|
09:27 |
04. jan. 2022 |
Árni Björn er maður ársins á Norðurlandi vestra að mati lesenda Feykis
Árni Björn Björnsson á Sauðárkróki er maður ársins 2021 á Norðurlandi vestra að mati lesenda Feykis og vefsins feykir.is. Árni Björn er eigandi veitingastaðarins Hard Wok Cafe á Aðalgötunni á Sauðárkróki, ásamt Ragnheiði Ástu Jóhannsdóttur konu sinni. Líkt og undanfarin ár stóð Feykir fyrir kjöri á manni ársins á Norðurlandi vestra. Blaðinu bárust sjö tilnefningar og gafst lesendum kostur á að velja milli þeirra. |
|
09:15 |
04. jan. 2022 |
Aco Pandurevic ráðinn þjálfari Kormáks/Hvatar
Meistaraflokksráð Kormáks/Hvatar hefur ráðið Aco Pandurevic sem aðalþjálfara fyrir sumarið 2022. Í tilkynningu frá meistaraflokksráðinu segir að Aco búi yfir leikmannareynslu úr heimalandi sínu Serbíu auk þess að hafa spilað í Slóvakíu, Færeyjum og síðastliðin 10 ár með Ægi frá Þorlákshöfn. |
|
12:11 |
03. jan. 2022 |
Bjartsýni ríkjandi í Húnaþingi vestra
Í kvöldfréttum Ríkissjónvarpsins í gær var sagt frá mikilli uppbyggingu sem á sér stað á Hvammstanga en þar eru á annan tug íbúða í byggingu auk annarra framkvæmda. Rætt er við Friðrik Má Sigurðsson, formann byggðarráðs Húnaþings vestra, og segir hann að á Hvammstanga séu öflugir innviðir og fjölbreytt og öflugt menningar- og félagsstarf. Hvammstangi sé því mjög ákjósanlegur staður fyrir fólk og fjölskyldur. |
|
19:42 |
02. jan. 2022 |
Frá Félags- og tómstundastarfinu á Blönduósi
Félags- og tómstundarstarfið á Blönduósi óskar öllum iðkendum gleðilegs nýs árs. Kæru iðkendur takið eftir. Vegna aðstæðna í þjóðfélaginu verður félags- og tómstundastarfið lokað til 13. janúar eða þangað til annað kemur í ljós. Ef einhver óskar eftir nánari upplýsingum vinsamlegast hringið í síma 455 4785 Sísa. |
|
22:38 |
01. jan. 2022 |
Acai spilar áfram með Kormáki/Hvöt
Acai Nauset Elvira Rodriguez, einn allra mikilvægasti leikmaður Kormáks/Hvatar á síðustu leiktíð, hefur gert samkomulag um að spila áfram með liðinu næsta sumar. „Þetta er gríðarlega mikilvægt skref í áttina að því að tryggja að mikilvægustu pústlin taki sér stöðu og geri sig klár í þeirri spennandi baráttu sem er framundan í 3. deild,“ segir í tilkynningu frá meistaraflokki Kormálks/Hvatar. |
|
00:01 |
01. jan. 2022 |
Gleðilegt nýtt ár og takk fyrir það gamla
Nýárskveðja frá Húnahorninu
Húnahornið óskar Húnvetningum og landsmönnum öllum farsældar á nýju ári 2022 og þakkar fyrir góð samskipti og samfylgdina á árinu 2021. Megi nýja árið reynast öllum Húnvetningum gæfuríkt og gott. Árið 2021 var viðburðaríkt ár í Húnavatnssýslum. Á þessu 20 ára afmælisári Húnahornsins voru fluttar tæplega þúsund fréttir af mönnum og málefnum sem tengjast Húnavatnssýslum eða Norðurlandi vestra á einhvern hátt. |
|
15:40 |
31. des. 2021 |
Áramótakveðja frá stjórn Hollvinasamtaka HSB
Stjórn Hollvinasamtaka Heilbrigðisstofnunarinnar á Blönduósi sendir félagsmönnum sínum og velunnurum hugheilar nýárskveðjur með þakklæti fyrir ómetanlegan stuðning á árinu. Án ykkar gætum við lítið gert fyrir skjólstæðinga og starfsfólk HSB.
|
|
10:22 |
31. des. 2021 |
Gul veðurviðvörun á nýársdag
Veðurstofan hefur gefið út gula veðurviðvörun fyrir Norðurland vestra á morgun, nýársdag. Gular viðvaranir verða í öllum landshlutum á morgun en á Suðurlandi verður viðvörunin appelsínugul. Víða er spáð norðaustan stormi eða roki með snjókomu eða éljum. Á Norðurlandi vestra er spáð norðaustan 18-23 m/s og snörpum vindhviðum við fjöll. Búast má við éljum og skafrenningi með lélegu skyggni og mjög slæmu ferðaveðri. |
|
09:08 |
31. des. 2021 |
Árið kvatt með flugeldasýningum
Flugeldasýningar verða á þremur stöðum í Húnavatnssýslum í kvöld, gamlárskvöld, á Hvammstanga klukkan 21, Blönduósi klukkan 20:45 og Skagaströnd klukkan 21:30. Áramótabrennum hefur verið aflýst á Hvammstanga og Skagaströnd vegna sóttvarnaaðgerða en á Blönduósi verður brenna á Miðholtinu, með öðru sniði en venjulega. Lokað verður fyrir almenning á Miðholtið og brennan minni en síðustu ár. Kveikt verður í brennunni klukkan 20. |
|
08:48 |
31. des. 2021 |
Ofsahræðsla dýra vegna flugelda
Áramótin nálgast og minnir Matvælastofnun dýraeigendur á að huga vel að dýrum sínum á meðan á flugeldaskotum stendur. Slíkar sprengingar kunna að valda dýrunum ofsahræðslu og geta þau valdið slysum á sjálfum sér og öðrum við slíkar aðstæður. Hægt er að fyrirbyggja slys með því að grípa til viðeigandi varúðarráðstafana fyrir gamlárskvöld og þrettándann.
|
|
22:49 |
30. des. 2021 |
Frá æskulýðsnefnd Hestamannafélagsins Neista
Hópar-tímar-verð: lesið vandlega til enda
Veturinn 2022 býður Hestamannafélagið Neisti upp á eftirfarandi námskeið fyrir börn og unglinga í reiðhöllinni Arnargerði: Almennt reiðnámskeið fyrir 8 ára og eldri, almennt reiðnámskeið fyrir 7 ára og yngri og Knapamerki 1, 2 og 3. Námskeiðin byrja í janúar og hér koma tímasetningar og hópaskiptingar.
|
|
17:05 |
30. des. 2021 |
Skýrsla starfshóps um öryggi lendingarstaða
Skýrsla starfshóps um öryggi lendingarstaða hefur verið birt á vef Stjórnarráðsins. Þar segir að niðurstöður og tillögur skýrslunnar muni nýtast vel við endurskoðun samgönguáætlunar og tillögugerð á næstu árum. Verkefnið var skilgreint í flugstefnu í núgildandi samgönguáætlun 2020-2034 sem Alþingi samþykkti sumarið 2020. Starfshópurinn telur m.a. að gera þurfi tilteknar ráðstafanir vegna Blönduósflugvallar. |
|
13:32 |
30. des. 2021 |
Hollvinasamtök Heilbrigðisstofnunar Hvammstanga gáfu góðar gjafir á árinu
Heilbrigðisstofnunin á Hvammstanga hefur fengið tvær góðar gjafir á árinu frá Hollvinasamtökum stofnunarinnar; fimm rúmdýnur að verðmæti 345.400 krónur og baðvog, m.a. fyrir hjólastóla, að verðmæti 730.000 krónur en hún er greidd að hálfu á móti Krabbameinsfélagi Hvammstangalæknishéraðs. |
|
13:20 |
30. des. 2021 |
Flugeldamarkaður í Húnabúð
Flugeldamarkaður Björgunarsveitarinnar Húna er á fullum gangi í Húnabúð á Hvammstanga. Opið er í dag til klukkan 22 og á morgun 9-16. Einnig er hægt að versla í vefverslun sem opin er allan sólarhringinn, slóðin er hunar.flugeldar.is. Hægt er að versla heima og eru pantanir afgreiddar á opnunartíma flugeldamarkaðsins. |
|
10:32 |
30. des. 2021 |
Ryður snjó af gangstéttum á Hvammstanga
Hlynur Rafn Rafnsson er hvunndagshetja á Hvammstanga en hann tók sig til í haust og keypt sér ruðningstæki og sanddreifara á fjórhjól sitt. Það hefur hann svo notað í vetur til að ryðja snjó af gangstéttum á Hvammstanga, við mikla kátínu bæjarbúa. Hlynur vinnur hjá Vegagerðinni við að byggja brýr og dundar hann sér við snjóruðninginn í fríum og hefur gaman af. Vísir.is segir frá þessu í dag. |
Til baka
Loka
Prenta
