|
23:46 |
25. sep. 2021 |
Meirihluti íbúa Húnavatnshrepps vill sameiningarviðræður við Blönduósbæ
Meirihluti íbúa í Húnavatnshreppi vill að sameiningarviðræður fari fram á milli Húnavatnshrepps og Blönduósbæjar. Samhliða alþingiskosningunum í dag fór fram skoðanakönnun á vegum sveitarstjórnar Húnavatnshrepps. Spurt var: Vilt þú að Húnavatnshreppur fari í sameiningarviðræður við Blönduósbæ. Alls tóku 227 íbúar þátt í skoðanakönnuninni eða um 75% þeirra sem voru á kjörskrá og sögðu 147 JÁ eða 65% og 76 sögðu NEI eða 34%. |
|
09:40 |
25. sep. 2021 |
Alþingiskosningar 2021
Hvar og hvenær á að kjósa?
Í dag verður kosið til Alþingis á Íslandi. Tíu stjórnmálaflokkar bjóða fram lista í Norðvesturkjördæmi og eru 160 einstaklingar í framboði. Nöfn einstaklinga sem eru með lögheimili í Húnavatnssýslum, eru alls 20, og þar af eru ellefu með lögheimili á Blönduósi, fimm á Skagaströnd og þrír í Húnaþingi vestra. Kjörstaðir í sýslunum eru fimm, einn í hverju sveitarfélagi, og opna þeir flestir klukkan 10. |
|
09:26 |
24. sep. 2021 |
Kosningakaffi VG á Blönduósi á kjördag
Af gömlum og góðum sið verður Vinstrihreyfingin grænt framboð með kosningakaffi á Blönduósi á morgun í sal Stéttarfélagsins Samstöðu á Þverbraut 1 frá klukkan 13-17. Frambjóðendur hreyfingarinnar í Norðvesturkjördæmi, þau Þóra Margrét Lúthersdóttir, Ólafur Halldórsson og Valdimar Guðmannsson verða á staðnum. Allir eru velkomnir. |
|
15:27 |
23. sep. 2021 |
Samvinna um læsi
Tilkynning frá Blönduskóla
Fyrirlestur um læsi, lestrarnám og lestrarþjálfun barna verður haldinn þriðjudaginn 28. september í matsal Blönduskóla kl. 16:30. Fyrirlesari er Magdalena Berglind Björnsdóttir kennari og áhugamaður um læsi og lestrarnám. |
|
12:25 |
23. sep. 2021 |
Kjörfundur vegna kjörs til Alþingis laugardaginn 25. september 2021
Tilkynning frá kjörstjórn Blönduósbæjar
Kjörstaður á Blönduósi verður í norðursal Íþróttamiðstöðvarinnar á Blönduósi. Gengið inn frá Melabraut. Kjörfundur hefst kl. 10:00 og honum lýkur kl. 22:00. |
|
12:09 |
23. sep. 2021 |
Atkvæðagreiðsla utan kjörfundar vegna kosninga til Alþingis laugardaginn 25. september 2021
Sýslumaðurinn á Norðurlandi vestra sendir frá sér tilkynningu vegna atkvæðagreiðslu utan kjörfundar vegna kosninga til Alþingis laugardaginn 25. september 2021. Greiða má atkvæði utan kjörfundar á skrifstofum embættisins.
|
|
09:47 |
23. sep. 2021 |
Endurbygging Ásgarðs í Skagastrandarhöfn
Nauðsynlegt er að ráðast í endurbætur á Ásgarðsbryggju í Skagastrandarhöfn til þess að hún geti áfram þjónað sínum tilgangi og er verkefnið ærið, að því er fram kemur á vef Skagastrandar. Við bryggjuna hafa legið bátar af mismunandi stærðum í gegnum árin og hefur hún þjónað mikilvægu hlutverki fyrir hafnarstarfsemi á Skagaströnd. Í dag er ástand Ásgarðs ekki eins og best verður á kosið. |
|
20:07 |
22. sep. 2021 |
Drottningin Dagrún HU 121 er 50 ára
Dagrún HU 121 rann úr slipp í gær en árið 1971 var báturinn fyrst sjósettur úr Bátasmiðju Guðmundar Lárussonar á Skagaströnd og er því 50 ára um þessar mundir. Fyrstu fjögur árin hét báturinn Guðmundur Þór og var gerður út frá Skagaströnd. Lýður Hallbertsson og kona hans Guðbjörg Eiríksdóttir keyptu svo bátinn árið 1975 ásamt Karli Hallbertssyni og gáfu honum nafnið Dagrún. Lýður og Guðbjörg keyptu nokkrum árum síðar hluta Karls og hafa þau gert Dagrúnu út síðan. |
|
18:12 |
22. sep. 2021 |
Barnabær auglýsir eftir starfsmanni
Leikskólinn Barnabær á Blönduósi auglýsir eftir leikskólakennara eða leiðbeinanda til afleysinga á deildum. Um er að ræða tímabundna ráðningu í 100% stöðu frá og með 15 október. Leikskólinn Barnabær er 5 deilda leikskóli með börn á aldrinum 8 mánaða til 5 ára. Leikskólinn starfar eftir kenningum John Dewee að læra í gegnum leik. Lögð er áhersla á mál og læsi stefnu í skólanum og hefur hann nýlega lokið við þróunarverkefni því tengdu. |
|
12:17 |
22. sep. 2021 |
Fjöldi umsókna í Vaxtarrými
Fjölmargar umsóknir bárust í viðskiptahraðalinn Vaxtarrými en umsóknarfrestur rann út 20. september síðastliðinn. Um er að ræða átta vikna viðskiptahraðall fyrir frumkvöðla, ný fyrirtæki og nýsköpunarverkefna innan starfandi fyrirtækja á Norðurlandi. Áhersla hraðalsins er sjálfbærni, matur, vatn og orka. Fimmtungur umsókna koma frá Austur-Húnavatnssýslu en flestar koma þær frá Norðurlandi eystra. |
|
10:38 |
22. sep. 2021 |
Haustið minnir á sig
Haustið er farið að minna á sig og í nótt hvítnað vel í fjöll í Húnavatnssýslum. Hálka eða hálkublettir eru á helstu fjallvegum svo eru vegfarendur beðnir um að fara varlega. Í dag eru haustjafndægur en þá er sólin beint yfir miðbaug og dagur og nótt eru jafnlöng um alla jörð. Eftir haustjafndægur tekur svo nóttina að lengja og daginn að stytta. Dagurinn í dag markar því upphaf hausts á norðurhveli jarðar. |
|
09:00 |
22. sep. 2021 |
Frá Þingeyraklaustursprestakalli
Fjölskyldumessa og Kveðjumessa í Blönduóskirkju sunnudaginn 26. september 2021 klukkan 17. Í messunni kveður sr. Úrsúla Árnadóttir söfnuðinn en hún hefur þjónað í prestakallinu síðastliðin tvö ár í leyfi sr. Sveinbjörns R. Einarssonar. Kór Blönduóskirkju syngur undir stjórn Eyþórs Franzsonar Wechner kórstjóra og organista. |
|
09:38 |
21. sep. 2021 |
Gul veðurviðvörun í dag
Lægð gengur nú yfir landið með roki og rigningu og hafa verið gefnar út gular og appelsínugular veðurviðvaranir, misjafnt eftir landshlutum. Gul veðurviðvörun er í gildi á Norðurlandi vestra í dag en spáð er norðaustan 15-23 m/s með snörpum vindhviðum við fjöll. Talsverð rigning fylgir þessu og má búast við slyddu á fjallvegum. Varasamt ferðaveður. |
|
15:15 |
20. sep. 2021 |
Bók um þróun byggðar á Hvammstanga
Út er komin bókin Hús og híbýli á Hvammstanga: Húsaskrá 1989-1972 eftir Þórð Skúlason. Í bókinni rekur Þórður þróun byggðar á Hvammstanga frá 1898 til 1972. Þórður er gjörkunnugur byggð og mannlífi á þessum gamla verslunarstað, enda borinn þar og barnfæddur. Hann hefur víða leitað fanga, bæði í opinberum gögnum og óbirtum heimildum, en þó ekki síst með samtölum við eldri og yngri Hvammstangabúa. |
|
14:08 |
20. sep. 2021 |
Gönguleiðir á stafrænu formi nálgast 100
Alls hafa 94 gönguleiðir á Norðurlandi vestra verið hnitsettar og skráðar stafrænt og er hægt að finna þær á vefsíðunni Wikiloc. Þá eru leiðirnar einnig aðgengilegar á yfirlitskorti á vefsjá Samtaka sveitarfélaga á Norðurlandi vestra. Verkefnið hófst í fyrrasumar en þá voru um 30 gönguleiðir skráðar og í sumar hafa rúmlega 60 leiðir bæst við. Verkefnið var skilgreint eitt af átaksverkefnum í kjölfar heimsfaraldurs kórónuveiru og sem slíkt fjármagnað með sérframlagi stjórnvalda í gegnum Uppbyggingasjóð Sóknaráætlunar Norðurlands vestra. |
Til baka
Loka
Prenta
