Fyrri mynd
Næsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Húnahornið
Open Menu Close Menu
Húnahornið
Föstudagur, 29. mars 2024
   m/s
C
CW
huni.is - RSS-efnisveita
 
Mars 2024
SMÞMFL
252627282912
3456789
10111213141516
17181920212223
24252627282930
31123456
FyrriNúnaNæsti
Veðurstofa Íslands Vegagerðin
Holtavörðuh. 12:10 0 0°C
Laxárdalsh. 12:10 0 0°C
Vatnsskarð 12:10 0 0°C
Þverárfjall 12:10 0 0°C
Kjalarnes 12:10 0 0°C
Hafnarfjall 12:10 0 0°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
18. ágúst 2023
Okur, íslenska og illgresi
Já komið þið sæl og blessuð. Nöldri er ekki dauður úr öllum æðum þó langt sé um liðið frá síðasta nöldurpistli. Af nógu er að taka í nöldrinu en ég ætla þó aðeins að nefna nokkur atriði að þessu sinni. Fyrst ætla ég að byrja á verðlaginu í Kjörbúðinni okkar hér á Blönduósi.
::Lesa
Leita í netfangaskrá
 
Eftir Inga Heiðmar Jónsson
27. mars 2024
71. þáttur. Eftir Jón Torfason
24. mars 2024
Eftir Inga Heiðmar Jónsson
22. mars 2024
Eftir Bjarna Jónsson
17. mars 2024
Eftir Inga Heiðmar Jónsson
15. mars 2024
Eftir Bjarna Jónsson
11. mars 2024

Senda Húnahorninu fréttaskot

N 65° 39' 32.04" V 20° 16' 55.2"
 Frá:   Til: 
Orðaleit:
 Birta   línur
  1-15 af 81 Næstu 16-30
KlukkanDagsetningFrétt
11:09 26. maí 2023   Heyrnar- og talmeinastöð Íslands hættir móttöku á Blönduósi
Tilkynning til íbúa Húnavatnssýsla um skerðingu á þjónustu við heyrnarskerta íbúa
Heyrnar- og talmeinastöð Íslands þykir leitt að tilkynna að stofnunin er knúin til að leggja niður þá móttöku heyrnarsviðs sem staðið hefur til boða á Blönduósi mánaðarlega síðustu ár. Síðasti afgreiðsludagur að sinni hjá Sofiu Dalman, heyrnarfræðingi HTÍ, er mánudaginn 12. júní nk. Heyrnarskertum íbúum svæðisins, sem þurfa að sækja þjónustu til HTÍ er bent á afgreiðslustaði HTÍ á Sauðárkróki, Akureyri eða Reykjavík.
10:54 26. maí 2023   Gul viðvörun - ekki vegna sólskins
Veðurstofan hefur gefið út gular veðurviðvaranir fyrir mest allt landið á morgun en von er á norðvestan hríð. Fyrir Norðurland vestra tekur gul viðvörun gildi um miðnætti í kvöld og rennur út á hádegi á morgun. Spáð er norðvestan 13-18 m/s og snjókommu á fjallvegum með lélegu skyggni og versnandi akstursskilyrðum. Líklega verður úrkoman rigning eða slydda á láglendi. Það er huggun harmi gegn að líklega sér fyrir endann á gulum veðurviðvörunum, í bili að minnsta kosti.
10:42 26. maí 2023   Lífleg opnun í Fremri-Laxá
Sporðaköst, veiðivefur mbl.is, segir frá opnun í Fremri-Laxá, sem er ein besta urriðaá landsins. Áin fellur úr Svínavatni í Laxárvatn og er fiskurinn í henni fremur smár en sprettharður. Opnunarhollið voru sex veiðikonur sem kalla sig Veiðipöddurnar og í för með þeim var leiðsögumaðurinn Hallgrímur Gunnarsson. Fram kemur í Sporðaköstum að fiskur hafi verið hoppandi um alla á og að veðrið hafi sett sitt mark á opnunina. Þetta er í þriðja sitt sem Veiðipöddurnar opna ána og var opnunin í ár sú langbesta. Hópurinn landaði 93 urriðum og var þeim flestum sleppt.
15:55 25. maí 2023   Endurbygging Ásgarðs frestast fram á næsta ár
Á fundi hafnar- og skipulagsnefndar Skagastrandar á mánudaginn greindi sveitarstjóri frá því að fyrirhugaðar framkvæmdir við endurbyggingu Ásgarðs í Skagastrandarhöfn muni frestast fram til ársins 2024 en verkið er unnið í samstarfi við Vegagerðina. Fram kom að val á lægstbjóðanda vegna stálkaupa hafi verið kært vegna tæknilegrar kröfu eftir opnun tilboða sem fram fóru hjá Vegagerðinni í desember síðastliðnum. Kærumálið sé enn í vinnslu og niðurstöðu ekki að vænta fyrr en í lok þessa mánaðar.
15:38 25. maí 2023   Götumyndir í Húnaþingi vestra uppfærðar
Húnaþing vestra og Sýndarferð ehf. hafa gert samkomuleg um 360 gráðu ljósmyndun af götum Hvammstanga, Laugarbakka og Borðeyrar í sumar. Google mun í framhaldinu gera myndirnar aðgengilegar á Google Maps en myndir sem þar eru af þessum stöðum voru teknar árið 2013. Frá þeim tíma hefur ýmislegt breyst auk þess sem ekki voru teknar myndir af öllum götum á Hvammstanga og ekkert myndað á Laugarbakka né Borðeyri.
21:32 24. maí 2023   Vegið alvarlega að skipulagsvaldi sveitarfélaga
Byggðarráð Húnaþings vestra telur að vegið sé alvarlega að skipulagsvaldi sveitarfélaga með frumvarpi innviðaráðherra um breytingu á ýmsum lögum vegna tímabundinna undanþága frá skipulags- og byggingarlöggjöf og skipulagi. Frumvarpið var lagt fram á Alþingi í lok apríl og gekk til umhverfis- og samgöngunefndar í byrjun maí.
20:56 23. maí 2023   Hvað útskýrir óvenju ólíka útkomu úr íbúakönnun sambærilegra landsvæða
Húnaþing vestra hefur boðað til fundar um niðurstöður rannsóknar sem Vífill Karlsson gerði nýverið þar sem atvinnulíf, búsetuskilyrði og hugarfar íbúa í Vestur-Húnavatnssýslu, Austur-Húnavatnssýslu og Dalasýslu er borið saman. Tilefnið var endurtekin óvenju góð útkoma Vestur-Húnavatnssýslu í umfangsmikilli íbúakönnun í öllum landshlutum en síðri útkoma í sambærilegum samfélögum eins og í Dalasýslu og Austur-Húnavatnssýslu.
20:24 23. maí 2023   Fjölskyldumál næst á dagskrá stefnumótunar
Húnabyggð hefur boðað til opins íbúafundar um stefnumótun sveitarfélagsins í fjölskyldumálum og verður hann haldinn í Félagsheimilinu á Blönduósi fimmtudaginn 25. maí klukkan 17-19. Rætt verður um skólamál, lýðheilsu, íþróttir, tómstundir, barnavernd og málefni fatlaðra, öryrkja og aldraðra. Þann 11. maí síðastliðinn var fyrsti íbúafundurinn haldinn í tengslum við stefnumótunina og þá voru atvinnumálin í forgrunni. Framundan eru svo fleiri íbúafundir um helstu málefni sveitarfélagsins.
13:32 23. maí 2023   Aðalfundur Sögufélagsins Húnvetnings
Frá stjórn
Sögufélagið Húnvetningur heldur aðalfund sinn á morgun, miðvikudaginn 24. maí klukkan 14 í Salnum/Ósbæ, Þverbraut 1 Blönduósi. Jón Jónsson þjóðfræðingur flytur fyrirlesturinn: Sögur af sérkennilegu fólki. Öll eru þið velkomin!
14:15 22. maí 2023   Enn ein veðurviðvörunin
Veðurstofan hefur gefið út gula veðurviðvörun fyrir nær allt landið á morgun þriðjudag. Á Norðurlandi vestra tekur hún gildi klukkan 14 og stendur fram yfir miðnætti. Spáð er suðvestan hvassvirðri eða stormi 18-23 m/s með hagl- eða slydduéljum og snörpum vindhviðum við fjöll. Veðrið getur verið varasamt þeim sem eru á ferðalagi. Fólk er hvatt til að sýna aðgát og ganga frá lausum munum til að forðast tjón.
14:01 22. maí 2023   Æfing með dönsku varðskipi á Húnafirði
Björgunarsveitin Strönd, Slökkvilið Skagastrandar, Björgunarfélagið Blanda og danska varðskipið HDMS Vædderen tóku þátt í sameiginlegri æfingu á Húnafirði síðastliðinn föstudag. Björgunarsveitarmenn sigldu út frá Skagaströnd á björgunarskipunum Húnabjörginni og Aðalbjörginni og að varðskipinu þar sem línu var skotið á milli skipanna og Slökkvilið Skagastrandar æfði reykköfun í varðskipinu. Varðskipið yfirgaf Húnaflóann í gærkvöldi og er nú komið til Reykjavíkur.
09:42 22. maí 2023   Þjálfaraskipti hjá Kormáki Hvöt
Ingvi Rafn Ingvarsson hefur verið ráðinn nýr þjálfari Kormáks Hvatar og gildir samningur hans út leiktímabilið í sumar. Aco Pandurevic, fráfarandi þjálfari, sagði starfi sínu lausu eftir tapleik gegn Elliða á laugardaginn. Aco var ráðinn þjálfari fyrir leiktímabilið í fyrra og hafnaði Kormákur Hvöt í 9. sæti í 3. deild. Liðið situr nú í sama sæti eftir fyrstu þrjá leikina sem af er sumri. Ingvi er liðinu vel kunnugur þar sem hann hefur leikið með því í tíu ár og verið iðinn við að skora mörk. Hann var þjálfari liðsins árið 2021 þegar það komst upp um deild.
22:28 20. maí 2023   Ritstjóraskipti á Feyki 1. ágúst nk.
Óli Arnar Brynjarsson tekur við sem ritstjóri héraðsfréttablaðsins Feykis af Páli Friðrikssyni sem gegnt hefur starfinu í samtals 13 ár. Ritstjóraskiptin eiga sér stað 1. ágúst næstkomandi. Óli Arnar hefur starfað hjá Nýprenti í 18 ár og unnið að einu eða öðru leyti við Feyki í tæp 20 ár. Páll ætlar að fara að vinna hjá Mjólkursamlagi KS en hann hvetur alla til að taka vel á móti nýjum ritstjóra.
22:01 20. maí 2023   Tap í fyrsta heimaleiknum sem fram fór á Sauðárkróki
Kormákur Hvöt tók á móti Elliða úr Árbænum í dag á gervigrasinu á Sauðárkróksvelli þegar 3. umferð var leikin á Íslandsmótinu í knattspyrnu karla 3. deild. Leikurinn var fyrsti „heimaleikur“ Kormáks Hvatar á tímabilinu og byrjaði hann ekki vel þar sem Elliði skoraði mark eftir aðeins 27 sekúndur. Eftir 20 mínútna leik bætti Elliði við öðru marki en Lazar Cordasic lagaði stöðuna fyrir Kormák Hvöt á 40. mínútu með góðu marki.
12:51 19. maí 2023   Suðvestan hvassviðri síðdegis í dag
Veðurstofan hefur gefið út gula veðurviðvörun fyrir Norðurland vestra sem tekur gildi klukkan 15 í dag og rennur út klukkan 10 á morgun. Spáð er suðvestan og sunnan hvassviðri, 15-20 m/s með hviðum staðbundið yfir 30 m/s. Búast má við takmörkuðu skyggni á fjallvegum í dimmum skúrum eða slydduéljum sem getur verið varasamt ökutækjum sem taka á sig mikinn vind.
  1 2 3 4 5 6 Næstu 16-30
 
Prenta Prenta  
 
Til baka
 

©2024 Húnahornið