Jón Þór Eyþórsson Ljósm: Blönduósbær
Jón Þór Eyþórsson Ljósm: Blönduósbær
Fréttir | 17. apríl 2019 - kl. 21:38
Jón Þór Eyþórsson ráðinn viðburðarstjóri fyrir Húnavöku 2019

Blönduósbær hefur ráðið Jón Þór Eyþórsson sem viðburðarstjóra fyrir Húnavöku 2019, en hann var valinn úr hópi ellefu umsækjenda sem sóttu um starfið, sem var auglýst í síðasta mánuði.

Í tilkynningu frá Blönduósbæ segir að Jón Þór hafi yfirgripsmikla reynslu á sviði, viðburðarstjórnunar, verkefnastýringar og markaðsmála, en hann mun sjá um undirbúning, skipulagningu dagskrár og framkvæmd fyrir Húnavöku 2019, sem nú er haldinn 18.-21. júlí, ásamt öðrum sem koma þurfi að málum.

Menningar-, íþrótta og tómstundanefnd Blönduósbæjar fagnar ráðningu viðburðarstjóra og vonast eftir góðu samstarfi við Jón Þór, og að Húnavaka 2019, verði eftirminnileg hátíð.

 

Höf. ass

Húnahornið - Fréttavefur allra Húnvetninga