Fyrri mynd
Næsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Húnahornið
Open Menu Close Menu
Húnahornið
Föstudagur, 29. mars 2024
   m/s
C
CW
huni.is - RSS-efnisveita
 
Mars 2024
SMÞMFL
252627282912
3456789
10111213141516
17181920212223
24252627282930
31123456
FyrriNúnaNæsti
Veðurstofa Íslands Vegagerðin
Holtavörðuh. 15:16 0 0°C
Laxárdalsh. 15:16 0 0°C
Vatnsskarð 15:16 0 0°C
Þverárfjall 15:16 0 0°C
Kjalarnes 15:16 0 0°C
Hafnarfjall 15:16 0 0°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
18. ágúst 2023
Okur, íslenska og illgresi
Já komið þið sæl og blessuð. Nöldri er ekki dauður úr öllum æðum þó langt sé um liðið frá síðasta nöldurpistli. Af nógu er að taka í nöldrinu en ég ætla þó aðeins að nefna nokkur atriði að þessu sinni. Fyrst ætla ég að byrja á verðlaginu í Kjörbúðinni okkar hér á Blönduósi.
::Lesa
Leita í netfangaskrá
 
Eftir Inga Heiðmar Jónsson
27. mars 2024
71. þáttur. Eftir Jón Torfason
24. mars 2024
Eftir Inga Heiðmar Jónsson
22. mars 2024
Eftir Bjarna Jónsson
17. mars 2024
Eftir Inga Heiðmar Jónsson
15. mars 2024
Eftir Bjarna Jónsson
11. mars 2024

Senda Húnahorninu fréttaskot

N 65° 39' 32.04" V 20° 16' 55.2"
 Frá:   Til: 
Orðaleit:
 Birta   línur
Fyrri 16-30 31-45 af 92 Næstu 46-60
KlukkanDagsetningFrétt
10:56 01. jan. 2021   Fyrsta barn ársins er Húnvetningur
Fyrsta barn ársins fæddist á fæðingardeild Landspítalans tuttugu og fjórar mínútur yfir miðnætt og var það stúlka, 52 sentímetra löng og vó 3.770 grömm. Fjölskylda stúlkunnar er frá Hvammstanga og heilsast mæðgunum vel samkvæmt upplýsingum frá fæðingardeild. Tvö önnur börn fæddust til viðbótar á Landspítalanum í nótt.
00:57 01. jan. 2021   Gleðilegt nýtt ár og takk fyrir það gamla
Nýárskveðja frá Húnahorninu
Húnahornið óskar Húnvetningum og landsmönnum öllum farsældar á nýju ári 2021 og þakkar fyrir góð samskipti og samfylgdina á árinu 2020. Megi nýja árið reynast öllum Húnvetningum gæfuríkt og gott.
07:22 31. des. 2020   Óhefðbundin áramót framundan
Áramótabrennur og flugeldar eru í hugum margra órjúfanlegur hluti áramótanna. Á þessu sérkennilega ári sem nú er að líða eru brennur bannaðar enda óheimilt að vera með viðburði sem stuðla að hópamyndun. Þar með er rofin aldagömul hefð en brennur hafa tíðkast hér á landi í um 230 ár. Flugeldar eru ekki bannaðir en flugeldasala er mikilvægasta einstaka fjáröflun flestra björgunarsveita landsins. Í sumum tilfellum stendur hún undir nær öllum rekstri einstakra sveita.
22:08 30. des. 2020   Ostaframleiðsla hefst senn í Hvammshlíð
Karólína Elísabetardóttir í Hvammshlíð er með mörg járn í eldinum. Það nýjasta nýtt hjá henni er að framleiða osta - Hvammshlíðarosta. Katrín er þýsk að uppruna en heillaðist af Íslandi og hefur fest hér rætur. Sjónvarpsmennirnir á N4, þeir Tjörvi Jónsson og Karl Eskil Pálsson heimsóttu Karólínu á aðventunni og spjölluðu við hana um ostaframleiðsluna og margt fleira.
18:07 30. des. 2020   Ofsahræðsla dýra vegna flugelda
Áramótin nálgast og minnir Matvælastofnun dýraeigendur á að huga vel að dýrum sínum á meðan á flugeldaskotum stendur. Slíkar sprengingar kunna að valda dýrunum ofsahræðslu og geta þau valdið slysum á sjálfum sér og öðrum við slíkar aðstæður. Hægt er að fyrirbyggja slys með því að grípa til viðeigandi varúðarráðstafana fyrir gamlárskvöld og þrettándann.
15:58 30. des. 2020   Sex börn komu undir á tímum rafmagnsleysis í Húnaþingi vestra
Ragnheiður Jóna Ingimarsdóttir, sveitarstjóri Húnaþings vestra, gleymir árinu 2020 seint eða aldrei. Hún var nýkomin til starfa í desember 2019 þegar mikið óveður skall á með tilheyrandi rafmagnsleysi. Og nokkrum vikum síðar skall á heimsfaraldur. Fólki fjölgaði ört í sveitarfélaginu á árinu, til dæmis fæddust fimmtán börn á þessu ári. Sex fæddust í ágúst og september, sem þýðir að þau voru getin í desember og janúar. Hugsanlega í rafmagnsleysinu.
11:12 30. des. 2020   Vindorkuver við sveitarfélagsmörk að Húnaþingi vestra
Sveitarfélagið Dalabyggð hefur óskað eftir umsögn Húnaþings vestra við tillögu að breytingu á Aðalskipulagi Dalabyggðar 2004-2016 vegna vindorkuvers í landi Sólheima, við sveitarfélagsmörk að Húnaþingi vestra. Skipulags- og umhverfisráð Húnaþings vestra samþykkti á fundi sínum 7. desember síðastliðinn að óska eftir frekari gögnum til að geta átt faglegt samráð við íbúa Húnaþings vestra og upplýstrar ákvörðunartöku um efnistök umsagnar.
11:06 30. des. 2020   Ábending frá lögreglu og brunavörnum
Lögreglustjórinn á Norðurlandi vestra, Brunavarnir Skagafjarðar, Brunavarnir Austur-Húnvetninga og Brunavarnir Húnaþings vestra vekja athygli á því að ekki er heimilt að losa úrgang utan viðurkenndra móttökustöðva sorps. Sama á við um brennslu úrgangs. Brot gegn lögunum varða sektum eða fangelsi allt að 4 árum, sé um stórfelld eða ítrekuð brot að ræða.
16:05 29. des. 2020   Sveinfríður fyrst á Norðurlandi til að fá bólusetningu við kórónuveirunni
Sveinfríður Sigurpálsdóttir var fyrsti íbúinn á Norðurlandi til að fá bólusetningu við kórónuveirunni. Sveinfríður hefur starfað sem hjúkrunarfræðingur á Heilbrigðisstofnun Norðurlands á Blönduósi frá árinu 1973. Sveinfríður tók bólusetningunni vel og kenndi sér einskis meins, að því er segir í frétt á vef Heilbrigðisstofnunar Norðurlands.
16:01 29. des. 2020   Bóluefni á Blönduós
Í morgun var byrjað að dreifa bóluefni Pfizer og BioNTech á 21 stað á landsbyggðinni, þar á meðal á Blönduós og Sauðárkrók. Jónar Transport sér um dreifingu bóluefnisins hér á landi fyrir Distica. Efnið sem kom til landsins, og var flutt við -80 gráða frost, er þurrefni. Byrjað var að blanda hluta efnisins í Reykjavík á morgun en svo kemur það í hlut hjúkrunarfræðinga víða um land að blanda efnið og gera klárt fyrir bólusetningu á landsbyggðinni.
15:23 29. des. 2020   Flugeldamarkaður Björgunarfélagsins Blöndu er opinn
Björgunarfélagið Blanda hefur opnað flugeldamarkað sinn að Hafnarbraut 6 á Blönduósi. Opið er í dag og morgun 30. desember frá kl. 14:00 - 22:00 og þann 31. desember frá kl. 10:00 - 14:00. Eins og víða um landið verður engin brenna þetta árið vegna samkomutakmarkana. Stefnt er að því að halda flugeldasýningu á gamlárskvöld kl. 20:30.
13:18 29. des. 2020   Framkvæmdum lokið á Blönduósflugvelli
Framkvæmdum á Blönduósflugvelli er lokið. Flugstöðin var lagfærð í haust og máluð að utan og papilljós sett upp, sem nú hafa verið flugprófuð. Jafnframt var hannað nýtt aðflug að vellinum að beiðni Mýflugs. Í mars síðastliðnum var samþykkt að ráðast í sérstakt tímabundið fjárfestingarátak á árinu til að vinna gegn samdrætti í hagkerfinu í kjölfar heimsfaraldurs kórónuveiru. Veittar voru 90 milljónir til viðhalds á innanlandflugvöllum og lendingarstöðum.
12:24 29. des. 2020   Bólusetning hafin við COVID-19
Fjórir starfsmenn heilbrigðisþjónustu voru bólusettir við COVID-19 klukkan níu í morgun og voru þar með fyrstir allra til að hljóta bólusetningu hér á landi. Klukkan tíu hófst bólusetning á hjúkrunarheimilum. Þorleifur Hauksson var fyrstur íbúa á hjúkrunarheimili til að fá bólusetningu en hann býr á hjúkrunarheimilinu Seljahlíð í Reykjavík. Tíuþúsund skammtar af bóluefni Pfizer komu til landsins í gær. Bólusetja þarf hvern og einn tvisvar sinnum og dugir efnið því fyrir 5.000 manns.
09:33 29. des. 2020   Dagný Marín spáir í spilin fyrir 2021
Í áramótaþættinum Nú árið er liðið, sem sýndur var á sjónvarpsstöðinni N4 nýverið er m.a. spjallað við Ragnheiði Jónu Ingimarsdóttur, sveitarstjóra Húnaþings vestra, um það markverðast sem gerðist á árinu og Dagnýju Marin Sigmarsdóttir, sem spáir í spilin fyrir árinu 2021. Dagný er spákona í Spákonuhofinu á Skagaströnd og hefur í mörg ár notast við tarotspil til þess að spá og hún sá ýmislegt í spilunum fyrir næsta ár.
09:16 29. des. 2020   Nýárskveðja
Stjórn Hollvinasamtaka Heilbrigðisstofnunarinnar á Blönduósi sendir félögum sínum og velunnurum hugheilar nýárskveðjur með þakklæti fyrir veittan stuðning á árinu. Stöndum saman vörð um Heilbrigðisstofnunina okkar. Með óskum um gott og farsælt komandi ár.
Fyrri 16-30 1 2 3 4 5 6 7 Næstu 46-60
 
Prenta Prenta  
 
Til baka
 

©2024 Húnahornið