Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Miðvikudagur, 16. október 2019
SV  3 m/s
C
Olís
huni.is - RSS-efnisveita
 
Á döfinni
Október 2019
SMŢMFFL
293012345
6789101112
13141516171819
20212223242526
272829303112
FyrriNúnaNćsti
Veðurstofa Íslands
Blönduós 03:00 SV 3  9°C
Reykir í Hr 03:00 ANA 11  10°C
Reykjavík 03:00 ANA 5  10°C
Akureyri - 03:00 VSV 2  8°C
Egilsstaðaf 03:00 ANA 5  9°C
Haugur 03:00 ANA 6  8°C
Holtavörðuh 03:00 ANA 17 6°C
Þverárfjall 03:00 ANA 7  6°C
Laxárdalshe 03:00 NA 11  8°C
Brúsastaðir 03:00 SA 5  10°C
Vegagerðin
Holtavörđuh. 03:20 A16 6°C
Laxárdalsh. 03:20 NA 8 8°C
Vatnsskarđ 03:20 ANA 9 7°C
Ţverárfjall 03:20 ANA 9 7°C
Kjalarnes 03:20 ANA15 12°C
Hafnarfjall 03:20 NNA 10 11°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
14. október 2019
Haustnöldur
Sumarið er búið og haustlægðirnar koma nú til okkar hver af annarri. Maður er farinn að finna lykt af vetri enda styttist í fyrsta vetrardag. Það kætir mig svo sem ekkert, enda líkar mér ólíkt betur við blessað sumarið og sólina og fæ hroll af að hugsa um stórhríð og snjóskafla.
::Lesa

Northwest.is


SSNV

Leita í netfangaskrá
 
Eftir Sigurbjörn Þorkelsson
11. október 2019
Eftir Sigurbjörn Þorkelsson
03. október 2019
Frá Heilsuhópnum
29. september 2019
Eftir Inga Heiðmar Jónsson
27. september 2019
Eftir Guðjón S. Brjánsson
09. september 2019
Eftir Sigurbjörn Þorkelsson
04. september 2019
Pistlar | 04. september 2019 - kl. 09:15
Mismunun krabbameinssjúkra
Eftir Sigurbjörn Þorkelsson

Það eru nú um sex ár frá því að ég kynntist manni nokkrum, þá ekki fimmtugum, sem greinst hafði með krabbamein í blöðruhálskirtli. Í kjölfarið gekkst hann undir heldur óskemmtilegan uppskurð þar sem kirtillinn var fjarlægður og var sú aðgerð talin nægja til að uppræta meinið. Annað kom hins vegar á daginn og fór hann þá í þrjátíu og fimm skipta geislameðferð sem skilaði reyndar heldur ekki tilætluðum árangri. Var þá komið að lyfjatöku bæði í töflu formi daglega og með groddalegri sprautu með æxlishemjandi efni í neðanverðan kviðinn á þriggja mánaða fresti. Þessi efni valda þar til gerðum aukaverkunum sem verða reyndar ekki frekar raktar hér en þó má minnast á vöðvarýrnun, beinþynningu, kviðfitusöfnun, svima, þreytu og þróttleysi á öllum sviðum auk annars.

Til styrkingar beina þarf kappinn því að fá annað efni sem dælt er í æð á Landsspítalanum á þriggja mánaða fresti þar sem honum er einnig gefin, umrædd sprauta í seinni tíð, í leiðinni.

Kjarni málsins

Komum við þá að kjarna málsins. Kauða er sagt að krabbameinslyf séu sjúklingum að kostnaðarlausu. Viðkomandi fái þau á Landsspítalanum þar sem þau eru látin renna í æð. Nema menn með blöðruhálskirtilskrabbamein. Þeir þurfa að fara í apótek til að panta umrædda sprautu sem er rándýr. Greiða fyrir hana sjálfir og sækja síðan í apótekið einum til tveimur dögum síðar þar sem ekki er legið með slíka gripi á lager. Geyma lyfið síðan gjarnan heima á glámbekk í einn til tvo daga áður en haldið er með pakkann undir hendinni niður á Hringbraut þar sem lyfið er gefið á dagdeild blóð- og krabbameinssjúkra. Að loknu viðtali við krabbameinslækni þar sem farið er yfir stöðuna. Meðal annars nýjustu blóðmælingar, sneiðmyndatökur, beinaskann og aðrar viðeigandi rannsóknir hverju sinni.

Framan af eru þessar sprautur gefnar af þvagfærasérfræðingum á læknastofum úti í bæ og kannski eðlilega erfitt að liggja með þær þar á lager. En þegar sjúkdómurinn er genginn lengra og menn þurfa að hitta krabbameinslækna reglulega á Landsspítalanum, fyrir aðrar inngjafir, þá er ferðin notuð og efnið gefið þar.

Hár kostnaður og óþarflega flókið aðgengi

Eftir stendur að tilteknir sjúklingar þurfa að greiða fyrir efnið og svo hitt að þeir þurfa að fara tvær ferðir í apótek til að útvega sér það áður en haldið er með það undir hendinni niður á Hringbraut. Alls ólíkt því sem fólk í öðrum krabbameinsmeðferðum þarf að gera. Greinilega ekki sama hvort menn eru í frumudrepandi meðferð eða hormónabælandi meðferð til að hemja æxlisvöxt sem í tilvikum blöðruhálskirtilskrabbameins er drifið áfram af karlhormóninu testesteroni.

Vildi nú bara svona í góðu leyfa mér að vekja athygli á þessari óeðlilegu mismunun sem karlmenn í þessari stöðu þurfa að búa við og því miður allt of margir á meðan ævin endist.

Fyrir hönd vinarins sendi ég hæstvirtum heilbrigðisráðherra fyrirspurn vegna þessa ásamt Landlæknisembættinu og Sjúkratryggingum Íslands fyrr í sumar. Fékk ég strax í kjölfarið mjög vel unnin og vönduð, skýr og greinargóð svör frá góðu og afar velviljuðu fólki sem var mjög liðlegt og reiðubúið til svara og útskýringa. Það ber að þakka.

Svörin voru í stuttu máli á þá leið að lyf væru einfaldlega ekki flokkuð eftir sjúkdómsheitum. Umrætt lyf væri ekki flokkað sem sjúkrahúslyf þar sem hægt væri að gefa það á stofu úti í bæ og því bæri að greiða fyrir það. Sem staðfestir einmitt enn frekar þann mismun sem krabbameinssjúklingar búa við að þessu leyti.

Annars bara frábær þjónusta á öllum sviðum og stigum

Vinurinn vill loks láta þess getið að honum finnst alltaf jafn ánægjulegt að koma í apótekið góða og hitta það elskulega starfsfólk sem mætir honum þar og þjónustar af alúð og hlýhug.

Þetta mál snýst ekki um það heldur þessa mismunun bæði er varðar greiðsluþátttöku og jafnframt nálgun á lyfinu. Ætti ekki sama yfir alla krabbameinssjúklinga að ganga í þessum efnum hvort sem fólk fær efnin í æð, þeim er sprautað í kviðinn á því eða töflur teknar inn á heimilum fólks?

Ég mátti til með að koma þessu á framfæri fyrir vininn sem og marga sem eru í svipaðri stöðu. Þessi umræddi vinur minn er nefnilega heldur feiminn og óframfærin og lítið fyrir að kvarta eða láta á sér bera. Ég skal lofa að taka ekki hans málstað að þessu leyti framar enda aldrei gefið mig út fyrir að vera einhver leigu penni að einu eða neinu leyti.

Fyrir mína hönd og vinarins segi ég því bara að lokum.

Með þakklæti, kærleiks- og friðarkveðju.

Lifi lífið!

Höfundur er ljóðskáld og rithöfundur og aðdáandi lífsins.

Höf. rzg
Tilkynningar | 15. október 2019 - kl. 22:09
Tilkynning frá undirbúningsnefnd
Uppskeruhátíð búgreinafélaganna og Hestamannafélagsins Neista verður haldin laugardaginn 16. nóvember í Félagsheimilinu á Blönduósi og hefst kl. 19:30 með fordrykk í boði SAH Afurða.
Haust í Líflandi
Fréttir | 15. október 2019 - kl. 11:03
Komin er út, hjá Bókaútgáfunni Merkjalæk, bókin Innbrotið eftir Sigurð H. Pétursson fyrrverandi héraðsdýralækni í Austur-Húnavatnssýslu. Bókin er 202 blaðsíðna spennusaga og gefin út í kilju. Sögusviðið er það sama og í bókinni Út í nóttina eftir Sigurð sem kom út árið 2018 og er sjávarþorpið Sandvík í afskekktu héraði á Norðurlandi og sveitirnar í kring. Sumar persónurnar eru líka þær sömu en einnig koma nýjar persónur til sögunnar. Bókin hentar bæði ungum sem gömlum, að því er segir í tilkynningu frá bókaútgáfunni.
Glaðheimar
Tilkynningar | 15. október 2019 - kl. 08:58
Eldriborgarar á Blönduósi vilja þakka bæjarstjórninni hjartanlega fyrir afnot af sundlaug og þreki án endurgjalds. Þetta er sönn lífskjarabót fyrir okkur og ómetanlegt framlag til lengri lífsdaga. Einnig leiðir þetta til gleði og ánægjulegra samfunda við okkar samferðamenn. Hafið þökk fyrir.
Sameining A-Hún
Frá Húnavöllum
Frá Húnavöllum
Fréttir | 14. október 2019 - kl. 15:16
Sameiginlegur starfsdagur leikskólanna í Húnavatnssýslum og Strandabyggð var haldinn í Húnavallaskóla síðastliðinn föstudag. Markaði hann upphaf að þróunarverkefni skólanna sem nefnist Færni til framtíðar. Í upphafi verkefnisins er áhersla lögð á að kynna hugmyndafræði jákvæðrar sálfræði fyrir starfsfólki skólanna og hvernig hægt er að nýta hana bæði í starfi og einkalífi.
Sigurdís Sandra Tryggvadóttir. Ljósm: ismus.is
Sigurdís Sandra Tryggvadóttir. Ljósm: ismus.is
Fréttir | 14. október 2019 - kl. 13:45
Sigurdís Sandra Tryggvadóttir, frá Ártúnum í Blöndudal, stundar rytmískt píanónám við Syddansk Musikkonservatorium í Óðinsvéum í Danmörku. Í vikunni heldur Odense Kammerkor frá Danmörku tónleika á Íslandi þar sem kórverk eftir Sigurdísi Söndru verður flutt. Verkið er samið við ljóðið Ísland, eftir afabróður Sigurdísar, Jónas Tryggvason frá Finnstungu en Jónas var brautryðjandi í tónlistarstarfi í Austur-Húnavatnssýslu á sínum tíma og samdi sjálfur nokkur kórverk, það þekktasta, Ég skal vaka.
Fréttir | 14. október 2019 - kl. 12:53
Körfuboltaæfingar fyrir krakka á aldrinum 9- 16 ára verða í íþróttahúsinu á Blönduósi í kvöld klukkan 19:00-20:00 og annað kvöld, þriðjudaginn 15. október, klukkan 19:00-20:00. Frítt er á æfingarnar. Þjálfari er Helgi Freyr Margeirsson sem hefur verið með körfuboltanámskeiðin.
Fréttir | 11. október 2019 - kl. 11:03
Húnaþing vestra auglýsir eftir refaveiðimönnum til starfa í sveitarfélaginu í vetur. Ráða á sex veiðimenn, einn á hvert svæði, sem eru Vatnsnes, Vesturhóp, Miðfjörður, Víðidalur, Hrútafjörður austan og Hrútafjörður vestan. Áhugasamir þurfa að skila inn umsóknum á skrifstofu Húnaþings vestra eigi síðar en 15. nóvember næstkomandi.
Pistlar | 11. október 2019 - kl. 10:01
Eftir Sigurbjörn Þorkelsson
Nú er það löngu orðið svo að við búum í heimi þar sem nálægðin við fjarlæg og framandi menningarsvæði, lífsskoðanir og gildi verður æ meiri og blöndun kynþátta og fólks af ólíkum uppruna æ algengari. Hvort sem okkur líkar betur eða verr þá lifum við flest eftir einhverskonar viðmiðum um hvað sé æskilegt og hvað sé óæskilegt. Hvað teljist rétt og hvað rangt.
Menn áttu sínar gleðistundir í sumar þrátt fyrir dræma veiði víðast hvar.
Menn áttu sínar gleðistundir í sumar þrátt fyrir dræma veiði víðast hvar.
Fréttir | 10. október 2019 - kl. 15:11
Samkvæmt bráðabirgðatölum frá Hafrannsóknarstofnun veiddust um 28.800 laxar á stöng í sumar. Veiðin er sú sjöunda minnsta sem skráð hefur verið frá árinu 1974 og sú minnsta frá árinu 2000. Mest varð minnkun í veiði á vestanverðu landinu en aukning kom fram í ám á Norðausturlandi. Veiðin 2019 var um 16.500 löxum minni en hún var 2018. Í tölum um heildarlaxveiði eru taldir villtir laxar, laxar sem upprunnir eru úr sleppingum gönguseiða og einnig þeir laxar sem er sleppt aftur í stangveiði (veitt og sleppt).
Tilkynningar | 10. október 2019 - kl. 13:08
Heimilið við Skúlabraut á Blönduósi leitar eftir starfsmanni. Æskilegt er að umsækjandi geti hafið störf sem fyrst, um framtíðarstarf er að ræða. Starfshlutfall er 83%. Starfsmaður starfar á heimili fyrir fatlaða einstaklinga. Starfið felur í sér að aðstoða fatlaða einstaklinga við athafnir daglegs lífs, s.s. við umönnun og afþreyingu ásamt öðrum verkefnum. Unnið er eftir hugmyndafræði um þjónandi leiðsögn og valdeflingu.
Hópurinn sem gekk saman á sunnudaginn. Ljósm: Róbert Daníel Jónsson.
Hópurinn sem gekk saman á sunnudaginn. Ljósm: Róbert Daníel Jónsson.
Fréttir | 10. október 2019 - kl. 12:01
Gönguhópur Blönduóss var stofnaður nýverið. Hann er hugsaður sem óformlegur hópur fólks sem deilir sameiginlegu áhugamáli, sem er að ganga sér til ánægju og yndisauka. Allir eru velkomnir í gönguhópinn. Ekki er boðið upp á skipulagða leiðsögn í göngum en allir eru hvattir til að deila þeim fróðleiks sem þeir búa yfir. Fyrsta ganga hópsins var síðastliðinn sunnudag og mættu 22 vaskir göngugarpar.
Fréttir | 10. október 2019 - kl. 09:29
Miklar breytingar verða á veiðifyrirkomulagi í Blöndu á næsta ári. Eingöngu verður heimilt að veiða á flugu og á neðsta svæði árinnar, svæði I, verður tveggja laxa kvóti á dag. Þá munu veiðimenn þurfa að sleppa öllum stórlaxi, eða laxi sem er 69 sentímetrar eða stærri. Stöngum verður fækkað og veiðihúsin tekin í gegn. Nýverið gerði félagið Starir fimm ára samning við Veiðifélag Blöndu og Svartá um leigu á ánum.
Fréttir | 09. október 2019 - kl. 21:46
Fyrirkomulag rjúpnaveiða í eignarlöndum Húnaþings vestra á komandi veiðitímabili hefur verið ákveðið og birt á vef sveitarfélagsins. Þess er vænst að veiðimenn virði fyrirkomulagið og viðurkenni að það sé sanngjarnt og eðlilegt að greiða hóflegt gjald fyrir aðgang að takmörkuðum gæðum eins og rjúpnaveiði. Verð fyrir hvert leyfi er 9.000 krónur á dag.
Fréttir | 09. október 2019 - kl. 15:54
Sauðfjárslátrun hófst í sláturhúsi SAH-Afurða á Blönduósi í byrjun síðasta mánaðar. Að sögn Gísla Garðarssonar sláturhússtjóra gengur slátrunin mjög vel. Áætlað er að slátra um 75-76 þúsund fjár sem er talsvert minna en í fyrra þegar slátrað var 90-100 þúsund fjár. Gísla segir að féð sé þokkalega vænt en þó séu lömbin nokkuð misjöfn. Meðalvigt lamba er rúmlega 16,66 kíló sem er um 300 grömmum minna en í fyrra. Um 115-118 manns starfa í sláturtíðinni á Blönduós, þar af koma rúmlega 100 starfsmenn erlendis frá, flestir frá Póllandi, Bretlandi, Ungverjalandi og Slóvakíu. Gísli segir að flestir hafi unnið í sláturtíð á Blönduósi áður. Áætlað er að sláturtíð ljúki 25. október næstkomandi.
 
Prenta Prenta  
 
 
Húsfrúin
09. ágúst 2019
Aldurssmánun samtímans
Margrét S. Björnsdóttir skrifaði áhugaverða grein á visir.is fyrr á þessu ári þar sem hún talar um aldurssmánun samtímans. Í greinninni fjallar hún um mestu sóun okkar, sóun á reynsluþekkingu. Lítil samfélög hafa ekki efni á að sóa áratuga reynsluþekkingu þeirra sem eldri eru.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2019 Húnahorniđ