|
19:10 |
02. júl. 2020 |
Austur- Húnvetningar funda með ráðamönnum
Frá sameiningarnefndinni
Mánudaginn 15. júní áttu oddvitar og sveitarstjórar sveitarfélaganna í Austur- Húnavatnssýslu fundi með Þórdísi Kolbrúnu Reykfjörð Gylfadóttur, ferða-, iðnaðar- og nýsköpunarráðherra, Sigurði Inga Jóhannssyni, samgöngu- og sveitarstjórnarráðherra og Kristjáni Þór Júlíussyni sjávarútvegs- og landbúnaðarráðherra. |
|
11:24 |
02. júl. 2020 |
Rafmagnstruflanir í Húnaþingi vestra um miðnættið
Aðfaranótt 3. júlí verður viðhaldsvinna í aðveitustöð Hrútatungu. Á þeim tíma verður Húnaþing vestra rekið á varaafli og á varaleiðum. Það þýðir að rafmagnstruflanir verða um miðnætti og að vinnu lokinni, um klukkan 6 um morguninn. Ekki er hægt að útiloka langvarandi rafmagnsleysi þennan tíma. |
|
10:47 |
02. júl. 2020 |
Verið ávallt velkomin í Húnavatnshrepp
Húnavatnshreppur hefur látið gera kynningarmyndband fyrir sveitarfélagið. Í því eru sýndar fallegar myndir af náttúrfegurð svæðisins, ábendingar um fjölbreytta afþreyingu og upplýsingar um helstu ferðaþjónustuaðila. Myndbandið er um tvær mínútur að lengd og nefnist Verið ávallt velkomin. |
|
10:37 |
02. júl. 2020 |
Áhrif samgönguáætlunar á Norðurland vestra
Á vef Samtaka sveitarfélaga á Norðurlandi vestra er samantekt um hvað nýsamþykkt samgönguáætlun þýðir fyrir svæðið en hún tekur til áranna 2020-2034. Í henni kemur fram að framkvæmdir við Þverárfjallsveg um Refasveit skuli fara fram á fyrsta tímabili áætlunarinnar eða á árunum 2020-2024. Á öðru og þriðja tímabili eru settir þrír milljarðar í framkvæmdir við Vatnsnesveg og honum flýtt að hluta um eitt framkvæmdatímabil. |
|
11:38 |
01. júl. 2020 |
Ný sviðsstjóri fjármála- og stjórnsýslusviðs Húnaþings vestra
Elín Jóna Rósinberg hefur verið ráðin í starf sviðsstjóra fjármála- og stjórnsýslusviðs Húnaþings vestra. Hún er með Cand.oceon gráðu í viðskiptafræði frá Háskóla Íslands auk þess sem hún leggur stund á MPA nám í opinberri stjórnsýslu við sama skóla. Undanfarin 14 ár hefur Elín Jóna starfað sem fjármálastjóri og staðgengill forstöðumanns Fæðingarorlofssjóðs auk þess sem hún hefur borið ábyrgð á verkefnum fyrir fjármálasvið Vinnumálastofnunar, m.a. fjárhagsuppgjör erlendra verkefna og vinnu við innra eftirlit stofnunarinnar. |
|
10:47 |
01. júl. 2020 |
Viðaukasamningur undirritaður
Viðauki við Sóknaráætlun Norðurlands vestra um viðbótarstuðning var undirritaður í gær af Sigurði Inga Jóhannssyni, samgöngu- og sveitarstjórnarráðherra og Unni Valborgu Hilmarsdóttur, framkvæmdastjóra Samtaka sveitarfélaga á Norðurlandi vestra. Í fjáraukalögum var ákveðið að veita viðbótarfjármagni til sóknaráætlunar landshluta til að sporna við áhrifum kórónuveirufaraldursins á landsbyggðinni. Fjárhæðin var samtals 200 milljónir og komu 26 milljónir í hlut Norðurlands vestra. |
|
14:52 |
30. jún. 2020 |
Styrkir úr Innviðasjóði í A-Hún.
Innviðasjóður hefur úthlutaði 28 styrkjum að heildarfjárhæð 340 milljónum króna og fóru tveir í Austur-Húnavatnssýslu. Sjóðnum barst 77 umsóknir og var sótt um fyrir 900 milljónir króna. Textílmiðstöð Íslands og Þekkingarsetur á Blönduósi fengu 17,6 milljón króna styrk fyrir verkefnið Textíll í takt við tímann – uppbygging innviða til rannsókna á textíl. Stofnun Rannsóknarsetra Háskóla Íslands á Skagaströnd fékk 5,1 milljón í styrk fyrir verkefnið Gagnagrunnur sáttanefndabókar. |
|
14:34 |
30. jún. 2020 |
"Verðum að geta treyst vegunum"
Bifhjólafólk kom saman til samstöðufundar við höfuðstöðvar Vegagerðarinnar í dag vegna ástands vega á landinu. Tilefnið er slys sem varð á Kjalarnesvegin á sunnudaginn og má rekja til hálku sem myndaðist á nýlögðu malbiki. Bifhjólasamtökin Sniglarnir efndu til fundarins og var yfirlýsing lesin upp þar sem krafist var breytinga, hjólafólk yrði að geta treyst vegum landsins betur. |
|
14:17 |
30. jún. 2020 |
Stórfurðulegur launaseðill frá Landspítala
Húnvetningurinn og hjúkrunarfræðingurinn Gréta María Björnsdóttir hefur vakið athygli fyrir færslu á Facebook í dag en þar birtir hún mynd af launaseðli sínum frá Landspítalanum. Gréta María starfaði sem bakvörður frá miðjum mars til miðs apríl þegar kórónuveirufaraldurinn stóð sem hæst. Þrátt fyrir að vera í fæðingarorlofi með fimm mánaða gamalt barn heima mætti hún 5-6 kvöld í viku í tæpan mánuð og vann í um 150 klukkustundir. Umbunin er 1.094 krónur samkvæmt launaseðlinum. |
|
11:40 |
30. jún. 2020 |
Uppskrift að góðum degi á Norðurlandi vestra
Uppskrift að góðum degi eru þættir á sjónvarpsstöðinni N4 þar sem farið er í ferðalag með Skúla B. Geirdal og Rakel Hinriksdóttur um Norðurland. Fyrsti þátturinn um Uppskrift að góðum degi á Norðurlandi vestra var sýndur um miðjan mánuðinn en þá var ferðast um Vestur-Húnavatnssýslu. Annar þátturinn var sýndur í gærkvöldi en þá var ferðast um Stóru-Ásgeirsá, Kolugljúfur, Víðigerði, Þrístapa, Vatnsdal og Blönduós. |
|
12:37 |
28. jún. 2020 |
Mikill áhugi á félagsmiðstöð 60+ á Hvammstanga
Félagsmiðstöð 60+ verður starfrækt á Hvammstanga í sumar. Í síðustu viku var opið hús þar sem drög að dagskrá voru kynnt og boðið var upp á vöfflukaffi. Á vef Húnaþings vestra kemur fram að mikill áhugi sé á verkefninu og að góðar hugmyndir að námskeiðum eða félagsstarfi hafi komið fram. Svo var hlustað á harmonikkuleik og sungið saman. |
|
09:05 |
28. jún. 2020 |
Tap á Stokkseyri
Sameiginlegt lið Kormáks og Hvatar tapaði fyrir liði Stokkseyrar þegar önnur umferð 4. deildar Íslandsmótsins í knattspyrnu B riðli fór fram á fimmtudaginn. Stokkseyri komst yfir á 15. mínútu leiksins en Pálmi Þórsson jafnaði fyrir Kormák/Hvöt rétt fyrir leikhlé. Leikurinn var svo í járnum allt þar til á 85. mínútu er Stokkseyri náði að setja mark og vann því leikinn með tveimur mörkum gegn einu. |
|
08:09 |
28. jún. 2020 |
Forsetinn endurkjörinn
Guðni Th. Jóhannesson var endurkjörinn forseti Íslands í gær. Hann fékk 92,2% atkvæða en mótframbjóðandi hans, Guðmundur Franklín Jónsson, fékk 7,8%. Stuðningur Guðna í Norðvesturkjördæmi var nær eins og hann var á landsvísu eða 92% en Guðmundur fékk 8%. Fjöldi greiddra atkvæða í Norðvesturkjördæmi voru 14.888. Auðir seðlar voru 382 og 55 ógildir. Kjörsókn var 69,2% í kjördæminu. |
|
12:34 |
27. jún. 2020 |
Maríudagar að Hvoli í Vesturhópi
Helgina 4.-5. júlí verða Maríudagar haldnir að Hvoli í Vesturhópi. Fjölskyldan frá Hvoli hefur minnst Maríu Hjaltadóttir síðan sumarið 2009 með sýningu og menningarhelgi í byrjun júlí. Að þessu sinni verður sýningin helguð minningu Margrétar Jakobsdóttur Líndal frá Lækjamóti í Víðidal sem helgaði starf sitt því að viðhalda og þróa íslenskt handverk og tóvinnu. |
|
08:03 |
27. jún. 2020 |
Forsetakosningar í dag
Kosningar til embættis forseta Íslands fara fram í dag. Frambjóðendur eru tveir, Guðmundur Franklín Jónsson og Guðni Th. Jóhannesson. Kjörfundir í Húnavatnssýslum eru í Skagabúð fyrir íbúa Skagabyggðar, Fellsborg fyrir íbúa Skagastrandar, Íþróttamiðstöðinni á Blönduósi fyrir Blönduósinga, Húnavallaskóla á Húnavöllum fyrir íbúa Húnavatnshrepps og Félagsheimilinu Hvammstanga fyrir íbúa Húnaþings vestra. |
Til baka
Loka
Prenta
