Fyrri mynd
Næsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Húnahornið
Open Menu Close Menu
Húnahornið
Fimmtudagur, 28. mars 2024
   m/s
C
CW
huni.is - RSS-efnisveita
 
Mars 2024
SMÞMFL
252627282912
3456789
10111213141516
17181920212223
24252627282930
31123456
FyrriNúnaNæsti
Veðurstofa Íslands Vegagerðin
Holtavörðuh. 10:39 0 0°C
Laxárdalsh. 10:39 0 0°C
Vatnsskarð 10:39 0 0°C
Þverárfjall 10:39 0 0°C
Kjalarnes 10:39 0 0°C
Hafnarfjall 10:39 0 0°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
18. ágúst 2023
Okur, íslenska og illgresi
Já komið þið sæl og blessuð. Nöldri er ekki dauður úr öllum æðum þó langt sé um liðið frá síðasta nöldurpistli. Af nógu er að taka í nöldrinu en ég ætla þó aðeins að nefna nokkur atriði að þessu sinni. Fyrst ætla ég að byrja á verðlaginu í Kjörbúðinni okkar hér á Blönduósi.
::Lesa
Leita í netfangaskrá
 
Eftir Inga Heiðmar Jónsson
27. mars 2024
71. þáttur. Eftir Jón Torfason
24. mars 2024
Eftir Inga Heiðmar Jónsson
22. mars 2024
Eftir Bjarna Jónsson
17. mars 2024
Eftir Inga Heiðmar Jónsson
15. mars 2024
Eftir Bjarna Jónsson
11. mars 2024

Senda Húnahorninu fréttaskot

N 65° 39' 32.04" V 20° 16' 55.2"
 Frá:   Til: 
Orðaleit:
 Birta   línur
Fyrri 16-30 31-45 af 65 Næstu 46-60
KlukkanDagsetningFrétt
12:44 15. jan. 2023   Tilboð opnuð í Víðidalsá
Sporðaköst, veiðivefur mbl.is, segir frá því að tilboð í Víðidalsá hafi verið opnuð í gær og að tilboð hafi borist frá fimm aðilum. Samkvæmt heimildum vefsins er leiguverð Víðidalsár nú í kringum 80 milljónir króna á ári en nokkur tilboðanna í gær voru vel yfir 100 milljónir og hæsta boð hljóðað upp á 115 milljónir á ári. Ljós sé því að leiga fyrir veiðiréttindi í Víðidalsá muni hækka um tugi milljóna króna.
11:12 15. jan. 2023   Örvar nýr framkvæmdastjóri Selasetursins
Stjórn Selaseturs Íslands hefur ráðið Örvar Birki Eiríksson sem framkvæmdastjóra Selasetursins og tekur hann við starfinu af Páli Línberg Sigurðssyni sem hefur gegnt því síðastliðin tvö ár. Örvar er Húnvetningur, fæddur á Syðri-Völlum í Kirkjuhvammshreppi í Vestur-Húnavatnssýslu árið 1976. Hann hefur verið tíður gestur á heimaslóðum í gegnum tíðina þar sem foreldrar hans búa enn og á því mikla og sterka tengingu við samfélagið í Húnaþingi vestra, eins og segir í tilkynningu frá stjórn Selasetursins.
16:43 13. jan. 2023   Blöndublótið haldið laugardaginn 28. janúar
Blöndublótið verður haldið í Félagsheimilinu á Blönduósi laugardaginn 28. janúar næstkomandi. Húsið opnar klukkan 19:30 og borðhald hefjast hálftíma síðar. Hafa gaman ehf. sér um veislumatinn og skemmtilega nefndin sér um að kitla hláturtaugar gesta og rifja upp atburði í samfélaginu síðustu ár. Hljómsveitin Smóking spila undir í fjöldasöng að loknu borðhaldi og heldur svo uppi stuðinu fram á rauða nótt.
14:40 13. jan. 2023   Barnaverndarþjónusta Mið-Norðurlands tók til starfa um áramótin
Þann 1. janúar síðastliðinn tók Barnaverndarþjónusta Mið-Norðurlands til starfa. Þjónustan er samstarf sex sveitarfélaga á Norðurlandi, frá Hrútafirði í vestri að Eyjafirði í austri. Skagafjörður er leiðandi sveitarfélag í Barnaverndarþjónustu Mið-Norðurlands og ber ábyrgð á barnavernd í nánu samstarfi við aðildarsveitarfélögin. Íbúar sem heyra undir þjónustuna eru 9.371, þar af 1.893 börn.
07:40 13. jan. 2023   Húnavökuritið 2022
Frá Ungmennasambandi Austur-Húnvetninga
Húnavökuritið 2022 er komið úr prentun og farið í dreifingu. Ritið er samkvæmt venju fullt af fróðleik um menn og málefni í Austur-Húnavatnssýslu. Í ár er dreifing ritsins með svipuðum hætti og síðustu ár. Ritið er borið í hús til þeirra sem greiddu valgreiðslukröfu við útgáfu síðasta rits og ættu þær bækur að berast núna um helgina. Með þessu fyrirkomulagi vill USAH þakka þeim kærlega sem greiddu fyrir ritið síðast og um leið afhenda þeim Húnavökuritið 2022 (árgangar 61 og 62). Húnavökuritið 2022 kostar 3.000 kr. og verður valgreiðslukrafa stofnuð og mun hún birtast í heimabanka.
22:39 12. jan. 2023   Innilegar þakkir frá Björgunarfélaginu Blöndu
Tilkynning frá stjórn félagsins
Björgunarfélagið Blanda vill þakka innilega þeim fyrirtækjum og einstaklingum sem gerðu okkur kleift að bjóða uppá glæsilega flugeldasýningu á gamlárskvöld.
22:31 12. jan. 2023   Ungir einleikarar 2023
Einn af þremur sigurvegurum keppninnar Ungir einleikarar 2023 er Húnvetningurinn Ólafur Freyr Birkisson frá Höllustöðum en Ólafur er gamall nemandi Tónlistarskóla A-Hún. Keppnin var haldin í tuttugasta skiptið og er samstarfsverkefni Listaháskóla Íslands og Sinfoníuhljómsveitar Íslands.
14:06 12. jan. 2023   FNV sigraði í fyrstu umferð Gettu betur
Gettu betur lið Fjölbrautaskóla Norðurlands vestra mætti Menntaskólanum í Kópavogi í fyrstu umferð keppninnar mánudagskvöldið 9. janúar síðastliðinn og hafði sigur. Lið FNV skipa þau Íris Helga Aradóttir, Alexander Viktor Jóhannesson og Óskar Aron Stefánsson. Íris og Alexander þreyttu frumraun en Óskar Aron tók þátt í þriðja skipti.
13:05 12. jan. 2023   Skatturinn skorar á eigendur 1.165 skráðra félaga um að skrá raunverulega eigendur
Í gær birti Skatturinn auglýsingu í Lögbirtingarblaðinu þar sem skorað er á eigendur 1.165 skráðra félaga um að skrá raunverulega eigendur félaganna. Verði það ekki gert á næstu tveimur vikum mun ríkisskattstjóri taka ákvörðun um að krefjast slita eða skipta á félögunum. Nokkur félög á listanum eru á Norðurlandi vestra, þar á meðal Lionsklúbbur Blönduóss, Leikklúbbur Skagastrandar, Starfsmannafélag Kaupfélags Skagfirðinga og Vörubílsstjórafélag Vestur-Húnavatnssýslu.
16:25 11. jan. 2023   Húnabyggð auglýsir námsstyrki
Húnabyggð auglýsir á vef sínum námsstyrki sem veittir eru ungu fólki í viðurkenndu framhaldsnámi, alls 60.000 krónur á önn. Námstyrkirnir eru greiddir út eftir hverja önn að staðfestri skólavist. Aldur styrkþega miðast við 22 ára og þá við árið sem nemandinn verður 22 ára, ekki síðar. Þá þurfa nemendur sem óska eftir styrk að eiga lögheimili í Húnabyggð.
16:12 11. jan. 2023   Árið byrjar af krafti í ferðaþjónustu á landsvísu
Ferðakaupstefnan Mannamót Markaðsstofa landshlutanna verður haldin fimmtudaginn 19. janúar í Kórnum í Kópavogi á milli 12 og 17. Viðburðurinn er sá fjölmennasti í íslenskri ferðaþjónustu og hefur skipað sér sess sem einn sá allra mikilvægasti í íslenskri ferðaþjónustu. Gert er ráð fyrir að fjöldi gesta verði á bilinu 600-800 og því má með sanni segja að árið 2023 byrji með krafti í ferðaþjónustu, eins og segir í tilkynningu frá Markaðsstofu landshlutanna.
18:00 10. jan. 2023   Mótmælir harðlega litlum byggðakvóta
Sveitarstjórn Húnabyggðar mótmælir því harðlega að ekki sé úthlutaður meiri byggðakvóti til sveitarfélagsins fyrir fiskveiðiárið 2022/2023 en þau 15 þorskígildistonn sem úthlutað var nýverið. Byggðakvótinn sé svo lítill að af því sé skömm enda dugi hann ekki til að sjá einum sjómanni fyrir atvinnu og því sé vandséð hvernig úthlutunin styrki atvinnulíf í sveitarfélaginu. Sveitarstjórn segir það óásættanlegt að kvótinn sé ekki í samræmi við þá úthlutun sem nágrannasveitarfélögin fá og skorar á matvælaráðuneytið að leiðrétta þennan mismun samstundis.
07:28 10. jan. 2023   Færir ráðuneyti sitt tímabundið um allt land
Áslaug Arna Sigurbjörnsdóttir, háskóla-, iðnaðar- og nýsköpunarráðherra, heldur áfram á þessu ári að færa skrifstofu sína tímabundið út á land, líkt og hún gerði í fyrra. Áslaug ákvað þegar hún tók við ráðuneytinu að það yrði vinnustaður án staðsetningar og með því að færa sig sjálf um set vill hún sýna fram á hversu gerlegt það er. Þannig ætlar hún að staðsetja skrifstofu sína víðs vegar um landi á kjörtímabilinu.
21:18 09. jan. 2023   Byggðarráð Húnaþings vestra samþykkir reglur um úthlutun byggðakvóta
Byggðarráð Húnaþings vestra hefur samþykkt reglur um úthlutun 130 þorskígildistonna byggðakvóta sem sveitarfélagið fékk úthlutað fyrir fiskveiðiárið 2022/2023. Helmingur kvótans verður skipt milli fiskiskipa sem gerð eru út frá Hvammstanga og fengið hafa úthlutun samkvæmt reglugerð númer 919/2021 vegna aflabrests á rækju í innanverðum Húnaflóa og uppfylla ákvæði reglugerðar númer 995/2021 um úthlutun byggðakvóta til fiskiskipa á fiskveiðiárinu 2021/2022.
20:01 09. jan. 2023   Nýtt byggðarmerki og ný heimasíða
Skagabyggð hefur tekið í notkun nýja heimasíðu en á henni eru birtar fundargerðir sveitarstjórnar og annað efni sem sveitarfélagið telur mikilvægt að sé miðlægt fyrir íbúa. Heimasíðan er enn í þróun og því eru allar ábendingar um hana vel þegnar og skulu þær sendast beint á Erlu Jónsdóttur oddvita. Skagabyggð hefur líka fengið nýtt byggðarmerki sem hannað er af Birgi Breiðfjörð starfsmanni Húsnæðis- og mannvirkjastofnunar.
Fyrri 16-30 1 2 3 4 5 Næstu 46-60
 
Prenta Prenta  
 
Til baka
 

©2024 Húnahornið