Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Mánudagur, 14. október 2019
SV  1 m/s
C
Olís
huni.is - RSS-efnisveita
 
Á döfinni
Október 2019
SMŢMFFL
293012345
6789101112
13141516171819
20212223242526
272829303112
FyrriNúnaNćsti
Veðurstofa Íslands
Blönduós 13:00 SV 1  6°C
Reykir í Hr 13:00 NNA 3  5°C
Reykjavík 13:00 ASA 6  7°C
Akureyri - 13:00 SA 1  1°C
Egilsstaðaf 13:00 NA 2  5°C
Haugur 13:00 A 7  4°C
Holtavörðuh 13:00 NNV 6  1°C
Þverárfjall 13:00 A 4  1°C
Laxárdalshe 13:00 ANA 7  2°C
Brúsastaðir 13:00 Logn 0  6°C
Vegagerðin
Holtavörđuh. 13:40 NNV 5 2°C
Laxárdalsh. 13:40 NNA 5 4°C
Vatnsskarđ 13:40 ANA 9 2°C
Ţverárfjall 13:40 ANA 3 3°C
Kjalarnes 13:40 A 12 8°C
Hafnarfjall 13:40 ASA 6 9°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
14. október 2019
Haustnöldur
Sumarið er búið og haustlægðirnar koma nú til okkar hver af annarri. Maður er farinn að finna lykt af vetri enda styttist í fyrsta vetrardag. Það kætir mig svo sem ekkert, enda líkar mér ólíkt betur við blessað sumarið og sólina og fæ hroll af að hugsa um stórhríð og snjóskafla.
::Lesa

Northwest.is


SSNV

Leita í netfangaskrá
 
Eftir Sigurbjörn Þorkelsson
11. október 2019
Eftir Sigurbjörn Þorkelsson
03. október 2019
Frá Heilsuhópnum
29. september 2019
Eftir Inga Heiðmar Jónsson
27. september 2019
Eftir Guðjón S. Brjánsson
09. september 2019
Eftir Sigurbjörn Þorkelsson
04. september 2019
Pistlar | 06. desember 2018 - kl. 09:31
Jólin eru tímalína
Eftir Sigurbjörn Þorkelsson

Hún mamma var alltaf allt í öllu ekki síst á aðventunni og um jólin. Hún skreytti, bakaði og eldaði, saumaði og heklaði. Kom fyrir dúkum og kertum. Sparistellið var að sjálfsögðu dregið fram og silfrið fægt. Við mamma bökuðum saman smákökur og piparkökur sem hún leyfði mér að mála og skreyta. Svo leyfði hún mér að föndra mitt eigið jólaskraut sem átti það náttúrulega til að fara allavega. Hún saumaði á mig jólasveinabúninga sem ég fór varla úr. Alltaf svo natin og þolinmóð við mig, þessi elska. Blessuð sé minning hennar.

Fyrir mér var hún mamma eiginlega jólin. - Ásamt pabba að sjálfsögðu sem ég var alla tíð mjög tengdur og naut þess að fara með í útréttingar, sýsla og stússast. 

Þegar sest var til borðs var jólaguðspjallið ævinlega lesið, áður en pabbi bað borðbæn og þakkaði Guði fyrir að senda okkur son sinn og bað þess að í hjarta okkar hann mætti koma inn. Man ég að mér fannst bænirnar framan af ævinni svona helst til langar því spenningurinn fyrir kvöldinu fór vaxandi og því óþreyjan orðin mikil.

Önnur ofurkona 
Tvítugur kvæntist ég síðan sólinni minni sem aldrei dregur fyrir. Komum því ung með blandaðar jólahefðir til að leggja í púkkið sem voru þó alls ekki svo ólíkar. Í áratugi söng hún við aftansöng á aðfangadagskvöld, oftar en ekki jafnvel einsöng. Það truflaði þó ekki að hún væri klár með stórfenglegt hátíðarborð á tilsettum tíma. Með þrjá unga drengi, foreldra mína, móðursystur og jafnvel fleiri frænkur í mat svo allir gátu notið kvöldsins hamingjusamlega afslappaðir og ríkulega mettir. 

Við eigum þrjá syni sem nú eru uppkomnir en komu jólunum okkar í algjörlega nýjan og dásamlegan búning og farveg, fljótlega vatnsgreiddir í svörtum lakkskóm og jafnvel með skyrtuna upp úr áður en kvöldverði lauk. 

Eftirvæntingin í þá daga var gjarnan mikil eins og jafnan. Og gleðin, þótt vissulega hafi verið álag á heimilinu.

Alzheimer
Að því kom að við fluttum í sama hús og foreldrar mínir sem kom sér vel sérstaklega hin síðari ár eftir að mamma fékk heilablóðfall ofan í hinn illskeytta sjúkdóm, Alzheimer.

Það var mikið áfall fyrir okkur þegar hún tók upp á því að kveikja á öllum aðventukertunum fyrsta sunnudag í aðventu. Pabbi var alveg eyðilagður. Snemma aðfangadags hringdi hann svo niður til okkar alveg miður sín og sagði að hún væri búin að slíta allt skrautið af ný skreyttu jólatrénu. Um kvöldið hafði hún slysast til að taka inn svefntöflu áður en hún kom til okkar og sofnaði svo bara ofan í forréttinn, þennan forláta jólagraut. Var gjörsamlega skræld allri virðingu og reisn. Það var svo óendanlega sárt og það á sjálfum jólunum.

Af hverju að rifja þetta upp?
Og af hverju að vera svo að rifja þetta upp? Af því að svona eru einfaldlega jólin og svona hafa þau alltaf verið. Kynslóðir koma og kynslóðir fara og þau tengja okkur í gleði og sorg.

Og nú eru það barnabörnin sem allt snýst um. Þau veita okkur ómælda gleði og hamingju. Við gætum ekki hugsað okkur lífið án þeirra. Þeirra sem vita bara ekkert um foreldra okkar hjóna. En allt snýst í dag um að og gera jólin að tilhlökkunarefni fyrir, eftirsókanarverð, spennandi og heilög.

Minningarnar lifa
En minningarnar lifa, tengja fortíð við nútíð og framtíð á svo undraverðan og undursamlegan hátt, sem þú sást aldrei fyrir en mátt upplifa, njóta og takast á við hverju sinni, ár eftir ár. Jólin taka nefnilega af okkur síbreytilegar myndir. Þau geyma minningar og myndir sem gera okkur að manneskjum. Þau fá okkur til að finna til og elska út af lífinu. Lífinu sem er frelsari allra kynslóða, Jesús Kristur, Guðs sonur, en einnig bróðir okkar allra, samherji og vinur sem fann til og þjáðist en var eftir allt saman lífið sjálft. Lífið sjálft sem sameinar okkur í tímans rás og um eilífð.

Þannig er nefnilega jólasagan. Hún spannar allt litróf mannlegs lífs. Gleði og hamingju, von og vonbrigði, raunir og ótta. Ótta við dauðann. Já og svo líka bara við lífið. Lífið sjálft sem við munum aldrei ná að höndla í eigin mætti.     

Við kunnum að sjá auða stóla sem áður voru setnir. Við fyllumst söknuði á heilagri jólanótt sem færir okkur samt ólýsanlega kyrrð og frið, þakklæti og nýtt upphaf. Vegna fæðingar barnsins þar sem reynsla aldanna kemur saman, tilfinningar og tár, upplifanir, nýir tímar og þakklæti.

Æfing í samskiptum
Ævigangan er  ekkert annað en æfing í mannlegum samskiptum. Þá ekki síst aðventan og jólin. Því þá speglum við okkur svo skýrt og skilmerkilega í sjálfum okkur og náunganum. Aðventan og jólin taka nefnilega af okkur myndir sem varðveitast í albúmi hugans og mást ekki svo auðveldlega í tímans ranni. Myndum sem  verða að minningum sem fylgja okkur ævilangt.

Góður Guð varðveiti okkur minningarnar, í Jesú nafni. Í nafni jólabarnsins sem við fáum að gjöf, ár eftir ár og daglega, og fær okkur til þess að komast af. Jólabarnsins sem fylgir okkur ekki aðeins ævina á enda heldur um alla eilífð.

Gleðilega, innihalds- og hamingjuríka aðventu, kæru vinir og jól sem aldrei munu enda.

Með kærleiks- og friðarkveðju.

Lifi lífið!

Höfundur er ljóðskáld og rithöfundur og aðdáandi lífsins.

Höf. rzg
Sigurdís Sandra Tryggvadóttir. Ljósm: ismus.is
Sigurdís Sandra Tryggvadóttir. Ljósm: ismus.is
Fréttir | 14. október 2019 - kl. 13:45
Sigurdís Sandra Tryggvadóttir, frá Ártúnum í Blöndudal, stundar rytmískt píanónám við Syddansk Musikkonservatorium í Óðinsvéum í Danmörku. Í vikunni heldur Odense Kammerkor frá Danmörku tónleika á Íslandi þar sem kórverk eftir Sigurdísi Söndru verður flutt. Verkið er samið við ljóðið Ísland, eftir afabróður Sigurdísar, Jónas Tryggvason frá Finnstungu en Jónas var brautryðjandi í tónlistarstarfi í Austur-Húnavatnssýslu á sínum tíma og samdi sjálfur nokkur kórverk, það þekktasta, Ég skal vaka.
Lífland landbúnaður
Fréttir | 14. október 2019 - kl. 12:53
Körfuboltaæfingar fyrir krakka á aldrinum 9- 16 ára verða í íþróttahúsinu á Blönduósi í kvöld klukkan 19:00-20:00 og annað kvöld, þriðjudaginn 15. október, klukkan 19:00-20:00. Frítt er á æfingarnar. Þjálfari er Helgi Freyr Margeirsson sem hefur verið með körfuboltanámskeiðin.
Glaðheimar
Fréttir | 11. október 2019 - kl. 11:03
Húnaþing vestra auglýsir eftir refaveiðimönnum til starfa í sveitarfélaginu í vetur. Ráða á sex veiðimenn, einn á hvert svæði, sem eru Vatnsnes, Vesturhóp, Miðfjörður, Víðidalur, Hrútafjörður austan og Hrútafjörður vestan. Áhugasamir þurfa að skila inn umsóknum á skrifstofu Húnaþings vestra eigi síðar en 15. nóvember næstkomandi.
Sameining A-Hún
Pistlar | 11. október 2019 - kl. 10:01
Eftir Sigurbjörn Þorkelsson
Nú er það löngu orðið svo að við búum í heimi þar sem nálægðin við fjarlæg og framandi menningarsvæði, lífsskoðanir og gildi verður æ meiri og blöndun kynþátta og fólks af ólíkum uppruna æ algengari. Hvort sem okkur líkar betur eða verr þá lifum við flest eftir einhverskonar viðmiðum um hvað sé æskilegt og hvað sé óæskilegt. Hvað teljist rétt og hvað rangt.
Menn áttu sínar gleðistundir í sumar þrátt fyrir dræma veiði víðast hvar.
Menn áttu sínar gleðistundir í sumar þrátt fyrir dræma veiði víðast hvar.
Fréttir | 10. október 2019 - kl. 15:11
Samkvæmt bráðabirgðatölum frá Hafrannsóknarstofnun veiddust um 28.800 laxar á stöng í sumar. Veiðin er sú sjöunda minnsta sem skráð hefur verið frá árinu 1974 og sú minnsta frá árinu 2000. Mest varð minnkun í veiði á vestanverðu landinu en aukning kom fram í ám á Norðausturlandi. Veiðin 2019 var um 16.500 löxum minni en hún var 2018. Í tölum um heildarlaxveiði eru taldir villtir laxar, laxar sem upprunnir eru úr sleppingum gönguseiða og einnig þeir laxar sem er sleppt aftur í stangveiði (veitt og sleppt).
Tilkynningar | 10. október 2019 - kl. 13:08
Heimilið við Skúlabraut á Blönduósi leitar eftir starfsmanni. Æskilegt er að umsækjandi geti hafið störf sem fyrst, um framtíðarstarf er að ræða. Starfshlutfall er 83%. Starfsmaður starfar á heimili fyrir fatlaða einstaklinga. Starfið felur í sér að aðstoða fatlaða einstaklinga við athafnir daglegs lífs, s.s. við umönnun og afþreyingu ásamt öðrum verkefnum. Unnið er eftir hugmyndafræði um þjónandi leiðsögn og valdeflingu.
Hópurinn sem gekk saman á sunnudaginn. Ljósm: Róbert Daníel Jónsson.
Hópurinn sem gekk saman á sunnudaginn. Ljósm: Róbert Daníel Jónsson.
Fréttir | 10. október 2019 - kl. 12:01
Gönguhópur Blönduóss var stofnaður nýverið. Hann er hugsaður sem óformlegur hópur fólks sem deilir sameiginlegu áhugamáli, sem er að ganga sér til ánægju og yndisauka. Allir eru velkomnir í gönguhópinn. Ekki er boðið upp á skipulagða leiðsögn í göngum en allir eru hvattir til að deila þeim fróðleiks sem þeir búa yfir. Fyrsta ganga hópsins var síðastliðinn sunnudag og mættu 22 vaskir göngugarpar.
Fréttir | 10. október 2019 - kl. 09:29
Miklar breytingar verða á veiðifyrirkomulagi í Blöndu á næsta ári. Eingöngu verður heimilt að veiða á flugu og á neðsta svæði árinnar, svæði I, verður tveggja laxa kvóti á dag. Þá munu veiðimenn þurfa að sleppa öllum stórlaxi, eða laxi sem er 69 sentímetrar eða stærri. Stöngum verður fækkað og veiðihúsin tekin í gegn. Nýverið gerði félagið Starir fimm ára samning við Veiðifélag Blöndu og Svartá um leigu á ánum.
Fréttir | 09. október 2019 - kl. 21:46
Fyrirkomulag rjúpnaveiða í eignarlöndum Húnaþings vestra á komandi veiðitímabili hefur verið ákveðið og birt á vef sveitarfélagsins. Þess er vænst að veiðimenn virði fyrirkomulagið og viðurkenni að það sé sanngjarnt og eðlilegt að greiða hóflegt gjald fyrir aðgang að takmörkuðum gæðum eins og rjúpnaveiði. Verð fyrir hvert leyfi er 9.000 krónur á dag.
Fréttir | 09. október 2019 - kl. 15:54
Sauðfjárslátrun hófst í sláturhúsi SAH-Afurða á Blönduósi í byrjun síðasta mánaðar. Að sögn Gísla Garðarssonar sláturhússtjóra gengur slátrunin mjög vel. Áætlað er að slátra um 75-76 þúsund fjár sem er talsvert minna en í fyrra þegar slátrað var 90-100 þúsund fjár. Gísla segir að féð sé þokkalega vænt en þó séu lömbin nokkuð misjöfn. Meðalvigt lamba er rúmlega 16,66 kíló sem er um 300 grömmum minna en í fyrra. Um 115-118 manns starfa í sláturtíðinni á Blönduós, þar af koma rúmlega 100 starfsmenn erlendis frá, flestir frá Póllandi, Bretlandi, Ungverjalandi og Slóvakíu. Gísli segir að flestir hafi unnið í sláturtíð á Blönduósi áður. Áætlað er að sláturtíð ljúki 25. október næstkomandi.
Fréttir | 09. október 2019 - kl. 08:14
Tilkynning frá HSN
Erlingur Hugi Kristvinsson háls,- nef og eyrnalæknir verður með móttöku á Heilbrigðisstofnun Norðurlands á Blönduósi miðvikudaginn 23. október 2019. Tímapantanir í síma 455-4100 milli kl. 08:00 og 16:00.
Fréttir | 08. október 2019 - kl. 13:28
Verslunin Stúdíó Sport á Selfossi verður með markað í Félagsheimilinu á Blönduósi laugardaginn 12. október og í Félagsheimilinu á Hvammstanga sunnudaginn 13. október. Á markaðnum verða nýjar vörur sem og útsöluvörur. Fatnaður, skór og vinsælar íþróttavörur frá Sportvörum, Eirbergi og Bætiefnabúllunni. Opnunartími báða dagana er frá klukkan 12 til 16.
Fréttir | 08. október 2019 - kl. 10:11
Í spilaranum á ruv.is, undir flokknum samfélag, má finna þáttinn Fyrir sunnan sand sem birtur var 5. október síðastliðinn. Í honum fer Magnús Ólafsson á Sveinsstöðum með hljóðnemann í göngur í Fljótsdrögum. Hann ræðir við Sigurð Magnússon á Hnjúki, Leif Sveinbjörnsson á Hnausum og Magnús Pétursson í Miðhúsum.
Fréttir | 08. október 2019 - kl. 08:09
Prjónakvöld verður í kjallaranum í Hnitbjörgum dagana 8. og 22. október klukkan 19:30-22:00. Einnig verða prjónakvöld dagana 5. og 19. nóvember. Prjónakvöldin eru öllum opin. Komum saman og eigum notalega stund. Hlustum á klingjandi prjóna, tökum þátt í léttu spjalli, lærum af hvor annarri og höfum gaman saman.
 
Prenta Prenta  
 
 
Húsfrúin
09. ágúst 2019
Aldurssmánun samtímans
Margrét S. Björnsdóttir skrifaði áhugaverða grein á visir.is fyrr á þessu ári þar sem hún talar um aldurssmánun samtímans. Í greinninni fjallar hún um mestu sóun okkar, sóun á reynsluþekkingu. Lítil samfélög hafa ekki efni á að sóa áratuga reynsluþekkingu þeirra sem eldri eru.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2019 Húnahorniđ