Fyrri mynd
Næsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Húnahornið
Open Menu Close Menu
Húnahornið
Fimmtudagur, 28. mars 2024
   m/s
C
CW
huni.is - RSS-efnisveita
 
Mars 2024
SMÞMFL
252627282912
3456789
10111213141516
17181920212223
24252627282930
31123456
FyrriNúnaNæsti
Veðurstofa Íslands Vegagerðin
Holtavörðuh. 10:48 0 0°C
Laxárdalsh. 10:48 0 0°C
Vatnsskarð 10:48 0 0°C
Þverárfjall 10:48 0 0°C
Kjalarnes 10:48 0 0°C
Hafnarfjall 10:48 0 0°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
18. ágúst 2023
Okur, íslenska og illgresi
Já komið þið sæl og blessuð. Nöldri er ekki dauður úr öllum æðum þó langt sé um liðið frá síðasta nöldurpistli. Af nógu er að taka í nöldrinu en ég ætla þó aðeins að nefna nokkur atriði að þessu sinni. Fyrst ætla ég að byrja á verðlaginu í Kjörbúðinni okkar hér á Blönduósi.
::Lesa
Leita í netfangaskrá
 
Eftir Inga Heiðmar Jónsson
27. mars 2024
71. þáttur. Eftir Jón Torfason
24. mars 2024
Eftir Inga Heiðmar Jónsson
22. mars 2024
Eftir Bjarna Jónsson
17. mars 2024
Eftir Inga Heiðmar Jónsson
15. mars 2024
Eftir Bjarna Jónsson
11. mars 2024

Senda Húnahorninu fréttaskot

N 65° 39' 32.04" V 20° 16' 55.2"
 Frá:   Til: 
Orðaleit:
 Birta   línur
Fyrri 31-45 46-60 af 70 Næstu 61-70
KlukkanDagsetningFrétt
09:35 27. ág. 2021   Opið hús í Textílmiðstöðinni 27.-29. ágúst
Frá Textílmiðstöð Íslands
Helgin verður viðburðarík í Textílmiðstöðinni á Blönduósi. Við bjóðum ykkur velkomin í opið hús í TextílLabinu að Þverbraut 1 föstudag (27.8), laugardag (28.8) og sunnudag (29.8). Á staðnum eru geislaskeri, vínyl prentari, útsaumsvél, nálaþæfingarvél og stafrænn vefstóll. Smiðjustjóri mun aðstoða við notkun á smiðjunni. Aðgengi er frítt, en greitt fyrir það efni sem notað er.
09:33 27. ág. 2021   Miðfjarðará fjórða aflamesta laxveiðiá landsins
Nú er liðið á seinni hluta laxveiðisumarsins og veiðitölur eftir því. Eins og margoft hefur komið fram í laxveiðifréttum Húnahornsins hefur veiðin verið dræm í sumar og það hefur lítið breyst síðustu vikuna. Miðfjarðará stendur sig best af helstu laxveiðiánum í Húnavatnssýslum. Alls veiddust þar 94 laxar síðustu vikuna og er áin komin í 1.217 laxa. Í Víðidalsá veiddust rúmlega 30 laxar síðustu vikuna og stendur áin í 492 veiddum löxum.
12:20 26. ág. 2021   Loftslagsbúskapur á Fjarðarhorni í Hrútafirði
Fyrsta vottaða kolefnisbindingarverkefninu sem íslenskt fyrirtæki ræðst í hefur verið valinn staður á Fjarðarhorni í Hrútafirði. Þar verða næstu 50 árin bundin um 90.000 tonn af koltvísýringi í nýjum skógi sem ræktaður verður á 250 hekturum lands. Ræktun og umhirða skógarins skapar atvinnutækifæri í byggðarlaginu auk þess sem tún verða áfram nýtt til landbúnaðar og hús á jörðinni fyrir vaxandi hóp starfsfólks í Staðarskála.
12:16 26. ág. 2021   Skoðanakönnun um sameiningu sveitarfélaga samhliða alþingiskosningum
Samhliða alþingiskosningunum 25. september næstkomandi geta íbúar Húnavatnshrepps, sem náð hafa 18. ára aldri þann dag og hafa kjörgengi í sveitarstjórnarkosningum, tekið þátt í skoðanakönnun um hvort fara eigi í sameiningarviðræður við Blönduósbæ. Fyrr í sumar óskaði Blönduósbær eftir formlegum sameiningarviðræðum og tók sveitarstjórn Húnavatnshrepps jákvætt í þá ósk með þeim fyrirfara um að gerði yrði skoðanakönnun fyrir íbúa til að umboð sveitarstjórnar væri ljós.
11:45 26. ág. 2021   Menningarminjadagar Evrópu í Byggðasafninu
Byggðasafnið á Reykjum í Hrútafirði tekur þátt í evrópskum menningarminjadögum í næstu viku. Áhersla þeirra er að kynna hverfandi menningararf og stuðla þannig að vitund og virðingu fyrir hefðum og kunnáttu sem brátt heyra sögunni til.
21:25 24. ág. 2021   Með grjót í vösunum - bókarkynning
Ævisaga Sveins Torfa Þórólfssonar (1945-2016) verkfræðings frá Skagaströnd kemur út laugardaginn 28. ágúst næstkomandi. Bókin verður kynnt og frumsýnd almenningi í Gamla kaupfélagshúsinu á Skagaströnd klukkan 15 þann dag. Allir eru velkomnir á meðan húsrúm og reglur um sóttvarnir leyfa. Kaffi og kleinur verða í boði útgefenda.
20:48 24. ág. 2021   Alþjóðleg brúðulistahátíð á Hvammstanga
Alþjóðlega brúðulistahátíðin Hvammstangi International Puppetry Festival eða HIP Fest fer fram í annað sinn dagana 8.-10. október næstkomandi. Á hátíðina koma á þriðja tug erlendra listamanna frá átta löndum sem bjóða upp á fjölda sýninga og vinnusmiðja, auk fyrirlestra og kvikmyndasýninga með umræðum við listamennina á eftir.
14:28 23. ág. 2021   Auglýst eftir styrkumsóknum
Félagasamtök og einstaklingar í Húnaþingi vestra sem hafa hug á að sækja um styrki frá sveitarfélaginu til einstakra verkefna á næsta ári geta nú fyllt út þar til gert eyðublað og sent ásamt fylgigöngum til skrifstofu sveitarfélagsins að Hvammstangabraut 5 Hvammstanga eða á netfangið skrifstofa@hunathing.is. Frestur er til 10. september næstkomandi.
14:24 23. ág. 2021   Fyrirlestraröð Selasetursins hefst í kvöld
Í vetur ætlar Selasetur Íslands að halda áfram með opna fyrirlestraröð þar sem fræðimenn úr ýmsum áttum koma og halda fyrirlestra. Vísindamenn setursins í sumar, þær Bronte Harris frá Englandi og Laura Redaelli frá Ítlaíu, ríða á vaðið með fyrirlestra í kvöld í Selasetrinu á Hvammstanga klukkan 20. Fyrirlestrarnir verða á ensku og verður boðið upp á kaffi og konfekt.
09:10 23. ág. 2021   Samherjar lagðir í síðasta leik riðlakeppninnar
Kormákur/Hvöt mætti Samherjum í Hrafnagili í Eyjafirði á laugardaginn þegar síðasta umferð Íslandsmótsins í knattspyrnu karla, 4. deild D-riðli var leikin. Fyrir leikinn var liðið búið að tryggja sig inn í úrslitakeppni 4. deildar og Samherjar áttu enga möguleika á að ná í slíkt sæti. Leikurinn einkenndist af því og var fátt um fína drætti og aðeins eitt mark skorað í leiknum.
12:45 20. ág. 2021   Skólasetning Húnavallaskóla
Skólasetning grunnskóladeildar Húnavallaskóla verður þriðjudaginn 24. ágúst klukkan 13. Skólastjóri mun fara yfir upphaf skólaársins og þær breytingar sem verða á hópi starfsmanna og skipulagi skólaársins. Að því loknu taka umsjónakennarar á móti sínum nemendum í kennslustofum, afhenda stundarskrár og fara yfir fyrirkomulag kennslu. Kennsla hefst samkvæmt stundaskrá miðvikdaginn 25. ágúst.
12:35 20. ág. 2021   Sálfræðiþjónusta barna efld
Félags- og skólaþjónusta Austur-Húnavatnssýslu og Sensus slf. undirrituðu nýverið tveggja ára samning um sálfræðiþjónustu í leik- og grunnskólum sýslunnar og aukið samstarfi við barnavernd á svæðinu. Ester Ingvarsdóttir hefur starfað fyrir Félags- og skólaþjónustu A-Hún. síðastliðinn sex ár og hefur haft fasta viðveru í hverjum mánuði. Markmiðið með nýjum samningi er að efla sálfræðiþjónustu á svæðinu.
09:42 20. ág. 2021   Frá Sýslumanninum á Norðurlandi vestra
Vegna breytinga á skrifstofunni á Blönduósi er ekki hægt að afgreiða vegabréf í dag, föstudaginn 20. ágúst. Opið er á skrifstofu embættisins á Sauðárkróki. Beðist er velvirðingar á þeim óþægindum sem þetta kann að valda.
11:56 19. ág. 2021   Grunnverð hækkar um 5,5 prósent
Norðlenska og SAH Afurðir hafa gefið út sameiginlega afurðaverðskrá fyrir komandi sláturtíð en félögin hafa fengið heimild til að sameinast, eins og fram hefur komið í fréttum. Grunnverð í nýju verðskránni er 5,5% hærra að meðaltali fyrir dilka en grunnverð í verðskrá Norðlenska var á síðasta ári.
11:37 19. ág. 2021   Húnvetnsku laxveiðiárnar nálgast 3000 laxa
Laxveiði í sjö helstu laxveiðiánum í Húnavatnssýslum er komin í 2.919 laxa sem af er sumri. Miðfjarðará er eina áin sem náð hefur 1.000 laxa markinu en veiðst hafa 1.123 laxar í ánni og gaf síðasta vika 134 laxa. Næst mest hefur veiðst í Víðidalsá eða 461 lax og gaf síðasta vika 50 laxa. Veiðst hafa 444 laxar í Laxá á Ásum og þar af 26 síðustu vikuna.
Fyrri 31-45 1 2 3 4 5 Næstu 61-70
 
Prenta Prenta  
 
Til baka
 

©2024 Húnahornið