|
09:35 |
06. okt. 2021 |
Opnað fyrir umsóknir í uppbyggingarsjóð
Opnað hefur verið fyrir umsóknir í Uppbyggingarsjóð Norðurlands vestra. Á vef Samtaka sveitarfélaga á Norðurlandi vestra kemur fram að umsóknarfrestur er til klukkan 16 föstudaginn 12. nóvember næstkomandi. Sótt er um rafrænt á Sóknaráætlun Norðurlands vestra. Umsækjendur skrá sig inn með íslykli eða rafrænum skilríkjum. |
|
09:32 |
06. okt. 2021 |
Tíunda hvert barn á landsbyggðinni með offitu
Í fréttaskýringaþættinum Kveik í Ríkissjónvarpinu í gær var fjallað um offitu barna. Þar kom fram að á sumum svæðum á landsbyggðinni er offita barna tvöfalt algengari en á höfuðborgarsvæðinu. Á höfuðborgarsvæðinu er tæplega fjórðungur yfir kjörþyngd, þar af um 5,5 prósent með offitu. Utan höfuðborgarsvæðis er hlutfall barna yfir kjörþyngd að nálgast þriðjung og offita er á sumum svæðum tvöfalt algengari en á höfuðborgarsvæðinu. |
|
17:06 |
05. okt. 2021 |
Tjón varð á bryggjunni á Blönduósi í óveðrinu í síðustu viku
Það fór sennilega ekki framhjá neinum að ansi leiðinlegt veður var á norðanverðu landinu í síðustu viku og urðu ýmsir fyrir skakkaföllum, þó aðallega inn til sveita þar sem nokkur fjöldi fjár draps vegna ofankomunnar sem fylgdi þessu veðri. Þá varð einnig nokkurt tjón á bryggjunni á Blönduósi eins og myndirnar sýna en sjaldan hefur sjórinn gengið eins mikið yfir varnargarðinn norðan við bryggjuna eins og í síðustu viku. |
|
15:34 |
05. okt. 2021 |
Breyttur afgreiðslutími á Heilsugæslunni á Blönduósi
Tilkynning frá HSN
Frá og með 15. október 2021 lokar afgreiðsla heilsugæslunnar á Blönduósi kl. 12:00 á föstudögum. Þetta er gert vegna skipulagsbreytinga. Eins og áður er hringt í síma 1700 til að ná í vaktlækni utan opnunartíma. |
|
14:15 |
05. okt. 2021 |
Fyrsti hverfill Blönduvirkjunar ræstur þennan dag fyrir 30 árum
Þennan dag fyrir 30 árum síðan ræsti Jóhannes Nordal fyrsta hverfilinn í Blönduvirkjun. Fréttablaðið minnist þessa atburðar í blaðinu í dag og rifjar upp að virkjunin er fyrsta stórvirkjun Íslendinga sem er að öllu leyti íslensk hönnun. Framkvæmdir við virkjunina hófust árið 1984 og var miðað við að þeim yrði lokið árið 1988. Virkjunarkostnaðurinn varð í heild 672 milljónir króna en hann var upphaflega áætlaður 540 milljónir króna. |
|
14:07 |
05. okt. 2021 |
COVID-19 takmarkanir innanlands framlengdar til 20. október
Heilbrigðisráðherra hefur fallist á tillögu sóttvarnalæknis um að framlengja gildandi sóttvarnaráðstafanir innanlands vegna faraldurs Covid-19 til 20. október næstkomandi. Í minnisblaði sóttvarnalæknis til heilbrigðisráðherra er þróun faraldursins rakin frá því að öllum opinberum sóttvarnaaðgerðum hér á landi var aflétt 26. júní síðastliðinn og slakað á sýnatökum hjá farþegum á landamærunum. |
|
13:33 |
05. okt. 2021 |
Oftast strikað yfir Harald í Norðvesturkjördæmi
Samkvæmt skýrslu yfirkjörstjórnar Norðvesturkjördæmis var oftast strikað yfir Harald Benediktsson, þingmann Sjálfstæðisflokksins í nýliðnum alþingiskosningum, eða 69 sinnum. Næstflestar útstrikanir fékk Stefán Vagn Stefánsson Framsóknarflokki, 63 og 46 strikuðu út Þórdísi Kolbrúnu R. Gylfadóttur Sjálfstæðisflokki. |
|
07:51 |
05. okt. 2021 |
Bleika slaufan komin í sölu
Bleikur október er runninn upp og þar með er hafin sala á bleiku slaufunni. Bleika slaufan er árlegt átaksverkefni Krabbameinsfélagsins tileinkað baráttunni gegn krabbameinum hjá konum. Í ár leggur Krabbameinsfélagið áherslu á slagorðið „verum til" og mikilvægi þess að vera til staðar fyrir þær konur sem greinast með krabbamein, þegar tilveran breytist snögglega og við tekur tími sem getur reynst afar erfiður. |
|
16:15 |
04. okt. 2021 |
Skagaströnd gefur út húsnæðisáætlun
Sveitarfélagið Skagaströnd hefur unnið húsnæðisáætlun fyrir árin 2021-2024. Hlutverk húsnæðisáætlana sveitarfélaga er að draga fram mynd af því hver staða húsnæðismála er í hverju sveitarfélagi fyrir sig, greina framboð og eftirspurn eftir margvíslegum húsnæðisformum og setja fram áætlun um hvernig sveitarfélagið ætlar að mæta húsnæðisþörf heimila, bæði til skemmri og lengri tíma, að því er segir á vef Skagastrandar. |
|
15:57 |
04. okt. 2021 |
Niðurstöður skoðanakönnunar hjá Skagabyggð og Sveitarfélaginu Skagaströnd
Sveitarfélögin Skagabyggð og Skagaströnd ákváðu að framkvæma skoðanakönnun til að kanna hug íbúa til þess að taka upp formlegar viðræður um sameiningu sveitarfélaganna.
Gagnaöflun fór fram dagana 22. til og með 30. september síðasatliðinn og var könnun framkvæmd sem símakönnun.
Úrtakið samanstóð af Íslendingum 18 ára og eldri búsettir í Sveitarfélaginu Skagaströnd og Skagabyggð. |
|
15:24 |
04. okt. 2021 |
Vefurinn List fyrir alla
Á vefnum List fyrir alla má nálgast yfirlit yfir öll menningarhús, sýningar, söfn og setur sem miðla list og menningu til barna og ungmenna. Á vefnum er að finna ítarlegar upplýsingar um barnamenningu og listviðburði fyrir ungt fólk sem gagnast bæði skólum og fjölskyldum.
List fyrir alla er verkefni á vegum mennta- og menningarmálaráðuneytisins sem hefur verið starfrækt síðastliðin fimm ár. |
|
14:04 |
04. okt. 2021 |
Fæstir nýttu ferðagjöfina á Vestfjörðum og Norðurlandi vestra
Ferðagjöf stjórnvalda árið 2021 rann út um síðustu mánaðamót. Á Mælaborði ferðaþjónustunnar er hægt að sjá hversu margir Íslendingar notuðu sína 5.000 króna ferðagjöf. Alls voru um 232 þúsund ferðagjafir sóttar, 219 þúsund notaðar og 195 þúsund fullnýttar. Flestir notuðu gjöfina á höfuðborgarsvæðinu eða fyrir um 548 milljónir króna. Rúmlega 226 milljónir voru notaðar hjá landsdekkandi fyrirtækjum. Á Norðurlandi vestra var ferðagjöfin nýtt fyrir rúmlega 14 milljón króna sem gerir um 1,3% af heildinni. |
|
11:30 |
04. okt. 2021 |
Námskeið í Kvennaskólanum
Miðvikudaginn 6. október klukkan 17:00 - 19:00 er námskeið í boði á vegum Ós Textíllistamiðstöðvarinnar í Kvennaskólanum á Blönduósi fyrir börn og fullorðna. Austé Jurgelionyte-Varné er listamaður frá Litháen og styrkhafi okkar í Nordic-Baltic verkefninu. Hún mun sýna nokkrar aðferðir við að prenta jurtir á ýmis konar efni s.s. margnota poka, lampa og koddaver. Ef veður leyfir munum við kíkja út í náttúruna og tína plöntur. |
|
11:17 |
04. okt. 2021 |
Hefur þú áhuga á að virkja lækinn þinn?
Samtök sveitarfélaga á Norðurlandi vestra auglýsa eftir umsóknum í Smávirkjanasjóð SSNV sem stofnaður var árið 2018. Tilgangur hans er að styrkja fyrstu skrefin í rannsóknum á mögulegum rennslisvirkjunum á Norðurlandi vestra sem eru undir 10 MW að stærð. Sjóðurinn veitir styrki til annars vegar: Skref 1: Frummat smávirkjana og hins vegar: Skref 2: Mat á virkjanlegu rennsli, frummat hönnunar og byggingarkostnaðar. |
|
17:35 |
03. okt. 2021 |
Samvinna um læsi
Tilkynning frá Blönduskóla
Fyrirlestur um læsi, lestrarnám og lestrarþjálfun barna verður haldinn þriðjudaginn 5.október í matsal Blönduskóla kl. 16:30. Fyrirlesari er Magdalena Berglind Björnsdóttir kennari og áhugamaður um læsi og lestrarnám. |
Til baka
Loka
Prenta
