Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Þriðjudagur, 10. desember 2019
SA  2 m/s
-4°C
Olís
huni.is - RSS-efnisveita
 
Á döfinni
Desember 2019
SMŢMFFL
1234567
891011121314
15161718192021
22232425262728
2930311234
FyrriNúnaNćsti
Veðurstofa Íslands
Blönduós 07:00 SA 2  -4°C
Reykir í Hr 07:00 SSA 3  -2°C
Reykjavík 07:00 NNV 3  0°C
Akureyri - 07:00 NNV 7  0°C
Egilsstaðaf 07:00 S 1  0°C
Haugur 07:00 SA 1  -4°C
Holtavörðuh 07:00 N 3  -3°C
Þverárfjall 07:00 NA 10  -1°C
Laxárdalshe 07:00 VSV 4  -3°C
Brúsastaðir 07:00 VSV 1  -3°C
Vegagerðin
Holtavörđuh. 07:20 N 4 -3°C
Laxárdalsh. 07:20 V 2 -3°C
Vatnsskarđ 07:20 8.90 -5°C
Ţverárfjall 07:20 NA 14 -1°C
Kjalarnes 07:20 NNV 1 -0°C
Hafnarfjall 07:20 NNV 5 -1°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. nóvember 2019
Eldhúshillur valda yfirliði
Ég er mikill áhugamaður um kökur og allskonar sætabrauð ásamt góðum mat og nú er sá tími runninn upp þegar uppskriftir af girnilegum jólabakstri og allskonar gómsætum mat prýða síður blaða og tímarita.
::Lesa

Northwest.is


SSNV

Leita í netfangaskrá
 
Eftir Inga Heiðmar Jónsson
08. desember 2019
Eftir Anton Scheel Birgisson
03. desember 2019
Eftir Inga Heiðmar Jónsson
30. nóvember 2019
Eftir Sigurbjörn Þorkelsson
24. nóvember 2019
Eftir Sigurbjörn Þorkelsson
20. nóvember 2019
Eftir Sigurbjörn Þorkelsson
11. nóvember 2019
Eftir Guðjón S. Brjánsson
11. nóvember 2019
Eftir Inga Heiðmar Jónsson
05. nóvember 2019
Nöldriđ | 15. nóvember 2019 - kl. 09:45
Eldhúshillur valda yfirliði

Ég er mikill áhugamaður um kökur og allskonar sætabrauð ásamt góðum mat og nú er sá tími runninn upp þegar uppskriftir af girnilegum jólabakstri og allskonar gómsætum mat prýða síður blaða og tímarita. Þá er nú ekki leiðinlegt að ferðast um netheima og skoða allt sem þar er boðið uppá við undirbúning jólanna. Ég get þó ekki neitað því að maður staldrar við sumar fyrirsagnir að uppskriftunum. Ég veit ekki hvort fyrirsagnir á borð við "trylltar kjötbollur" eða "yfirliðsvaldandi lax" virka freistandi á nokkurn mann og ekki heldur "brauð sem fólk brjálast yfir" en mætti kannski prófa "kjúklingabringur sem fólk elskar að hata" eða "lífsbætandi lasagna" svo ekki sé minnst á "svívirðilega gott meðlæti". Lýsingarnar ná lengra og ég sá fyrirsögnina "eldhúshillur sem valda yfirliði". Ég veit ekki með aðra en ég vildi ekki eiga svoleiðis hillur í mínu eldhúsi. Finnst það ekki áhættunnar virði. Flestar þessar fyrirsagnir eru teknar af matarvef mbl.is og verður að segja að þar skrifa hugmyndaríkir orðasmiðir.

Það vakti athygli margra fréttin sem var á Húnahorninu 27. október um ömmuna í Þorlákshöfn sem prjónaði sokka og vettlinga og gaf síðan sýrlensku börnunum á Hvammstanga. Hér sitja konur við og prjóna utan um ljósastaura sem er skemmtilegt framtak og hefur vakið verðskuldaða athygli ferðamanna. En þegar prjónað hefur verið nóg fyrir staura bæjarins væri verðugt verkefni fyrir þessar prjónaglöðu konur að vinna að svipuðu verkefni og amman í Þorlákshöfn því nóg er af litlum köldum höndum og fótum í heiminum í dag.

Lokins lauk viðgerð Blöndubrúarinnar og nú ætti hún að vera öruggari yfirferðar og er það gott. Þó verð ég að lýsa vonbrigðum mínum yfir því að hún var ekki breikkuð meira og göngustígurinn settur utan á brúna. Hún er bara einfaldlega of mjó, miðað við þá umferð sem um hana fer á hverjum degi. Það er ekkert grín að mæta stórum flutningabíl með tengivagn á brúnni a.m.k. ekki að vetrinum þegar snjóruðningar eru til beggja hliða. Það hafa komið fram hugmyndir um að hægt væri að setja göngubrú á klöppunum neðan við brúna og er það hugmynd sem vert væri að skoða. Það er þó ljóst að slík framkvæmd er ekki í sjónmáli fyrst ekkert var aðhafst samhliða þessari viðgerð. En hvernig var það, var ekki áformað  að stækka hringtorgið vestan brúarinnar um leið og brúin væri lagfærð. Það hefði sannarlega ekki veitt af því.

Umræður um sameiningu sveitarfélaga eru komin á fullt skrið um allt land. Í síðasta mánuði samþykktu íbúar í kosningu að sameina öll fjögur sveitarfélögin á Austurlandi. Þá er verið að kanna sameiningu sveitarfélaga á Suðurlandi og á Vestfjörðum. Austur-Húnvetningar hafa oft rætt sameiningu í gegnum árin en lítil alvara búið þar að baki. Ekki fyrr en árið 2017 þegar ákveðið var að hefja fyrir alvöru vinnu við að kanna kosti og galla þess að sameina Húnavatnshrepp, Blönduósbæ, Sveitarfélagið Skagaströnd og Skagabyggð í eitt sveitarfélag. Stofnuð var samstarfsnefnd um sameininguna og ráðgjafar ráðnir til að vinna verkefni. Og hvað svo? Nú er árið 2019 að renna sitt skeið og þögnin um þessi mál er æpandi. Hvar er málið statt? Er enn verið að bíða eftir því hvað Jöfnunarsjóður ætlar að leggja til málanna í sameiginlegt sveitarfélaga? Hann hefur nú þegar sagt sitt en nú geta sveitarfélög sem ætla að sameinast sé hversu mikið fjármagn þau fá úr Jöfnunarsjóði.

Samkvæmt upplýsingavef um sameiningarmálin, www.sameining.huni.is, sem er gott framtak, fundaði framkvæmdaráð síðast 12. júní síðastliðinn. Á fundinum voru menn sammála um að markvisst þurfi að vinna að undirbúningi málsins, m.a. að undirbúa að kosið verði um sameiningu á síðari hluta yfirstandandi kjörtímabils. Hugmynd kom upp að ráð verkefnastjóra sem ætti að leiða vinnuna og að æskilegt væri að viðkomandi myndi hefja störf á haustdögum 2019. Hefur þetta verið gert? Fyrir ekki svo allslöngu bárust fréttir af því að Þorleifur Ingvarsson, formaður nefndarinnar, hafi sagt af sér formennsku. Engar fréttir hafa borist af því hver tekinn sé við af Þorleifi. Ég hvet sameiningarnefndina um að eiga upplýsandi samskipti við íbúa sveitarfélaganna um þessi mál. Eitt það mikilvægasta í svona vinnu er gagnsæi og upplýsingagjöf. Þá er það lágmarkskrafa að íbúar sveitarfélaganna fái almennilega kynningu á öllum kostum og göllum þess að sameina sveitarfélögin. Svona mál verða ekki unnin í hjáverkum. Ef einhver alvara er að baki verður að ráð verkefnastjóra og gera ítarlega áætlun um aðgerðir þá mánuði sem eftir eru að kjörtímabilinu. Ef vilji sveitarstjórnarmanna er enginn, þá er alveg eins gott að slíta viðræðum strax.

Nú er rúmur mánuður til jóla og undirbúningur fyrir komu þeirra hafinn á mörgum heimilum. Ég hlakka til þegar jólaljósin fara að skína á hverju húsi og lýsa upp skammdegið. Njótum aðventunnar.

Með kveðju,

Nöldri. 

Höf. Nöldri
Fréttir | 10. desember 2019 - kl. 07:28
Út er komnar tvær bækur frá Espólín forlagi sem báðar tengjast Húnaþingi; Uppskriftir stríðsáranna og Þar sem skömmin skellur. Fyrri bókin eru öðruvísi matreiðslubók þar sem má finna íslenskar, einfaldar, ódýrar, gamlar og góðar uppskriftir sem voru allsráðandi í eldhúsum landsins eftir stríð. Uppskriftirnar eru sóttar í smiðju systranna Sigurlaugar og Guðbjargar Sveinsdætra frá Tjörn á Skaga og handskrifaðar matreiðslubækur þeirra. Þær stunduðu nám við Kvennaskólann á Blönduósi á stríðsárunum.
Jólahús 2019
Tilkynningar | 09. desember 2019 - kl. 23:57
Tilkynning frá Sýslumanninum á Norðurlandi vestra
Skrifstofur embættis Sýslumannsins á Norðurlandi vestra á Blönduósi og Sauðárkróki verða lokaðar á morgun þriðjudaginn 10. desember, vegna afar slæmrar veðurspár.
Glaðheimar
Fréttir | 09. desember 2019 - kl. 21:29
Frá Lögreglunni á Norðurlandi vestra
Almannavarnarnefndir Skagafjarðar og Húnavatnssýslna hafa lokið fundi vegna yfirvofandi óveðurs og líta málið alvarlegum augum, enda er í fyrsta skipti hérlendis gefin út rauð viðvörun vegna veðurs.
Sameining A-Hún
Skjáskot af ruv.is
Skjáskot af ruv.is
Fréttir | 09. desember 2019 - kl. 21:05
Lögreglan á Norðurlandi vestra biðlar til fólks að halda kyrru fyrir þar sem ekkert ferðaveður verður á morgun. Segir hún að búast megi við víðtækum vegalokunum í umdæminu strax í fyrramálið. Þá bendir lögreglan fólki á að huga sérstaklega vel að öllum lausamunum utandyra, svo sem ruslatunnum og öðru sem gæti ollið tjóni eða skaða.
Óveður í aðsigi
Óveður í aðsigi
Fréttir | 09. desember 2019 - kl. 19:35
Skólahald fellur niður vegna veðurs á morgun þriðjudag í grunnskólum Austur-Húnavatnssýslu; Höfðaskóla, Blönduskóla og Húnavallaskóla. Þá fellur allt skólahald niður í leik- og grunnskóla í Húnaþingi vestra. Kennsla fellur einnig niður hjá Tónlistarskóla Austur-Húnvetninga, í það minnsta á Skagaströnd og Húnavöllum.
Tilkynningar | 09. desember 2019 - kl. 18:54
Frá Félags- og skólaþjónustu A-Hún.
Skrifstofa Félags- og skólaþjónustu A-Hún. verður lokuð vegna veðurs þriðjudaginn 10. desember 2019. Minnum á að bakvakt barnaverndar og heimilisofbeldis i síma 112 er ávallt til taks í neyðartilvikum.
Af vef Veðurstofunnar www.vedur.is
Af vef Veðurstofunnar www.vedur.is
Fréttir | 09. desember 2019 - kl. 18:17
Rauð viðvörun fyrir Strandir og Norðurland vestra
Ríkislögreglustjóri hefur lýst yfir óvissustigi á landinu á morgun þar sem spáð er aftakaveðri. Ákvörðunin er tekin í samráði við alla lögreglustjóra landsins og í samræmi við veðurspá Veðurstofu Íslands. Viðvörunarstig hefur verið færð úr appelsínugulu yfir í rautt annað kvöld fyrir Strandir og Norðurland vestra og er þetta í fyrsta sinn sem viðvörun er færð upp í rautt. Annars staðar á landinu er gul eða appelsínugul viðvörun.
Tilkynningar | 09. desember 2019 - kl. 16:45
Íþróttamiðstöðin er lokuð á morgun, þriðjudaginn 10. desember vegna veðurs. Veðurspáin er verulega slæm fyrir okkar svæði og hefur Veðurstofan gefið út rauða viðvörun. Við opnun að sjálfsögðu Íþróttamiðstöðina um leið og færi gefst og tilkynnum það hér á facebooksíðunni okkar og á heimasíðunni okkar imb.is.
Tilkynningar | 09. desember 2019 - kl. 16:27
Tilkynning frá RARIK
Búist er við aftakaveðri víðast hvar á landinu á morgun og miðvikudag. Miklar líkur eru á að veðrið muni hafa áhrif á afhendingu rafmagns þar sem hætta er á slæmri ísingu víða um land. Í ljósi þess er RARIK í viðbragðsstöðu á öllum starfsstöðvum til að bregðast við hugsanlegum bilunum á dreifikerfinu.
Fréttir | 09. desember 2019 - kl. 12:22
Jólaleikur Húnahornsins
Sú hefð hefur skapast á Húnahorninu í desember að velja Jólahús ársins á Blönduósi. Um er að ræða samkeppni eða jólaleik um fallega jólaskreytt hús, hvort sem það er íbúðarhús eða fyrirtækjahús. Samkeppnin um Jólahúsið 2019 verður með svipuðu sniði og síðust ár. Þetta er í 18. sinn sem Húnahornið stendur fyrir vali á Jólahúsi ársins á Blönduósi.
Tilkynningar | 09. desember 2019 - kl. 11:11
Frá Félags- og skólaþjónusta A-Hún (upplýsingar á pólsku um sálfræðiþjónustu)
Od początku 2020 roku w Islandii jest możliwość skorzystania z psychoterapii, terapii par, konsultacji oraz wsparcia psychologicznego w języku polskim. Certyfikowany psychoterapeuta Wiesław Kamiński pracuje terapeutycznie zarówno stacjonarnie w klinice Lausnin w Kópavogur, Reykjavik jak i online’owo. Więcej informacji na temat samego terapeuty można znaleźć na stronie www.psychotherapy.is.
Af vef Veðurstofunnar, www.vedur.is
Af vef Veðurstofunnar, www.vedur.is
Fréttir | 09. desember 2019 - kl. 11:08
Veðurstofa Íslands hefur uppfært viðvörun vegna veðurs, úr gulri viðvörun í appelsínu gula. Á Ströndum og Norðurlandi vestra er útlit fyrir norðaustan og síðan norðan rok á morgun þriðjudag, jafnvel ofsaveður eða 23 til 33 m/s, með talsverðri eða mikilli snjókomu og skafrenningi. Búast má við víðtækum samgöngutruflunum og tjóni og/eða slysum ef aðgát er ekki höfð og ekkert ferðaveður er á meðan viðvörunin er í gildi.
Frá Blönduósi. Ljósm: Róbert Daníel Jónsson.
Frá Blönduósi. Ljósm: Róbert Daníel Jónsson.
Fréttir | 09. desember 2019 - kl. 09:25
Flestir karlar á Íslandi heita Jón, Guðmundur eða Sigurður en algengustu nöfn kvenna eru Guðrún, Anna eða Kristín. Líklegast er að stúlkur sem fæddust árin 2016-2019 heiti Íris, Embla eða Salka ef þær eru fæddar á Austurlandi; Sara, Bríet eða Emelía á Norðurlandi eystra; Karen á Norðurlandi vestra, Emma á Vestfjörðum, Emilía á Vesturlandi, Hanna á Suðurnesjum, Sara á höfuðborgarsvæðinu og Elísabet eða Saga ef þær eru fæddar á Suðurlandi.
Ólöf, fyrir miðju, ásamt fulltrúum stjórnar Velferðarsjóðs. Ljósm: hunathing.is
Ólöf, fyrir miðju, ásamt fulltrúum stjórnar Velferðarsjóðs. Ljósm: hunathing.is
Fréttir | 08. desember 2019 - kl. 21:27
Ólöf Ólafsdóttir á Tannstaðabakka kom og átti fund með fulltrúum stjórnar Velferðarsjóðs Húnaþings vestra á föstudaginn og færði sjóðnum að gjöf 516.000 krónur. Ólöf hefur unnið að gerð bútasaumsteppa undanfarin ár og á umliðnu ári hefur hún farið vítt og breitt um Norðvesturland og selt gestum og gangandi nú síðast á jólamarkaðnum í Félagsheimilinu Hvammstanga. Sagt er frá þessu á vef Húnaþings vestra.
 
Prenta Prenta  
 
 
Húsfrúin
09. ágúst 2019
Aldurssmánun samtímans
Margrét S. Björnsdóttir skrifaði áhugaverða grein á visir.is fyrr á þessu ári þar sem hún talar um aldurssmánun samtímans. Í greinninni fjallar hún um mestu sóun okkar, sóun á reynsluþekkingu. Lítil samfélög hafa ekki efni á að sóa áratuga reynsluþekkingu þeirra sem eldri eru.
::Lesa
Spaugið
28. október 2019
Farandverkamaðurinn
Farandverkamaður í Neskaupstað fékk tölvupóst frá kærustu sinni í Reykjavík sem hljóðaði svona: Kæri Jón. Ég get bara ekki lengur verið með þér. Fjarlægðin er bara allt of mikil.
::Lesa
©2019 Húnahorniđ