Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Fimmtudagur, 25. apríl 2019
SSA  4 m/s
13°C
Olís
huni.is - RSS-efnisveita
 
Á döfinni
Apríl 2019
SMŢMFFL
31123456
78910111213
14151617181920
21222324252627
2829301234
FyrriNúnaNćsti
Veðurstofa Íslands
Blönduós 09:00 SSA 4  13°C
Reykir í Hr 10:00 NNV 4  7°C
Reykjavík 10:00 ASA 6  11°C
Akureyri - 10:00 SA 6  14°C
Egilsstaðaf 10:00 NNA 4  13°C
Haugur 10:00 SA 9  14°C
Holtavörðuh 10:00 S 9  10°C
Þverárfjall 10:00 SA 6  11°C
Laxárdalshe 09:00 ASA 2  8°C
Brúsastaðir 10:00 SA 7  15°C
Vegagerðin
Holtavörđuh. 10:00 S 9 11°C
Laxárdalsh. 09:50 SA 3 12°C
Vatnsskarđ 09:50 ASA 10 12°C
Ţverárfjall 10:00 SA 6 12°C
Kjalarnes 10:00 A 14 11°C
Hafnarfjall 10:00 ASA11 13°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
14. apríl 2019
Menning kostar
Ekki er hægt að segja að margir hafi skrifað undir kröfuna um að svokölluð Húnavallaleið/Svínavatnsleið verði sett á samgönguáætlun. Þessi undirskriftasöfnun var í gangi í tæplega hálft ár og aðeins 577 lýstu vilja sínum á færslu þjóðvegarins fram hjá Blönduósi.
::Lesa

Northwest.is


SSNV

Leita í netfangaskrá
 
Eftir Sigurbjörn Þorkelsson
19. apríl 2019
Eftir Inga Heiðmar Jónsson
19. apríl 2019
Eftir Sigurbjörn Þorkelsson
12. apríl 2019
Eftir Sigurbjörn Þorkelsson
08. apríl 2019
Eftir Inga Heiðmar Jónsson
01. apríl 2019
Eftir Guðjón S. Brjánsson
21. mars 2019
Eftir Sigurbjörn Þorkelsson
06. mars 2019
Eftir Guðjón S. Brjánsson
01. mars 2019
Pistlar | 08. apríl 2019 - kl. 15:24
Kærleikurinn sigrar allt
Eftir Sigurbjörn Þorkelsson

Kærleikurinn er ekki einhver þreyttur lagabókstafur eða steinrunnir stafir. Heldur síungt og ferskt hjartalag. Hugarþel, athöfn og verk sem spyrja ekki um endurgjald eða hvernig standi á.

Kærleikurinn er ekki þrasgjarn. Hann gefur sig ekki út fyrir að vita alltaf allt best og hann veður ekki yfir. Hann hlustar og sýnir skilning. Hann virðir, umvefur, uppörvar og hvetur. Hann sér og hlustar með hjartanu.

Litríkur með notalega nærveru

Kærleikurinn er litríkur með sterka en notalega nærveru sem stafar mildum geislum sínum yfir þá sem þiggja vilja.

Kærleikurinn er ekki yfirþyrmandi og þrengir sér ekki inn. Hann er litskrúðugur, kristaltær svo geislar hans endurspeglast. Ljós í myrkri, farvegur Guðs. Í honum kunna að vera margar vistarverur en engin dökk skúmaskot. Látum því ágreining, misklíð og óvild aldrei ná tökum á okkur svo hatrið fái ekki að nærast og verði kærleikanum yfirsterkara.

Eins og lífið sigrar dauðann

Kærleikurinn sigrar allt. Hann færir allt til betri vegar og öllu breytir til góðs. Og er kærleikur Guðs þar sterkasta fyrirmyndin. Hans sem þyrmdi ekki sínum eigin syni heldur framseldi hann fyrir okkur öll. Hví skyldi hann ekki líka gefa okkur allt með honum. Það á nefnilega enginn meiri kærleika en þann að leggja líf sitt í sölurnar fyrir vini sína. Hvað þá svo þeir fái lífi haldið og lifað um eilífð. Kærleikurinn sigrar allt eins og lífið sigrar dauðann.

Kærleikur Guðs leiðir okkur nefnilega inn í heim annars þyngdarafls utan tíma og rúms þar sem við höfum nýtt fyrir stafni. Þar sem Guð verður sýnilegur og kærleikurinn áþreifanlegur.

Færir frið og framtíð

Já, kærleikurinn sigrar allt og bænin bræðir hjörtun. Þau hugsvölun veita, færa frið í hjarta og framtíð bjarta.

Leyfðu kærleikanum að stilla sína viðkvæmu strengi í þínu dýrmæta hjarta. Svo hann fái notið sín, flögrað um og borið birtu og yl í umhverfinu með sínum fögru, umvefjandi og hlýju vængjum. Og þú þannig orðið farvegur friðar og farsældar á vegum þínum.

Kærleikans koss í hjartað streymir þegar við gerum það að vöggu frelsarans. Þá upplifum við himininn kyssa jörðina. Leyfum honum að setjast þar að. Og þroskast og dafna til eilífs lífs.

Með kærleiks- og friðarkveðju.

Lifi lífið!

Höfundur er ljóðskáld og rithöfundur og aðdáandi lífsins.

Höf. rzg
Tilkynningar | 25. apríl 2019 - kl. 09:26
Frá kennurum skólans
Vortónleikar Tónlistarskóla A-Hún. eru á næsta leiti og fara fram sem hér segir: 30. apríl kl.15:30 í Húnavallaskóla. 8. maí kl.17:00 í Hólaneskirkju á Skagaströnd. 9. maí kl.17:00 í Blönduósskirkju. Skólaslit skólans fara fram í Hólaneskirkju 21. maí kl.18:00.
Fréttir | 25. apríl 2019 - kl. 09:19
Húnahornið óskar Húnvetningum sem og landsmönnum öllum gleðilegs sumars. Takk fyrir veturinn. Sumrið fer heldur betur vel af stað því að klukkan 9 í morgun var 10 stiga hiti og glampandi sól á Blönduósi. Veðurstofan spáir allt að 16 stiga hita og sól í Húnavatnssýslum í dag. Njótum dagsins!
Glaðheimar
Ljósm: leikhusid.is
Ljósm: leikhusid.is
Tilkynningar | 24. apríl 2019 - kl. 09:06
Kómedíuleikhúsið sýnir leikritið Dimmalimm í Félagsheimilinu á Blönduósi 5. maí næstkomandi klukkan 16:00. Leikritið hefur verið sýnt í Þjóðleikhúsinu við miklar vinsældir núna í vor. Dimmalimm er án efa eitt ástsælasta ævintýri þjóðarinnar. Sagan er eftir listamanninn Mugg frá Bíldudal. Ævintýrið fjallar um prinsessuna Dimmalimm sem eignast góðan vin sem er stór og fallegur svanur. En einsog í öllum góðum sögum þá gerist eitthvað óvænt og ævintýralegt.
Sameining A-Hún
Ljósm: FB/Lögreglan á Norðurlandi vestra.
Ljósm: FB/Lögreglan á Norðurlandi vestra.
Fréttir | 24. apríl 2019 - kl. 06:43
Mikil umferð var um löggæslusvæði lögreglunnar á Norðurlandi vestra um liðna páska og skiptu bifreiðarnar þúsundum suma dagana, að því er segir í tilkynningu frá lögreglunni. Heilt yfir gekk umferðin vel og nánast óhappalaus. Tvö minniháttar umferðaróhöpp urðu en meiðslalaus. Umferðarhraðinn var þó allt of hár og voru hátt í á fjórða hundrað ökumenn kærðir vegna umferðarlagabrota og þá aðallega vegna hraðaksturs. Í fyrra voru 250 ökumenn kærðir og er aukningin því mikil milli ára.
Fréttir | 23. apríl 2019 - kl. 12:42
Hin árlega sumarskemmtun Blönduskóla verður haldin sumardaginn fyrsta, 25. apríl, í Félagsheimilinu á Blönduósi. Nemendur í 1.-7. bekk sjá um öll skemmtiatriði undir leiðsögn kennara. Skemmtunin hefst klukkan 14:00. Aðgöngumiðinn kostar kr. 1.000. Ókeypis aðgangur er fyrir börn fædd 2006 (7. bekk) og yngri.
Spá Veðurstofu Íslands fyrir sumardaginn fyrsta 2019.
Spá Veðurstofu Íslands fyrir sumardaginn fyrsta 2019.
Fréttir | 23. apríl 2019 - kl. 11:52
Veðurspáin fyrir sumardaginn fyrsta lítur ljómandi vel út um land allt og þá sérstaklega í Húnavatnssýslum þar sem spáð er allt að 15 stiga hita, hægum vindi og glampandi sól. Íbúar Blönduóss eru byrjaðir á vorverkunum í görðum sínum og líklegt að fimmtudagurinn verði vel nýttur til slíkra verka sem og almennrar útiveru í blíðunni. Spáð er síðan kólnandi veðri strax á föstudag og fram yfir næstu helgi.
Framkvæmdagleði. Ljósm: Róbert D. Jónsson
Framkvæmdagleði. Ljósm: Róbert D. Jónsson
Fréttir | 23. apríl 2019 - kl. 09:58
Talsverðar framkvæmdir eru í gangi eða í farvatninu á Blönduósi og eru þær tíundaðar í skýrslu sveitarstjóra sem lögð var fram á 66. fundi sveitarstjórnar Blönduósbæjar 9. apríl síðastliðinn. Í henni kemur fram að búið sé að úthluta lóð fyrir 20 íbúa fjölbýlishús við Hnjúkabyggð 29 og að gert sé ráð fyrir að framkvæmdir hefjast bráðlega. Framkvæmdatíminn á að vera stuttur eða aðeins 12-14 mánuðir. Stærsta framkvæmd sveitarfélagsins á árinu er verknámshús - viðbygging við Blönduskóla.
Blönduós. Ljósm: Róbert Daníel Jónsson.
Blönduós. Ljósm: Róbert Daníel Jónsson.
Fréttir | 23. apríl 2019 - kl. 09:10
Í næsta mánuði fjölgar íbúum Blönduósbæjar um 21 en þá er von á flóttafólki frá Sýrlandi. Fjórar fjölskyldur koma til Blönduóss, ein fjögra manna, ein fimm manna og tvær sex manna, þar af 12 börn og ein 17 ára stúlka. Blönduósbær vinnur nú að undirbúningi fyrir komu fólksins, s.s. að útvega því húsnæði, ráða verkefnastjóra og túlk. Sveitarstjórn Blönduósbæjar samþykkti í febrúar síðastliðnum að taka á móti flóttafólki samkvæmt beiðni þar um frá félagsmálaráðuneytinu.
Ljósm: Hulda Signý Jóhannesdóttir.
Ljósm: Hulda Signý Jóhannesdóttir.
Fréttir | 21. apríl 2019 - kl. 16:10
Uppselt hefur verið á allar sýningar Leikflokks Húnaþings vestra á Hárinu og hafa því yfir eitt þúsund manns séð söngleikinn. Ingibjörg Jónsdóttir, verkefnisstjóri söngleiksins, segir að í heild hafi verkefnið tekist mjög vel og að allir séu sáttir. „Viðtökurnar hafa verið mjög góðar, fólk á öllum aldri hefur mætt og nokkrir hafa komið tvisvar, m.a. einn áhorfandi frá Akureyri sem gerði sér ferð aftur hingað vestur,“ segir Ingibjörg.
Ljósm: hunathing.is
Ljósm: hunathing.is
Fréttir | 21. apríl 2019 - kl. 11:46
Boðað er til hátíðarhalda á Hvammstanga í tilefni af sumarkomu og fara þau fram í félagsheimilinu á sumardaginn fyrsta, 25. apríl. Dagskráin hefst klukkan 14:00 með skrúðgöngu frá félagsheimilinu með viðkomu við sjúkrahúsið. Eftir skrúðgönguna hefst hefðbundin dagskrá í félagsheimilinu þar sem Vetur konungur afhendir Sumardísinni völdin og sumarið hefur innreið sína með söng og gleði.
Pistlar | 19. apríl 2019 - kl. 18:43
Eftir Sigurbjörn Þorkelsson
Guð minn, Guð minn, hví hefur þú yfirgefið mig? Já, Guð minn, Guð minn, hví hefur þú yfirgefið mig? Þannig hrópaði frelsarinn okkar Jesús Kristur af öllum mætti en lágum rómi á krossinum forðum. Hví hefurðu yfirgefið mig? Og þannig hrópum við svo ótal mörg ef ekki öll reglulega og sum jafnvel daglega. Þegar við upplifum okkur einmana og yfirgefin, okkur finnst við skilin eftir ein í auðninni eða þegar okkur finnst á okkur hallað með ósanngjörnum hætti.
Fréttir | 19. apríl 2019 - kl. 18:36
Leikfélag Hólmavíkur stendur í ströngu um þessar mundir við uppsetningu á gamanleikritinu Nanna systir eftir Einar Kárason og Kjartan Ragnarsson, undir styrkri leikstjórn Skúla Gautasonar. Sýningin hefur þegar verið sýnd í Sævangi á Ströndum við mikinn fögnuð og frábærar móttökur. Leikfélag Hólmavíkur er eitt af örfáum áhugaleikfélögum á landinu sem ríghalda í þá hefð að fara í leikferðalög með sýningar sínar. Þau hafa í þetta skipti ákveðið að leggja land undir fót í fimm daga með fimm sýningar og ætla meðal annars að sýna í Víðihlíð í Húnaþingi vestra þann 28. apríl.
Blönduós. Ljósm: Róbert Daníel Jónsson.
Blönduós. Ljósm: Róbert Daníel Jónsson.
Pistlar | 19. apríl 2019 - kl. 09:20
Eftir Inga Heiðmar Jónsson
Ég man þeir segja hart á móti hörðu, en heldur vil eg kenna til og lifa og þó að nokkurt andstreymi ég bíði (JH). Jónas Hallgrímsson 1807-1845 fjallar í þessari sonnettu sinni um eigið frelsi, metur það meira en að standa í höggorrustu við orðháka sem óðfúsir eyða heilu eyktunum - jafnvel ævidögum sínum - í þref um keisarans skegg með tilheyrandi hlátrasköllum.
Ljósm: neisti.net
Ljósm: neisti.net
Fréttir | 19. apríl 2019 - kl. 09:16
Stórsýning austur-húnvetnskra hestamanna fer fram miðvikudaginn 24. apríl næstkomandi í Reiðhöllinni Arnargerði og hefst hún klukkan 18:00. Mörg góð hross munu koma fram og gleðja augað. Happdrættismiðar verða seldir á staðnum og eru veglegir vinningar í boði fyrir heppna miðakaupendur, einnig verða seldar veitingar á staðnum.
 
Prenta Prenta  
 
 
Húsfrúin
14. september 2018
Samfélagsmiðlar eru mikilvægir fyrirtækjum
Flest öllum notum við samfélagsmiðla eins og Facebook en þeir hjálpa okkur m.a. að vera í góðu sambandi við vini, ættingja, félagasamtök og fyrirtæki. Samfélagsmiðlar verða sífellt mikilvægari þáttur í að viðhalda góðu sambandi milli fyrirtækja og neytenda. Samfélagsmiðlar hafa látið mikið til sín taka á stuttum tíma og má búast við að vægi þeirra og áhrif verði mun áþreifanlegri í framtíðinni.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2019 Húnahorniđ