Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Þriðjudagur, 19. nóvember 2019
SA  7 m/s
C
Olís
huni.is - RSS-efnisveita
 
Á döfinni
Nóvember 2019
SMŢMFFL
272829303112
3456789
10111213141516
17181920212223
24252627282930
FyrriNúnaNćsti
Veðurstofa Íslands
Blönduós 07:00 SA 7  4°C
Reykir í Hr 07:00 NNA 4  3°C
Reykjavík 07:00 A 8  5°C
Akureyri - 07:00 S 5  3°C
Egilsstaðaf 07:00 ANA 2  -2°C
Haugur 07:00 ASA 6  4°C
Holtavörðuh 07:00 ASA 6  3°C
Þverárfjall 07:00 S 2  3°C
Laxárdalshe 07:00 ANA 7  1°C
Brúsastaðir 07:00 SSA 7  4°C
Vegagerðin
Holtavörđuh. 07:20 ASA 5 4°C
Laxárdalsh. 07:20 ANA 8 2°C
Vatnsskarđ 07:20 A 6 3°C
Ţverárfjall 07:20 ANA 1 3°C
Kjalarnes 07:20 A18 6°C
Hafnarfjall 07:20 SA13 8°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. nóvember 2019
Eldhúshillur valda yfirliði
Ég er mikill áhugamaður um kökur og allskonar sætabrauð ásamt góðum mat og nú er sá tími runninn upp þegar uppskriftir af girnilegum jólabakstri og allskonar gómsætum mat prýða síður blaða og tímarita.
::Lesa

Northwest.is


SSNV

Leita í netfangaskrá
 
Eftir Sigurbjörn Þorkelsson
11. nóvember 2019
Eftir Guðjón S. Brjánsson
11. nóvember 2019
Eftir Inga Heiðmar Jónsson
05. nóvember 2019
Eftir Inga Heiðmar Jónsson
23. október 2019
Eftir Sigurbjörn Þorkelsson
11. október 2019
Eftir Sigurbjörn Þorkelsson
03. október 2019
Frá Heilsuhópnum
29. september 2019
Eftir Inga Heiðmar Jónsson
27. september 2019
Pistlar | 11. júlí 2019 - kl. 11:35
Þankastrik. Vafstur í þremur landsfjórðungum
Eftir Þór Jakobsson veðurfræðing

Þegar árin færast yfir sækir á mann æ oftar sú árátta að vilja líta yfir farinn veg og rifja upp atburði ævinnar, smáa og stóra. Þegar ég varð löggilt gamalmenni 67 ára árið 2003 hripaði ég niður lista nokkurra áhugamála sem ég hafði gefið mig að auk formlegrar vinnu minnar á Veðurstofu Íslands næstliðna áratugi. Greindi ég frá verkefnunum í 40 blaðsíðna ritlingi sem kom út sama ár, “Við ævihvörf. Litið snöggvast um öxl”. Þótt ég hafi ekki ákveðið að endurtaka leikinn þykir mér ekki ekki úr vegi að bæta við nú þegar komið er fram á níræðisaldurinn. Hefur mér dottið í hug að hafa þann háttinn á að fara milli landshluta þar sem ég hef vesenast nokkuð og lagt ofurlítið til málanna. Landshlutar þessir koma ekki til sögunnar af tilviljun, heldur eru tengdir heimasvæðum, míns eigin eða uppruna foreldra minna eða konu minnar.

Hér í Húnahorninu fer ég eðlilega hratt yfir sögu við upptalningu á vafstri mínu annars staðar en í Húnaþingi. Nefni ég fyrst Austfirði en faðir minn var Austfirðingur í föður- og móðurætt. Svo hefur æxlast til að þar hef ég því miður síst gefið mig að, kannski helst vegna fjarlægðar frá heimili mínu í Reykjavík. Get ég fátt nefnt, helst fjölfjöldun og afhending óútgefinna æskuminninga föður míns til Djúpavogs þar sem hann ólst upp í upphafi 20 aldar.  Þá hef ég ásamt áhugasömum ættmennum haldið við Félagi niðja Richards Long (1783-1838). Félagið gaf út fróðlegt og myndarlegt þriggja binda ættfræðirit um síðustu aldamót og ætlar þ. 21. september nk. að afhjúpa glæsilegan koparskjöld á Eskifirði til minningar um ættföðurinn og ættmæður tvær.

Móðir mín var ættuð af Reykjavíkursvæðinu í föðurætt en móðir hennar var Rangæingur. Sitthvað hefur maður dedúað í Reykjavík og nágrenni til viðbótar við “ævistarfið” á Veðurstofunni. Endingargóð ætlar að verða árleg sólstöðuganga á höfuðborgarsvæðinu sem við nokkrir félagar byrjuðum á árið 1985. Bæði árlegt langhlaup á borð við endurvakið Álafosshlaup og Hjólreiðadagurinn mikli snemma á níunda áratugnum stóð nokkur ár, en nokkru síðar, óháð þessum tilraunum, upphófst vakning hér á landi á þessum heilsusviðum og stendur hún enn.

Mest hef ég fengist við verkefni á Suðurlandi, Rangárþingi, heimahéraði ömmu minnar í móðurætt, til skamms tíma og um aldarfjóðungsskeið formaður Oddafélagsins, samtaka áhugamanna um endurreisn fræðaseturs að Odda á Rangárvöllum og í Landsveit hef ég frá árinu 1986 unnið ásamt konu minni að landgræðslu og skógrækt í Mörk á Landi, “ættaróðalinu”. Þar sem áður var fé á beit á á trjálausu landi er nú fjölbreytilegur skógur með iðandi fuglalífi. Þá stóð ég t.d. að í samvinnu við skyldmenni að reistur var stuðlabergsstöpull í landi Keldna til að minnast Reynifellsættar sem rakin er til Guðrúnar Erlendsdóttur og Þorgils Þorgilssonar á Reynifelli á Rangárvöllum á fyrri hluta 19. aldar.

Hér er farið fljótt yfir sögu og er nú komið að fæðingarbæ konu minnar, Jóhönnu Jóhannesdóttur, Blönduósi í Húnaþingi. Þar átti ég frumkvæði að því að afsteypa af hinni kunnu styttu Ásmundar Sveinssonar, Veðurspámanninum, var gerð og reist til heiðurs Grími Gíslasyni heiðursborgara Blönduóss á miðtorginu á Blönduósi og sömuleiðis að fallegur minningarstöpull um Sigurð Jónasson (1863-1887) frá Eyjólfsstöðum í Vatnsdal var reistur í garðinum handan við Húnabraut. Sigurður afrekaði það ungur að árum að þýða bók eftir enska heimspekinginn John Stuart Mill, Kúgun kvenna, fræga bók í sögu kvenréttindahreyfingarinnar. Þetta komst í framkvæmd sökum góðra undirtekta og stuðnings þáverandi bæjarstjórna Blönduóss og sömu sögu má segja um stofnun og uppsetningu Hafíssetursins á Blönduósi sem ég stakk upp á að sett yrði á laggirnar á Blönduósi við hinn hafíssögulega Húnaflóa. Björn G. Björnsson leikmynda- og sýningahönnuður hannaði sýninguna af miklum klókindum í litlu rými en ég samdi textann. Þá skal geta þess að stungið var upp á því af þeim sem þá voru í forystu að mér til heiðurs yrði útbúin svonefnd Þórsstofa í Kvennaskólanum og gaf ég þangað skjöl, bækur og kort. Þórsstofa var listilega hönnuð af Jóni heitnum Þórissyni starfsbróður Björns G.

Tíminn líður og margt tekur breytingum. Veðurspámaðurinn og minnisvarðinn um Sigurð Jónasson eru á sínum stað. Það sem skemmtilegt væri að gera væri að hafa upplýsingar um þessi minnismerki og annað samsvarandi á Blönduósi tiltækar á heimasíðu bæjarins og skora ég á bæjarstjórn að koma því til leiðar. Hafíssetrið gekk vel í allmörg á en þar kom að fjaraði undan og safninu lokað. Síðla sl. vetrar kom ég áleiðis freistandi boði sem mér hafði boðist frá upprennandi safnahúsi í Borgarfirði, en bæjarstjórn Blönduósbæjar vildi ekki þiggja, “hafnaði” eins og tekið var til orða í fundargerð byggðaráðs. Það er auðvitað fagnaðarefni að Blönduós skuli treysta sér að halda Hafíssetrinu gangandi með sóma og erum við Björn G., höfundar sýningarinnar, fúsir að leggja Blönduós lið í þeirri tilraun.

Aumlegra varð framhald Þórsstofu í Kvennaskólanum þótt hún hafi byrjað vel, m.a. með samvinnu Hólaskóla. Ýmis konar samhengi slitnaði smám saman og að lokum alveg með því að hafís, siglingar og norðurslóðir voru tekin af dagskrá í Þekkingarsetrinu á Blönduósi. En skemmst er frá því að segja að vandi þessi leystist farsællega og hefur Þórsstofa fengið samastað í Odda á Rangárvöllum, nánar tiltekið í Langekru, einni af hjáleigum sögustaðarins. Þangað fer megnið af Þórsstofu en slatti af skjölum og kortum fara styttra, nefnilega til Fögrubrekku fyrir botni Hrútafjarðar þar sem rís ferðamiðstöð um þessar mundir.

Í grein í Húnahorni 6. febrúar sl. velti ég fyrir mér hvort ekki færi vel á því að reisa myndarlegt setur um veður og vinda á Blönduósi, eins konar “uppfærslu” Hafíssetursins á Blönduósi. Leit þá út fyrir að Hafíssetrið á Blönduósi hefði sungið sitt síðasta og færi annað. Úr því varð ekki eins og áður sagði.  Ég er því sammála Valdimar O. Hermannssyni sveitastjóra að varast beri að spenna bogann hátt að sinni og líst mér reyndar svo á að það verði ærið verkefni að blása lífi í Hafíssetrið á Blönduósi.

Þakklátur er ég samstarfi við Blönduós sem hófst fyrir æði löngu og læt hér staðar numið þessari upprifjun.

Reykjavík, 11. júlí 2019
Þór Jakobsson veðurfræðingur

Höf. rzg
Frá Hvammstanga
Frá Hvammstanga
Fréttir | 17. nóvember 2019 - kl. 15:32
Leigufélagið Bústaður hses. í Húnaþingi vestra auglýsir eftir umsóknum um íbúðir í almenna íbúðaleigukerfinu. Í boði eru sex þriggja herbergja íbúðir að Lindarvegi 5 á Hvammstanga og er stærð íbúðar 93 fermetrar. Íbúðirnar verða afhentar í ársbyrjun 2020. Markmið leigufélagsins með byggingu almennra íbúða er að bæta úr brýnni þörf á íbúðarhúsnæði í Húnaþingi vestra.
SSNV - er styrkurí þér
Fréttir | 17. nóvember 2019 - kl. 15:20
Samtök sveitarfélaga á Norðurlandi vestra vilja ráða verkefnisstjóra iðnaðar. Í auglýsingu segir að um sé að ræða nýtt og spennandi verkefni sem hafi það að markmiði að laða fjárfestingar í landshlutann til að fjölga þar störfum. Ráðið er í starfið til tveggja ára með möguleika á framlengingu. Meðal verkefni er markaðssetning landshlutans sem fýsilegs fjárfestingarkosts og að koma auga á tækifæri til atvinnuskapandi fjárfestinga.
Glaðheimar
Hótel Laugarbakki. Ljósm: hotellaugarbakki.is
Hótel Laugarbakki. Ljósm: hotellaugarbakki.is
Fréttir | 17. nóvember 2019 - kl. 14:43
Óprúttnir ferðalangar hafa undanfarið stundað það að panta sér gistingu á Norðurlandi, stela verðmætum og stinga af án þess að borga. Varað er við þjófunum á Facebook-síðunni Bakland ferðaþjónustunnar. Hótel Laugarbakki fékk að kenna á þessum óprúttnu aðilum. Bókað var herbergi í tvær nætur á nafni Julia Hurlay og greiðslu lofað fyrir brottför.
Sameining A-Hún
Frá óráðstefnunni. Ljósm: ssnv.is
Frá óráðstefnunni. Ljósm: ssnv.is
Fréttir | 15. nóvember 2019 - kl. 11:42
Haustdagur ferðaþjónustunnar á Norðurlandi vestra var haldinn á Laugarbakka í Miðfirði á þriðjudaginn. Dagurinn var að þessu sinni haldinn í formi „Óráðstefnu“, þar sem dagskráin var ákveðin á staðnum af fundargestum, sem lögðu til tillögur að fundarefni. Eftir að fimmtán atriði höfðu verið valin til að ræða, hófust um 30 óráðstefnugestir handa við að kryfja þessi mál, sem öll snerta ferðaþjónustuna á svæðinu.
Fréttir | 14. nóvember 2019 - kl. 13:04
Gærurnar, sem er hópur kvenna sem heldur úti nytjamarkaði á Hvammstanga, gáfu nýverið ný fortjöld til Félagsheimilis Hvammstanga. Fortjöldin eru sérframleidd í Bretlandi samkvæmt ströngustu kröfum um eldvarnir og hljóðvist, endingu og ljósmengunarútilokun. Svið félagsheimilisins er mikið notað fyrir sviðslistir hverskonar, til að mynda til uppsetninga leikverka og söngleikja, þar eru tónleikar haldnir og skemmtanir hverskonar.
Tilkynningar | 14. nóvember 2019 - kl. 12:14
Tilkynning frá nemendum 9. og 10. bekk Blönduskóla
9. og 10. bekkur Blönduskóla halda bingó í Félagsheimilinu þriðjudaginn 19. nóvember. Húsið verður opnað kl.18:30 og bingóið byrjar kl. 19:00. Veglegir vinningar og tombóla (engin núll).
Fréttir | 13. nóvember 2019 - kl. 21:34
Nes listamiðstöð á Skagaströnd hefur óskað eftir samstarfi við sveitarfélagið um þróun listamiðstöðvarinnar og hliðargreinar tengdum henni. Erindi þess efnis var lagt fram á fundi sveitarstjórnar Skagastrandar í dag. Óskað er eftir því við sveitarstjórn að skipaður verði starfshópur í samstarfi við stjórn listamiðstöðvarinnar og að gert verði ráð fyrir kostnaði vegna ráðgjafavinnu vegna verkefnisins við gerð fjárhagsáætlunar sveitarfélagsins.
Frá Kjalvegi. Ljósm: FB/Bfj. Blanda
Frá Kjalvegi. Ljósm: FB/Bfj. Blanda
Fréttir | 13. nóvember 2019 - kl. 21:04
Félagar í Björgunarfélaginu Blöndu hafa í tvígang undanfarna daga fengið beiðni um aðstoð á Kjalvegi. Síðastliðinn föstudag höfðu tveir ferðamenn fest bíl sinn fyrir sunnan Hveravelli og í dag sátu tveir bílar fastir við Dúfunefsfell, sem er norðaustur af Hveravöllum. Annar bíllinn var bilaður en vel gekk að losa bílana og koma þeim og ferðamönnunum á beina braut niður á þjóðveg 1, „sem er besta leiðin á þessum árstíma fyrir óbreytta bíla“, eins og segir á Facebook síðu Björgunarfélagsins Blöndu.
Staðsetningar stöðvanna eru merktar með rauðu 150kw og gulu 50kw á kortinu. Mynd: orkustofnun.is
Staðsetningar stöðvanna eru merktar með rauðu 150kw og gulu 50kw á kortinu. Mynd: orkustofnun.is
Fréttir | 13. nóvember 2019 - kl. 07:03
Orkusjóður hefur úthlutað styrkjum til uppsetningar á 150kw hraðhleðslustöðvum víðsvegar um land, þar á meðal á Blönduósi og við Staðarskála. Nýverið var tilkynnt um úthlutun styrkja að fjárhæð 30,3 m.kr. til uppsetningar á hleðslustöðvum við hótel og gististaði víða um land og fékk Húnavatnshreppur styrk til að setja upp stöð á Húnavöllum og Farfuglar ses. fengu styrk fyrir hleðslustöð að Blöndubyggð 10 á Blönduósi.
Unnur Valborg Hilmarsdóttir, framkvæmdastjóri SSNV ásamt Sigurður Ingi og Lilju. Ljósm: stjornarradid.is
Unnur Valborg Hilmarsdóttir, framkvæmdastjóri SSNV ásamt Sigurður Ingi og Lilju. Ljósm: stjornarradid.is
Fréttir | 12. nóvember 2019 - kl. 19:45
Nýir sóknaráætlanasamningar við átta landshlutasamtök sveitarfélaga voru undirritaðir í dag, þar á meðal við Samtök sveitarfélaga á Norðurlandi vestra. Samgöngu- og sveitarstjórnarráðherra, mennta- og menningarmálaráðherra og fulltrúar landshlutasamtakanna undirrituðu samningana átta við hátíðlega athöfn í Ráðherrabústaðnum. Grunnframlag ríkisins til samninganna árið 2020 nemur 716 milljónum króna en með viðaukum og framlagi sveitarfélaga nema framlög alls 929 milljónum króna.
Skjáskot af tölvupósti sem barst Húnahorninu.
Skjáskot af tölvupósti sem barst Húnahorninu.
Fréttir | 12. nóvember 2019 - kl. 14:28
Tölvuhakkarar hafa komist inn á tölvupósta starfsmanna á skrifstofu Blönduósbæjar og sent tölvupósta, t.d. til Húnahornsins, sem lítur út eins og um sé að ræða reikning frá Blönduósbæ. Á vefsíðu Blönduósbæjar kemur fram að verið sé að vinna í að stoppa sendingarnar. Tilmælum er beint til allra að opna ekki tölvupósta sem berast frá starfsmönnum Blönduósbæjar og innihalda pdf reikning eða eru grunsamlegir í útliti.
Tilkynningar | 11. nóvember 2019 - kl. 22:23
Orðsending til skjólstæðinga sjúkraþjálfara
Frá og með 12. nóvember munu sjúkraþjálfarar setja nýja gjaldskrá fyrir þjónustu sína þar sem samningur við SÍ er runninn út. SÍ hefur ekki gengið að boði sjúkraþjálfara um rafræn samskipti, sem fela í sér sjálfvirka endurgreiðslu tryggingahlutans. Sjúkraþjálfarar eru því knúnir til að innheimta fullt gjald af skjólstæðingum sínum fyrir þjónustuna og beina því til þeirra að leita réttar síns varðandi endurgreiðslur hjá SÍ.
Fréttir | 11. nóvember 2019 - kl. 21:19
Blásið verður til tónlistarveislu í Blönduóskirkju sunnudaginn 17. nóvember í tilefni af því að tíu ár eru liðin síðan orgel kirkjunnar var vígt. Fjöldi listamanna ætlar að stíga á stokk og syngja eða leika á hljóðfæri með orgelinu. Tónleikarnir hefjast klukkan 18 og er enginn aðgangseyrir en þar sem um styrktartónleika er að ræða verður söfnunarkassi á staðnum. Sagt er frá þessu í Feyki sem kom út í síðustu viku.
Pistlar | 11. nóvember 2019 - kl. 16:09
Eftir Sigurbjörn Þorkelsson
Það olli nettri geðshræringu að koma aftur til Krítar í haust, sex árum eftir að ég fékk heldur óþægilegt símatal þangað þess efnis að ég hefði greinst með krabbamein. Þá féllumst við hjónin ástfangin upp fyrir haus í faðma og fórum að gráta. Það sem eftir lifði þeirrar ferðar fannst mér gott að leggjast á sólbekk á víðavangi þar sem enginn þekkti mig og mér var sama um hvað fólki fannst. Lesa mín eigin ljóð, hlusta á tónlist og fara bara að gráta.
 
Prenta Prenta  
 
 
Húsfrúin
09. ágúst 2019
Aldurssmánun samtímans
Margrét S. Björnsdóttir skrifaði áhugaverða grein á visir.is fyrr á þessu ári þar sem hún talar um aldurssmánun samtímans. Í greinninni fjallar hún um mestu sóun okkar, sóun á reynsluþekkingu. Lítil samfélög hafa ekki efni á að sóa áratuga reynsluþekkingu þeirra sem eldri eru.
::Lesa
Spaugið
28. október 2019
Farandverkamaðurinn
Farandverkamaður í Neskaupstað fékk tölvupóst frá kærustu sinni í Reykjavík sem hljóðaði svona: Kæri Jón. Ég get bara ekki lengur verið með þér. Fjarlægðin er bara allt of mikil.
::Lesa
©2019 Húnahorniđ