sem verndarsvæði í byggð er líklegt að mun hreinni línur verði í áherslum byggingarnefndar varðandi gamla bæinn og um margt auðveldara að vinna umsóknir en nú er, þvert á það sem margir halda. Markmið okkar hlýtur að vera að stefna öll að sama marki til þess að skapa heildstæða mynd af þessum fallega gamla bæ sem við eigum og gæta þess að vera samstíga í því. Með verndarsvæði í byggð þá tel ég að mun meiri líkur séu að við stefnum í sömu átt og varðveitum gamla bæinn án þess að það setji okkur of þröngar skorður. Enda eru í tillögunni settir fram skilmálar sem varða leiðina en gefa gott svigrúm til athafna.
Tillaga að verndarsvæði í byggð bindur því ekki hendur fólks umfram það sem er gert í skipulagi almennt. Eðli málsins samkvæmt bindur stefnumótun innan ákveðins svæðis alltaf hendur sumra að einhverju leyti en mér sýnist að skilmálar séu rúmir og uppbyggingu gamla bæjarins er beint í þá átt að eldra svipmót byggðarinnar verði haft sem útgangspunktur. Minna má á að nú þegar eru húseigendur friðaðra byggingar skyldugir að fá leyfi hjá Minjastofnun kjósi þeir að breyta húsum sínum að utan.
Með verndarsvæði í byggð erum við því komin með framtíðarsýn fyrir gamla bæinn sem gefur okkur heilstæðari mynd af honum og hvert við skulum stefna, þannig að við getum öll verið stolt af honum.
Að lokum langar mig að benda á umfjöllun RÚV 10. apríl 2018, þar sem fjallað er um úthlutun Húsafriðunarsjóðs. Faktorshúsið á Djúpavogi fékk 10 milljón króna styrk til uppbyggingar á innra byrði hússins, vegna þess að húsið stendur innan staðfests verndarsvæðis í byggð á Djúpavogi: http://www.ruv.is/frett/faktorshusid-a-djupavogi-fekk-haesta-styrkinn.
Einar S. Valdimarsson, Hótel Blöndu og gamla pósthúsinu
Pistlar | 20. apríl 2024 - kl. 11:58
Eftir Inga Heiðmar Jónsson
Á miðvikudegi þann 8. maí, boðum við aðalfund Sögufélagsins Húnvetnings, kl. 15, þ.e. á nóni í Bóka- og skjalasafninu Blönduósi. Þar munu þau Svala skjalavörður Runólfsdóttir og Benedikt Blöndal segja frá og sýna okkur árangur starfs þeirra hjóna við að safna upplýsingum um minnismerki í Austur-Húnavatnssýslu síðustu misserin. Einnig mun Hjalti Pálsson sagnfræðingur koma til okkar á fundinn og segja okkur frá upphaflegum tillögum og umræðu sem leiddu til þess stórvirkis sem Byggðasaga Skagfirðinga varð í höndum hans.
|
Fréttir | 19. apríl 2024 - kl. 21:12
Gular veðurviðvaranir taka gildi á morgun allt frá Breiðafirði, um Vestfirði, allt Norðurland og austur á firði, vegna talsverðrar rigningar og asahláku á morgun og fram á aðfaranótt sunnudags. Á vef Veðurstofunnar segir að vegna ört hækkandi hitastigs megi búast við miklum leysingum, auknu afrennsli og vatnavöxtum í ám og lækjum. Mikilvægt sé að hreinsa frá niðurföllum til að forðast vatnstjón vegna rigningar og leysingavatns.
|
Fréttir | 19. apríl 2024 - kl. 20:56
Verkalýðsmálaráð Samfylkingarinnar boðar til málstofu um húsnæðis- og kjaramál, laugardaginn 20. apríl klukkan 09:00 í húsnæði stéttarfélagsins Samstöðu að Þverbraut 1 á Blönduósi. Frummælendur verða Þórarinn Sverrisson, formaður Öldunnar, stéttarfélags í Skagafirði, Ásgerður Pálsdóttir, fyrrverandi formaður Samstöðu og núverandi formaður Félags eldri borgara á Blönduósi og Finnbogi Sveinbjörnsson, formaður Verkalýðsfélags Vestfjarða.
|
Fréttir | 19. apríl 2024 - kl. 12:07
Sunnudaginn 28. apríl verða haldnir tónleikar í Blönduóskirkju þar sem kirkjukórinn mun syngja nokkur hugljúf vorlög undir stjórn Eyþórs Franzsonar Wechner organista. Jafnframt mun Eyþór sýna snilli sína og leyfa okkur að heyra hvað orgelið hefur upp á að bjóða.
|
Fréttir | 18. apríl 2024 - kl. 20:37
Húnaþing vestra og Leigufélagið Bríet hafa undirritað viljayfirlýsingu um uppbyggingu leiguíbúða í Húnaþingi vestra. Í yfirlýsingunni lýsa aðilar yfir vilja til samstarfs um uppbyggingu leiguíbúða í sveitarfélaginu auk þess sem Húnaþing vestra leggur til íbúðir í sinni eigu í gegnum svokölluð yfirtökuverkefni. Viljayfirlýsing þessi kemur til viðbótar samkomulagi sem undirritað var á dögunum milli innviðaráðuneytis, Húnaþings vestra og HMS um uppbyggingu allt að 50 íbúða til sölu og leigu á næstu fimm árum.
|
Fréttir | 18. apríl 2024 - kl. 20:23
Árleg kökukeppni Undirheima, sem er félagsmiðstöð fyrir unglinga í Höfðaskóla, var haldin í gærkvöldi. Keppendur voru tólf talsins og voru tveir til þrír saman í hóp. Skreyta þurfti kökurnar á staðnum og höfðu keppendur 60 mínútur til þess að ljúka verkinu. Að því loknu valdi þriggja manna dómnefnd þrjú efstu sætin sem frumlegustu kökuna, besta bragðið og fallegustu kökuna. Að hennar sögn var valið ekki auðvelt. Sagt er frá þessu á vef Skagastrandar.
|
Fréttir | 18. apríl 2024 - kl. 06:05
Lið Grunnskóla Húnaþings vestra er komið í úrslit Skólahreysti en keppt var í Laugardagshöll og sýnt beint á RÚV. Liðið stóð sig frábærlega og sigraði riðilinn sinn. Úrslitakeppnin fer fram 25. maí næstkomandi. Lið Grunnskóla Húnaþings vestra skipa þau Friðrik Hrafn Hannesson, Saga Ísey Þorsteinsdóttir, Victor Þór Sigurbjörnsson, Nóa Sophia Ásgeirsdóttir, Indriði Rökkvi Ragnarsson og Victoría Elma Vignisdóttir.
|
Fréttir | 18. apríl 2024 - kl. 05:59
Viðbragðsaðilar á Norðurlandi vestra stefna á að halda hópslysaæfingu 11. maí næstkomandi. Hluti hópsins hittist á Blönduósi í fyrradag og æfðu viðbragð við flugslysi og rútuslysi, þar sem settar voru upp tvær borðæfingar. Æfingarnar eru undirbúningur fyrir stóru æfinguna í maí og er samvinna lykilinn að góðri útkomu, eins og segir á facebooksíðu Lögreglunnar á Norðurlandi vestra. „Samhæft viðbragð skilar betri þjónustu til borgaranna.“
|
Fréttir | 17. apríl 2024 - kl. 06:10
Sigríður Ỏlafsdóttir úr Húnaþingi vestra var endurkjörin formaður kjördæmisráðs Sjálfstæðisflokksins í Norðvesturkjördæmi en ráðið hélt aðalfund sinn á Laugum í Sælingsdal um síðustu helgi. Á fundinum var samþykkt stjórnmálaályktun þar sem meðal annars er komið inn á að atvinnufrelsi og eignarréttur sé órjúfanlegur hluti frjáls samfélags og forsenda þess að hægt sé að tryggja jöfn tækifæri í landinu.
|
Fréttir | 16. apríl 2024 - kl. 14:48
Tilkynning frá Háskólanum á Hólum
Háskólinn á Hólum hlýtur Byggðagleraugu Samtaka sveitarfélaga á Norðurlandi vestra fyrir framsækið og metnaðarfullt starf. Námið við háskólann er sértækt að því leyti að það byggir á traustum grunni fyrir mikilvægar framtíðar atvinnugreinar í samfélaginu þar á meðal íslenska hestinn, ferðaþjónustu í dreifbýli og fiskeldi, en skólinn hefur dregið til sín nemendur víðsvegar að úr heiminum. Í Háskólanum á Hólum er öflugt háskólastarf sem er í stöðugum vexti og nýsköpun.
|
Fréttir | 16. apríl 2024 - kl. 05:32
Sveitarfélagið Skagaströnd heldur íbúafund í Fellsborg miðvikudaginn 17. apríl klukkan 17:00. Á dagskrá eru fjölmörg mál eins og staðan á hafnarframkvæmdum, breyting á námsstofu, sorpmál, vinnuskóli, gjaldskrár og kjarasamningar.
|
Fréttir | 16. apríl 2024 - kl. 05:27
Sr. Sigríður Gunnarsdóttir sóknarprestur í Skagafjarðarprestakalli hefur verið skipuð prófastur í Húnavatns- og Skagafjarðarprófastsdæmi. Hún tekur við af sr. Döllu Þórðardóttur á Miklabæ, sem lét af störfum 1. desember síðastliðinn. Frá þeim tíma hefur sr. Gísli Gunnarsson vígslubiskup á Hólum gegnt prófstsstörfum.
|
Tilkynningar | 16. apríl 2024 - kl. 05:17
Frá Félagi eldri borgara í Húnaþingi vestra
Aðalfundur Félags eldri borgara í Húnaþingi vestra verður haldinn miðvikudaginn 17. apríl 2024 klukkan 14:00 í Félagsheimilinu á Hvammstanga. Á dagskrá eru venjuleg aðalfundarstörf, skýrsla og tillögur ferðanefndar og margt fleira. Unnur Valborg Hilmarsdóttir sveitarstjóri verður gestur fundarins. Kaffiveitingar að hætti kaffinefndar. Nýir félagar ávallt velkomnir.
|
Tilkynningar | 16. apríl 2024 - kl. 05:13
Frá stjórn
Aðalfundur Hollvinasamtaka heilbrigðisstofnunarinnar á Blönduósi verður haldinn í fundarsal HSB föstudaginn 26. apríl næstkomandi klukkan 16.00.
Dagskrá: Venjuleg aðalfundarstörf.
|
02. apríl 2023 Sjö leiðir til að létta þér þrifin í vor og sumarNú er vorið komið og sumarið framundan og þá er ekki úr vegi að koma með nokkur góð húsræða. ::Lesa |
03. febrúar 2023 Á ferðalagiGuðmundur var að spjalla við Tóta, bróður sinn í Kaliforníu. ::Lesa |