21:39 |
06. feb. 2021 |
Húnaklúbburinn fær Evrópustyrk
Húnaklúbburinn í Húnaþingi vestra og félagsmiðstöðin Óríon á Hvammstanga hafa fengið Erasmus+ styrk vegna verkefnisins Leiðin að rótunum. Ungmennaráðin í Húnaþingi vestra og í Pyhtaa í Finnlandi munu vinna saman að því að hvetja æskuna til aukinnar lýðræðisþátttöku, til að taka meiri þátt í að móta samfélög sín og búa ungmenni undir samskipti við stjórnvöld og aðra menningarheima í alþjóðlegu umhverfi. Verkefnið hlaut rúmlega 27 milljón króna styrk fyrir árin 2021 og 2022. |
14:58 |
05. feb. 2021 |
SSNV og N4 í samstarf
Samtök sveitarfélaga á Norðurlandi vestra og sjónvarpsstöðin N4 hafa gengið frá samstarfssamningi um birtingu efnis frá starfssvæði samtakanna í helstu þáttum sjónvarpsstöðvarinnar á árinu. Samstarf samtakanna og N4 hefur nú varað óslitið frá árinu 2013 og hefur sjónvarpsstöðin framleitt fjölda vandaðra innslaga um það sem efst er á baugi í landshlutanum hverju sinni til birtinga í dagskrá sinni, að því er segir á vef SSNV. |
14:17 |
05. feb. 2021 |
Prjónanámskeið á netinu
Frá Textílmiðstöð Íslands
Við hitum upp fyrir Prjónagleðina 2021 með því að bjóða upp á spennandi prjónanámskeið með Deborah Gray á netinu. Langar þig að prófa eitthvað nýtt í prjóni, stíga aðeins útfyrir boxið og láta reyna á hugmyndaflugið? Hvernig líst þér á að læra að hanna og prjóna þín eigin póstkort?
Netnámskeið fimmtudagskvöldin; 18., 25. febrúar og 4. mars, kl: 19.30 - 21.30. |
14:10 |
05. feb. 2021 |
Varfærnar tilslakanir á samkomutakmörkunum frá 8. febrúar
Svandís Svavarsdóttir heilbrigðisráðherra hefur samþykkt tillögur sóttvarnalæknis sem fela í sér varfærnar tilslakanir á samkomutakmörkunum frá 8. febrúar. Almennar fjöldatakmarkanir verða áfram 20 manns en með rýmri undantekningum en hingað til. Reglur um 2 metra nálægðarmörk og grímuskyldu verða óbreyttar. Heimilt verður að opna að nýju skemmtistaði, krár, spilasali og spilakassa að uppfylltum skilyrðum. |
09:30 |
05. feb. 2021 |
Tilslakanir verða á heimsóknartímum á HSN á Blönduósi
Tilkynning frá HSN
Okkur er það sönn ánægja að tilkynna ykkur að tilslakanir verða á heimsóknartímum. Munið samt að áfram þarf að fylgja reglum almannavarna, virða fjöldatakmarkanir og ítrustu sóttvarnaráðstafanir í heimsóknum þar sem starfsmenn heimilanna hafa ekki verið bólusettir. |
09:26 |
05. feb. 2021 |
Velferð eldri borgara - fræðslufundur á RÚV
Frá félagi eldri borgara í Húnaþingi
Öldrunarráð Íslands og LEB - Landssamband eldri borgara standa fyrir fræðslufundinum, Velferð eldri borgara, á RÚV þriðjudaginn 9. febrúar klukkan 13-15, þar sem víðtæk fræðsla og upplýsingamiðlun verður höfð að leiðarljósi.
ÖÍ hefur árlega staðið fyrir ráðstefnu um málefni sem varða eldri borgara. Á kórónuveirutímanum hefur ekki verið hægt að halda slíka ráðstefnu. |
12:51 |
04. feb. 2021 |
Vilja breyta nafni Grunnskóla Húnaþings vestra
Fræðsluráð Húnaþings vestra leggur til að nafni Grunnskóla Húnaþings vestra verði breytt og hefur lagt fram tillögur að fimm nýjum nöfnum sem nemendur og starfsfólk skólans fái að kjósa um. Í fundargerð fræðsluráðs kemur fram að ákvörðunin sé tekin í framhaldi af áskorun nemenda um nafnabreytingu á grunnskólanum. |
10:33 |
04. feb. 2021 |
Leikflokkur Húnaþings vestra vill svör um menningarhús
Leikflokkur Húnaþings vestra vekur athygli á því í grein á vef sínum að Félagsheimilið Hvammstanga hafi ekki verið í fjárlögum þessa árs né í fjármálaáætlun næstu þriggja ára þrátt fyrir vilyrði þar um frá menntamálaráðherra. Leikflokkurinn lagði fram beiðni fyrir um ári síðan til mennta- og menningarmálaráðuneytisins um að fjármagn yrði sett í félagsheimilið þar sem það lægi undir skemmdum og ástandið færi versnandi. Óskað var eftir að ríkið kæmi að viðhaldi með 70% fjárframlagi og sveitarfélagið með 30% á móti. |
22:42 |
03. feb. 2021 |
Björgunarfélagið Blanda boðar til félagsfundar
Tilkynning frá stjórn
Stjórn Björgunarfélagsins Blöndu boðar til félagsfundar fimmtudagskvöldið 11. febrúar 2021 kl 20:00. Dagskrá fundarins er kynning á mögulegum kaupum á nýju húsnæði fyrir starfsemi sveitarinnar, og þá sala á núverandi húsnæði. |
14:47 |
03. feb. 2021 |
Samningar um öflugt íþrótta- og tómstundastarf í Blönduósbæ
Gerðir hafa verið nýir samningar við íþróttafélögin í Blönduósbæ. Samningarnir gilda fyrir árin 2021 og 2022, eða til tveggja ára. Formenn félaganna og sveitarstjóri hafa á undanförnum dögum verið að skrifa undir samningana en þeir eru við Ungmennafélagið Hvöt, Hestamannafélagið Neista, Júdófélagið Pardus, Skotfélagið Markviss og Golfklúbbinn Ós. Einnig voru gerðir nýir samningar við USAH, Björgunarfélagið Blöndu og Reiðhöllina Arnargerði. |
14:40 |
03. feb. 2021 |
Gæti þurft að loka sundlauginni á Hvammstanga
Ef kuldatíðin sem verið hefur í Húnavatnssýslum heldur áfram gæti komið til þess að sundlauginni á Hvammstanga verði lokað tímabundið. Á fundi byggðarráðs Húnaþings vestra í fyrradag fór Benedikt Rafnsson veitustjóri yfir stöðuna á vatnsveitunni í sveitarfélaginu. Hann greindi m.a. frá því að notkun á heitu vatni hafi aukist mikið í kuldakastinu, sem hefur haft áhrif á notendur á Hvammstanga. Til að mæta aukinni heitavatnsnotkun hafi hitastigið í sundlauginni verið lækkað. |
14:31 |
03. feb. 2021 |
Kvartað undan útblæstri frá ökutækjum
Nokkuð hefur borið á kvörtunum vegna ökutækja sem skilin eru eftir í gangi við stofnanir og aðra staði í Húnaþingi vestra, að því er segir á vef sveitarfélagsins. Biðlað er til ökumanna að virða rétt fólks til að anda að sér heilnæmu lofti og menga ekki andrúmsloftið að óþörfu. Á það sérstaklega við um þjónustustofnanir, skóla og verslanir. Þá eru íbúar hvattir til að kynna sér lögreglusamþykkt sem gefin var út í maí 2019 fyrir sveitarfélögin í umdæmi lögreglustjórans á Norðurlandi vestra. |
09:17 |
03. feb. 2021 |
Tíu í framboði hjá Framsókn
Tíu eru í framboði hjá Framsóknarflokknum í Norðvesturkjördæmi fyrir komandi alþingiskosningar í haust. Póstkosning verður haldin dagana 16. febrúar til 13. mars og verður kosið um fimm efstu sæti á lista flokksins. Einn Blönduósingur eru á meðal þessara tíu frambjóðenda en það er Gunnar Tryggvi Halldórsson og býður hann sig fram í 3. sæti. Þá býður Friðrik Már Sigurðsson í Húnaþingi vestra sig fram í 3.-4. sæti. |
16:26 |
02. feb. 2021 |
Starfsfólk óskast til afleysinga á Heimilið við Skúlabraut
Heimilið við Skúlabraut á Blönduósi óskar eftir starfsfólki til afleysinga í febrúar-maí 2021 með möguleika á framhaldandi ráðningu. Óskað er eftir að viðkomandi geti hafið störf sem fyrst. Starfið felur í sér að aðstoða fatlaða einstaklinga við athafnir daglegs lífs, s.s. við umönnun og afþreyingu ásamt öðrum verkefnum. Unnið er eftir hugmyndafræði um þjónandi leiðsögn og valdeflingu. |
09:53 |
02. feb. 2021 |
Héraðsskjalasafn Austur-Húnavatnssýslu óskar eftir að ráða starfsmann
Héraðsskjalasafn Austur-Húnavatnssýslu óskar eftir að ráða starfsmann í samstarfi við Héraðsbókasafn Austur-Húnavatnssýslu. Um er að ræða fjölbreytt starf sem tengjast flest skjalamálum og skjalavinnslu undir leiðsögn héraðsskjalavarðar, en einnig afgreiðslu á bókasafni. Um 50-70% starfshlutfall er að ræða og æskilegast að starfsmaður geti hafið störf ekki síðar en 1. apríl 2021. Umsóknarfrestur er til 8.febrúar 2021. |