|
14:11 |
25. nóv. 2021 |
Aðventuhátíð í Blönduóskirkju
Frá sóknarpresti
Aðventuhátíð í Blönduóskirkju verður fyrsta sunnudag í aðventu 28. nóvember klukkan 17:00. Kristmundur Valberg flytur hugleiðingu. Fermingarbörn flytja helgileik og söngatriði. Kórfólk úr Þingeyraprestakalli syngur undir stjórn Eyþórs Franzsonar Wechner. Óliver Pálmi Ingvarsson leikur á trompet og Benedikt Blöndal á hljómborð. |
|
14:09 |
25. nóv. 2021 |
Gjöf til bókasafns Húnaþings vestra
Bókasafn Húnaþings vestra fékk góða gjöf í gær þegar Elinborg Sigurgeirsdóttir fyrrverandi skólastjóri tónlistarskóla Húnaþings vestra færði safninu nótnasafn sitt. Starfsferill Elinborgar spannar 43 ára þar sem hún síðustu 35 árin hefur verið leiðandi í tónlistarlífi Húnaþings vestra, við kennslu, sem organisti, stjórnandi og þátttakandi í fjölmörgum viðburðum. Sagt er frá þessu á vef Húnaþings vestra. |
|
17:00 |
24. nóv. 2021 |
Vatnsnesvegur í hópfjármögnun á Karolina Fund
Húnaþing vestra hefur stofnað til hópfjármögnunar á vefnum Karolina Fund vegna framkvæmda við Vatnsnesveg, sem er númer 711. Markmiðið er að safna 100 milljónum króna en áætlað er að kostnaður við að byggja upp veginn og malbika hann er um 3,5 milljarður króna. Í mörg ár hafa sveitarstjórn og íbúar á svæðinu beðið stjórnvöld um ráð til bóta en ekki haft erindi sem erfiði vegna skorts á fjármagni. |
|
15:51 |
24. nóv. 2021 |
Bumbukörfubolti í íþróttahúsi Skagastrandar
„Það er alltaf eitthvað skemmtilegt að gerast á Ströndinni!“ Svona hefst frétt á vef Skagastrandar þar sem verið er að segja frá því að á þriðjudögum og fimmtudögum í vetur, og einstaka laugardagsmorgna, er hægt að mæta í old boys körfubolta og skemmta sér á heilbrigðan hátt í góðum félagsskap. |
|
15:22 |
24. nóv. 2021 |
Opið hús í TextílLab
Textíllistamennirnir í Kvennaskólanum á Blönduósi bjóða alla velkomna á sýninguna Tengdur þráður sem haldin verður í textíllistamiðstöðinni Ós á Þverbraut 1 á Blönduósi, í dag miðvikudaginn 24. nóvember klukkan 16-19. Grímuskylda og munum sóttvarnir. |
|
11:00 |
24. nóv. 2021 |
Eldvarnafræðsla mikilvæg
Landssamband slökkviliðs- og sjúkraflutningamanna kynnir eldvarnir heimilisins fyrir grunnskólabörnum og fjölskyldum þeirra fyrir hver jól. Í síðust viku hófst þetta árlega eldvarnarátak í Grunnskólanum í Borgarnesi. Landssambandið beinir sjónum sínum til grunnskólabarna í 3. bekk og kynnir fyrir þeim grundvallaratriðin varðandi eldvarnir heimilisins. Jóhannes Kári Bragason, slökkviliðsstjóri í Húnaþingi vestra, ritar pistil á vef sveitarfélagsins um eldvarnarátakið. |
|
10:40 |
24. nóv. 2021 |
Fjallað um uppbyggingu á Blönduósi
Í þættinum Að norðan sem sýndur var á sjónvarpsstöðinni N4 í gærkvöldi var m.a. fjallað um mikla uppbyggingu sem á sér stað á Blönduósi um þessar mundir. Rætt er við Valdimar O. Hermannsson, sveitarstjóra á Blönduósi, og segir hann að frá árinu 2018 hafi mikil uppbygging átt sér stað. Nefnir hann að núna sé í gangi þrjú stór verkefni í iðnaðarhúsnæði; stækkun gagnaversins, bygging á Miðholtinu og nýtt húsnæði Prótis. |
|
16:23 |
23. nóv. 2021 |
Heimsókn í Húnaþing á N4
Sjónvarpsstöðin N4 var í heimsókn í Húnavatnssýslum á dögunum og afraksturinn má sjá í kvöld í þættinum Að norðan. Þáttargerðarfólk heimsótti m.a. hjónin Elínu og Ara á Bergsstöðum í Miðfirði, fóru á spilakvöld hjá Lomberklúbbnum á Hvammstanga og ræddu við Valdimar O. Hermannsson, sveitarstjóra á Blönduósi, um þá miklu uppbyggingu sem þar á sér stað. |
|
13:45 |
23. nóv. 2021 |
Norðanhríð í kortunum
Veðurstofa Íslands hefur gefið út gula veðurviðvörun fyrir Strandir og Norðurland vestra. Hún gildir frá klukkan ellefu í kvöld og til morguns. Spáð er 15-23 m/s og snjókomu og skafrenningi með lélegu skyggni og versnandi akstursskilyrðum. Varasamt ferðaveður. Gul veðurviðvörun tekur einnig gildi í öðrum landshlutum í kvöld, s.s. á Vestfjörðum, Miðhálendinu, Norðurlandi eystra, Austfjörðum og Suðausturlandi. |
|
12:20 |
22. nóv. 2021 |
Vetrarþjónustu mjög ábótavant við ferðamannastaði
Stjórn Markaðsstofu Norðurlands telur það óásættanlegt að vetrarþjónustu að vegum á ferðamannastöðum á Norðurlandi sé jafn ábótavant og raun ber vitni. Þetta kemur fram í ályktun sem var samþykkt á síðasta stjórnarfundi MN. Sérstaklega er bent á vetrarþjónustu á Vatnsnesvegi að Hvítserk og á Demantshringnum sem var formlega opnaður á síðasta ári. |
|
10:13 |
22. nóv. 2021 |
Þungar áhyggjur af þróun kostnaðar
Byggðaráð Blönduósbæjar tekur undir bókun Húnaþings vestra er varðar málefni fatlaðs fólks á Norðurlandi vestra og lýsir yfir þungum áhyggjum af því hvernig kostnaður í málaflokknum hefur þróast. Húnavatnshreppur hefur gert það sama og að óbreyttu geta sveitarfélögin ekki haldið áfram í samstarfsverkefninu, sem Sveitarfélagið Skagafjörður leiðir. Benda sveitarfélögin jafnframt á að málaflokkurinn er á ábyrgð ríkisins. |
|
07:23 |
21. nóv. 2021 |
Minningardagur um fórnarlömb umferðarslysa
Árlegur alþjóðlegur minningardagur um fórnarlömb umferðarslysa er haldinn sunnudaginn 21. nóvember. Í ár er kastljósinu meðal annars beint að afleiðingum þess ef öryggisbelti eru ekki notuð. Táknrænar minningarstundir eru haldnar hringinn í kringum landið af þessu tilefni. Dagskrá viðburða er á vefnum minningardagur.is. Minningarathöfn verður haldin við Björgunarmiðstöðina í Skógarhlíð klukkan 14 í dag. Forseti Íslands og samgöngu- og sveitarstjórnarráðherra verða viðstaddir og flytja ávörp. |
|
08:44 |
20. nóv. 2021 |
Hrútaskrá 2021-2022 komin út
Hrútaskrá sauðfjársæðingastöðvanna er líklega eitt mest lesna rit ársins víða um land. Skráin er nú komin út á rafrænu formi en prentaða útgáfan er væntanleg í næstu viku. Að þessu sinni standa 48 úrvalshrútar til boða í komandi sæðingavertíð en útsending sæðis mun hefjast þann 1. desember nk. og standa til 21. desember nk. |
|
08:38 |
20. nóv. 2021 |
Óskað eftir 198 milljónum úr Uppbyggingarsjóði
Alls bárust 115 umsóknir um styrkir í Uppbyggingarsjóð Norðurlands vestra en umsóknarfrestur rann út 12. nóvember síðastliðinn. Óskað var eftir samtals 198 milljónum króna í styrki úr sjóðnum en til úthlutunar eru rúmar 70 milljónir. Flestir umsóknir eða 57 voru um verkefnastyrki á sviði menningar. Stefnt er að því að svör berist umsækjendum fyrir jól. |
|
17:00 |
18. nóv. 2021 |
Kjósa á um nafn á nýja gangnamannaskálann
Sveitarstjórn Húnavatnshrepps vill að stjórn fjallskiladeildar Grímstungu- og Haukagilsheiða láti kjósa um nafn á nýja gangnamannaskálann á Grímstunguheiði á næsta almenna fundi deildarinnar. Kjósa á um nöfnin Brík, Gedduskáli, Heiðahöllin, Skjól og Vegamót. Stjórn fjallskiladeildarinnar efndi til nafnasamkeppni fyrr á þessu ári og þurfti að skila inn tillögu að nafni fyrir 16. ágúst. Alls bárust 26 tillögur að nafni. |
Til baka
Loka
Prenta
