|
18:50 |
11. nóv. 2021 |
Blönduskóli óskar eftir lestrarömmum og lestraröfum
Blönduskóli hefur verið svo lánsamur að frábærir einstaklingar hafa komið í skólann og hlustað á börnin lesa fyrir sig en vegna covid hefur þetta legið niðri um tíma. Núna langar okkur að byrja aftur og nú er þegar ein lestraramma byrjuð en okkur langar að bæta í hópinn, því mikilvægi lesturs hefur marg sýnt sig. |
|
10:44 |
11. nóv. 2021 |
Heimsóknartímar á Heilbrigðisstofnuninni Blönduósi, hjúkrunar- og sjúkradeild
Frá starfsfólki hjúkrunar- og sjúkradeilda HSN á Blönduósi
Að gefnu tilefni langar okkur að ítreka að heimsóknartímar eru frá kl.13-17 alla daga. Bóka þarf heimsókn fyrirfram í síma 432 4160 (sjúkradeild) og 432 4166 (hjúkrunardeild). Einungis má einn gestur mæta í einu og vera með grímu og fara beint inn á herbergi viðkomandi. Mælst er til að börn yngri en 12 ára komi ekki í heimsókn eins og stendur. Hjálpumst að við að verja okkar nánustu aðstandendur. Hlökkum til að fá ykkur í heimsókn. |
|
15:59 |
10. nóv. 2021 |
Trésmiðjan Stígandi kaupir Húnabraut 29
Nýlega var undirritaður samningur milli Ámundakinnar ehf. og Trésmiðjunnar Stíganda ehf. um kaup þess síðarnefnda á húsinu að Húnabraut 29 á Blönduósi. Í tilkynningu um viðskiptin segir að þau eigi sér nokkurn aðdraganda og séu hugsuð til að treysta rekstrargrundvöll fyrirtækisins enn betur. Rekstur Stíganda flest undanfarin ár hefur skilað jákvæðri niðurstöðu og er verkefnastaðan góðu um þessar mundir. Horfur eru á að svo verði áfram næstu misserin. |
|
09:24 |
10. nóv. 2021 |
Jólatónleikar í Blönduóskirkju til styrktar orgelsjóði
Olga Vocal Ensemble ætlar að syngja jólin inn í ár í Blönduóskirkju fimmtudaginn 9. desember klukkan 20. Þetta verður í fjórða skipti sem Olga heldur tónleika á Íslandi yfir jólahátíðina og í fyrsta skipti sem hópurinn heldur jólatónleika í Blönduóskirkju. Allur aðgangseyrir rennur óskiptur í orgelsjóð Blönduóskirkju. |
|
09:12 |
10. nóv. 2021 |
Leikflokkur Húnaþings vestra sýnir Pétur Pan
Leikflokkur Húnaþings vestra sýnir í Félagsheimilinu Hvammstanga 11.-14. desember leikritið Pétur Pan eftir JM Barrie, í þýðingu Karls Ágústs Úlfssonar. Leikstjórn og leikgerð er í umsjón Gretu Clough. Fylgst er með ævintýrum Péturs Pan og uppátækjasömu álfavinkonu hans, Skellibjöllu, þegar þau heimsækja börn í Lundúnum kvöld eitt, efir að skyggja tekur. |
|
14:27 |
09. nóv. 2021 |
Almannavarnadeild ríkislögreglustjóra í heimsókna á Norðurlandi vestra
Embætti lögreglustjórans á Norðurlandi vestra fékk nýverið heimsókn frá almannavarnadeild ríkislögreglustjóra. Fyrst var fundað með lögreglustjóranum og hans fulltrúm og síðan var haldinn fundur í Félagsheimilinu á Blönduósi með öllum viðbragðsaðilum í landshlutanum. Sagt er frá þessu á facebooksíðu lögreglunnar á Norðurlandi vestra. |
|
10:04 |
09. nóv. 2021 |
Fundað um úrgangsmál á Norðurlandi
Samtök sveitarfélaga á Norðurlandi vestra og Samtök sveitarfélaga og atvinnuþróunar á Norðurlandi eystra stóðu nýlega í sameiningu að fjarfundi um svæðisáætlun um meðhöndlun úrgangs á Norðurlandi. Á fundinum var fjallað um áskoranir sem sveitarfélögin standa frammi fyrir í tengslum við úrgangsmál. |
|
20:30 |
08. nóv. 2021 |
Sveitarfélagið Skagaströnd og Skagabyggð munu ekki hefja formlegar sameiningarviðræður
Sveitarstjórn Skagabyggðar ákvað á fundi sínum þann 3. nóvember sl. að ekki væri samstaða innan sveitarstjórnarinnar til að hefja formlegar sameiningarviðræður við Sveitarfélagið Skagaströnd. Sveitarfélagið Skagaströnd hafði á fundi sínum þann 20. október ákveðið að óska eftir formlegum viðræðum við Skagabyggð. |
|
19:53 |
08. nóv. 2021 |
Hljómsveitin Löður sendir frá sér sína fyrstu ballöðu
Hljómsveitin Löður sendi á dögunum frá sér sitt fyrsta lag sem ber nafnið „Þér fylgja englar“, en dúettinn skipa þau María Ólafsdóttir söngkona og Einar Örn Jónsson betur þekktur sem Einar Örn í hljómsveitinni Í svörtum fötum. María og Einar eru bæði brottfluttir Blönduósingar en á Blönduósi ólust þau upp og kynntust tónlistinni þar í bæ. |
|
13:56 |
08. nóv. 2021 |
Haustdagur ferðaþjónustunnar
Haustdagur ferðaþjónustunnar á Norðurlandi vestra verður haldinn á netinu miðvikudaginn 10. nóvember klukkan 15-17. Það eru Fagráð ferðaþjónustunnar á Norðurlandi vestra og Samtök sveitarfélaga á Norðurlandi vestra sem standa að Haustdeginum. |
|
13:48 |
08. nóv. 2021 |
Tíu í einangrun vegna COVID-19
Samkvæmt tilkynningu frá aðgerðastjórn almannavarna á Norðurlandi vestra, sem send var á Facebook í gær eru tíu í einangrun í landshlutanum vegna COVID-19 og 32 eru í sóttkví. Í tilkynningunni segir að smit hafi greinst í flest öllum og að þrátt fyrir að ekki séu smit í öllum póstnúmerum á Norðurlandi vestra megi íbúar umdæmisins ekki sofna á verðinum hvað varðar sóttvarnir. |
|
18:31 |
05. nóv. 2021 |
Kirkjurnar í Austur-Húnavatnssýslu
Frá sóknarpresti
Kirkjustarf sunnudaginn 7. nóvember í Skagastrandar- og Þingeyraklaustursprestakalli:
Skagastrandarprestakall: Sunnudagaskóli í Hólaneskirkju kl. 11.00. Í sunnudagaskólanum syngjum við, heyrum biblíusögur svo koma Mýsla og Rebbi í heimsókn. Gæðastund fyrir unga sem aldna. Þingeyraklausturprestakall: Sunnudagaskóli í Blönduóskirkju kl. 13.00. Styrkleikamessa í Blönduóskirkju kl. 20.00. |
|
13:06 |
05. nóv. 2021 |
Innanlandsaðgerðir hertar vegna mikillar fjölgunar COVID-19 smita
Skylt verður að bera grímu þegar ekki er unnt að virða 1 metra nálægðarreglu, fjöldatakmarkanir verða 500 manns, veitingastöðum með vínveitingaleyfi verður skylt að loka tveimur tímum fyrr en nú. Með notkun hraðprófa verður heimilt að halda viðburði fyrir allt að 1.500 manns. Heilbrigðisráðherra hefur ákveðið þessar aðgerðir samkvæmt tillögum sóttvarnalæknis sem hefur áhyggjur af mikilli fjölgun smita, auknum veikindum og vaxandi álagi á heilbrigðiskerfið. |
|
10:49 |
05. nóv. 2021 |
Nýr starfshópur um stofnun umhverfisakademíu
Samstarfsnefnd Blönduósbæjar og Húnavatnshrepps um sameiningu sveitarfélaganna hefur skipað nýjan starfshóp um stofnun umhverfisakademíu á Húnavöllum. Í honum sitja Einar Kristján Jónsson sem er formaður, Magdalena Berglind Björnsdóttir, Magnús B. Jónsson og Unnur Valborg Hilmarsdóttir. Samstarfsnefndin ákvað að endurverkja verkefnið um umhverfisakademíuna en það hófst í tengslum við sameiningarviðræður sveitarfélaganna fjögurra í Austur-Húnavatnssýslu. |
|
10:18 |
05. nóv. 2021 |
Styttri vegalengdir hafa mikil samfélagsleg áhrif
Jón Þorvaldur Heiðarsson, lektor við Viðskiptadeild Háskólans á Akureyri, flutti í gær erindi á opinni málstofu í háskólanum um vegi á Norðurlandi vestan Eyjafjarðar. Jón hefur skoðað ýmsar leiðir og útfærslur hvernig stytta mætti vegalengdir og þá sérstaklega á Norðurlandi. Með slíkum styttingum, sem oft fela í sér byggingu jarðganga, yrðu atvinnusvæði og tækifæri fólks umtalsvert stærri. |
Til baka
Loka
Prenta
