Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Fimmtudagur, 12. desember 2019
NNA  7 m/s
-4°C
Olís
huni.is - RSS-efnisveita
 
Á döfinni
Desember 2019
SMŢMFFL
1234567
891011121314
15161718192021
22232425262728
2930311234
FyrriNúnaNćsti
Veðurstofa Íslands
Blönduós 03:00 NNA 7  -4°C
Reykir í Hr 03:00 NNA 11  -4°C
Reykjavík 03:00 NA 5  -1°C
Akureyri - 03:00 NNV 6  -2°C
Egilsstaðaf 03:00 N 11  -1°C
Haugur 03:00 NNA 7  -5°C
Holtavörðuh 13:00 N 21 -5°C
Þverárfjall 03:00 NA 10  -5°C
Laxárdalshe 03:00 NNA 13  -4°C
Brúsastaðir 03:00 NNA 6  -2°C
Vegagerðin
Holtavörđuh. 03:31 0 0°C
Laxárdalsh. 03:20 NNA 14 -5°C
Vatnsskarđ 03:20 NNA 12 -7°C
Ţverárfjall 03:20 NA 12 -6°C
Kjalarnes 03:20 NNA17 -2°C
Hafnarfjall 03:20 ANA16 -2°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. nóvember 2019
Eldhúshillur valda yfirliði
Ég er mikill áhugamaður um kökur og allskonar sætabrauð ásamt góðum mat og nú er sá tími runninn upp þegar uppskriftir af girnilegum jólabakstri og allskonar gómsætum mat prýða síður blaða og tímarita.
::Lesa

Northwest.is


SSNV

Leita í netfangaskrá
 
Eftir Inga Heiðmar Jónsson
08. desember 2019
Eftir Anton Scheel Birgisson
03. desember 2019
Eftir Inga Heiðmar Jónsson
30. nóvember 2019
Eftir Sigurbjörn Þorkelsson
24. nóvember 2019
Eftir Sigurbjörn Þorkelsson
20. nóvember 2019
Eftir Sigurbjörn Þorkelsson
11. nóvember 2019
Eftir Guðjón S. Brjánsson
11. nóvember 2019
Eftir Inga Heiðmar Jónsson
05. nóvember 2019
Nöldriđ | 14. maí 2019 - kl. 09:48
Gleðilegt sumar

Gleðilegs sumars óska ég ykkur öllum og vonandi fáum við gott sumar eftir þennan góða vetur. Nú þegar hefur fólk hafist handa við að snyrta til á lóðum sínum, klippa runna og tré í görðum og raka saman lauf og rusl sem nóg er af í kringum okkur eftir veturinn. Undanfarin sumur hefur mér fundist snyrtilegt í bænum. Umgengni á opnum svæðum víðast hvar góð og einkalóðir flestar til fyrirmyndar. Það hefur ekki lítið að segja fyrir litlu bæjarfélögin á landsbyggðinni að þau séu snyrtileg og gestir sem okkur heimsækja sjái að hér búi fólk sem leggur metnað sinn í að bærinn sé snyrtilegur og vel sé um gengið.

Nú ættum við bæjarbúar að taka höndum saman um að gera snyrtilega bæinn okkar enn snyrtilegri og þá kem ég að árlegu nöldri okkar nöldraranna og skora, nú sem aldrei fyrr, á þá sem hér stjórna. Gerið eitthvað í að losa okkur við kerfilinn sem hér veður um allt og kæfir allan gróður sem á vegi hans verður áður en það verður of seint. Maður heyrir um sífellt fleiri bæjarfélög sem berjast með öllum ráðum við þennan ófögnuð og hann er víst ekkert lamb að leika sér við, fái hann að vaða svona uppi eins og hér hefur verið. Því miður hef ég ekki séð mikið gert hér til að losa okkur við þennan ófögnuð. Eða hafa margir orðið varir við Það?

Fyrir nokkrum dögum var borinn inn á heimilin í bænum einblöðungur frá fyrirtæki sem heitir Hrafnshóll ehf. og hyggst reisa hér fimm íbúða raðhús við Smárabraut, sé áhugi hjá heimamönnum. Taka þeir fram í auglýsingunni að um sé að ræða vandaðar fullbúnar íbúðir með 2 eða 3 svefnherbergjum. Allt lítur þetta vel út, ætti að henta bæði ungum fjölskyldum með lítil börn og einnig eldra fólki sem vill minnka við sig húsnæði. Ekki skemmir fyrir að verðið er sanngjarnt og afhendingartími  skammur, ætti að vera hægt að flytja inn innan árs.

Að mínu mati er þó einn stór galli á þessum fyrirhuguðu íbúðum og það er að bílskúrana vantar. Þó framtíðin sé kannski bíllaus, er enn langt í það og margt annað en bílinn er hægt að geyma í bílskúrnum, t.d. sláttuvélina og garðverkfærin, grillið og garðhúsgögnin. Séu börn í fjölskyldunni fylgir þeim ýmislegt sem þarfnast geymslu innanhúss. Reiðhjól, skíði og skautar ásamt tilheyrandi fatnaði og svo ótal mörgu sem fylgir leikjum barna og sárt er að þurfa að láta þessa hluti standa úti vetrarlangt. Þetta bílskúrs- og geymsluleysi hefur löngum staðið íbúum raðhúsanna við Skúlabraut fyrir þrifum og valdið þeim óþægindum og af hverju að endurtaka mistökin.

Nú verð ég að játa að ég átti þess ekki kost að fara á fundinn sem Hrafnhóll bauð bæjarbúum að sækja, þar sem fulltrúi byggingaraðila mætti til að svara spurningum um þessa hugsanlegu byggingar og ætti því ekki að vera að tjá mig mikið um þessar framkvæmdir. En á þessum fundi hefur eflaust margt fróðlegt komið fram. Ég vona bara að af þessum byggingum verði, því þörfin er brýn og fólk almennt jákvætt fyrir húsum af þessu tagi. Þá má eflaust  með viðbótar kostnaði breyta teikningum þannig að pláss væri fyrir bílskúra.

Stórgóðan pistil las ég í Fréttablaðinu þar sem mál málanna, loftslagsmálin eru til umfjöllunar. Þar segir pistlahöfundum að það sé öllum ljóst hverjir eigi að vera þjakaðir af “flugskömm” Það sé skríllinn, ég og þú. Hin, þessi góðu sem sífellt séu að segja okkur frá loftslagsvandanum ætli ekki að fljúga neitt minna en áður. Sú sem stýrir umhverfisstofnun segir að starfsfólk hennar vilji endilega fljúga minna en ætla samt að fljúga meira á þessu ári en í fyrra en þá flugu starfsmennirnir 150 ferðir til útlanda. Og pistlahöfundum skammast sín því hann flaug ekki nema þrjár ferðir til útlanda á síðasta ári. Hann talar um  NATO-flugvélarnar sem spúa hér eldi og brennisteini við heræfingar yfir landinu í boði VG, og kallar sig skepnu og umhverfisóþverra eins og það óbreytta alþýðufólk sem leyfir sér að skreppa í langþráð frí til Tenerife þegar vetur sest að. Hann segir öfugmælavísnasmiðina sjá ofsjónum yfir því að almúginn leyfi sér helgarferð til Dublin eða Hamborgar  en vinni  svo markvisst að því að fjölga ferðamönnum hingað og getur sér þess til að líkleg eigi þeir að koma fótgangandi til landsins nema vonir séu bundnar við að hægt verði að koma þeim í gegnum sæstreng, en um það verði Alþingi að taka ákvörðun  en þar rekumst við á einhverja mestu hindrun sem til er. Gott dæmi þar um eru smálánafyrirtækin.

Mikil er öll þessi vitleysa og mál að linni.  Tökum vel á móti nýbúunum okkar, þau eiga skilið að finna að þau séu velkomin. Gleðilegt sumar enn og aftur

Kveðja Nöldri.

Höf. Nöldri
Langidalur. Mynd frá því í vor.
Langidalur. Mynd frá því í vor.
Fréttir | 11. desember 2019 - kl. 14:06
Snjóflóð féll á veginn í Langadal norðan við brúna yfir Svartá. Flóðið er um fimmtíu metrar að breidd og tveggja metra djúpt. Ófært er í Langadal og allur snjómokstur í biðstöðu að sögn Vegagerðarinnar á Sauðárkróki. Sagt er frá þessu á vef Ríkisútvarpsins. Þar kemur fram að ekkert verði aðhafst eins og er en ekki er vitað til þess að nokkur hafi lent í flóðinu, að sögn Landsbjargar.
Jólahús 2019
Blönduskóli. Ljósm: Róbert Daníel Jónsson.
Blönduskóli. Ljósm: Róbert Daníel Jónsson.
Fréttir | 11. desember 2019 - kl. 13:14
Mikill snjór er á Blönduósi eftir óveðrið í gær. Sumir bæjarbúar tala um að ekki hafi sést eins mikill snjór í bænum síðan 1995. Ófært var um göturnar í morgun á bílum en unnið er hörðum höndum við að moka helstu götur og horfir allt til betri vega, í bókstaflegri merkingu. Ennþá er hálfgert garg í veðrinu en ekki í neinni líkingu við það sem var í gær. Eins og sjá má á meðfylgjandi myndum sem Róbert Daníel Jónsson og fleiri tóku er alvöru vetur kominn á Blönduós og ekki þörf á meiri jólasnjó.
Glaðheimar
Skjáskot af N4.
Skjáskot af N4.
Fréttir | 11. desember 2019 - kl. 13:00
Fyrir skömmu var sjónvarpsstöðin N4 á Skagaströnd og heimsótti Magnús Jónsson, fyrrum sveitarstjóra, sem tálgar jólasveina við Sunnuveg sem hann kallar Jólaóróaseggi. En það er ekki bara við Sunnuveginn sem jólasveinar eru tálgaðir því við Bogabraut situr Ólafur Bernódusson stundum löngum stungum og tálgar jólasveina, stóra og smáa, beina og bogna, glaða og fýlda. N4 heimsótti Ólaf líka og afraksturinn má sjá á Facebook síðu sjónvarpsstöðvarinnar.
Sameining A-Hún
Ljósm: rarik.is
Ljósm: rarik.is
Fréttir | 11. desember 2019 - kl. 11:28
Á vef RARIK er birt staðan á truflunum í dreifikerfinu vegna óveðurs. Klukkan 8:30 var staðan þessi í Austur-Húnavatnssýslu: Talsvert hefur verið um truflanir frá því í gærdag. Rafmagn frá byggðalínu á Laxárvatni hefur verið að slá inn og út. Allt inni í augnablikinu nema Langidalur og Svínadalur sem eru báðir úti og ekki vitað hvenær hægt verður að koma rafmagn á þar. Í Vestur-Húnavatnssýslu var staðan þessi: Aðveitustöðin við Hrútatungu fór út um miðjan dag í gær og þar með var rafmagnslaust að stórum hluta í Húnaþingi vestra. Við það rofnaði allt fjarskiptasamband við stöðina og ekki var hægt að fjarstýra stöðinni.
Við Íþróttamiðstöðina á Blönduósi. Ljósm: Róbert Daníel Jónsson.
Við Íþróttamiðstöðina á Blönduósi. Ljósm: Róbert Daníel Jónsson.
Fréttir | 11. desember 2019 - kl. 07:52
Veður er ennþá vont í Húnavatnssýslum og liggur allt skólahald í leik- og grunnskólum niðri í dag. Þá er í Íþróttamiðstöðin á Blönduósi lokuð vegna veðurs. Samkvæmt Vegagerðinni er Holtavörðuheiði lokuð vegna veðurs og sömu sögu má segja um Þverárfjall og Vatnsskarð. Veðrið á að ganga niður í kvöld samkvæmt spám Veðurstofunnar.
Óveður
Óveður
Fréttir | 11. desember 2019 - kl. 07:15
Óveðrið sem gengur hefur yfir landið hefur valdið rafmagnstruflunum víða um land. Rafmagnlaust er á Hvammstanga og í Vestur-Húnavatnssýslunni allri og hefur verið síðan klukkan 14 í gær að því er fram kemur á vef Ríkisútvarpsins. Þar kemur fram að Hrútatungulína 1 í Hrútafirði sé úr rekstri, líklega vegna snjós og seltu í tengivirkinu.
Veðrið nú rétt fyrir klukkan 20. Mynd frá Vegagerðinni.
Veðrið nú rétt fyrir klukkan 20. Mynd frá Vegagerðinni.
Fréttir | 10. desember 2019 - kl. 19:59
Björgunarsveitarmenn úr Björgunarfélaginu Blöndu hafa verið að störfum á Blönduósi í dag en óveðrið magnaðist er líða tók á daginn, hávaðarok og blautur snjór. Þakplötur losnuðu í hesthúsahverfinu og einhverjir vegfarendur hafa lent utan vegar á svæðinu. Haft er eftir Höskuldi B. Erlingssyni á vef Fréttablaðsins að fá atviki hafi komið á borð lögreglunnar og að engin slys hafi orðið á fólki.
Fréttir | 10. desember 2019 - kl. 16:32
Ríkislögreglustjóri hefur ákveðið í samráði við lögreglustjórana á Vestfjörðum, Norðurlandi vestra og Norðurlandi eystra að hækka viðbúnaðarstig af óvissustigi yfir á hættustig almannavarna vegna óveðurs í samráði við Veðurstofu Íslands. Þetta kemur fram á almannavarnir.is. Þar kemur fram að Almannavarnir áttu stöðufund með Veðurstofu Íslands og kom fram að veðrið væri ekki búið að ná hámarki en farið að hafa veruleg áhrif á samfélög þessara lögregluumdæma.
Af www.vedur.is
Af www.vedur.is
Fréttir | 10. desember 2019 - kl. 09:06
Aftakaveðri er spáð víða á landinu í dag og á morgun. Fólk er hvatt til að fylgjast vel með veðurspám og viðvörunum sem er í gangi. Rauð viðvörun gildir fyrir Strandir og Norðurland vestra. Appelsínugul viðvörun er í gildi fyrir aðra landshluta. Skólahald hefur verið fellt niður í Húnavatnssýslum í dag og á morgun og mörg fyrirtæki og stofnanir hafa ákveðið að hafa lokað í dag, jafnvel á morgun líka. Samkvæmt Veðurstofunni er appelsínugul viðvörun í gangi til klukkan 17 í dag en þá tekur við rauð viðvörun til 01:00 eftir miðnætti. Á morgun er svo appelsínugul viðvörun í gangi til klukkan 14:00.
Fréttir | 10. desember 2019 - kl. 07:28
Út er komnar tvær bækur frá Espólín forlagi sem báðar tengjast Húnaþingi; Uppskriftir stríðsáranna og Þar sem skömmin skellur. Fyrri bókin eru öðruvísi matreiðslubók þar sem má finna íslenskar, einfaldar, ódýrar, gamlar og góðar uppskriftir sem voru allsráðandi í eldhúsum landsins eftir stríð. Uppskriftirnar eru sóttar í smiðju systranna Sigurlaugar og Guðbjargar Sveinsdætra frá Tjörn á Skaga og handskrifaðar matreiðslubækur þeirra. Þær stunduðu nám við Kvennaskólann á Blönduósi á stríðsárunum.
Tilkynningar | 09. desember 2019 - kl. 23:57
Tilkynning frá Sýslumanninum á Norðurlandi vestra
Skrifstofur embættis Sýslumannsins á Norðurlandi vestra á Blönduósi og Sauðárkróki verða lokaðar á morgun þriðjudaginn 10. desember, vegna afar slæmrar veðurspár.
Fréttir | 09. desember 2019 - kl. 21:29
Frá Lögreglunni á Norðurlandi vestra
Almannavarnarnefndir Skagafjarðar og Húnavatnssýslna hafa lokið fundi vegna yfirvofandi óveðurs og líta málið alvarlegum augum, enda er í fyrsta skipti hérlendis gefin út rauð viðvörun vegna veðurs.
Skjáskot af ruv.is
Skjáskot af ruv.is
Fréttir | 09. desember 2019 - kl. 21:05
Lögreglan á Norðurlandi vestra biðlar til fólks að halda kyrru fyrir þar sem ekkert ferðaveður verður á morgun. Segir hún að búast megi við víðtækum vegalokunum í umdæminu strax í fyrramálið. Þá bendir lögreglan fólki á að huga sérstaklega vel að öllum lausamunum utandyra, svo sem ruslatunnum og öðru sem gæti ollið tjóni eða skaða.
Óveður í aðsigi
Óveður í aðsigi
Fréttir | 09. desember 2019 - kl. 19:35
Skólahald fellur niður vegna veðurs á morgun þriðjudag í grunnskólum Austur-Húnavatnssýslu; Höfðaskóla, Blönduskóla og Húnavallaskóla. Þá fellur allt skólahald niður í leik- og grunnskóla í Húnaþingi vestra. Kennsla fellur einnig niður hjá Tónlistarskóla Austur-Húnvetninga, í það minnsta á Skagaströnd og Húnavöllum.
 
Prenta Prenta  
 
 
Húsfrúin
09. ágúst 2019
Aldurssmánun samtímans
Margrét S. Björnsdóttir skrifaði áhugaverða grein á visir.is fyrr á þessu ári þar sem hún talar um aldurssmánun samtímans. Í greinninni fjallar hún um mestu sóun okkar, sóun á reynsluþekkingu. Lítil samfélög hafa ekki efni á að sóa áratuga reynsluþekkingu þeirra sem eldri eru.
::Lesa
Spaugið
28. október 2019
Farandverkamaðurinn
Farandverkamaður í Neskaupstað fékk tölvupóst frá kærustu sinni í Reykjavík sem hljóðaði svona: Kæri Jón. Ég get bara ekki lengur verið með þér. Fjarlægðin er bara allt of mikil.
::Lesa
©2019 Húnahorniđ