Á sveitarstjórnarfundi Blönduósbæjar 7. júní síðastliðinn var lögð fram tillaga um nafn á nýja götu á svæðinu þar sem gagnaverið er að rísa. Tillagan sem lögð var fram var nafnið Fálkagerði. Á fundinum kom einnig fram tillaga um að gefa íbúum kost á að koma með tillögur að götuheiti en hún var felld. Tillagan um nafnið Fálkagerði var samþykkt með fjórum atkvæðum en þrír sveitarstjórnarmenn sátu hjá við atkvæðagreiðsluna.