10:38 |
02. okt. 2021 |
Kynningarfundur á Skagaströnd vegna skógræktarverkefnis í hlíðum Spákonufells
Sveitarfélagið Skagaströnd og Skógræktin halda kynningarfund um skógræktarverkefnið One Tree Planted, í Fellsborg þriðjudaginn 5. október klukkan 18. Verkefnið er um gróðursetningu 180 þúsund trjáplantna í hlíðum Spákonufells, ofan þéttbýlisins á Skagaströnd. Því á að ljúka haustið 2024 og í kjölfarið vex upp skógur sem meðal annars nýtist íbúum Skagastrandar, nágrönnum þeirra og gestum til útivistar. |
10:58 |
01. okt. 2021 |
Styrkur til orkuskipta í ullarþvottastöð ÍSTEX
ÍSTEX hefur verið úthlutað 15 milljón króna styrk úr Orkusjóði til orkuskipta í þurrkunarferli í ullarþvottastöðinni á Blönduósi. Orkusjóður úthlutaði nýverið styrkjum að fjárhæð 470 milljónum króna. Óskað var eftir umsóknum til hleðslustöðva við ferðamannastaði, líkt og áður hefur verið gert, en nýbreytni þetta árið að var að beina sjónum sérstaklega að framleiðslufyrirtækjum sem nota olíu. |
17:52 |
30. sep. 2021 |
Fé fennti í kaf í hríðarveðrinu
Björgunarsveitarmenn úr Björgunarfélaginu Blöndu voru kallaðir út í vikunni þegar djúp lægð gekk yfir landið með hríðarveðri um norðanvert landið. Aðstoðuð þeir m.a. bændur í Húnavatnshreppi við að bjarga fé sem fennt hafði í kaf. Í Morgunblaðinu í dag er rætt við Jón Kristófer Sigmarsson, bónda á Hæli, en á heimatúninu þar voru hundruð fjár og um 80-100 kindur fóru ofan í skurð og stöfluðust þar hver ofan á aðra. |
15:39 |
29. sep. 2021 |
Útboð Þverárfjallsvegar kært
Verktakafyrirtækið Ístak hefur kært ákvörðun Vegagerðarinnar um að ganga til samninga við Skagfirska verktaka, sem áttu lægsta tilboðið í byggingu nýs Þverárfjallsvegar milli Blönduóss og Skagastrandar og Skagastrandarvegar um Laxá. Meðan málið er til meðferðar hjá kærunefnd útboðsmála verður ekki skrifað undir samning eins og til stóð. Sagt er frá þessu á vef Feykis. |
12:30 |
28. sep. 2021 |
Vont veður víðast hvar í Húnaþingi
Vegirnir um Holtavörðuheiði og Þverárfjall eru lokaðir vegna veðurs. Ekkert ferðaveður er í Húnavatnsýslum og fer veður versnandi. Í morgun fauk rúta með 37 ferðamenn innanborðs út af veginum við Heggstaðanessafleggjara í Hrútafirði. Rútan valt ekki og eru allir um borð við ágæta heilsu, að því er fram kemur á vef Ríkisútvarpsins. Þar er haft eftir lögreglunni á Blönduósi að leiðindaveður sé í Hrútafirði og mikill krapi á veginum. |
11:50 |
28. sep. 2021 |
Húnavatnshreppur skipar samstarfsnefnd um sameiningu
Sveitarstjórn Húnavatnshrepps hefur skipað Jón Gíslason, Ragnhildi Haraldsdóttur og Þóru Sverrisdóttur í samstarfsnefnd sem kanna á möguleika á sameiningu Húnavatnshrepps við Blönduósbæ. Stefnt er að því að samstarfsnefnd skili áliti sínu til sveitarstjórna í nóvember með það fyrir augum að kynning tillögunnar hefjist í desember og að kjördagur verði í janúar 2022. |
11:32 |
28. sep. 2021 |
Átta nýsköpunarteymi valin í Vaxtarrými
Átta nýsköpunarteymi af Norðurlandi hafa verið valin til þátttöku í viðskiptahraðalinn Vaxtarrými sem mun hefja göngu sína 4. október og standa til 26. nóvember. Fjölmargar umsóknir bárust víðsvegar af Norðurlandi af fjölbreyttum verkefnum.
Vaxtarrými er fyrsta verkefni nýstofnaðra regnhlífasamtaka nýsköpunar á Norðurlandi en að þeim koma Samtök sveitarfélaga á Norðurlandi vestra og eystra, Eimur, Nýsköpun í norðri, Hraðið og RATA. Stuðningsaðili Vaxtarrýmis er Fallorka. |
20:04 |
27. sep. 2021 |
Óvissustigi almannavarna lýst yfir
Ríkislögreglustjóri, í samráði við lögreglustjórana á Norðurlandi vestra, Norðurlandi eystra, Vesturlandi og á Vestfjörðum, hefur lýst yfir óvissustigi almannavarna í þessum umdæmum vegna slæmrar veðurspár á morgun, þriðjudaginn 28. september. Spáð er óveðri sem getur spillt færð og valdið foktjóni, fyrst á Norðausturlandi í nótt sem gengur síðan vestur yfir Norðurland og nær hámarki á Vestfjörðum seinnipart dags á morgun. |
15:39 |
27. sep. 2021 |
Nýr og glæsilegur gangnamannaskáli á Grímstunguheiði
Í sumar var reistur nýr gangnamannaskáli við Gedduhöfða á Grímstunguheiði. Skálinn er rétt um 500 fermetrar að stærð, samansettur úr tíu skálaeiningum með 29 gistiherbergjum, salernum, sturtum, matsal og eldhúsaðstöðu. Einnig var reist nýtt hesthús sem er um 120 fermetrar að stærð. Gistipláss í skálanum er fyrir 60 manns og hesthúsið er fyrir um 70 hross. |
14:04 |
27. sep. 2021 |
Rúta með 20 manns fór út af veginum rétt við afleggjarann að Hvammstanga
Rúta með 20 manns innanborðs lenti út af vegi rétt við afleggjarann að Hvammstanga um hádegið í dag. Engin slys urðu á farþegum sem fluttir voru á Hótel Laugarbakka á meðan unnið er að því að losa rútuna. Leiðinda veður er á svæðinu. Sagt er frá þessu á vef Ríkisútvarpsins. Haft er eftir Gunnari Erni Jakobssyni, formanni Björgunarsveitarinnar Húna að ökumaður rútunnar hafi verið að forðast að keyra á tvo bíla sem lent höfðu í árekstri á svæðinu skömmu áður. |
14:01 |
27. sep. 2021 |
Kærir endurtalningu atkvæða til lögreglu
Karl Gauti Hjaltason frambjóðandi Miðflokksins í Suðvesturkjördæmi ætlar að kæra til lögreglu endurtalningu atkvæða og meðferð þeirra í Norðvesturkjördæmi. Karl Gauti var inni sem jöfnunarþingmaður í kjördæmi sínu, þar til að endurtalið var í Norðvesturkjördæmi en þá datt hann út. Við endurtalningu kom í ljós skekkja sem hreyfði við jöfnunarþingmönnum milli kjördæma. |
11:21 |
27. sep. 2021 |
Gul veðurviðvörun á morgun
Veðurstofa Íslands hefur gefið út gula veðurviðvörun fyrir Norðurland vestra á morgun, 28. september. Spáð er norðan 15-23 m/s og talsverðri snjókomu eða slyddu með skafrenningi og takmörkuðu eða lélegu skyggni, hvassast norðantil en vestlægari og éljagangur um kvöldið. Akstursskilyrði gætu orðið erfið og fólk er hvatt til þess að ganga frá lausum munum. |
10:18 |
27. sep. 2021 |
Varðandi örvunarbólusetningu 70 ára og eldri og Covid-sýnatölu hjá HSN á Blönduósi
Tilkynning frá HSN
Nú eiga allir íbúar 70 ára og eldri í A-Hún. að hafa fengið boð um örvunarbólusetningu gegn Covid -19. Heilsugæslan vill ítreka það að það þarf að panta tíma í covid-sýnatökur, bæði einkennasýnatökur og hraðpróf. |
21:19 |
26. sep. 2021 |
Atkvæði endurtalin í Norðvesturkjördæmi
Endurtalning í Norðvesturkjördæmi hefur leitt í ljós misræmi í talningu atkvæða, en síðdegis var ákveðið að telja þar aftur vegna þess hversu lítill munur var á jöfnunarþingmönnum milli kjördæma. Þetta hefur þýtt breytingu á jöfnunarmönnum þingflokka en þingstyrkurinn hélt sér. Hjá Samfylkingu kemur Jóhann Páll Jóhannsson inn og Rósa Björk Brynjólfsdóttir dettur úr í staðinn. Hjá Pírötum nær Gísli Rafn Ólafsson á þing, en Lenya Rún Taha Karim dettur út. |
08:38 |
26. sep. 2021 |
Úrslit kosninganna í Norðvesturkjördæmi
Talningu atkvæða í Norðvesturkjördæmi vegna alþingiskosninganna lauk laust eftir klukkan sjö í morgun. Talin voru 17.666 atkvæði, 394 skiluðu auðu og ógildir kjörseðlar voru 24. Kjörsókn var 82%. Úrslit urðu þau að Framsóknarflokkurinn fær þrjá þingmenn og bætir við sig einu þingmanni frá síðustu kosningum. Sjálfstæðisflokkurinn fær tvo þingmenn og stendur í stað milli kosninga. Vinstri græn fá einn þingmann sem er sama niðurstaða og síðast og Flokkur fólksins fær einn þingmann en flokkurinn var ekki með þingmann eftir síðust kosningar 2017. |