Fyrri mynd
Nćsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Húnahornið
Open Menu Close Menu
Húnahornið
Fimmtudagur, 6. ágúst 2020
SA  4 m/s
10°C
Olís
huni.is - RSS-efnisveita
 
Ágúst 2020
SMÞMFL
2627282930311
2345678
9101112131415
16171819202122
23242526272829
303112345
FyrriNúnaNæsti
Veðurstofa Íslands
Blönduós 01:00 SA 4  10°C
Þverárfjall 01:00 SSA 4  8°C
Vatnsskarð 01:00 SA 3  7°C
Brúsastaðir 01:00 S 3  9°C
Haugur 01:00 SSA 2  9°C
Holtavörðuh 01:00 S 7  7°C
Laxárdalshe 01:00 SSA 5  8°C
Reykir í Hr 00:00 SSA 4  10°C
Reykjavík 01:00 SSA 3  9°C
Akureyri - 01:00 SA 4  11°C
Egilsstaðaf 01:00 SSA 5  11°C
Vegagerðin
Holtavörðuh. 01:10 S 6 7°C
Laxárdalsh. 01:10 SSA 6 9°C
Vatnsskarð 01:10 SA 4 7°C
Þverárfjall 01:10 S 3 9°C
Kjalarnes 01:10 A 5 10°C
Hafnarfjall 01:10 SSA 7 10°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
21. júní 2020
Menningin nærir, huggar og kætir
Mikið dáist ég að nágrönnum okkar í Húnaþingi vestra. Nú er nýjasta afrek þeirra í menningarmálum uppbygging á hljóðveri og hugsanlega kvikmyndaveri í hótelinu á Laugarbakka.
::Lesa

SSNV

Leita í netfangaskrá
 
Eftir Inga Heiðmar Jónsson
02. ágúst 2020
Eftir Guðjón S. Brjánsson
29. júlí 2020
Eftir Sigurbjörn Þorkelsson
23. júlí 2020
Eftir Lárus Ægi Guðmundsson
20. júlí 2020
Eftir Sigurbjörn Þorkelsson
08. júlí 2020
Eftir Guðjón S. Brjánsson
01. júlí 2020
Eftir Sigurbjörn Þorkelsson
30. júní 2020
Rósberg G. Snædal
Rósberg G. Snædal
Rósberg G. Snædal talar á vormóti í Vaglaskógi 1948. Ljósm: Ljósmyndasafn Skagastrandar. Ljósmyndari: Guðmundur Guðnason.
Rósberg G. Snædal talar á vormóti í Vaglaskógi 1948. Ljósm: Ljósmyndasafn Skagastrandar. Ljósmyndari: Guðmundur Guðnason.
Pistlar | 31. ágúst 2019 - kl. 07:26
Stökuspjall: Öld er liðin ein frá fæðingu Rósbergs G. Snædal
Eftir Inga Heiðmar Jónsson

Alltaf var hann sama prúðmennið, velviljaður í garð samtíðarmanna og skopskynið brást ekki segir Soffía Guðmundsdóttir, baráttufélagi Rósbergs G. Snædal úr bæjarmálunum á Akureyri, en hún var ein fjölmargra vina og samstarfsmanna Rósbergs, sem minntust hans í blaðagreinum þegar hann lést aðeins 63 ára gamall.

Rósberg fæddist í Kárahlíð á Laxárdal 8. ágúst 1919, þriðji í röð fjögurra bræðra sem ólust upp með foreldrum sínum þar á dalnum sumargræna og fjallríka. 

Rósberg flutti til borgarinnar meðan bræður hans bjuggu heima við flóann og foreldrar þeirra fluttu til Skagastrandar um miðja síðustu öld. Hann kom þó fljótlega alkominn til Akureyrar, giftist Hólmfríði Magnúsdóttur frá Syðra-Hóli og þau eignuðust syni og dætur sem uxu upp þar undir Súlnatindi.

Við, sem nú sýslum með orð, eigum margt að þakka Rósberg, snjallar vísur og lýsandi ljóð, þætti af fjölmörgum Húnvetningum, sumum skáldmæltum en ekki síst að safna og gefa út Húnvetningaljóð 1955, þar sem 66 höfundar eiga ljóð og vísur. Hópur sýslunga hans var nokkuð fjölmennur þar á Akureyri, en mörg bréf og símtöl hljóta að hafa gengið milli ritstjóranna - sem voru reyndar tveir - milli þeirra og skáldanna áður en þessu glæsilega bók kom út.

Rósberg tók bæði þátt í félagsmálum og stjórnmálum meðan hann bjó á Akureyri en kennsla varð aðalstarf hans þegar á leið ævina. Þannig starfaði hann meðal Hólamanna síðustu ár ævi sinnar og Jón skólastjóri Bjarnason rifjar upp þessa haustvísu hans í minningargrein: 

Gusti svalt um koll og kinn 
kostur valtur falinn 
leitar alltaf andi minn 
inn í Hjaltadalinn. RGS

Á sextugsafmæli sínu gaf Rósberg út ljóðsafn og lausar vísur sem hann nefndi Gagnvegi. Þar kveður hann skáldbræður sína og baráttufélaga í ljóðum, þá Jóhannes úr Kötlum og Guðmund Böðvarsson. Hann yrkir gamanljóð út af fyrstu bók Móse, hringhenda kveðju til Björns á Kotá, sem hann lýkur svo:

Þú sem dáir dagsins ljóð
draumabláar vökur
þiggðu frá mér þessi ljóð
þessar fáu stökur. RGS 

Ævistarf Rósbergs G. Snædal var mikið og gott þó ekki færi hann á mis við álas, eins og kemur fram í eftirmála hans fyrir ljóðabókinni Gagnvegum. RGS segir: Það hefur verið margra mál, að ég væri afkastalítill við ljóðagerðina. Víst tjóar ekki að neita því, en tvennt kemur til: það er ort meira en nóg að magni til á Íslandi - og fá ljóðskáld held ég fyrirhittist, sem telja sér akkur í því, að láta öll sín ljóð á bækur. . . . Oft eru það aðeins nokkrar ljóðlínur sem lifa höfund sinn og minna á nafn hans. Verða hér jafnt stórir sem smáir að lúta þeim páfadómi án áfrýjunar. 

Eftirmáli Rósbergs hefst á Hávamálum:

Til góðs vinar
liggja gagnvegir
þótt hann sé firr farinn.

Bókaskrá rithöfundarins Rósbergs G. Snædal:

Á annarra grjóti, ljóð 1949
Nú er hlátur nývakinn 1954
Þú og ég, sögur 1954
25 hringhendur (50 eintök) 1954
Vísnakver 1956
Í Tjarnarskarði, ljóð 1957
Fólk og fjöll, þættir 1959
Fótgangandi um fjall og dal 1961
Nú er ég kátur, I-IV 1963
101 hringhenda 1964
Vestanátt, sögur 1965
Hrakfallabálkur  1969
Skáldið frá Elivogum 1974
Gagnvegir, ljóðasafn 1979

Tenglar á myndir og greinar um Rósberg:
Rósberg talar á vormóti í Vaglaskógi 1948: https://ljosmyndasafn.skagastrond.is/p/myndasafn/v/8/7035_Gudmundur_Gudnason_2_361?q=r%C3%B3sberg+g.+sn%C3%A6dal 

Rósberg á heimili foreldra sinna, Ægissíðu á Skagaströnd 1960: https://ljosmyndasafn.skagastrond.is/p/myndasafn/v/12/806_Mundi277?q=r%C3%B3sberg+g.+sn%C3%A6da

Nokkrar vísur og ljóð RGS á Húnaflóa kvæða og vísnavef: http://bragi.arnastofnun.is/hunafloi/hofundur.php?ID=16079 

Grein Þórgunnar Snædal þegar 80 ár voru liðin frá fæðingu skáldsins: https://www.mbl.is/greinasafn/grein/483780/

Eftirmæli úr Íslendingarþáttum Tímans: http://timarit.is/view_page_init.jsp?issId=256920&pageId=3576703&lang=is&q=R%F3sberg%20G%20Sn%E6dal 

Eftirmæli í Þjóðviljanum: http://timarit.is/files/13583698.pdf#navpanes=1&view=FitH og http://timarit.is/files/13583702.pdf#navpanes=1&view=FitH 

 

Ingi Heiðmar Jónsson 

Höf. rzg
Fréttir | 05. ágúst 2020 - kl. 11:59
Einn er í einangrun á Norðurlandi vestra vegna kórónuveirusmits og tíu eru í sóttkví í landshlutanum. Þetta kemur fram á covid.is. Níu kórónuveirusmit greindust innanlands síðasta sólarhring, öll á sýkla- og veirufræðideild Landspítalans. Á landinu öllu eru 91 í einangrun með virk smit og 746 í sóttkví. Enginn er á sjúkrahúsi vegna kórónuveirusmits. Smit eru í öllum landshlutum.
Glaðheimar
Tilkynningar | 04. ágúst 2020 - kl. 13:34
SAH Afurðir ehf. óskar eftir starfsmönnum fyrir komandi sláturtíð. Ýmis störf eru í boði, vinna á sláturlínu, pokun, pökkun og fleira. Umsóknarfrestur er til og með 15. ágúst næstkomandi. Nánari upplýsingar veitir Gunnhildur Þórmundsdóttir í síma 455 2200 eða á netfanginu gunnhildur@sahun.is - móttaka umsókna er á sama netfang.
Tilkynningar | 04. ágúst 2020 - kl. 10:07
Tilkynning
Samkvæmt aðgerðaáætlun Félags- og skólaþjónustunnar A-Hún. vegna COVID-19 hafa verið settar takmarkanir á aðgengi að Félags- og skólaþjónustunni. Allir þjónustuþættir eru virkir, þ.e. félags- og skólaþjónusta, barnavernd, þjónusta við aldraða sem og grunnþjónusta sveitarfélaganna sem er undir verkstjórn og ábyrgð Félags- og skólaþjónustunnar, þ.e. skipulag félagslegrar heimaþjónustu og liðveisla.
Fréttir | 02. ágúst 2020 - kl. 10:08
Sameiginlegt lið Kormáks og Hvatar vann sannfærandi sigur á lið SR á miðvikudaginn þegar leikið var í 8. umferð Íslandsmótsins í knattspyrnu karla 4. deild B riðli. Leikurinn fór fram á Blönduósvelli og endaði 4-2 fyrir heimamenn. Hilmar Þór Kárason skoraði tvívegis í leiknum og Ingvi Rafn Ingvarsson og Oliver James Kelaart Torres skoruðu sitt markið hvor. Hilmar Þór og Oliver James er á meðal markahæstu manna í B riðli.
Ljósm: Sr. Ágúst Sigurðsson
Ljósm: Sr. Ágúst Sigurðsson
Pistlar | 02. ágúst 2020 - kl. 09:00
Eftir Inga Heiðmar Jónsson
Ekki eru allir prestar skáld en margir þeirra sinna fleiri ritstörfum en að semja ræðu fyrir næsta sunnudag. Einn sá snjallasti - í skáldaröð - var Bæsár-Jón, sveitungi Jónasar Hallgrímssonar og sr. Ágústs Sigurðssonar á Mælifelli/Prestbakka. Jón Þorláksson á Bægisá var fæddur 1744, Jónas 1807, sr. Ágúst á fyrri hluta síðustu aldar en faðir hans, Sigurður vígslubiskup á Möðruvöllum, hafði safnað efni til ævisögu Jóns.
Fréttir | 31. júlí 2020 - kl. 13:19
Íþróttamiðstöðin á Blönduósi hefur gripið til aðgerða vegna hertra sóttvarnarreglna. Gestafjöldi er nú takmarkaður við 100 manns en börn fædd 2005 og síðar eru undanskilin. Þó að fjöldi sé takmarkaður við 100 þá getur sá fjöldi aldrei verið á sundlaugarsvæðinu vegna tveggja metra reglunnar, segir í tilkynningu.
Fréttir | 31. júlí 2020 - kl. 12:58
Aðgerðastjórn almannavarna á Norðurlandi vestra hefur rætt við umsjónarmenn tjaldsvæða í umdæminu vegna hertra sóttvarnarreglna sem tóku gildi á hádegi og segir í tilkynningu að allir séu þeir jákvæðir og tilbúnir til að takast á við verkefnið. Vegfarendur um umdæmið eru hvattir til að kynna sér hvort laust pláss sé til staðar á tjaldsvæðum áður en lagt er af stað í ferðalag um helgina.
Fréttir | 31. júlí 2020 - kl. 12:38
Verkefni Sumarleikhúss æskunnar í ár er uppsetning, í styttri leikgerð, á verki William Shakespeare, Jónsmessunæturdraumur. Sumarleikhúsið er verkefni á vegum Handbendi brúðuleikhúss á Hvammstanga og stjórnandi þess, Greta Clough, sér um leikstjórn og Arnar Hrólfsson er aðstoðarleikstjóri. Sýningin verður í Félagsheimili Hvammstanga 15. ágúst klukkan 19.
Sameining A-Hún
Lax úr Miðfjarðará. Ljósm: FB/midfjardaralodge
Lax úr Miðfjarðará. Ljósm: FB/midfjardaralodge
Fréttir | 31. júlí 2020 - kl. 12:13
Laxveiði í húnvetnskum laxveiðiám er dræm eins og víðast hvar á landinu. Hún er þó í flestum tilfellum skárri en í fyrra. Mest af laxi hefur veiðst í Miðfjarðará eða 729 laxar og skilaði vikuveiðin 189 löxum. Um svipað leyti í fyrra höfðust veiðst 647 laxar í ánni en árið 2018 voru þeir orðnir 1.422 talsins. Miðfjarðará er nú í fjórða sæti lista Landssambands veiðifélaga yfir 75 aflahæstu ár landsins. Engin önnur húnvetnsk á kemst í tíu efstu sætin og er af sem áður var.
Hamarsbúð
Hamarsbúð
Tilkynningar | 31. júlí 2020 - kl. 11:44
Árlegu kaffihlaðborði Húsfreyjanna í Hamarsbúð um verslunarmannahelgina hefur verið aflýst vegna hertra sóttvarnarreglna. Húsfreyjunum þykir miður að þurfa að fresta kaffinu en þær vilja virða sóttvarnarreglur í hvívetna og hvetja aðra til þess að gera slíkt hið sama, enda sé það öllum fyrir bestu.
Tilkynningar | 30. júlí 2020 - kl. 13:52
Ákveðið hefur verið að loka fyrir aðgengi að hvoru tveggja á meðan hertar reglur um sóttvarnir eru í gildi. Ómögulegt er að komast hjá að brjóta 2m regluna í Kvennaskólanum og því er álitið að ekki sé forsvaranlegt að hafa opið. Þegar 2m reglan verður felld úr gildi, er hægt að hafa samband við undirritaða til að skoða og fræðast um Minjastofuna, refilinn og jafnvel sauma til að þoka honum áfram.
Sýnataka. Ljósm: stjornarradid.is
Sýnataka. Ljósm: stjornarradid.is
Fréttir | 30. júlí 2020 - kl. 12:24
Á hádegi á morgun, 31. júlí, taka gildi hertar aðgerðir innanlands og á landamærum vegna COVID-19 sem standa í tvær vikur, út 13. ágúst. Ákvörðunin er í samræmi við tillögur sóttvarnalæknis sem heilbrigðisráðherra hefur samþykkt. Fjöldatakamörkun miðast nú við 100 einstaklinga, auk þess sem tveggja metra reglan verður viðhöfð þar sem fólk kemur saman og í allri starfsemi.
Jóhannes afhendir Kára lyklavöldin. Ljósm: Aðsend.
Jóhannes afhendir Kára lyklavöldin. Ljósm: Aðsend.
Fréttir | 30. júlí 2020 - kl. 10:08
Föstudaginn 24. júlí afhenti Jóhannes Torfasson framkvæmdastjóri Ámundakinnar Kára Kárasyni framkvæmdastjóra Vilkó formlega lyklavöldin að nýbyggingu fyrir starfsemi Vilkó. Til athafnarinnar var boðið starfsmönnum þeirra verktaka sem unnu við bygginguna auk stjórnar og starfsfólks Vilkó og Ámundakinnar. Hið nýja húsnæði er um 160 fm að flatarmáli og er hugsað sem vörumóttaka og lager, annars vegar fyrir hráefni sem nýtt er til framleiðslunnar og hins vegar fyrir fullunnar vörur.
Verk Hjálmars
Verk Hjálmars
Fréttir | 30. júlí 2020 - kl. 09:41
Síðastliðinn sunnudag lauk sýningunni Nafli jarðar í fjóshlöðunni á Kleifum við Blönduós en þá hafði hún dregið að sér rúmlega 900 gesti á níu dögum. Á sýningunni gat að líta 123 verk eftir listamanninn, fræðimanninn og uppfinningamanninn Hjálmar Stefánsson frá Smyrlabergi (1913-1989) sem bjó á Blönduósi frá 1944 til dauðadags.
 
Prenta Prenta  
 
Til baka
 
Húsfrúin
04. febrúar 2020
Róbinson Krúsó meðferðin
Við getum flest verið sammála um að jákvæð hugsun sé forsenda þess að samþykkja það að jákvæðni auki líkurnar á skilningi og að skilningur sé ein helsta breytan í góðum mannlegum samskiptum.
::Lesa
Spaugið
04. febrúar 2020
Sherlock og Watson
Sherlock Holmes og Dr. Watson fóru í útilegu. Eftir að hafa gætt sér á góðum mat og drukkið flösku af víni, bjuggu þeir um sig og fóru að sofa.
::Lesa

©2020 Húnahornið