Norðurlandsmótið í júdó fór fram á Blönduósi á sunnudaginn og var það sérlega skemmtilegt og vel heppnað. Alls voru keppendur 34 frá þremur félögum; Pardusi á Blönduósi, Tindastóli á Sauðárkróki og KA á Akureyri. Mótið er samstarfsverkefni júdófélaganna þriggja og hefur það verið haldið á Blönduósi frá árinu 2015. Mótið átti að fara fram í nóvember en var frestað vegna veðurs. Þrír keppendur frá Pardusi urðu Norðurlandsmeistarar.