|
11:26 |
03. apr. 2021 |
Norðanhríð í kvöld
Gul veðurviðvörun er í gildi á Norðurlandi vestra í dag en spáð er suðvestan stormi fram eftir degi og norðan hríð í kvöld. Hvassviðrið byrjaði í gærkvöldi og nú er suðvestan 5-25 m/s og snarpar vindhviður við fjöll. Í kvöld snýst vindur og er spáð norðan 10-15 m/s með talsverðri snjókommu eða skafrenningi. Búast má við lélegu skyggni og versnandi færð. Veður fer ört kólnandi og líkur eru á mikilli hálku. |
|
11:06 |
03. apr. 2021 |
Átta gefa kost á sér í forvali VG
Átta gefa kost á sér í fimm efstu sætin hjá Vinstrihreyfingunni grænu framboði í Norðvesturkjördæmi fyrir komandi alþingiskosningar en framboðsfrestur er runninn út. Rafrænt forval verður haldið 23.-25. apríl næstkomandi. Kosning hefst á miðnætti 23. apríl og stendur til kl. 17.00 þann 25. apríl. Kosið verður um fimm efstu sæti á listanum, þar af bindandi í efstu þrjú en í samræmi við forvalsreglur VG. |
|
09:34 |
01. apr. 2021 |
Staðnám getur hafist að nýju eftir páska
Staðnám getur hafist að nýju á öllum skólastigum eftir páskafrí með ákveðnum takmörkunum, í samræmi við tillögur sóttvarnalæknis. Heilbrigðisráðherra hefur sett reglugerð um takmörkun á skólastarfi og var hún unnin í samráði við mennta- og menningarmálaráðuneytið. Tekur hún í meginatriðum mið af appelsínugulum lit í litakóða viðvörunarkerfis fyrir skólastarf sem kynnt var fyrr í vetur, nema hvað íþróttir barna á leik- og grunnskólaaldri utan skóla eru óheimilar. Gildistími reglugerðarinnar er frá 1. apríl til og með 15. apríl. |
|
09:12 |
01. apr. 2021 |
Verðhækkun á mjólk og smjöri
Verð á mjólk og smjöri hækkar í dag samkvæmt ákvörðunar verðlagsnefndar búvara. Mjólk hækkar um 3,47% og smjör um 8,47%. Verðhækkunin er til komin vegna kostnaðarhækkana við framleiðslu og vinnslu mjólkur, en síðasta verðbreyting fór fram 1. júní 2020. Frá síðustu verðbreytingu til marsmánaðar 2021 hafa gjaldaliðir í verðlagsgrundvelli kúabús hækkað um 3,77%. Fyrir sama tímabil er reiknuð hækkun vinnslu- og dreifingarkostnaðar afurðastöðva 3,58%. |
|
08:40 |
01. apr. 2021 |
Helgihald í dymbilviku og á páskadegi
Frá Þingeyraklaustursprestakalli
Helgihald í dymbilviku og á páskadegi verður birt á Facebooksíðu Blönduóskirkju. Skírdagskvöld klukkan 20 verður helgistund og tónlistarflutningur.
Elvar Logi Friðriksson og Franzon Wechner flytja tónlist. Sr. Ursula Árnadóttir sér um ritningalestur og hugleiðingar. Föstudaginn langa klukkan 17 verður píslasagan og passíusálmarnir lesnir og á páskadagsmorgun er guðsþjónusta.
|
|
18:45 |
31. mars 2021 |
Umsóknum Blönduósbæjar ítrekað hafnað
Sveitarstjórn Blönduósbæjar lýsir yfir miklum vonbrigðum með að Ferðamálastofa, sem er vörsluaðili Framkvæmdasjóðs ferðamannastaða, hafi nýverið synjað sveitarfélaginu um styrk vegna uppbyggingar ferðamannaaðstöðu við Hrútey. Verkefnið hlaut viðurkenningu og styrk úr sjóðnum árið 2018 vegna umsóknar 2017 og nam hann 32 milljónum króna. Síðan þá hefur öllum umsóknum um styrki verið hafnað. Sveitarfélagið ætlar að óska eftir rökstuðningi frá Ferðamálastofu fyrir ítrekuðum synjunum umsókna til verkefnisins. |
|
18:19 |
31. mars 2021 |
Sumarstörf við Blöndustöð
Landsvirkjun auglýsir skemmtileg sumarstörf fyrir ungt fólk, 16-20 ára, í Blöndustöð í sumar. Verkefnin eru fjölbreytt; landgræðsla og almenn fegrun umhverfis, málningarvinna, þrif og ýmis önnur samfélagsverkefni. Boðið er upp á ferðir frá Blönduósi fram og til baka á vinnusvæðið við Blöndustöð.
Umsóknarfrestur er til og með 15.apríl. |
|
18:11 |
31. mars 2021 |
Sumarstörf í Heimilisiðnaðarsafninu
Til boða eru tvö störf í Heimilisiðnaðarsafninu við safnvörslu í sumar þ.e. í júní, júlí og ágúst. Lágmarks aldur er 18 ár en starfið fellst í að taka á móti safngestum og leiðsegja um safnið. Einnig að sinna daglegum þrifum í safnhúsinu og nánasta umhverfi s.s. að halda stéttum snyrtilegum. Safnið er þátttakandi í verkefni Ferðamálastofu "Hreint og öruggt/Clean and Safe" en með þátttökunni sýnir safnið að það er tilbúið að taka á móti viðskiptavinum á ábyrgan og öruggan hátt. |
|
14:12 |
31. mars 2021 |
Glæsileg baðlón rísa á Skagaströnd
Síðastliðið ár hefur verið unnið að uppbyggingu glæsilegra baðlóna við Hólanes á Skagaströnd. Áætlað er að heildarfjárfesting við byggingu geti numið um hálfum milljarði króna og að verktími verði um tvö ár. Búið er að tryggja fjármögnun verkefnis að hluta og áætlað að henni ljúki á næstu mánuðum, að því er segir á vef Skagastrandar. |
|
10:31 |
31. mars 2021 |
Fyrsta sjónvarpsþáttasería fyrir börn tekin upp og framleidd á Akureyri
Upptökur á glænýrri íslenskri sjónvarpsþáttaröð fyrir börn hófust í síðustu viku hjá N4 á Akureyri og er það í fyrsta sinn sem vitað er að slíkt sjónvarpsefni sé að fullu unnið utan Höfuðborgarsvæðisins. Þættirnir eru gerðir í samstarfi við fræðslusvið þjóðkirkjunnar sem sr. Hildur Björk Hörpudóttir stýrir, og nefnast Himinlifandi. |
|
09:08 |
31. mars 2021 |
Aðalfundur Hollvinasamtaka HSN á Blönduósi
Aðalfundur Hollvinasamtaka Heilbrigðisstofnunarinnar á Blönduósi verður haldinn í fundarsal stofnunarinnar, annari hæð, miðvikudaginn 7. apríl klukkan 18:00. Á dagskrá eru venjuleg aðalfundarstörf. Munum grímurnar. |
|
17:40 |
30. mars 2021 |
103. ársþing Ungmennasambands Austur-Húnvetninga
103. ársþing USAH var haldið 24. mars sl. á Húnavöllum. Ársþingið var ársþing tveggja ára en ekki tókst að halda það á síðasta ári sökum ástandsins í landinu þ.e. Covid-19. Litlu munaði að ekkert yrði af þinginu þennan veturinn eða því yrði frestar en hertar samkomutakmarkanir tóku gildi daginn eftir þingið og því hefði þurft að fresta því enn eina ferðina eða halda það á netinu. |
|
11:40 |
30. mars 2021 |
Fundað með þingflokkum í apríl
Oddvitar sveitarstjórna í Austur-Húnavatnssýslu munu eiga fjarfundi með þingflokkum á Alþingi í apríl. Markmið fundanna er tvíþætt, að því er segir á vefnum Húnvetningur: Annars vegar að kynna verkefnið Húnvetningur fyrir þingmönnum og svara spurningum þeirra, en það fjallar um sameiningu sveitarfélaganna fjögurra. Meginmarkmiðið er hins vegar að kynna áherslur og helstu hagsmunamál Húnvetninga. |
|
10:29 |
30. mars 2021 |
Leikfimi eldri borgara
Frá Félagi eldri borgara í Húnaþingi
Leikfimi eldri borgara, í salnum á Þverbraut 1 á Blönduósi, verður áfram á miðvikudögum og hefst klukkan 11. Ingunn María sjúkraþjálfari aðstoðar eins og áður.
Sjáumst hress. |
|
11:49 |
29. mars 2021 |
Blönduósbær auglýsir sumarstörf
Blönduósbær auglýsir á heimasíðu sinni sumarstörf 2021. Auglýst er eftir flokksstjórum við vinnuskólann, starfsmann til að sjá um sumarnámskeið barna og starfsfólks til að sinna hreinsun, umhirðu og fegrun bæjarins. Umsóknarfrestur fyrir öll störfin er til og með 9. apríl næstkomandi. |
Til baka
Loka
Prenta
