Fyrri mynd
Nsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Hnahornið
Open Menu Close Menu
Hnahornið
Föstudagur, 1. mars 2024
   m/s
C
CW
huni.is - RSS-efnisveita
 
Mars 2024
SMÞMFL
252627282912
3456789
10111213141516
17181920212223
24252627282930
31123456
FyrriNúnaNæsti
Veðurstofa Íslands Vegagerðin
Holtavörðuh. 04:37 0 0°C
Laxárdalsh. 04:37 0 0°C
Vatnsskarð 04:37 0 0°C
Þverárfjall 04:37 0 0°C
Kjalarnes 04:37 0 0°C
Hafnarfjall 04:37 0 0°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
18. ágúst 2023
Okur, íslenska og illgresi
Já komið þið sæl og blessuð. Nöldri er ekki dauður úr öllum æðum þó langt sé um liðið frá síðasta nöldurpistli. Af nógu er að taka í nöldrinu en ég ætla þó aðeins að nefna nokkur atriði að þessu sinni. Fyrst ætla ég að byrja á verðlaginu í Kjörbúðinni okkar hér á Blönduósi.
::Lesa
Leita í netfangaskrá
 
69. þáttur. Eftir Jón Torfason
25. febrúar 2024
Eftir Inga Heiðmar Jónsson
25. febrúar 2024
Eftir Sigurbjörn Þorkelsson
25. febrúar 2024
Eftir Sigurbjörn Þorkelsson
19. febrúar 2024
Frá Leikfélagi Dalvíkurbyggðar
16. febrúar 2024
68. þáttur. Eftir Jón Torfason
11. febrúar 2024
Eftir Inga Heiðmar Jónsson
11. febrúar 2024
Eftir Inga Heiðmar Jónsson
08. febrúar 2024

Senda Húnahorninu fréttaskot

N 65 39' 32.04" V 20 16' 55.2"
 Frá:   Til: 
Orðaleit:
 Birta   línur
Fyrri 1-15 16-30 af 41 Næstu 31-41
KlukkanDagsetningFrétt
14:42 30. jan. 2024   Ljóslistahátíðin á Skagaströnd tókst vel
Í Morgunblaðinu í dag er sagt frá því að Ljóslistahátíðin „LightUP! 2024“ á Skagaströnd hafi tekist vel en hún fór fram um síðustu helgi. Tíu listamenn úr listamiðstöðinni Nesi settu upp mismunandi ljóslistaverk hér og þar um bæinn en þeir koma víðs vegar að úr heiminum. Í frétt Moggans segir að verkin hafi verið afar ólík en mjög falleg öllsömul og að þau hafi notið sín vel í suðvestanþræsingnum sem var þessa daga.
14:33 30. jan. 2024   Meðalhiti ársins á Blönduósi lækkar milli ára
Meðalhiti ársins á Blönduósi í fyrra var 3,21 stig og er hann í 0,7 stigum undir meðallagi síðustu tíu ára og 0,28 stigum lægri en árið 2022. Á landsvísu var hitinn 0,1 stigi undir meðallagi áranna 1991 til 2020, en 0,4 stigum undir meðallagi síðustu tíu ára. Hæsti hiti ársins mældist 27,9 stig á Egilsstaðaflugvelli þann 17. júní. Mest frost ársins mældist -26,2 stig við Veiðivatnahraun þann 22. desember. Mest frost í byggð mældist -25,7 stig við Mývatn þann 12. mars. Þetta eru upplýsingar sem finna má á vef Veðurstofunnar um tíðarfar ársins 2023.
11:29 30. jan. 2024   Hreppaþorrablótið verður 10. febrúar
Tilkynning frá stjórn
Hreppablótið verður haldið í Félagsheimilinu á Blönduósi þann 10. febrúar og mun húsið opna kl. 19:30 og borðhald hefst kl. 20:30. Hljómsveitin Steinliggur mun spila á ballinu.
19:58 29. jan. 2024   Skjóða 610 á Hnjúki í Vatnsdal mjólkaði mest
Samkvæmt ársuppgjöri skýrsluhalds nautgriparæktarinnar fyrir árið 2023, sem lesa má á vef Ráðgjafarmiðstöðvar landbúnaðarins var kýrin Skjóða 610 nythæsta kýr landsins í fyrra. Skjóða er á búi Drifkrafts ehf. á Hnjúki í Vatnsdal og mjólkaði hún 14.762 kg með 3,46% fitu og 3,62% próteini. Þetta mun vera mestu afurðir sem mælst hafa úr íslenskri kú hér á landi á einu almanaksári frá upphafi.
16:07 27. jan. 2024   Karólína Elísabetardóttir er maður ársins 2023 í Austur-Húnavatnssýslu
Lesendur Húnahornsins hafa valið Karólínu Elísabetardóttir sem mann ársins í Austur-Húnavatnssýslu árið 2023. Þetta er í annað sinn sem Karólína hlýtur þessa nafnbót því lesendur Húnahornsins völdu hana einnig mann ársins 2021. Karolína er athafnakona og bóndi í Hvammshlíð í Skagabyggð. Undir forystu hennar var hafin leit að erlendum rannsóknum sem sýna fram á lausnir gegn riðuveiki. Í kjölfarið var rannsóknarhópur stofnaður sem fann svo verndandi arfgen gegn riðu.
13:40 26. jan. 2024   Byggðasafnið fær 5,5 milljónir úr safnasjóði
Menningar- og viðskiptaráðherra úthlutaði á þriðjudaginn úr aðalúthlutun safnasjóðs 2024 samtals 176,3 milljónum króna. Alls bárust 150 umsóknir í aðalúthlutun sjóðsins frá 49 aðilum að heildarupphæð rúmar 312 milljónir. Veittir voru 107 styrkir til eins árs að heildarupphæð 166,3 milljónum til 46 styrkþega og tvær öndvegisumsóknir fengu auk þess styrk. Byggðasafn Húnvetninga og Strandamanna er á meðal styrkþega og fékk úthlutað samtals 5,5 milljónum.
13:23 26. jan. 2024   Kanntu sögu að segja úr Skagabyggð?
Skagabyggð lýsir eftir ábendingum um aðila sem gætu kunnað sögur eða sagnir sem gaman væri að varðveita og miðla. Er það gert í tengslum við verkefnið „Söguferðaþjónusta í Skagabyggð,“ en sveitarfélagið fékk nýverið úthlutað styrk úr Uppbyggingarsjóði Norðurlands vestra til verkefnisins. Til stendur að fá einstaklinga í eða frá Skagabyggð til þess að segja skemmtilegar og/eða áhugaverðar gamlar sögur og taka þær upp í mynd.
13:13 26. jan. 2024   Lýst eftir tilnefningum um handhafa Landstólpans 2024
Byggðastofnun lýsir eftir tilnefningum um handhafa Landstólpans 2024. Landstólpinn er samfélagsviðurkenning Byggðastofnunar sem veitt er árlega.Um er að ræða hvatningarverlaun til einstaklinga, fyrirtækja, hópa eða verkefna sem vakið hafa athygli á byggðamálum, styrkt samfélög í landsbyggðunum eða stuðlað að framgangi málefna landsbyggðanna, ýmist í heild eða innan tiltekins byggðarlags, s.s. innan nýsköpunar, byggðaþróunar, atvinnuþróunar, sjálfbærni eða menningar. Dómnefnd velur úr þeim tillögum sem berast.
12:31 25. jan. 2024   Leikfélag Blönduóss heldur opinn fund
Leikfélag Blönduóss heldur opinn fund þriðjudaginn 30. janúar næstkomandi klukkan 19:30 í Félagsheimilinu á Blönduósi. Framundan er leikræn menningarröð, upplestrar- og skemmtikvöld, námskeið, hæfileikakeppni og 80 ára afmæli leikfélagsins. Nýir félagar eru hjartanlega velkomnir. „Spennandi tímar framundan og verkefni sem henta öllum,“ segir í auglýsingu frá Leikfélagi Blönduóss.
16:45 24. jan. 2024   Handbendi Brúðuleikhús fær styrk úr sviðslistasjóði og launasjóði sviðslistafólks
Handbendi Brúðuleikhús ehf. hefur fengið 7,5 milljón króna styrk úr sviðslistasjóði 2024 fyrir verkefnið Með vindinum liggur leiðin heim. Um er að ræða leikgerð upp úr samnefndri bók eftir Auði Þórhallsdóttur og verður verkið sýnt á Hvammstanga en síðar farið í sýningarferð. Alls bárust 108 umsóknir og sótt var um ríflega 1,3 milljarða króna í sviðslistasjóð og launasjóð sviðslistafólks.
16:14 24. jan. 2024   Sunnan stormur og rigning
Veðurstofa Íslands hefur gefið út gular veðurviðvaranir fyrir flesta landshluta á morgun, þar á meðal Norðurland vestra. Kröpp lægð er á leiðinni til landsins og gæti hún verið varasöm. Lægðin kemur að suðvestanverðu landinu í nótt og gengur nokkuð hratt yfir á morgun. Fyrir Norðurland vestra er gul viðvörun í gangi milli klukkan 06 og 11 á morgun en gert er ráð fyrir sunnan 18-25 m/s og vindhviðum yfir 35 m/s. Hiti allt að 5 stigum og rigning. Fólk er hvatt til að ganga frá lausamunum og er varað við að ferðast.
10:52 23. jan. 2024   Garðfuglatalning um helgina
Árlega fitjar Fuglavernd upp á talningu garðfugla yfir eina helgi. Venjulega er um að ræða síðustu helgina í janúar. Að þessu sinni verður Garðfuglahelgin 26.-29. janúar. Í tilkynningu frá Fuglavernd segir að gott sé að hefja undirbúning talningar nokkrum dögum áður með því að hefja daglegar fóðurgjafir til að lokka að fugla. Framkvæmd athugunarinnar er einföld. Það eina sem þátttakandi þarf að gera er að fylgjast með garði í einn klukkutíma yfir tiltekna helgi.
15:41 19. jan. 2024   Styrkjum úthlutað úr Uppbyggingarsjóði Norðurlands vestra fyrir árið 2024
Sjötíu og þrjár umsóknir í Uppbyggingarsjóð Norðurlands vestra hlutu styrk úr sjóðnum fyrir samtals 79 milljónir króna en tilkynnt er um úthlutunina á vef Samtaka sveitarfélaga á Norðurlandi vestra. Sjóðurinn auglýsti í september síðastliðnum eftir umsóknum og bárust 103 umsóknir þar sem óskað var eftir 221 milljón króna í styrki. Á sviði atvinnuþróunar og nýsköpunar fékk 21 umsókn styrk fyrir samtals 40 milljónir og á sviði menningar fengu 52 umsóknir styrk fyrir samtals 38,5 milljónir. Stærstu styrkina fengu Skógarplöntur ehf. og Foodsmart Nordic ehf.
13:31 19. jan. 2024   Eigendur Hótels Laugarbakka taka að sér rekstur Hótels Blönduóss
Frá haustinu 2022 hefur InfoCapital ehf., fjárfestingafélag í eigu Reynis Grétarssonar og viðskiptafélaga, staðið að uppbyggingu í gamla bænum á Blönduósi. Þungamiðjan í þeim framkvæmdum var að gera gagngerar endurbætur á Hótel Blönduósi, auk þess sem gamla bakaríinu, Krúttinu, var breytt í veislusal. Aðrir hlutar verkefnisins eru meðal annars Pétursborg, næst elsta hús Blönduóss, sem verður með fimm lúxusíbúðum sem verða hluti af rekstri hótelsins. Fjárfesting InfoCapital nemur um 600 milljónum króna.
10:45 19. jan. 2024   Fjölmennur íbúafundur um byggingu íbúða fyrir íbúa 60 ára og eldri
Í gær var haldinn íbúafundur varðandi mögulega byggingu íbúða fyrir íbúa 60 ára og eldri við Flúðabakka á Blönduósi. Góð mæting var á fundinum en um 60 manns komu og hlýddu á þau Sigurð Ágústsson, Hermann Arason og Helgu Vilmundardóttur, sem eru í forsvari fyrir verkefninu, segja frá fyrirhuguðum áformum þeirra.
Fyrri 1-15 1 2 3 Næstu 31-41
 
Prenta Prenta  
 
Til baka
 

©2024 Húnahornið