13:59 |
02. sep. 2020 |
Bændur vilja ná fé sínu niður sem fyrst
Sauðfjárbændur í Húnavatnssýslum, sem eiga fé á hálendinu, leggja allt kapp á að ná fénu niður áður en óveðrið, sem spáð er, skellur á. Fram kom í hádegisfréttum Ríkisútvarpsins í dag að gangnamenn í Austur-Húnavatnssýslum eru í göngum á Haukagilsheiði og Grímstunguheiði en þeir smala alla leið upp undir Langjökul. Þeir voru í skála í morgun og þá var svartaþoka sem setur strik í reikninginn. |
06:36 |
02. sep. 2020 |
Rafmagnsleysi á Vatnsnesi í dag
Rafmagnslaust verður á Vatnsesi að vestan í dag frá klukkan 13 til 17 vegna vinnu við strengvæðingu. Í tilkynningu RARIK segir að mögulega komi rafmagn á í stuttan tíma undir lok straumleysisins vegna prófunar. |
13:22 |
01. sep. 2020 |
Gul viðvörun - varað við norðanhríð
Veðurstofa Íslands hefur gefið út gula veðurviðvörun fyrir Strandir og Norðurland vestra sem gildir frá klukkan 17 á fimmtudaginn og til klukkan 18 á föstudaginn. "Útlit er fyrir norðan hvassviðri eða storm, 15-20 m/s og talsverða úrkomu. Hiti verður nærri frostmarki og því líklegt að úrkoma falli sem slydda ofan 200 metra yfir sjávarmáls og sem snjókoma ofan 400 metra.
Veðrið gæti skapað vandræði fyrir búfénað, einkum kindur til fjalla." |
13:04 |
01. sep. 2020 |
Ný neyðarvarnarkerra afhent
Námskeið haldið til að kenna fólki á búnaðinn
Húnavatnssýsludeild Rauða krossins fékk síðastliðinn föstudag afhenta kerru búna neyðarvarnabúnaði sem stjórn deildarinnar ákvað að festa kaup á síðasta vetur. Anna Aspar, ritari Húnavatnssýsludeildar RKÍ, veitt búnaðinum viðtöku fyrir hönd deildarinnar og kom Tryggvi Hjörtur Oddsson, starfsmaður Rauðakrossins, með kerruna til Blönduóss. |
13:03 |
01. sep. 2020 |
Alvarlegt bílslys við Stóru-Giljá í morgun
Alvarlegt bílslys varð skammt frá bænum Stóru-Giljá upp úr klukkan átta í morgun. Mbl.is greinir frá því að kona hafi verið flutt með sjúkrabifreið á Sauðárkrók og þaðan með sjúkraflugi á Landspítalann og að ekki sé vitað um líðan hennar. Fram kemur að vegfarendur hafi komið konunni strax til aðstoðar og að vitni hafi verið að slysinu. Ekki er vitað hvers vegna konan missti stjórn á bifreiðinni en þetta er ekki í fyrsta skipti sem slys verða á þessum vegarkafla. Bifreiðin mun vera gjörónýt. |
09:22 |
01. sep. 2020 |
Breytingar í Breiðabólsstaðarprestakalli
Breytingar verða í Breiðabólsstaðarprestakalli frá og með deginum í dag en sr. Magnús Magnússon sóknarprestur er farinn í níu mánaða námsleyfi sem stendur til 1. júní á næsta ári. Á meðan gegnir sr. María Gunnarsdóttir prestþjónustu í prestakallinu. Þetta kemur fram í facebookfærslu Hvammstangakirkju. Sr. María hefur starfað undanfarin misseri á fræðsludeild biskupsstofu en var vígð til afleysinga haustið 2019 og var þjónandi prestur í fyrravetur annars vegar í Laufásprestakalli í Eyjafjarðar- og Þingeyjarprófastsdæmi og hins vegar á Sjúkrahúsinu á Akureyri. |
10:09 |
31. ág. 2020 |
Sveitarfélög mjög misjafnlega í stakk búin til að takast á við efnahagsleg áhrif Covid-19
Sigurður Ingi Jóhannsson, samgöngu- og sveitarstjórnarráðherra, kynnti á föstudaginn skýrslu starfshóps um áhrif Covid-19 á fjármál sveitarfélaga. Starfshópurinn áætlar að verulegur samdráttur verði í tekjum flestra sveitarfélaga miðað við áætlanir og að neikvæð áhrif á fjárhagsstöðu þeirra nemi alls rúmlega 33 milljörðum króna. |
08:21 |
31. ág. 2020 |
Fjallskilastjórn útdeilir aðgangsmiðum í Miðfjarðarrétt
Fjallaskilastjórn Miðfirðinga mun útdeila miðum niður á bæi sem gefa rétt til þátttöku í komandi réttarstörfum sem fram fara í Miðfjarðarrétt á laugardaginn. Til að lágmarka fjölda sem kemur saman í réttina hverju sinni er stefnt að því að Núpsheiðarsafn komi fyrst til réttar klukkan 11, Húksheiði klukkan 13 og Aðalbólsheiði klukkan 15. Hrossarétt hefst klukkan 6:30. |
19:01 |
30. ág. 2020 |
Náðu toppsætinu með sigri
Sameiginlegt lið Kormáks og Hvatar lék á móti Birninum í sudda rigningu á knattspyrnuvellinum við Egilshöll í dag þegar 13. umferð Íslandsmótsins í knattspyrnu karla 4. deild B riðli var leikin. Ekkert mark var skorað í fyrri hálfleik en á 50. mínútu leiksins skoraði Ingvi Rafn Ingvarsson mark fyrir Kormák/Hvöt. Níu mínútum seinna jafnaði Björninn leikinn og allt stefndi í jafntefli. En svo fór nú ekki því á 87. mínútu skoraði Hilmar Þór Kárason mikilvægt mark sem tryggði Kormáki/Hvöt öll stigin sem í boði voru og skaut liðinu á topp riðilsins í leiðinni. |
10:08 |
30. ág. 2020 |
Óhefðbundin Skrapatungurétt í ár
Sauðfé verður rekið til réttar og dregið í dilka í Skrapatungurétt eftir viku eða sunnudaginn 6. september. Réttarstörfin verða með óhefðbundnu sniði í ár vegna kórónuveirufaraldursins. Sveitarstjórnir Blönduósbæjar og Skagabyggðar bera ábyrgð á framkvæmd réttarstarfa í Skrapatungurétt og ber þeim að tryggja að reglum um sóttvarnir sé fylgt eftir. Talið verður inn og út og merkt við þá sem mæta í réttina, á fyrir fram útbúnum þátttakendalista. |
09:58 |
28. ág. 2020 |
Sögur af Norðurlandi vestra
Á dagskrá Ríkissjónvarpsins síðustu vikur hefur verið fjallað um náttúrufegurð og sögu Norðurlands vestra en þættirnir heita Sögur frá landi og eru þrír talsins. Í sumar fóru þáttastjórnendurnir Hlédís Sveinsdóttir og Hallgrímur Ólafsson og kynntu sér sögu, menningu og matargerðarlist á svæðinu. Þau leituðu uppi sögufólk og lífskúnstnera og alltaf var gítarinn og gleðin með í för. Dramatískar örlagasögur og áhugavert fólk, í bland við ferskan mat eldaðan út í náttúrunni. |
21:20 |
27. ág. 2020 |
Leitar að bragðgóðri jólagjöf
Sveitarfélagið Húnaþing vestra er farið að huga að jólunum og leitar nú eftir hugmyndum að jólagjöfum fyrir starfsfólk sitt fyrir næstu jól. Leitað er eftir bragðgóðri gæðavöru framleiddri í heimabyggð og þarf hún að uppfylla kröfur sem gerðar eru til matvælaframleiðslu, að því er segir á vef Húnaþings vestra. |
16:17 |
27. ág. 2020 |
Aðalfundur kjördæmisráðs Samfylkingarinnar í Norðvesturkjördæmi
Kjördæmisráð Samfylkingarinnar í Norðvesturkjördæmi boðar til aðalfundar sunnudaginn 13. september næstkomandi klukkan 12-16 í Menntaskóla Borgarfjarðar. Á dagskrá fundarins eru venjuleg aðalfundarstörf. Guðjón Brjánsson, þingmaður kjördæmisins og Logi Einarsson, formaður Samfylkingarinnar, ávarpa fundinn og taka þátt í umræðum. |
15:22 |
27. ág. 2020 |
Ábending send til sveitarfélaga um hlutverk og tilgang ungmennaráða
Embætti umboðsmanns barna hefur sent bréf til allra sveitarfélaga þar sem minnt er á hlutverk og tilgang ungmennaráða og sérstaklega mikilvægi þess að í ungmennaráðum sitji fulltrúar yngri en 18 ára. Í nýlegri rannsókn um ungmennaráð sveitarfélaga kemur fram að 44 af 51 ungmennaráðum í sveitarfélögum landsins hafa verið skipuð, að hluta til eða jafnvel að öllu leyti, ungu fólki sem er 18 ára eða eldra. |
10:16 |
27. ág. 2020 |
Brúðulistahátíðin HIP haldin í október
Brúðulistahátíðin Hvammstangi International Puppet Festival verður haldin 9.-11. október næstkomandi. Á hátíðinni verður boðið upp á tólf sýningar með listamönnum af níu þjóðernum og verða meira en 60% viðburða ókeypis fyrir áhorfendur. Þá verður í boði úrval vinnusmiðja fyrir fólk á öllum aldri, bæði fyrir byrjendur og atvinnumenn og úrval brúðubíómynda sem eru sérvaldar af Handmade Puppet Dreams sem er fyrirtæki Heather Henson í Bandaríkjunum. |