Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Föstudagur, 18. október 2019
SA  3 m/s
C
Olís
huni.is - RSS-efnisveita
 
Á döfinni
Október 2019
SMŢMFFL
293012345
6789101112
13141516171819
20212223242526
272829303112
FyrriNúnaNćsti
Veðurstofa Íslands
Blönduós 14:00 SA 3  4°C
Reykir í Hr 14:00 A 6  4°C
Reykjavík 14:00 ANA 1  7°C
Akureyri - 14:00 SA 3  3°C
Egilsstaðaf 14:00 N 4  2°C
Haugur 14:00 ANA 8  3°C
Holtavörðuh 14:00 NNV 5  0°C
Þverárfjall 14:00 SA 2  2°C
Laxárdalshe 14:00 A 7  1°C
Brúsastaðir 14:00 S 5  3°C
Vegagerðin
Holtavörđuh. 14:00 NNV 5 1°C
Laxárdalsh. 14:00 A 7 2°C
Vatnsskarđ 14:00 SA 4 1°C
Ţverárfjall 14:00 SA 2 2°C
Kjalarnes 14:00 ANA 2 6°C
Hafnarfjall 14:00 NNA 2 5°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
14. október 2019
Haustnöldur
Sumarið er búið og haustlægðirnar koma nú til okkar hver af annarri. Maður er farinn að finna lykt af vetri enda styttist í fyrsta vetrardag. Það kætir mig svo sem ekkert, enda líkar mér ólíkt betur við blessað sumarið og sólina og fæ hroll af að hugsa um stórhríð og snjóskafla.
::Lesa

Northwest.is


SSNV

Leita í netfangaskrá
 
Eftir Sigurbjörn Þorkelsson
11. október 2019
Eftir Sigurbjörn Þorkelsson
03. október 2019
Frá Heilsuhópnum
29. september 2019
Eftir Inga Heiðmar Jónsson
27. september 2019
Eftir Guðjón S. Brjánsson
09. september 2019
Eftir Sigurbjörn Þorkelsson
04. september 2019
Pistlar | 21. mars 2019 - kl. 14:39
Blá fátækt í boði Bjarna
Eftir Guðjón S. Brjánsson

Hvers vegna hefur tafist hjá starfshópi um kjör eldri borgara sem standa höllum fæti, sem ráðherra skipaði í vor og var ætlað að skila tillögum fyrir 1. nóvember 2018, að skila tillögum sínum og hvenær er von á tillögum frá hópnum? 

Þessa spurningu lagði Ellert B. Schram fyrir félagsmálaráðherra þegar hann  tók sæti á Alþingi í nokkra daga fyrr á þessu ári, elsti þingmaðurinn til að setjast á þing í lýðveldissögunni. Hann lætur enn ekki deigan síga þrátt fyrir að vera kominn nokkuð við aldur.  Baráttumál hans eru kjör eldri borgara landsins. Á þingi hófst hann þegar handa, flutti ræður, sendi skriflega fyrirspurn til félags- og barnamálaráðherra og spurði fjármálaráðherra, Bjarna Benediktsson spjörunum úr. Einmitt þennan sama Bjarna sem hefur ýmist verið forsætisráðherra eða fjármálaráðherra mörg undanfarin ár og hefur ítrekað, bæði skriflega og opinberlega lofað eldri borgurum bættum hag, staðfastlega frá árinu 2013. 

Það þarf ekki að tíunda hér að íslenskt samfélag hefur búið við sögulegt góðæri allt þetta tímabil og efnahagslegt svigrúm því verið umtalsvert. Engar efndir hafa hins vegar orðið og á íslensku máli heita þetta ekkert annað en svik. Í stjórnarsáttmála núverandi ríkisstjórnar eru sömu loforðin gefin, að bæta hag þeirra eldri borgara sem höllustum fæti standa. 

Frekar en ekkert, þá skipaði félags- og barnamálaráðherra einn starfshópinn enn fyrir ári síðan. Verkefnið var að afla sér þekkingar og upplýsinga um kjör aldraðra og jafnvel koma með tillögur um úrbætur.  þetta var hrein tímaeyðsla, því það lágu þegar fyrir ítarlegar upplýsingar um stöðu okkar lakast settu eldri borgara. Þetta er einfaldlega sá hópur sem nýtur eingöngu greiðslna almannatrygginga og engra eða lítilla greiðslna úr lífeyrissjóði, þeir sem búa í leiguhúsnæði og þeir sem hafa takmörkuð réttindi í almannatryggingakerfinu á Íslandi vegna búsetu erlendis. 

Í svari ráðherra við fyrirspurn Ellerts kom harla lítið fram annað en að Skýrsla starfshóps um kjör aldraðra lægi fyrir. Í skýrslunni er staðfest að hlutfall þeirra aldraðra á bilinu 65–74 ára sem eru undir lágtekjumörkum sé um 8% á Íslandi. Alls eru því um 3000 einstaklingar á landinu 65 ára og eldri sem hafa tekjur undir fátæktarmörkum, sennilega þó mun fleiri. 

Í þessum hópi eru einstaklingar sem lifa við mikinn kvíða, vanlíðan og skert lífsgæði, verða að neita sér um að leita heilbrigðisþjónustu, geta ekki leyst út lyf sín og eiga stundum ekki fyrir mat í lok mánaðar. Vandi þeirra sem búa í leiguhúsnæði á ótryggum og uppsprengdum markaði kemur síðan í ofanálag. Við aðstæður þar sem vonleysið eitt blasir við er hætta á að andleg og líkamleg heilsa gefi eftir og að ótímabær og kostnaðarsöm úrræði verði þrautalendingin, þ.e. stofnanavistun.

Fram hefur komið í samtölum við forráðamenn samtaka aldraðra að dæmi séu um algjöra uppgjöf í hópi aldraðra. Engin merki sjást þó enn um frumkvæði ríkisstjórnarinnar til þess að stíga einhver skref til móts við blásnautt, aldrað fólk á Íslandi. Er nema von að spurt sé hvaða áform fjármálaráðherra og ríkisstjórnin hafi varðandi aldrað fólk sem er á vonarvöl og hvort ný fimm ára fjármálaáætlun sem verður lögð fram á næstu dögum muni endurspegla áform um að kjörum allra eldri borgara verði þokað upp fyrir fátæktarmörk.

Höf. rzg
Ragnheiður Jóna Ingimarsdóttir
Ragnheiður Jóna Ingimarsdóttir
Fréttir | 18. október 2019 - kl. 13:30
Ragnheiður Jóna Ingimarsdóttir, sveitarstjóri í Húnaþingi vestra, sagði í hádegisfréttum Ríkisútvarpsins í dag það vera mikið afrek að framkvæmdir við Vatnsnesveg hafi ratað inn á nýja samgönguáætlun. Íbúar á Vatnsnesi hafa lengi barist fyrir bættum vegasamgöngum enda vegurinn slæmur og umferð um nesið aukist mikið. Samkvæmt samgönguáætluninni á að veita þremur milljörðum króna í samtals 60 kílómetra kafla á árunum 2030-2034.
Lífland landbúnaður
Tilkynningar | 18. október 2019 - kl. 13:13
Tilkynning frá stjórn
Fyrsti fundur vetrarins verður haldinn í Félagsheimilinu á Blönduósi, mánudaginn 21. október og hefst kl. 20:00. Nýir félagar hjartanlega velkomnir.
Glaðheimar
Fréttir | 18. október 2019 - kl. 11:02
Dúettinn GG blús heldur tónleika í Bjarmanesi á Skagaströnd í kvöld klukkan 22-20:30. Blúsdúettinn er frá Álftanesi og samanstendur af tveimur Guðmundum, annar spilar á gítar og hinn á trommur. Þeir nafnar hafa marga fjöruna sopið. Guðmundur Jónsson var t.d. í Sálinni hans Jóns míns og Janus, og Guðmundur Gunnlaugsson spilaði með Centaur, Sixties og fleirum.
Sameining A-Hún
Fréttir | 18. október 2019 - kl. 10:30
Húnavatnshreppur hefur ákveðið að gefa félagasamtökum, fyrirtækjum og einstaklingum tækifæri til að sækja um styrki vegna viðburða eða verkefna sem samræmast hlutverki sveitarfélagsins eða eru í samræmi við stefnu þess og áherslur, vegna fjárhagsársins 2020. Skila þarf umsókn á sérstöku eyðublaði sem nálgast má á vef Húnavatnshrepps og þarf hún að berast í síðasta lagi 29. október næstkomandi.
Fréttir | 18. október 2019 - kl. 10:20
Vegna tenginga á stofnlögn vatnsveitu Blönduóss vestan við Blöndubrú verður lokað fyrir kalda vatnið í dag, föstudaginn 18. október, frá klukkan 13:00. Stefnt er að því að lokunin vari að hámarki í 2 til 3 klukkustundir, að því er segir í tilkynningu á vef Blönduósbæjar. Notendur vatnsveitunnar vestan Blöndu munu því verða kaldavatnslausir á meðan viðgerð stendur yfir. Um er að ræða eftirtaldar götur og hús:
Fréttir | 17. október 2019 - kl. 13:45
Drög að fimmtán ára samgönguáætlun 2020-2034 og fimm ára aðgerðaáætlun 2020-2024 er nú kynnt í samráðsgátt stjórnvalda til umsagnar og verður opið fyrir athugasemdir og ábendingar til og með fimmtudeginum 31. október næstkomandi. Þverárfjallsvegur um Refasveit og Skagastrandarvegur um Laxá eru í áætluninni sem og Vatnsnesvegur.
Fréttir | 17. október 2019 - kl. 11:07
Haldin verður íbúahátíð í Húnavatnshreppi föstudagskvöldið 8. nóvember næstkomandi og hefst hún klukkan 20 í Húnavallaskóla en húsið opnar klukkan 19. Sveitarfélagið býður upp á mat og verður hægt að kaupa drykkjarföng á staðnum. Að auki verður hoppukastali fyrir börnin á staðnum.
Ljósm: Sena-Íslenskri tónar / is.wikipedia.org.
Ljósm: Sena-Íslenskri tónar / is.wikipedia.org.
Fréttir | 17. október 2019 - kl. 10:58
Menningarfélag Húnaþings vestra stendur fyrir gömlu-dansa-dansleik í félagsheimilinu Ásbyrgi á Laugarbakka annað kvöld, föstudaginn 18. október klukkan 20. Þeir sem sjá um tónlistina eru Marinó Björnsson, Skúli Einarsson og Sigurður Ingvi Björnsson. Þá ætla Sveinn Kjartansson og Þorvaldur Pálsson einnig að spila, sem og Bjössi og Benni og svo Hljómsveit Ragnars Leví.
Blöndulón
Blöndulón
Fréttir | 16. október 2019 - kl. 10:14
Landsnet vinnur að stofnun verkefnaráðs til undirbúnings Blöndulínu 3 sem verður 220 kV raflína milli Blöndustöðvar og Akureyrar. Leitað hefur verið til fimm sveitarfélaga um að tilnefna fulltrúa í ráðið, þar á meðal til Húnavatnshrepps. Þá hefur verið óskað eftir því Samtök sveitarfélaga á Norðurlandi vestra tilefni fulltrúa í verkefnaráðið. Markmiðið með nýju línunni er að tryggja stöðugleika raforkukerfisins á Norður- og Austurlandi þannig að það ráði betur við truflanir og auki hagkvæmni í orkuvinnslu með samtengingu virkjanasvæða.
Körfuboltaæfing á Blönduósi
Körfuboltaæfing á Blönduósi
Fréttir | 16. október 2019 - kl. 09:38
Mikið fjör var á fyrstu körfuboltaæfingum vetrarins sem haldnar voru í Íþróttamiðstöðinni á Blönduósi í gær og fyrradag. Fjórtán krakkar mættu á fyrri æfinguna og 16 á þá seinni og æfðu þau körfubolta undir faglegri handleiðslu Helga Freys Margeirssonar þjálfara. Hugsanlega leynast þarna framtíðar körfuboltakappar Íslands.
Tilkynningar | 15. október 2019 - kl. 22:09
Tilkynning frá undirbúningsnefnd
Uppskeruhátíð búgreinafélaganna og Hestamannafélagsins Neista verður haldin laugardaginn 16. nóvember í Félagsheimilinu á Blönduósi og hefst kl. 19:30 með fordrykk í boði SAH Afurða.
Fréttir | 15. október 2019 - kl. 11:03
Komin er út, hjá Bókaútgáfunni Merkjalæk, bókin Innbrotið eftir Sigurð H. Pétursson fyrrverandi héraðsdýralækni í Austur-Húnavatnssýslu. Bókin er 202 blaðsíðna spennusaga og gefin út í kilju. Sögusviðið er það sama og í bókinni Út í nóttina eftir Sigurð sem kom út árið 2018 og er sjávarþorpið Sandvík í afskekktu héraði á Norðurlandi og sveitirnar í kring. Sumar persónurnar eru líka þær sömu en einnig koma nýjar persónur til sögunnar. Bókin hentar bæði ungum sem gömlum, að því er segir í tilkynningu frá bókaútgáfunni.
Tilkynningar | 15. október 2019 - kl. 08:58
Eldriborgarar á Blönduósi vilja þakka bæjarstjórninni hjartanlega fyrir afnot af sundlaug og þreki án endurgjalds. Þetta er sönn lífskjarabót fyrir okkur og ómetanlegt framlag til lengri lífsdaga. Einnig leiðir þetta til gleði og ánægjulegra samfunda við okkar samferðamenn. Hafið þökk fyrir.
Frá starfsdeginum á Húnavöllum. Ljósm: Aðsend.
Frá starfsdeginum á Húnavöllum. Ljósm: Aðsend.
Fréttir | 14. október 2019 - kl. 15:16
Sameiginlegur starfsdagur leikskólanna í Húnavatnssýslum og Strandabyggð var haldinn í Húnavallaskóla síðastliðinn föstudag. Markaði hann upphaf að þróunarverkefni skólanna sem nefnist Færni til framtíðar. Í upphafi verkefnisins er áhersla lögð á að kynna hugmyndafræði jákvæðrar sálfræði fyrir starfsfólki skólanna og hvernig hægt er að nýta hana bæði í starfi og einkalífi.
 
Prenta Prenta  
 
 
Húsfrúin
09. ágúst 2019
Aldurssmánun samtímans
Margrét S. Björnsdóttir skrifaði áhugaverða grein á visir.is fyrr á þessu ári þar sem hún talar um aldurssmánun samtímans. Í greinninni fjallar hún um mestu sóun okkar, sóun á reynsluþekkingu. Lítil samfélög hafa ekki efni á að sóa áratuga reynsluþekkingu þeirra sem eldri eru.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2019 Húnahorniđ