|
22:13 |
31. ág. 2021 |
Kormákur/Hvöt áfram í 4-liða úrslit
Kormákur/Hvöt gerði góða ferð á Álftanes í kvöld þegar seinni leikurinn við samnefnt lið fór fram í úrslitakeppni 4. deildar á Íslandsmótinu í knattspyrnu karla. Fyrri leiknum lauk 1-0 á Blönduósvelli og dugði því jafntefli í kvöld til að Kormákur/Hvöt færi áfram í keppninni. Og það varð raunin, leikurinn endaði 1-1 og mætir Kormákur/Hvöt liði Hamars úr Hveragerði í fjögurra liða úrslitum. |
|
21:47 |
31. ág. 2021 |
Frisbígolfvöllur tekinn í notkun á fimmtudaginn á Blönduósi
Fimmtudaginn 2. september kl. 18:00 verður frisbígolfvöllurinn á Blönduósi formlega vígður í Fagrahvammi. Fulltrúar frá Frisbígolfþjónustu Akureyrar munu koma og kynna íþróttina, helstu grunnatriði, köst og leikreglur. Kynningin tekur tæpa klukkustund. Í lokin verður spilaður hringur á nýja vellinum. |
|
21:23 |
31. ág. 2021 |
Íþróttamiðstöðin á Blönduósi auglýsir eftir starfsmanni
Íþróttamiðstöðin á Blönduósi óskar eftir að ráða karlmann í 20% starfshlutfall og afleysingar. Viðkomandi þarf að geta hafið störf 1. október nk. Launakjör eru samkvæmt kjarasamningi Sambands íslenskra sveitarfélaga og viðkomandi stéttarfélags. Umsóknarfrestur er til 12. september næstkomandi. |
|
11:10 |
31. ág. 2021 |
Örn Sveinsson augnlæknir verður á Blönduósi í næstu viku
Tilkynning frá HSN
Örn Sveinsson augnlæknir verður með móttöku á Heilbrigðsstofnun Norðurlands á Blönduósi dagana 7. - 9. september 2021. Tímapantanir í síma 4324100 virka daga milli kl. 9:00 -15:00. |
|
10:07 |
31. ág. 2021 |
Mikið rennsli um yfirfall Blöndulóns
Blöndulón fór á yfirfall nýlega og náði það hámarki 27. ágúst síðastliðinn þegar rennslið var 105,31 rúmmetrar á sekúndu. Á sama tíma í fyrra var rennslið um yfirfallið 11,55 rúmmetrar. Í dag er það um 68 rúmmetrar á sekúndu. Yfirfallið er staðsett við norðurenda lónsins, suðvestur við Blöndustíflu og er í 478 metra hæð yfir sjávarmálið. Róbert Daníel Jónsson var þar á ferð á laugardaginn og tók meðfylgjandi myndir. |
|
09:30 |
31. ág. 2021 |
Mestur stuðningur við Sjálfstæðisflokk og Framsóknarflokk í Norðvesturkjördæmi
Sjálfstæðisflokkur og Framsóknarflokkur njóta stuðnings nærri helmings íbúa Norðvesturkjördæmi. Samkvæmt samanteknum skoðanakönnunum MMR frá júní og ágúst er fylgi Sjálfstæðisflokksins mest eða 27,4% og fylgi Framsóknarflokksins er næst mest eða 20,8%. Fylgi Vinstri grænna er 11,6% og Samfylkingar 9,6%. Þar á eftir kemur Sósíalistaflokkurinn með 9,3%, Píratar með 6%, Miðflokkurinn með 5,9%, Flokkur fólksins með 4,1% og Viðreisn með 3,3%. |
|
20:54 |
30. ág. 2021 |
Kormákur/Hvöt Íslandsmeistarar í knattspyrnu í 4. flokki karla 8 manna liða
Sameignilegt lið Kormáks og Hvatar í 4. flokki karla 8 manna lið í knattspyrnu gerði sér lítið fyrir og sigraði úrslitakeppnina sem fór fram um helgina og eru því Íslandsmeistarar 2021. Liðið lék þrjá leiki við lið ÍA/Skallagríms, Tindastól og Grindavík. |
|
12:22 |
30. ág. 2021 |
Holtastaðasókn - Aðalfundarboð
Frá sóknarnefnd
Aðalsafnaðarfundur Holtastaðasóknar verður haldinn mánudaginn 30. ágúst 2021 kl. 20.30 í Holtastaðakirkju. Sóknarbörn eru hvött til að mæta.
Dagskrá: Venjuleg aðalfundarstörf. |
|
11:52 |
30. ág. 2021 |
Nýgengi smita á niðurleið
Enginn er nú í einangrun á Norðurlandi vestra vegna kórónuveirusmits en átta eru í sóttkví. Alls greindust 46 kórónuveirusmit innanlands í gær, þar af 21 utan sóttkvíar. Ekki hafa greinst færri innanlandssmit síðan 19. júlí síðastliðinn, við upphaf fjórðu bylgju. Óvenju hátt hlutfalla þeirra sem greindust í gær voru óbólusettir eða 34. Norðurland vestra er eini landshlutinn þar sem enginn er í einangrun vegna veirunnar. |
|
11:17 |
30. ág. 2021 |
Uppgangur í rafíþróttum í Húnaþingi vestra
Rafíþróttir hafa verið í mikilli sókn hér á landi undanfarin ár. Í fyrravor var hrundið af stað verkefni sem kallast rafíþróttir í Húnaþingi vestra. Tilgangurinn er að auka úrval afþreyingar fyrir krakka í sveitarfélaginu og skapa framtíðaraðstöðu fyrir rafíþróttir, sem gæti líka nýst í önnur verkefni. |
|
10:51 |
30. ág. 2021 |
Framkvæmdir við Grunnskóla Húnaþings vestra
Mikill gangur er í framkvæmdum við viðbyggingu Grunnskóla Húnaþings vestra. Verkið er áætlun, bæði hvað varðar tíma og kostnað, en fyrr á árinu var ákveðið að taka vestari hluta byggingarinnar í notkun nú við upphaf skólastarfs, að því er fram kemur á vef Húnaþings vestra. Í byrjun næstu viku verður mötuneytið og anddyrið tekið í notkun og síðar í mánuðinum verða tónlistarskólinn, frístund og skrifstofur stjórnenda tilbúnar. |
|
09:47 |
28. ág. 2021 |
Álftanes sigrað á Blönduósvelli
Kormákur/Hvöt er í ágætum málum eftir sigur á Álftanesi í gær þegar fyrri leikur liðanna fór fram á Blönduósvelli í úrslitakeppni 4. deildar á Íslandsmótinu í knattspyrnu karla. Ekkert mark var skorað í fyrri hálfleik en heimamenn réðu gangi leiksins og voru líklegri til að skora. Fyrsta og eina mark leiksins kom svo loks á 76. mínútu þegar Sigurður Bjarni Aadnegard skoraði fyrir Kormák/Hvöt. |
|
11:03 |
27. ág. 2021 |
Stórleikur á Blönduósvelli
Kormákur/Hvöt tekur í dag á móti Álftanesi í úrslitakeppni 4. deildar á Íslandsmótinu í knattspyrnu karla. Leikurinn fer fram á Blönduósvelli klukkan 18 og er hann sá fyrri af tveimur þar sem leikið er heima og að heiman. Seinni leikurinn fer fram á Álftanesi þriðjudaginn 31. ágúst klukkan 19. Álftanes sigraði C-riðil 4. deildar, vann 13 leiki, gerði tvö jafntefli og tapaði aðeins einum leik. |
|
09:57 |
27. ág. 2021 |
Helstu fjárréttir í Húnavatnssýslum
Bændablaðið hefur tekið saman og birt yfirlit um fjárréttir á landinu í haust, þar á meðal í Húnavatnssýslum. Listinn er eins og fyrri ár unninn með þeim hætti að leitað var til sveitarfélaga, ráðunauta og bænda um upplýsingar. Fjárréttir verða með öðrum brag en fyrri ár vegna heimsfaraldursins. Vegna smitvarna og fjöldatakmarkana eru allir hvattir til að kynna sér vinnulag á hverjum stað áður en haldið er til rétta. |
|
09:45 |
27. ág. 2021 |
Tilslakanir á sóttvarnaráðstöfunum
Heilbrigðisráðherra hefur kynnt breytingar á sóttvarnarráðstöfunum sem taka gildi frá og með morgundeginum. Fjöldatakmarkanir miðast áfram við 200 manns og reglur um 1 metra nálægðarmörk og grímuskyldu verða óbreyttar. Aftur á móti verður sund- og baðstöðum, heilsu- og líkamsræktarstöðvum heimilt að taka á móti leyfðum hámarksfjölda gesta samkvæmt starfsleyfi, eins metra regla felld niður meðal áhorfenda á íþróttaviðburðum og í sviðslistum, auk fleiri tilslakana sem nánar eru raktar hér að neðan. |
Til baka
Loka
Prenta
