Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Sunnudagur, 26. janúar 2020
A  1 m/s
C
Olís
huni.is - RSS-efnisveita
 
Á döfinni
Janúar 2020
SMŢMFFL
2930311234
567891011
12131415161718
19202122232425
2627282930311
FyrriNúnaNćsti
Veðurstofa Íslands
Blönduós 00:00 A 1  0°C
Reykir í Hr 23:00 N 3  -1°C
Reykjavík 00:00 ANA 3  1°C
Akureyri - 00:00 Logn 0  -1°C
Egilsstaðaf 00:00 SSV 4  0°C
Haugur 00:00 S 3  -1°C
Holtavörðuh 00:00 NV 4  -2°C
Þverárfjall 00:00 A 6  -2°C
Laxárdalshe 00:00 ANA 2  -2°C
Brúsastaðir 00:00 SSA 7  0°C
Vegagerðin
Holtavörđuh. 00:00 NV 4 -2°C
Laxárdalsh. 00:00 ANA 2 -2°C
Vatnsskarđ 00:10 0 0°C
Ţverárfjall 00:00 7.3148 0°C
Kjalarnes 00:00 ANA 8 3°C
Hafnarfjall 00:00 NA 3 4°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. desember 2019
Látum heyra í okkur
Nú held ég sé kominn tími til að Húnvetningar láti heyra frá sér, minni landsmenn á að Norðurland vestra er meira en Skagafjörður og hér gerðust alvarlegir atburðir í veðurofsanum á dögunum. Íbúar á þessu svæði fengu illilega að finna fyrir óveðrinu sem gekk yfir landið núna í desember.
::Lesa

Northwest.is


SSNV

Leita í netfangaskrá
 
Eftir Gunnar Rúnar Kristjánsson
22. janúar 2020
Eftir Sigurbjörn Þorkelsson
20. janúar 2020
Eftir Inga Heiðmar Jónsson
18. janúar 2020
Eftir Arnheiði Jóhannsdóttur
15. janúar 2020
Eftir Sigurbjörn Þorkelsson
08. janúar 2020
Eftir Inga Heiðmar Jónsson
07. janúar 2020
Eftir Inga Heiðmar Jónsson
31. desember 2019
Eftir Halldór Gunnar Ólafsson
25. desember 2019
Pistlar | 05. nóvember 2019 - kl. 10:50
Stökuspjall: Nokkrar vísur frá Daða fróða og Níelsi skálda
Eftir Inga Heiðmar Jónsson

Sjöunda barn foreldra sinna var Daði fróði Níelsson, en missti föður sinn ársgamall svo það voru ekki bjartir bernskudagar sem biðu þessa unga sveins. Hópnum var tvístrað eins og tíðkaðist á þeirri tíð. Bær fjölskyldunnar var Kleifar í Gilsfirði.

Bróðir Daða var Sveinn Níelsson, prestur í Blöndudalshólum frá 1835, síðar prestur á Staðarbakka og Staðastað. Sveinn varð þjóðfundarmaður Húnvetninga 1851, samtímamaður Björns á Brandsstöðum, ái biskups og forseta.

Daði safnaði drjúgum fróðleik á skammri ævi sinni og orti rímur, tíðavísur og tækifæriskvæði. Mest fer fyrir rímunum af kveðskap Daða segir Finnur Sigmundsson landsbókavörður sem hefur dregið saman efni um þá félaga Daða og Níels og birt í safnriti sínu, Menn og minjar.

Geymst hefur kersknisvísa Daða þar sem hann gagnrýnir vinnuhörku Sveins bróður síns á sunnudegi og kallar klerkinn hökulgarma lurk. Sr. Sveinn var þá prestur Blöndælinga og prestsetrið í Hólum:

Sínu heyi segir af
svíkjast muni þurrkur,
hefur um það hvefsnisskraf
hökulgarma lurkur. DN

Daði var einn síns liðs um ævidaga sína, en geymst hefur bréf Ketilríðar Ketilsdóttur til hans frá 1844, en þá hefur hún verið komin til húsmennsku eða barnfósturs að Geitaskarði og orðin lítt ferðafær. 

Daði vann um tíma á búi bróður síns, Hólaprests, var í nokkur ár fyrirvinna hjá ekkju upp í Gautsdal og dagsett hefur hann á Gunnsteinsstöðum þátt sinn, Æviágrip Jóns sýslumanns Espólíns hins fróða.

Daufum krafti muna míns
með - og penna stirðum
ævisögu Espólíns
eg hef skráða fyrðum. DN

Á ýmsum bæjum í Skagafirði dvelur hann síðan uns hann flytur um 1850 til Akureyrar og freistaði þess að gerast þar næturvörður, en ekki átti það við Daða. Verið var að stofnsetja prentsmiðju á Akureyri um þær mundir og má vera að Daði hafi verið hvattur til að koma þar til með fróðleik sinn.  Hann varð úti sex árum síðar í bóksöluferð vestur við Húnaflóa. Hann lagði upp frá Breiðavaði 8. des. 1856, fannst um vorið í Laxárósi á Refasveit og er jarðsettur á Höskuldsstöðum.

Daði yrkir um kjör sín:

Löngun hjá mér fulla finn
fjandskan heim að kveðja
mín er ævi margbrotin
mótlætingakeðja.

Rönd ég ekki reisi við
raunaþjökun minni
nema guð mér ljúfur lið
leggi af miskunn sinni.  DN

Kemur nú að Níelsi skálda, sem er nokkru eldri en Daði, átti sömuleiðis við mótlæti að glíma en hann yrkir hér hressilega vísu og vinsæla til söngs:

Ég að öllum háska hlæ
á hafi Sóns óþröngu.
Mér er sama nú hvort næ
nokkru landi eða öngu.
Níels Jónsson 1782 - 1857

Níels var eins og Bólu-Hjálmar hjábarn veraldarinnar og gæti hafa sagt um góðskáldin Bjarna og Jónas, sem skólamenntunar nutu: Þeim er nú ekki þakkandi þessum piltum, þó þeir komist ögn lengra en við bókleysingjarnir. Og Níels mat Eggert Ólafsson mest af öllum seinni tíma skáldum segir Ólafur Sigurðsson bóndi í Ási í Hegranesi sem rifjaði upp þessar minningar um Níels.

Annar samtímamaður Níelsar, sr. Þorkell Bjarnason, ólst upp norður í Hegranesi og mundi Níels frá barnæsku sinni. Hann segir um gáfur Níelsar: Rétt og ströng hugsun var aðalstyrkur og einkenni gáfna hans, enda fann hann það sjálfur og orti:

Þenkjurum einum þægð er í
þankaverkum mínum
eg þeim trautt að öðrum sný
aldrei hnugginn fyrir því
Fransrímur þó fóttroðist af svínum. NJ

Um sveitina ofan Sauðárkróks orti Níels:

Dali þröngum, drífa stíf
dynur í svöngum hjörðum.
Þá er öngum of gott líf
uppi í Gönguskörðum. NJ

Hagyrðingar bekktust stundum sín í milli og varð iðulega af ósætti, jafnvel mikill fjandskapur. Hér kveður Níels til Guðmundar Ketilssonar bónda á Illugastöðum, bróður Ketilríðar sem nefnd var hér að ofan og Natans:

Gvendur arfi Ketils kann
kveða í skammblendingi.
Flestra maka hygg ég hann
Húnavatns í þingi. NJ 

Til skýringa og frekari heimildir:

Fyrðar = menn
Drífa = Snjódrífa

Finnur Sigmundsson landsbókavörður safnaði ljóðum og vísum eftir Daða og Níels og skrifaði inngang að þáttum um þá í safnrit sitt, Menn og minjar.

Daði fróði á vísnavef: https://bragi.mmagnusson.net/hunafloi/hofundur.php?ID=15705
Bróðir Daða, Sveinn Níelsson prestur síðast á Staðastað mægðist Bólstaðarhlíðarætt með seinni konu sinni: https://www.althingi.is/altext/cv/is/?nfaerslunr=569
Níels skáldi á vísnavef: https://bragi.mmagnusson.net/skag/hofundur.php?ID=15335

Ingi Heiðmar Jónsson

Höf. rzg
Fréttir | 25. janúar 2020 - kl. 13:45
Byggðaráð Blönduósbæjar hélt fund í gær þar sem eitt mál var á dagskrá en það var skipun nýrra stjórnarmanna í stjórn byggðasamlags um Brunavarnir í A-Hún. en sveitarstjórn Húnavatnshrepps hafði á fundi sínum þann 22. janúar bókað að stjórn brunavarna væri ekki rétt kjörin samkvæmt samþykktum Brunavarna A-Hún. og að nauðsynlegt væri að breyta því.
Fréttir | 25. janúar 2020 - kl. 13:27
Fjölskylduguðsþjónusta í Blönduósskirkju sunnudaginn 26. janúar kl. 11:00. Barnastund í kjallaranum. Allir velkomnir. Kirkjukórinn syngur við undirleik Eyþórs Franson Wechner.
Lífland áburður
Frá æfingu í vikunni.
Frá æfingu í vikunni.
Fréttir | 25. janúar 2020 - kl. 07:31
Æfingar á skemmtiatriðum í fullum gangi
Skemmtilega nefndin, sú sem sér um skemmtiatriðin á þorrablóti Blönduósingar, er á fullu gasi í undirbúningnum. Forvitnilegt verður að sjá hverjir verða þess heiðurs aðnjótandi að verða teknir fyrir í annál ársins 2019. Eitt er víst að annállinn verður bráðskemmtilegur og fjörugur og ýmislegt mun koma á óvart. Eins og allir Blönduósingar vita verður Blöndublótið haldið eftir viku eða laugardaginn 1. febrúar í Félagsheimilinu á Blönduósi.
Maður ársins
Hólaneskirkja
Hólaneskirkja
Fréttir | 25. janúar 2020 - kl. 07:14
Kirkjustarf Skagastrandarprestakalls árið 2020 hefst með messu í Hólaneskirkju á morgun, sunnudaginn 26. janúar klukkan 11. Í henni sameinast kynslóðir í lofgjörð og bæn. Kór Hólaneskirkju syngur og sunnudagaskólabörnin og söfnuðurinn lætur heldur ekki sitt eftir liggja að taka undir í söng. Organistinn Hugrún Sif spilar undir og Bryndís prestur þjónar fyrir altari og predikar. Gengið verður til altaris. Eftir stundina er boðið upp á veitingar og föndur á kirkjuloftinu.
Fréttir | 25. janúar 2020 - kl. 07:10
Leikhópurinn Lotta sýnir leikritið Hans klaufi í Félagsheimilinu á Hvammstanga mánudaginn 27. janúar klukkan 17:30 og í Félagsheimilinu á Blönduósi þriðjudaginn 28. janúar næstkomandi klukkan 17:30. Leikhópurinn er landsmönnum að góðu kunnur en hann hefur frá árinu 2007 ferðast með sýningar sínar um landið. Hópurinn, sem hefur sérhæft sig í sýningum utandyra, er nú þriðja veturinn í röð komin inn í hlýjuna. Hópurinn setti Hans klaufa fyrst upp árið 2010, en nú tíu árum síðar, verður rykið dustað af þessu skemmtilega verki og fært nýjum og gömlum áhorfendum í glænýjum búningi.
Fréttir | 24. janúar 2020 - kl. 11:00
Húnavatnshreppur hélt íbúafund í Húnavallaskóla í lok nóvember á síðasta ári og sóttu um 40 íbúar hann. Jón Gíslason, oddviti sveitarfélagsins setti fundinn og fór yfir áherslur í fjárhagsáætlun fyrir árið 2020. Því næst fór fram vinnustofa sem ráðgjafar KPMG stýrðu. Á vef Húnavatnshrepps má finna samantekt frá fundinum sem inniheldur niðurstöður vinnustofunnar sem settar eru fram sem vinnugögn til frekari úrvinnslu.
Sundlaugin á Blönduósi. Ljósm: Róbert Daníel Jónsson.
Sundlaugin á Blönduósi. Ljósm: Róbert Daníel Jónsson.
Tilkynningar | 23. janúar 2020 - kl. 15:45
Vinsamlegast athugið. Rarik hefur beðið okkur um að draga úr heitavatnsnotkun í sundlauginni vegna bilana hjá þeim. Við höfum brugðist við því með því að lækka hitastig í sundlaug, loka gufu og lækka hitastig í öðrum heita pottinum. Stærri heiti potturinn verður áfram opin. Við látum vita um leið og við getum opnað aftur. Við biðjumst velvirðingar á óþægindunum sem þetta kann að valda.
www.thehipfest.com
www.thehipfest.com
Fréttir | 23. janúar 2020 - kl. 14:32
Hvammstangi International Pubbet Festival er heiti á nýrri alþjóðlegri brúðuhátíð sem haldin verður á Hvammstanga 9.-12. október í haust. Handbendi brúðuleikhús hefur veg og vanda af hátíðinni og samkvæmt heimasíðu hennar verður boðið upp á þrjú sýningarpláss við höfnina og í miðbæ Hvammstanga. Verið er að velja þátttakendur á hátíðina sem koma víðsvegar að úr heiminum en einnig er leitað eftir áhugasömu brúðugerðar- og brúðusýningarfólki, sem og brúðuframleiðendum til að taka þátt.
Sameining A-Hún
Frá Húnavöllum.
Frá Húnavöllum.
Fréttir | 23. janúar 2020 - kl. 13:19
Sveitarstjórn Húnavatnshrepps frestaði í gær afgreiðslu á kauptilboði og veitingu á einfaldri ábyrgð vegna fyrirhugaðra kaupa og lántöku Brunavarna Austur-Húnvetninga á fasteign að Efstubraut 2 á Blönduósi. Blönduósbær samþykkti kauptilboðið nýverið og að veita ábyrgð. Í fundargerð sveitarstjórnar Húnavatnshrepps frá því í gær kemur fram að núgildandi samþykktir Byggðasamlags um brunavarnir í Austur-Húnavatnssýslu sé ástæða frestunarinnar. Samkvæmt þeim sé stjórn Brunavarna A-Hún. ekki rétt kjörin og nauðsynlegt sé að breyta þeim áður en lengra er haldið.
Fréttir | 23. janúar 2020 - kl. 12:45
Sveitarstjórn Húnavatnshrepps þakkar Björgunarfélaginu Blöndu fyrir ómetanlegt framlag í þágu sveitarfélagsins og íbúa þess og hefur ákveðið að styrkja félagið um 450 þúsund krónur. Þetta var ákveðið á fundi sveitarstjórnar í gær þar sem eftirfarandi bókun var samþykkt: „Á síðustu vikum hefur geisað ofsaveður á landinu sem hafði mikil áhrif á daglegt líf íbúa m.a. á Norðurlandi vestra og enn er ekki útséð með hversu miklum skaða veðrið hefur valdið. Það er ljóst að björgunarsveitirnar gegndu veigamiklu hlutverki og án þeirra getum við ekki verið......"
Fréttir | 23. janúar 2020 - kl. 10:45
Sveitarstjórn Húnavatnshrepps skorar á stjórnvöld að tryggja að Blönduósflugvöllur fái viðhald og aðbúnað sem nauðsynlegt er svo að hann geti sinnt hlutverki sínu sem sjúkraflugvöllur. „Hér er í húfi tenging svæðisins við sjúkraflug sem er órjúfanlegur hluti af uppbyggingarhugmyndum um hátæknisjúkrahús á Landspítalareitnum,“ segir í bókun sem samþykkt var á fundi sveitarstjórnar í gær.
Skógarþröstur. Ljósm: Sindri Skúlason.
Skógarþröstur. Ljósm: Sindri Skúlason.
Fréttir | 23. janúar 2020 - kl. 10:07
Árleg garðfuglahelgi Fuglaverndar verður dagana 24.-27. janúar. Framkvæmd athugunarinnar er einföld. Það eina sem þátttakandi þarf að gera er að fylgjast með garði í einn klukkutíma einhvern þessara daga. Athugendur velja hvaða dag þeir fylgjast með garðfuglunum eftir veðri og aðstæðum. Þátttakendur skrá hjá sér hvaða fuglar koma í garðinn og þá er miðað við mesta fjölda af hverri tegund á meðan athugunin stendur yfir.
Fréttir | 23. janúar 2020 - kl. 09:16
Gul viðvörun er í gildi í dag á Norðurlandi vestra. Samkvæmt Veðurstofu Íslands er spáð hvassviðri eða stormi með vindhraða á bilinu 18-25 metrum á sekúndu. Búast má við talsverðum éljagangi með skafrenningi og lélegu skyggni og versnandi akstursskilyrðum. Samgöngutruflanir og lokanir á vegum eru líklegar, einkum á fjallvegum. Samkvæmt Vegagerðinni er vegurinn um Vatnsskarð lokaður og einnig um Þverárfjall.
Pistlar | 22. janúar 2020 - kl. 21:23
Eftir Gunnar Rúnar Kristjánsson
Ég hef í gegnum árin oft hugsað um afhverju sveitarfélög í Austur-Húnavatnssýslu væru ekki löngu búin að sameinast. Það gladdi mig mjög í sumarlok 2017 að lesa yfirlýsingar frá sveitarfélögunum fjórum, sem samþykktar voru í sveitarstjórnum, að stofna nefnd er hefði það að markmiði að sameina Austur-Húnavatnssýslu í eitt sveitarfélag. Orðalag hverrar tillögu sem samþykktar voru á sveitarstjórnar- og bæjarstjórnarfundum man ég ekki en inntakið var sameining sveitarfélagana.
 
Prenta Prenta  
 
 
Húsfrúin
09. ágúst 2019
Aldurssmánun samtímans
Margrét S. Björnsdóttir skrifaði áhugaverða grein á visir.is fyrr á þessu ári þar sem hún talar um aldurssmánun samtímans. Í greinninni fjallar hún um mestu sóun okkar, sóun á reynsluþekkingu. Lítil samfélög hafa ekki efni á að sóa áratuga reynsluþekkingu þeirra sem eldri eru.
::Lesa
Spaugið
28. október 2019
Farandverkamaðurinn
Farandverkamaður í Neskaupstað fékk tölvupóst frá kærustu sinni í Reykjavík sem hljóðaði svona: Kæri Jón. Ég get bara ekki lengur verið með þér. Fjarlægðin er bara allt of mikil.
::Lesa
©2020 Húnahorniđ