|
10:45 |
10. maí 2020 |
Nýtt raðhús á Blönduósi
Byggingu á fimm íbúða raðhúsi er nú að ljúka við Smárabraut 19-27 á Blönduósi. Íbúðirnar eru með tveimur eða þremur svefnherbergjum og er þeim skilað fullbúnum með innréttingum og helstu tækjum í eldhúsi og á baði. Viðarparket og flísar eru á gólfum og upphitun er með gólfhita. Íbúðirnar eru tilbúnar til afhendingar. |
|
10:18 |
10. maí 2020 |
Aðalfundur Júdófélagsins Pardus
Tilkynning frá stjórn
Aðalfundur Júdófélagsins Pardus verður haldinn í Harmonikkusalnum að Þverbraut 1 á Blönduósi þann 18. maí næstkomandi klukkan 18:00 næstkomandi. Venjuleg aðalfundarstörf, allir velkomnir en virðum reglur Víðis. |
|
12:27 |
08. maí 2020 |
Barnabær auglýsir eftir starfsfólki
Leikskólinn Barnabær á Blönduósi auglýsir eftir deildarstjórum í 100% stöður og 50% stöðu sérkennslustjóra frá og með 6. ágúst næstkomandi. Barnabær er fjögurra deilda leikskóli með 64 nemendum og eru börnin frá 8 mánaða til 6 ára aldurs. Deildirnar eru aldursskiptar og er elsti hópurinn staðsettur í öðru húsnæði. |
|
18:17 |
07. maí 2020 |
Sumarstörf hjá Húnaþingi vestra
Húnaþing vestra auglýsir á vef sínum sumarstörf við ýmis útiverkefni í sumar. Vinnan felst aðallega í því að vinna með sláttuvélar og vélarorf á opnum svæðum og stofnanalóðum sveitarfélagsins. Þá er einnig unnið við almenn garðyrkjustörf og önnur umhverfistengd verkefni. Vinnutímabil er frá byrjun júní og fram í ágúst, eða eftir samkomulagi. Vinnutími er frá klukkan 8:15-16:15 alla virka daga. Á föstudögum er unnið til hádegis. Krafist er stundvísi, ástundunar og reglusemi. |
|
18:05 |
07. maí 2020 |
Áfram þarf að bóka tíma í blóðprufur
Tilkynning frá HSN
Heilsugæslustöðvarnar á Blönduósi og Skagaströnd benda á að áfram þarf að bóka tíma í blóðprufur, sími 455-4100. |
|
18:00 |
07. maí 2020 |
Námsmaraþon 10. bekkjar Blönduskóla
Föstudaginn 8. maí til laugardagsins 9. maí ætla nemendur 10. bekkjar Blönduskóla að vera í skólanum og læra í 24 klukkustundir í námsmaraþoni. Námsmaraþonið er hluti af fjáröflun bekkjarins vegna vorferðar sem áætluð er í lok maí. |
|
13:13 |
07. maí 2020 |
Norðvesturkjördæmi er öflugasta sauðfjárræktarsvæðið
Sauðfé hefur ekki verið færra á Íslandi en nú í 40 ár samkvæmt hagtölum landbúnaðarins sem unnar eru úr haustskýrslum. Bændablaðið fjallar ítarlega um málið í dag og þar kemur fram að ef sauðfjárhald er skoðað eftir landshlutum þá er það öflugast í Norðvesturumdæmi (þar með taldir Vestfirðir), eða 112.085 vetrarfóðraðar kindur. |
|
11:57 |
07. maí 2020 |
Byggðagleraugun þurfa að vera uppi
Þegar stórar ákvarðanir eru teknar varðandi stuðning við efnahagslífið er mikilvægt að taka tillit til byggðasjónarmiða, segir Aðalsteinn Þorsteinsson, forstjóri Byggðastofnunar í þættinum Landsbyggðunum sem sýndur verður á N4 í kvöld klukkan 20:30. Í þættinum ræðir hann um byggðamál og segir m.a. að skilningurinn á þeim og byggðasjónarmiðum hafi aukist stórlega á undanförnum árum. |
|
16:01 |
06. maí 2020 |
Útibú Arion banka á Blönduósi opnar á ný
Útibú Arion banka á Blönduósi opnar á ný þriðjudaginn 12. maí eftir lokun síðustu vikna vegna kórónuveirufaraldursins. Framvegis verður opið á þriðjudögum og miðvikudögum frá klukkan 12:30-15:00. Viðskiptavinir eru hvattir til þess að nýta áfram stafrænar þjónustuleiðir bankans. Í tilkynningu er bent á að hægt er að framkvæma nánast alla bankaþjónustu í Arion appinu eða Netbanka Arion banka. |
|
15:51 |
06. maí 2020 |
Götur sópaðar í Húnaþingi vestra
Í næstu viku verða gangstéttir og plön í Húnaþingi vestra smúluð og í framhaldinu verða götur sópaðar. Þeir sem hafa hug á að sópa/smúla úr steyptum innkeyrslum er hvattir til að gera það áður en sópurinn mætir á svæðið, segir í tilkynningu á vef Húnaþings vestra. Áætlað er að sópurinn byrji 18. maí næstkomandi. |
|
13:17 |
06. maí 2020 |
Nýr og ferskur Feykir kominn út
Feykir kom út í dag en í blaðinu má finna ýmislegt gagnlegt og gott frá Norðurlandi vestra. Til að mynda er viðtal við Sigurð Guðjónsson, gjarnan kenndur við Sjávarborg í Skagafirði, en hann lét af störfum eftir 43 ára starf hjá KS og tengdum fyrirtækjum nú um mánaðamótin. Merkilegt þykir að þrír ættliðir náðu að vinna saman á Vélaverkstæðinu en þeir feðgar Þorgeir sonur Sigga og Jóhann Þór sonarsonur unnu með honum sl. ár. |
|
10:01 |
06. maí 2020 |
Til félagsmanna í Félagi eldri borgara í Húnaþingi
Frá stjórn og ferðanefnd FEBH
Vegna aðstæðna í þjóðfélaginu sem öllum eru kunnar, hafa stjórn og ferðanefnd Félags eldri borgara í Húnaþingi, ákveðið að fresta fyrirhugaðri ferð um Snæfellsnes um eitt ár. Ferðin verði þá farin sumarið 2021 og nánar auglýst síðar. |
|
10:10 |
05. maí 2020 |
Sumarstörf fyrir háskólanema hjá BioPol á Skagaströnd, sumarið 2020
Frá Biopol
BioPol ehf., Sjávarlíftæknisetur á Skagaströnd, óskar eftir að ráða tvo háskólanema (í grunn- eða meistaranámi í raunvísindum) til að smíða umhverfismæla fyrir sjávarrannsóknir. Verkefnið verður unnið eftir fyrirmynd OpenCDT með ákveðnum breytingum sem umsækjendur munu þurfa að hanna sjálfir. Mikilvægt er að umsækjendur geti forritað. Starfsstöð umsækjenda verður á Skagaströnd. Verkefnið er styrkt af Nýsköpunarsjóði Stúdenta. |
|
09:09 |
05. maí 2020 |
Atvinnu- og nýsköpunarsjóður Húnaþings vestra auglýsir eftir umsóknum
Á vef Húnaþings vestra er auglýst eftir umsóknum um úthlutun styrkja úr atvinnu- og nýsköpunarsjóði sveitarfélagsins. Umsóknarfrestur rennur út 29. maí næstkomandi. Markmið sjóðsins er að hverja til jákvæðrar umræðu og verkefna á sviði atvinnuþróunar í Húnaþingi vestra. Sjóðnum er einnig ætlað að styðja við frumkvæði íbúa og hvetja til samstarfs og nýsköpunar í sveitarfélaginu. |
|
10:39 |
04. maí 2020 |
Skólastarfið gengið vel í Blönduskóla
Á fundi fræðslunefndar Blönduósbæjar nýverið var komið á framfæri þakklæti og hrósi til starfsmanna grunn- og leikskóla fyrir óeigingjarnt starf við erfiðar aðstæður á undanförnum vikum eða frá því að samkomubann var sett á 16. mars síðastliðinn. Í fundargerð segir að það sé aðdáunarvert hvað tekist hafi að halda úti miklu og góðu skólastarfi í sveitarfélaginu á tímum samkomubanns. Þórhalla Guðbjartsdóttir er skólastjóri Blönduskóla og segir hún að frá 17. mars síðastliðnum hafi kennsla farið fram í öllum bekkjum alla virka daga. |
Til baka
Loka
Prenta
