|
09:42 |
15. okt. 2021 |
Flestir vilja að seinni talning gildi
Samkvæmt þjóðarpúlsi Gallup finnst flestum landsmönnum að síðari talningin á atkvæðum í alþingiskosningunum í Norðvesturkjördæmi eigi að standa. Gallup lagði fjóra kosti fyrir svarendur, að láta fyrri talningu atkvæða gilda, seinni talningu gilda, kjósa aftur í Norðvesturkjördæmi eða kjósa á ný á landinu öllu. Ekki var afgerandi stuðningur við einn kost en flestir, eða 37%, voru á því að síðari talningin ætti að gilda. |
|
16:04 |
14. okt. 2021 |
Engar ábendingar borist lögreglu
Lögreglan á Norðurlandi vestra lítur peningafölsun mjög alvarlegum augum og hefur til rannsóknar peningafölsunarmál eftir að tilkynnt var um falsaðan seðil í verslun á Sauðárkróki. Málið virðist ekki vera umfangsmikið en lögreglan tekur slíkum fölsunum alltaf af fullri alvöru og leggur sig fram við að rannsaka málið og upplýsa ef unnt er. |
|
15:04 |
14. okt. 2021 |
Laxveiðitímabilinu lokið
Laxveiðitímabilinu er lokið í flestum ám landsins þetta sumarið. Í sjö helstu laxveiðiánum í Húnavatnssýslum veiddust samtals 4.550 laxar og er það 156 löxum meira en í fyrra þegar 4.394 laxar veiddust. Samkvæmt lista Landsambands veiðifélaga yfir 75 aflahæstu laxveiðiár landsins veiddist mest í Miðfjarðará af húnvetnsku ánum, 1.796 laxar sem er fjölgun um 71 lax frá fyrra ári. Alls veiddust 737 laxar í Víðidalsá en í fyrra veiddust 546 laxar í ánni. |
|
10:31 |
14. okt. 2021 |
Góða hugmyndir og gagnlegar ábendingar
Menningar-, tómstunda- og íþróttanefnd Blönduósbæjar hefur lagt fram áherslur sínar fyrir fjárhagsáætlunargerð næsta árs og voru þær kynntar á fundi sveitarstjórnar í vikunni. Í þeim er að finna margar áhugaverðar hugmyndir og gagnlegar ábendingar um það sem betur mætti fara í sveitarfélaginu. |
|
11:20 |
13. okt. 2021 |
Körfuboltadagur á Blönduósi
Körfuknattleikssamband Íslands heldur körfuboltadag í Íþróttamiðstöðinni á Blönduósi laugardaginn 16. október. Haldið verður námskeið með æfingum og farið í leiki með það að markmiði að kynna körfuboltaíþróttina fyrir krökkum á Blönduósi og úr nærsveitum. Námskeiðið verður tvískipt en fyrrihluti þess er leikjanámskeið sem verður frá klukkan 13-14 og svo loks körfuboltaæfing klukkan 14-16. |
|
11:17 |
13. okt. 2021 |
Blönduósbær skipar samstarfsnefnd um sameiningu
Sveitarstjórn Blönduósbæjar hefur skipað Guðmund Hauk Jakobsson, Jón Örn Stefánsson og Arnrúnu Báru Finnsdóttur í samstarfsnefnd sem kanna á möguleika á sameiningu Blönduósbæjar og Húnavatnshrepps. Stefnt er að því að samstarfsnefndin skili áliti sínu til sveitarstjórna í nóvember með það fyrir augum að kynning tillögunnar hefjist í desember og að kjördagur verði í janúar 2022. |
|
10:46 |
12. okt. 2021 |
Forsetafrúin heimsótti Húnaþing vestra
Forsetafrúin Eliza Reid heimsótti Húnaþing vestra í síðustu viku ásamt Eddu dóttur sinni. Eliza var heiðursgestur alþjóðlegu brúðulistahátíðarinnar International Puppetry Festival sem fram fór á Hvammstanga um síðustu helgi. Handbendi brúðuleikhús skipulagði hátíðina og er handhafi Eyrarrósarinnar, sem er viðurkenning fyrir framúrskarandi menningarverkefni utan höfuðborgarsvæðisins. Eliza er verndari Eyrarrósarinnar. |
|
10:18 |
12. okt. 2021 |
Húsnæðisskortur tefur uppbyggingu
Í húsnæðisáætlun sem Sveitarfélagið Skagaströnd birti nýlega kemur meðal annars fram að byggja þurfi 2-4 íbúðir á ári í sveitarfélaginu fram til ársins 2026 til að uppfylla þörf fyrir nýtt íbúðarhúsnæði og koma á nauðsynlegu jafnvægi. Í áætluninni segir að sveitarstjórn hafi ekki í hyggju að ráðast í byggingu á íbúðarhúsnæði en hafi hins vegar fellt niður gatnagerðargjöld við þegar tilbúnar lóðir sem hvata til nýbygginga. |
|
11:27 |
11. okt. 2021 |
Frístundir fyrir 60 ára og eldri í Blönduósbæ
Blönduósbær hefur gefið út dagskrá fyrir frístundastarf 60 ára og eldri í sveitarfélaginu og gildir hún út árið 2021. Dagskránni verður dreift í hús. Íbúar 60 ára og eldri eru hvattir til að nýta sér það sem í boði er en þar má nefna stóla- og standandi leikfimi, vatnsleikfimi, jóga og söng- og gleðistundir. |
|
20:26 |
09. okt. 2021 |
Vatnsleikfimi á Blönduósi fyrir 60 ára og eldri
Námskeið í vatnsleikfimi undir leiðsögn sjúkraþjálfara fer af stað á Blönduósi 12. október næstkomandi og er fyrir 60 ára og eldri. Námskeiðið verður í Íþróttamiðstöðinni á þriðjudögum klukkan 13. Í auglýsingu frá Ásdísi Öddu Ólafsdóttur sjúkraþjálfara segir að vatnsleikfimi sé skemmtileg leið til líkamsræktar og hægt að gera fjölbreyttar æfingar í vatninu svo allir ættu að geta gert æfingar við hæfi. Tíu vikna námskeið kostar 9.000 krónur eftir niðurgreiðslu frá Blönduósbæ. |
|
19:56 |
09. okt. 2021 |
Varað við fölsuðum seðlum á Norðurlandi vestra
Lögreglan á Norðurlandi vestra biðlar til almennings og verslunareigendur að vera vel á verði gagnvart fölsuðum peningaseðlum sem eru í umferð. „Ef einhverjir kunna að búa yfir upplýsingum er málið varðar þá vinsamlegast hafið samband við lögregluna í síma 444-0700 eða tölvupóstfangið nordurland.vestra@logreglan.is,“ segir á facebooksíðu lögreglunnar. |
|
11:13 |
09. okt. 2021 |
Störf auglýst á nýrri skrifstofu skipulags- og byggingarmála í Húnavatnssýslum
Sveitarfélögin Húnaþing vestra, Húnavatnshreppur, Blönduósbær og Skagabyggð auglýsa í dagblöðum helgarinnar laus til umsóknar embætti byggingarfulltrúa og embætti skipulagsfulltrúa á nýrri skrifstofu skipulags- og byggingarmála í Húnavatnssýslum. Starfsstöðvar eru tvær, á Hvammstanga og Blönduósi, og þjóna fulltrúarnir öllu svæðinu. |
|
10:35 |
09. okt. 2021 |
Gætu fengið sekt vegna jafnlaunavottunar
Blönduósbær og sveitarfélögin Skagaströnd og Húnaþing vestra eru á meðal 16 sveitarfélaga sem ekki hafa fengið jafnlaunavottun og eiga á hættu að verða beitt dagsektum um áramót. Hafa þau trassað að klára ferlið sem þau áttu að ljúka fyrir tveimur árum síðan. Bæði Jafnréttisstofa og forsætisráðuneytið hafa þrýst á Samband íslenskra sveitarfélaga að ljúka málinu, að því er fram kemur í Fréttablaðinu í dag. |
|
11:14 |
08. okt. 2021 |
Kirkjurnar í Austur-Húnavatnssýslu
Frá sóknarpresti
Í sunnudagaskólanum syngjum við, gleðjumst saman og biðjum fallegra bæna. Fræðandi og skemmtilegt starf fyrir alla fjölskylduna. Fermingarbörn eru hvött til að mæta með foreldrum og taka með sér kirkjulyklinn. |
|
08:59 |
08. okt. 2021 |
Ístex leitar að öflugu og duglegu starfsfólki
Frá Ístex hf.
Ístex hf leitar að öflugu og duglegu starfsfólki í ullarþvottastöðina á Blönduósi fyrir komandi ullarvertíð frá 1. nóvember til 30 apríl.
Starfshlutfall er 70-100% og möguleiki á bæði dag- og kvöldvöktum. Hvetjum öll kyn til að sækja um. |
Til baka
Loka
Prenta
