09:36 |
22. sep. 2020 |
Opið hús í Nesi listamiðstöð
Opið hús verður í Nesi listamiðstöðinni að Fjörubraut 8 á Skagaströnd á morgun, miðvikudaginn 23. september klukkan 16:30-18:30. Sex mánuðir eru liðnir síðan haldið var opið hús síðast í listamiðstöðinni. Listamennirnir sem þar dvelja bjóða gestum að koma og sjá verk sín en þeir eru Hannah Witner, Erin Strada, Andolie Marguerite, Shinae Kim Kor, Andra Watkins og Sophie Cousins. |
10:47 |
21. sep. 2020 |
Viðhorf bænda til ullarinnar
Nýlega lauk skoðanakönnun á vegum Textílmiðstöðvar Íslands um viðhorf bænda til ullarinnar. Ýmis tækifæri liggja í notkun og meðhöndlun á ull, en við vildum vita meira um viðhorf bænda. Hver er áhuginn á úrvinnslu á ullinni? Má bæta ullina og þá hvernig? Hvað finnst bændum um ullarverðið? Fleiri spurningar vöknuðum, segir Jóhanna E. Pálmadóttir, verkefnastjóri hjá Textílmiðstöðinni. |
21:50 |
20. sep. 2020 |
Ferðamála-, iðnaðar og nýsköpunarráðherra í heimsókn í Austur-Húnavatnssýslu
Frá sameiningarnefndinni
Þórdís Kolbrún Reykfjörð Gylfadóttir, ferðamála-, iðnaðar og nýsköpunarráðherra, heimsótti Austur-Húnavatnssýslu síðastliðinn mánudag ásamt aðstoðarmanni sínum, Ólafi Teiti Guðnasyni. Heimsóknin var í boði sameiningarnefndar sveitarfélaganna í sýslunni og var tilgangur hennar að kynna nýsköpun og atvinnuþróun á svæðinu, sem og þau tækifæri og áskoranir sem íbúar svæðisins standa frammi fyrir. |
19:59 |
19. sep. 2020 |
Hörku leikur í Hafnarfirði
Sameiginlegt lið Kormáks og Hvatar mætti í Hafnarfjörðinn í dag og atti kappi við lið Knattspyrnufélags Ásvalla en um var að ræða fyrri leik liðanna í úrslitakeppni 4. deildar. Þrátt fyrir rok og rigningu með köflum var boðið upp á skemmtilegan og dramatískan knattspyrnuleik. Kormákur/Hvöt byrjaði leikinn af miklum krafti og var staðan 0-2 gestunum í vil eftir 25 mínútna leik. |
11:58 |
19. sep. 2020 |
Eitt kórónuveirusmit á Norðurlandi vestra
Einn er í einangrun á Norðurlandi vestra vegna kórónuveirusmits og tveir eru í sóttkví í landshlutanum. 75 ný innanlandssmit greindust í gær, flest á sameiginlegri sýkla- og veirufræðideild Landspítala og Íslenskrar erfðagreiningar. Eitt smit greindist við landamæraskimun. Nýjustu tölur hafa verið birtar á covid.is. Boðað hefur verið til upplýsingafundar almannavarna klukkan 14 í dag. |
16:34 |
18. sep. 2020 |
SSNV fær styrk til fýsileikakönnunar almenningssamgangna á Norðurlandi vestra
Sigurður Ingi Jóhannsson, samgöngu- og sveitarstjórnarráðherra, hefur staðfest tillögur valnefndar um verkefnastyrki sem veittir eru á grundvelli stefnumótandi byggðaáætlunar fyrir árin 2018-2024. Að þessu sinni verður 32,5 milljónum króna úthlutað til ellefu verkefna á sviði almenningssamgangna um land allt fyrir árin 2020 og 2021. Þar á meðal er 2,9 milljón króna styrkur til Samtaka sveitarfélaga á Norðurlandi vestra til að kanna þróun almenningssamgangna innan og/eða milli vinnusóknarsvæða. |
11:18 |
18. sep. 2020 |
Stórlaxaveiði í húnvetnsku ánum
Stórlaxarnir eru að veiðast í húnvetnsku laxveiðiánum þessa dagana. Sporðaköst, veiðivefur mbl.is, skráir sérstaklega og birtir yfirlit yfir veidda laxa sem eru 100 sentímetrar eða lengri. Þar má sjá að síðustu fimm stórlaxarnir sem komið hafa á land síðustu daga koma allir úr húnvetnskum ám, sá stærsti úr Vatnsdalsá 10. september en hann var 108 sentímetrar. Nýjasti stórlaxinn kom úr Miðfjarðará á þriðjudaginn. Ágætur gangur er ennþá í laxveiðinni í Miðfjarðará og skilaði síðasta vikuveiði um 120 löxum. |
15:38 |
17. sep. 2020 |
Hlutfall innflytjenda lægst á Norðurlandi vestra
Um síðustu áramót voru 55.354 innflytjendur á Íslandi eða 15,2% mannfjöldans og fjölgaði þeim um 5.083 milli ára. Innflytjendur af annarri kynslóð fjölgaði einnig á milli ára, þeir voru 5.264 í fyrra en eru nú 5.684. Samanlagt er fyrsta og önnur kynslóð innflytjenda 16,8% af mannfjöldanum og hefur það hlutfall aldrei verið hærra. Þetta kemur fram í tölfræði Hagstofunnar. Lægst er hlutfall innflytjenda á Norðurlandi vestra en þar voru 9,1% mannfjöldans innflytjendur og börn þeirra. |
14:35 |
17. sep. 2020 |
Félagsstarf aldraðra og öryrkja farið af stað á Skagaströnd
Félagsstarf aldraða og öryrkja hófst að nýju á Skagaströnd klukkan 14 í dag. Öryrkjar og allir sem náð hafa 60 ára aldri eru velkomin. Starfsemin fer fram í Fellsborg og verður opin frá klukkan 14-17 mánudaga og fimmtudaga. Gengið er inn að sunnanverðu. Þau sem vilja láta sækja sig geta haft samband við Obbu í síma 861-4683. |
13:05 |
17. sep. 2020 |
Votlendi endurheimt á Gottorp
Á jörðinni Gottorp í Víðidal í Vestur-Húnavatnssýslu standa yfir framkvæmdir við endurheimt votlendis og fara þær fram með stuðningi Votlendissjóðs. Á jörðinni eru skurðir sem áætlað er að séu samtals um 4,5 kílómetrar að lengd. Verið er að fylla upp í hluta skurðanna að fullu með uppgreftri sem að þeim liggja en í öðrum skurðum eru gerðar litlar stíflur með reglulegu millibili. Votlendissjóður hefur áhuga á að koma að fleiri verkefnum á svæðinu. |
09:39 |
17. sep. 2020 |
Bíóbíll RIFF á Hvammstanga í dag
Bíóbíll RIFF verður á Hvammstanga í dag og ekur um bæinn til að kynna sig. Skammstöfunin RIFF stendur fyrir Reykjavik International Film Festival og verður bíllinn á ferðinni um landið dagana 17.-23. september 2020 og er fyrsti áfangastaður Húnaþing vestra. Hægt verður að kíkja inn fyrir og glugga í stuttmyndir sem sýndar verða í bílnum. Bíllinn mun verða staðsettur við Félagsheimilið á Hvammstanga. |
16:11 |
16. sep. 2020 |
Tuttugu listamenn taka þátt í HIP Festival
Tuttugu listamenn koma fram á Alþjóðlegu brúðulistahátíðinni Hvammstangi International Puppet Festival sem haldin verður 9.-11. október næstkomandi. Á henni verða tólf sýningar með listamönnunum sem eru af níu þjóðernum. Handbendi brúðuleikhús hefur veg og vanda af hátíðinni og verða þar tónlistarviðburðir, listasýningar, fyrirlestrar og smiðjur fyrir börn. |
15:46 |
16. sep. 2020 |
Nýr og ferskur Feykir kominn út
Feykir kom út í dag en í blaðinu má finna ýmislegt gagnlegt og gott frá Norðurlandi vestra, auk fastra liða eins og venjulega, afþreyingu í boði hússins í bland við skemmtilega umfjallanir og viðtöl. Í blaðinu er m.a. viðtal við Metta Manseth sem tekið var í tilefni af heimsmeti sem sett var á síðsumarsýningu á Hólum í Hjaltadal dagana 18.-21. ágúst síðastliðinn. |
20:31 |
15. sep. 2020 |
Ráðherra ferðamála-, iðnaðar- og nýsköpunar í heimsókn í Austur-Húnavatnssýslu
Framkvæmdaráð sameiningarnefndar sveitarfélaga í Austur-Húnavatnssýslu bauð Þórdísi Kolbrúnu Reykfjörð Gylfadóttur, ferðamála-, iðnaðar- og nýsköpunarráðherra, til fundar heim í hérað í gær. Til umræðu voru meðal annars áskoranir og tækifæri svæðisins og svo heimsótti ráðherra fyrirtæki og frumkvöðla í sýslunni, t.d. gagnaverið, Vörusmiðju BioPol og Textílmiðstöð Íslands. |
13:56 |
15. sep. 2020 |
Samningur um talmeinaþjónustu
Félags- og skólaþjónusta Austur-Húnavatnssýslu og Trappa ehf. undirrituðu nýverið tveggja ára samning sem hefur það að markmiði að efla talmeinaþjónustu í heimabyggð. Trappa mun nú sjá um greiningar og þjálfun barna í Austur-Húnavatnssýslu en talmeinafræðingar munu koma reglulega til að sinna greiningum og sinna þjálfun í gegnum fjarskiptaforritið Kara Connect að mestu á skólatíma barna. |