Höskuldsstaðakirkja. Mynd: Kirkjukort.net
Fréttir |
Tilkynningar | 19. september 2018 - kl. 21:09
Biskup Íslands frú Agnes Sigurðardóttir heimsækir Höskuldsstaðakirkju miðvikudaginn 26. september næstkomandi klukkan 10:30. Þar verður stutt helgistund og að henni lokinni mun biskup vígja sögutorg sem hlaðið var í sumar í elsta hluta kirkjugarðsins á Höskuldsstöðum.
Tilgangur þess er að gera gamla rúnalegsteininn sem hefur verið í kirkjugarðinum frá því fyrir 1400 sýnilegri og aðgengilegri ásamt því að stuðla að varðveislu hans til framtíðar.
Rúnalegsteinn þessi er meðal elstu áreiðanlega tímasettu rúnalegsteina á Íslandi og er því áríðandi að varðveita hann vel. Hann hefur lengi verið hulinn mold en 1910 er þess getið við vísitasíu að hann hafi komið í ljós. Legsteinn þessi var settur yfir séra Martein prest á Höskuldsstöðum en hann var prestur þar á 14. öld.
Kaffiveitingar. Mætum sem flest og eigum góða stund saman. Allir velkomnir.
Sóknarnefnd Höskuldsstaðakirkju.