Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Miðvikudagur, 23. október 2019
NA  8 m/s
-4°C
Olís
huni.is - RSS-efnisveita
 
Á döfinni
Október 2019
SMŢMFFL
293012345
6789101112
13141516171819
20212223242526
272829303112
FyrriNúnaNćsti
Veðurstofa Íslands
Blönduós 15:00 NA 8  -4°C
Reykir í Hr 15:00 NNA 8  -2°C
Reykjavík 15:00 NNA 5  -1°C
Akureyri - 15:00 N 6  -4°C
Egilsstaðaf 15:00 N 10  -4°C
Haugur 15:00 NNA 8  -4°C
Holtavörðuh 15:00 NNA 14 -6°C
Þverárfjall 15:00 NA 11 -6°C
Laxárdalshe 15:00 NNA 12 -4°C
Brúsastaðir 15:00 NNV 9  -2°C
Vegagerðin
Holtavörđuh. 15:40 NNA 12 -7°C
Laxárdalsh. 15:40 NNA 12 -5°C
Vatnsskarđ 15:40 NNA 9 -7°C
Ţverárfjall 15:40 NNA 8 -7°C
Kjalarnes 15:40 SA 6 -2°C
Hafnarfjall 15:40 NA 12 -3°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
14. október 2019
Haustnöldur
Sumarið er búið og haustlægðirnar koma nú til okkar hver af annarri. Maður er farinn að finna lykt af vetri enda styttist í fyrsta vetrardag. Það kætir mig svo sem ekkert, enda líkar mér ólíkt betur við blessað sumarið og sólina og fæ hroll af að hugsa um stórhríð og snjóskafla.
::Lesa

Northwest.is


SSNV

Leita í netfangaskrá
 
Eftir Inga Heiðmar Jónsson
23. október 2019
Eftir Sigurbjörn Þorkelsson
11. október 2019
Eftir Sigurbjörn Þorkelsson
03. október 2019
Frá Heilsuhópnum
29. september 2019
Eftir Inga Heiðmar Jónsson
27. september 2019
Eftir Guðjón S. Brjánsson
09. september 2019
Eftir Sigurbjörn Þorkelsson
04. september 2019
Húsfrúin | 09. ágúst 2019 - kl. 10:56
Aldurssmánun samtímans

Margrét S. Björnsdóttir skrifaði áhugaverða grein á visir.is fyrr á þessu ári þar sem hún talar um aldurssmánun samtímans. Í greinninni fjallar hún um mestu sóun okkar, sóun á reynsluþekkingu. Lítil samfélög hafa ekki efni á að sóa áratuga reynsluþekkingu þeirra sem eldri eru. Ekki má gleyma því að öll lærum við flest af öðrum. Breyta þarf menningunni með hraði. Þeir eldri þurfa að kenna þeim yngri að læra að læra svo þeir yngri geta tekið við af þeim til framtíðar. 

 

Aldursmánun samtímans eftir Margréti S. Björnsdóttur 

Þú ert jú komin á aldur“, sagði ungur maður við mig um daginn, þegar í tal barst tiltekið verkefni sem ég hef með höndum og hvort ég hygðist láta af því, sem hann taldi augljóslega tímabært. Ég hrökk við því sjálfsmynd mín er vissulega ekki sú að ég ráði ekki við verkefnið og fannst að mín þátttaka ætti ekki að ráðast af aldri, heldur því hvort ég valdi viðfangsefninu. Af svipuðum toga var ótrúleg og raunar sprenghlægileg frásögn Óttars Guðmundssonar (72 ára) nýverið í Fréttablaðinu, þar sem ungur maður, sem var samferða honum í flugvél, spurði Óttar: „Ertu enn að ferðast?“

Aldursmörkin 67 eða 70 ára virðast orðin að mælikvarða í sjálfu sér, óháð getu eða löngun viðkomandi. Listamenn eru hins vegar ekki settir undir þessa mælistiku og verk þeirra eða frammistaða metin óháð aldri, sem sýnir ágætlega hversu fáránleg hún er. Í atvinnulífinu er fólki sem náð hefur þessum aldri hins vegar lang oftast umsvifalaust vísað á dyr, óháð starfsgetu þess eða -vilja. Hér er verið að sóa samfélagslegum verðmætum og jafnvel töluvert yngra fólk, 45-50 ára, kvartar undan svonefndum „kennitöluvanda“ við atvinnuumsóknir, ekki síst konur. Þeim sé ekki einu sinni boðið í atvinnuviðtal þrátt fyrir þekkingu og reynslu á viðkomandi sviði.

Sömu viðhorf eða aldursfordómar birtast í opinberri umræðu um þriðja orkupakkann. Þar hafa verið áberandi nokkrir eldri áhugamenn um stjórnmál, en þeim er ítrekað bent á að „tími þeirra sé liðinn“, skoðanir þeirra sagðar „rykfallnar“ og þeir beðnir um að skipta sér ekki af því sem kallað er „okkar framtíð“, svo aðeins sé vitnað í kurteisari ummælin. Reynsla og afleidd dómgreind er einskis metin, eitthvað sem ætti fremur að teljast mikilvægt í þjóðmálaumræðu.

Háskóli Íslands er ánægjuleg undantekning þessa. Þar hefur með nýjum rektor verið mörkuð sú stefna, að heimilt er að semja við fólk sem komið er á eftirlaun um tiltekin verkefni, séu þau til staðar. Samið er til afmarkaðs tíma í senn, á fyrri launum, þótt ekki fylgi öll sömu starfskjör. Slíkir samningar verða að sjálfsögðu að þjóna hagsmunum beggja aðila og viðkomandi starfsmaður að sætta sig við reglubundna endurskoðun. Opinberir aðilar og fyrirtæki ættu að fylgja þessu almenna fordæmi og einhverjir kunna að gera það. Með þessu er ég ekki að gera lítið úr því, að sum störf ganga mjög nærri fólki þannig að sjálfsagt er að það geti farið á eftirlaun 67-70 ára. En lykil­atriði er að fólk hafi val, sé geta og áhugi til staðar.

Það er eitt af einkennum okkar samtíma að hópar sem hafa mátt sæta neikvæðri umræðu eða fordómum hafa risið upp og krafist þess að vera jafnréttháir öðrum, sem ekki bera sömu einkenni og vera metnir á grunni eigin verðleika. Þar hafa verið áberandi t.d. fatlaðir, samkynhneigðir, hörundsdökkir, tónlistarmaðurinn Logi Pedro Stefánsson talaði nýverið um kynþáttaníð, fólk í yfirþyngd, sem kallar það fitusmánun, að ekki sé minnst á konur.

Barátta eldri borgara fyrir mannsæmandi eftirlaunum og tryggingabótum er mikilvæg. En það er ekki síður mikilvægt og raunar mannréttindi að á þá sé hlustað og borin fyrir þeim tilhlýðileg virðing. Eldra fólk taki þátt í samfélaginu á jafnréttisgrundvelli, hvar sem það kýs. En einhvern veginn er eins og þeir sem eldri eru séu feimnir við að setja fram þá kröfu og sætti sig við jaðarsetninguna.

Þessu þarf að breyta – það eru hagsmunir allra, líka þeirra sem yngri eru og eiga eftir að eldast.

Hér má lesa greinina á Vísi 

Greinin birtist 27.06.2019. 

Fréttir | 23. október 2019 - kl. 15:37
Jóhanna Erla Pálmadóttir á Akri er í viðtalið í nýjum hlaðvarpsþætti vikunnar hjá Samtökum sveitarfélaga á Norðurlandi vestra. Rætt er við Jóhönnu um handavinnuáhugann, verkefnin sem hún hefur ráðist í og auðvitað um fálkaorðuna sem hún var sæmd í sumar. Jóhanna er mörgum að góðu kunn fyrir störf sín tengd textíl í hinum breiðasta skilningi.
Lífland landbúnaður
Þari í Húnaflóa. Ljósm: Úr skýrslu Biopol.
Þari í Húnaflóa. Ljósm: Úr skýrslu Biopol.
Fréttir | 23. október 2019 - kl. 11:22
Biopol á Skagaströnd hefur að undanförnu stundað athuganir á þarabreiðum í austanverðum Húnaflóa. Verkefnið ber heitið „Þarabreiður í Húnaflóa – Athugun á nýtingu á sjálfbæran hátt“. Tilgangur þess var að gera forkönnun á nýtingu þaraskóga með áherslu á stórþara, hrossaþara og beltisþara. Verkefnið var styrkt af Samtökum sveitarfélaga á Norðurlandi vestra og unnið í samstarfi við Náttúrustofnun Norðurlands vestra.
Glaðheimar
Pistlar | 23. október 2019 - kl. 10:31
Eftir Inga Heiðmar Jónsson
Meðal stórbýla á Laxárdal var Mörk, ysti bær í Bólstaðarhlíðarhreppi og átti sókn til Bólstaðarhlíðarkirkju. Merkurhús og grænar hlíðar upp frá túninu horfðu til suðvesturs og þangað fluttu vorið 1867 hjónin Steinunn og Guðmundur vestan yfir Blöndu, foreldrar Erlendar rithöfundar frá Mörk, sem þá var á barnsaldri, ólst upp þar á Laxárdal og reisti síðar bú með konu sinni út á Hallárdal.
Sameining A-Hún
Fréttir | 22. október 2019 - kl. 21:55
Blönduósbær hefur á undanförnum mánuðum unnið að gerð húsnæðisáætlunar. Markmiðið er að skapa yfirsýn yfir húsnæðismál sveitarfélagsins, meta þarfir ólíkra hópa og gera áætlun um uppbyggingu íbúða til næstu átta ára. Þessi fyrsta útgáfa áætlunarinnar má finna á vef Blönduósbæjar en hún er lifandi plagg og er gert ráð fyrir að fyrsta breyting verði gerð á henni 1. mars á næsta ári.
Tilkynningar | 22. október 2019 - kl. 21:50
Tilkynning frá SAH Afurðum ehf.
SAH Afurðir ehf. á Blönduósi óska eftir að ráða starfsmann í mötuneyti og þvottahús. Um er að ræða 100% starf. Vinnutími frá 07:00 – 15:45. Íslenskukunnátta skilyrði. Viðkomandi þarf að geta hafið störf sem fyrst.
Fréttir | 22. október 2019 - kl. 20:05
Lögreglan á Norðurlandi vestra ætlar ekki að sekta bifreiðaeigendur fyrir notkun nagladekkja sökum veðurfarsaðstæðna. Þetta kemur fram í tilkynningu frá lögreglunni en hún kemur í kjölfar fjölda fyrirspurna, að því er segir á Facebook síðu hennar. Þar eru ökumenn minntir á að aka með gát og á að hámarkshraði á vegum miðist við bestu aðstæður.
Fréttir | 21. október 2019 - kl. 16:39
Ný Sóknaráætlun Norðurlands vestra fyrir árin 2020-2024 var samþykkt samhljóða á haustþingi Samtaka sveitarfélaga á Norðurlandi vestra sem fram fór á Sauðárkróki á föstudaginn. Vinna við gerð hennar hefur staðið yfir frá því á vordögum og var lögð rík áhersla á víðtækt samráð við íbúa og aðra hagaðila. Ætla má að vel á fimmta hundrað manns hafi komið að gerð áætlunarinnar með einum eða öðrum hætti, að því er segir á vef SSNV.
Fréttir | 21. október 2019 - kl. 15:36
Unglingar í Æskulýðsfélagi Hólaneskirkju ætla að halda Biblíumaraþon í kirkjunni í kvöld frá klukkan 20:00-21:15. Tekið verður við áheitum til að fjármagna ferð þeirra á Landsmót æskulýðsfélaga þjóðkirkjunnar sem haldi er í Ólafsvík um næstu helgi. Lesið verður upp úr Markúsarguðspjalli. Þá verður spurningaleikur og sýndar ljósmyndir sem teknar voru í þemanu Græn í garði Guðs.
Fréttir | 21. október 2019 - kl. 15:19
Uppbyggingarsjóður Norðurlands vestra auglýsir eftir umsóknum um styrki fyrir árið 2020. Veittir eru styrkir til atvinnuþróunar og nýsköpunar, verkefnastyrkir til menningarstarfs og stofn- og rekstrarstyrkir til menningarstarfs. Umsóknarfrestur er til klukkan 16, miðvikudaginn 20. nóvember næstkomandi. Tilgangur Uppbyggingarsjóðs er að styrkja menningar-, atvinnuþróunar- og nýsköpunarverkefni á Norðurlandi vestra.
Tilkynningar | 21. október 2019 - kl. 13:39
Frá Félagi eldir borgara
Á vegum Félags eldri borgara í Húnaþingi verður farin leikhúsferð að Melum í Hörgársveit, að sjá leikritið „Gauragang" eftir Ólaf Hauk Símonarson. Farið verður frá Hnitbjörgum klukkan 14 föstudaginn 8. nóvember og ekið til Akureyrar þar sem fyrirhugað er að fá sér að borða. Að því loknu verður ekið að félagsheimilinu á Melum þar sem sýningin hefst klukkan 20. Að sýningu lokinni verður ekið rakleitt aftur heim.
Frá Skagaströnd
Frá Skagaströnd
Fréttir | 21. október 2019 - kl. 10:29
Sveitarstjórn Skagastrandar auglýsir á vef sínum byggingarlóðir við tilbúnar götur á Skagaströnd með 100% afslætti gatnagerðargjalda. Er það í samræmi við samþykkt sveitarstjórnar frá 20. ágúst síðastliðnum um að auglýsa byggingalóðirnar sérstaklega. Umsóknir eiga að berast eigi síðar en 1. maí á næsta ári og verða afgreiddar af hafnar- og skipulagsnefnd. Röð umsókna gildir um nýtingu afsláttarins.
Körfuboltaæfing á Blönduósi
Körfuboltaæfing á Blönduósi
Fréttir | 20. október 2019 - kl. 09:54
Körfuboltaæfingar fyrir krakka á aldrinum 8-16 ára halda áfram í Íþróttamiðstöðinni á Blönduósi. Í síðustu viku mættu 30 hressir krakkar á æfingarnar sem haldnar eru á vegum Körfuboltaskóla Norðurlands vestra og var mikið fjör í íþróttahúsinu. Athygli er vakin á breyttu skipulagi í þessari viku. Krakkar á aldrinum 8-11 ára æfa á mánudaginn klukkan 19-20. Krakkar á aldrinum 12-16 ára æfa á þriðjudaginn klukkan 19-20. Frítt er á æfingarnar. Þjálfari er Helgi Freyr Margeirsson.
Ragnheiður Jóna Ingimarsdóttir
Ragnheiður Jóna Ingimarsdóttir
Fréttir | 18. október 2019 - kl. 13:30
Ragnheiður Jóna Ingimarsdóttir, sveitarstjóri í Húnaþingi vestra, sagði í hádegisfréttum Ríkisútvarpsins í dag það vera mikið afrek að framkvæmdir við Vatnsnesveg hafi ratað inn á nýja samgönguáætlun. Íbúar á Vatnsnesi hafa lengi barist fyrir bættum vegasamgöngum enda vegurinn slæmur og umferð um nesið aukist mikið. Samkvæmt samgönguáætluninni á að veita þremur milljörðum króna í samtals 60 kílómetra kafla á árunum 2030-2034.
Tilkynningar | 18. október 2019 - kl. 13:13
Tilkynning frá stjórn
Fyrsti fundur vetrarins verður haldinn í Félagsheimilinu á Blönduósi, mánudaginn 21. október og hefst kl. 20:00. Nýir félagar hjartanlega velkomnir.
 
Prenta Prenta  
 
 
Húsfrúin
09. ágúst 2019
Aldurssmánun samtímans
Margrét S. Björnsdóttir skrifaði áhugaverða grein á visir.is fyrr á þessu ári þar sem hún talar um aldurssmánun samtímans. Í greinninni fjallar hún um mestu sóun okkar, sóun á reynsluþekkingu. Lítil samfélög hafa ekki efni á að sóa áratuga reynsluþekkingu þeirra sem eldri eru.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2019 Húnahorniđ