|
11:21 |
27. sep. 2021 |
Gul veðurviðvörun á morgun
Veðurstofa Íslands hefur gefið út gula veðurviðvörun fyrir Norðurland vestra á morgun, 28. september. Spáð er norðan 15-23 m/s og talsverðri snjókomu eða slyddu með skafrenningi og takmörkuðu eða lélegu skyggni, hvassast norðantil en vestlægari og éljagangur um kvöldið. Akstursskilyrði gætu orðið erfið og fólk er hvatt til þess að ganga frá lausum munum. |
|
10:18 |
27. sep. 2021 |
Varðandi örvunarbólusetningu 70 ára og eldri og Covid-sýnatölu hjá HSN á Blönduósi
Tilkynning frá HSN
Nú eiga allir íbúar 70 ára og eldri í A-Hún. að hafa fengið boð um örvunarbólusetningu gegn Covid -19. Heilsugæslan vill ítreka það að það þarf að panta tíma í covid-sýnatökur, bæði einkennasýnatökur og hraðpróf. |
|
21:19 |
26. sep. 2021 |
Atkvæði endurtalin í Norðvesturkjördæmi
Endurtalning í Norðvesturkjördæmi hefur leitt í ljós misræmi í talningu atkvæða, en síðdegis var ákveðið að telja þar aftur vegna þess hversu lítill munur var á jöfnunarþingmönnum milli kjördæma. Þetta hefur þýtt breytingu á jöfnunarmönnum þingflokka en þingstyrkurinn hélt sér. Hjá Samfylkingu kemur Jóhann Páll Jóhannsson inn og Rósa Björk Brynjólfsdóttir dettur úr í staðinn. Hjá Pírötum nær Gísli Rafn Ólafsson á þing, en Lenya Rún Taha Karim dettur út. |
|
08:38 |
26. sep. 2021 |
Úrslit kosninganna í Norðvesturkjördæmi
Talningu atkvæða í Norðvesturkjördæmi vegna alþingiskosninganna lauk laust eftir klukkan sjö í morgun. Talin voru 17.666 atkvæði, 394 skiluðu auðu og ógildir kjörseðlar voru 24. Kjörsókn var 82%. Úrslit urðu þau að Framsóknarflokkurinn fær þrjá þingmenn og bætir við sig einu þingmanni frá síðustu kosningum. Sjálfstæðisflokkurinn fær tvo þingmenn og stendur í stað milli kosninga. Vinstri græn fá einn þingmann sem er sama niðurstaða og síðast og Flokkur fólksins fær einn þingmann en flokkurinn var ekki með þingmann eftir síðust kosningar 2017. |
|
23:46 |
25. sep. 2021 |
Meirihluti íbúa Húnavatnshrepps vill sameiningarviðræður við Blönduósbæ
Meirihluti íbúa í Húnavatnshreppi vill að sameiningarviðræður fari fram á milli Húnavatnshrepps og Blönduósbæjar. Samhliða alþingiskosningunum í dag fór fram skoðanakönnun á vegum sveitarstjórnar Húnavatnshrepps. Spurt var: Vilt þú að Húnavatnshreppur fari í sameiningarviðræður við Blönduósbæ. Alls tóku 227 íbúar þátt í skoðanakönnuninni eða um 75% þeirra sem voru á kjörskrá og sögðu 147 JÁ eða 65% og 76 sögðu NEI eða 34%. |
|
09:40 |
25. sep. 2021 |
Alþingiskosningar 2021
Hvar og hvenær á að kjósa?
Í dag verður kosið til Alþingis á Íslandi. Tíu stjórnmálaflokkar bjóða fram lista í Norðvesturkjördæmi og eru 160 einstaklingar í framboði. Nöfn einstaklinga sem eru með lögheimili í Húnavatnssýslum, eru alls 20, og þar af eru ellefu með lögheimili á Blönduósi, fimm á Skagaströnd og þrír í Húnaþingi vestra. Kjörstaðir í sýslunum eru fimm, einn í hverju sveitarfélagi, og opna þeir flestir klukkan 10. |
|
09:26 |
24. sep. 2021 |
Kosningakaffi VG á Blönduósi á kjördag
Af gömlum og góðum sið verður Vinstrihreyfingin grænt framboð með kosningakaffi á Blönduósi á morgun í sal Stéttarfélagsins Samstöðu á Þverbraut 1 frá klukkan 13-17. Frambjóðendur hreyfingarinnar í Norðvesturkjördæmi, þau Þóra Margrét Lúthersdóttir, Ólafur Halldórsson og Valdimar Guðmannsson verða á staðnum. Allir eru velkomnir. |
|
15:27 |
23. sep. 2021 |
Samvinna um læsi
Tilkynning frá Blönduskóla
Fyrirlestur um læsi, lestrarnám og lestrarþjálfun barna verður haldinn þriðjudaginn 28. september í matsal Blönduskóla kl. 16:30. Fyrirlesari er Magdalena Berglind Björnsdóttir kennari og áhugamaður um læsi og lestrarnám. |
|
12:25 |
23. sep. 2021 |
Kjörfundur vegna kjörs til Alþingis laugardaginn 25. september 2021
Tilkynning frá kjörstjórn Blönduósbæjar
Kjörstaður á Blönduósi verður í norðursal Íþróttamiðstöðvarinnar á Blönduósi. Gengið inn frá Melabraut. Kjörfundur hefst kl. 10:00 og honum lýkur kl. 22:00. |
|
12:09 |
23. sep. 2021 |
Atkvæðagreiðsla utan kjörfundar vegna kosninga til Alþingis laugardaginn 25. september 2021
Sýslumaðurinn á Norðurlandi vestra sendir frá sér tilkynningu vegna atkvæðagreiðslu utan kjörfundar vegna kosninga til Alþingis laugardaginn 25. september 2021. Greiða má atkvæði utan kjörfundar á skrifstofum embættisins.
|
|
09:47 |
23. sep. 2021 |
Endurbygging Ásgarðs í Skagastrandarhöfn
Nauðsynlegt er að ráðast í endurbætur á Ásgarðsbryggju í Skagastrandarhöfn til þess að hún geti áfram þjónað sínum tilgangi og er verkefnið ærið, að því er fram kemur á vef Skagastrandar. Við bryggjuna hafa legið bátar af mismunandi stærðum í gegnum árin og hefur hún þjónað mikilvægu hlutverki fyrir hafnarstarfsemi á Skagaströnd. Í dag er ástand Ásgarðs ekki eins og best verður á kosið. |
|
20:07 |
22. sep. 2021 |
Drottningin Dagrún HU 121 er 50 ára
Dagrún HU 121 rann úr slipp í gær en árið 1971 var báturinn fyrst sjósettur úr Bátasmiðju Guðmundar Lárussonar á Skagaströnd og er því 50 ára um þessar mundir. Fyrstu fjögur árin hét báturinn Guðmundur Þór og var gerður út frá Skagaströnd. Lýður Hallbertsson og kona hans Guðbjörg Eiríksdóttir keyptu svo bátinn árið 1975 ásamt Karli Hallbertssyni og gáfu honum nafnið Dagrún. Lýður og Guðbjörg keyptu nokkrum árum síðar hluta Karls og hafa þau gert Dagrúnu út síðan. |
|
18:12 |
22. sep. 2021 |
Barnabær auglýsir eftir starfsmanni
Leikskólinn Barnabær á Blönduósi auglýsir eftir leikskólakennara eða leiðbeinanda til afleysinga á deildum. Um er að ræða tímabundna ráðningu í 100% stöðu frá og með 15 október. Leikskólinn Barnabær er 5 deilda leikskóli með börn á aldrinum 8 mánaða til 5 ára. Leikskólinn starfar eftir kenningum John Dewee að læra í gegnum leik. Lögð er áhersla á mál og læsi stefnu í skólanum og hefur hann nýlega lokið við þróunarverkefni því tengdu. |
|
12:17 |
22. sep. 2021 |
Fjöldi umsókna í Vaxtarrými
Fjölmargar umsóknir bárust í viðskiptahraðalinn Vaxtarrými en umsóknarfrestur rann út 20. september síðastliðinn. Um er að ræða átta vikna viðskiptahraðall fyrir frumkvöðla, ný fyrirtæki og nýsköpunarverkefna innan starfandi fyrirtækja á Norðurlandi. Áhersla hraðalsins er sjálfbærni, matur, vatn og orka. Fimmtungur umsókna koma frá Austur-Húnavatnssýslu en flestar koma þær frá Norðurlandi eystra. |
|
10:38 |
22. sep. 2021 |
Haustið minnir á sig
Haustið er farið að minna á sig og í nótt hvítnað vel í fjöll í Húnavatnssýslum. Hálka eða hálkublettir eru á helstu fjallvegum svo eru vegfarendur beðnir um að fara varlega. Í dag eru haustjafndægur en þá er sólin beint yfir miðbaug og dagur og nótt eru jafnlöng um alla jörð. Eftir haustjafndægur tekur svo nóttina að lengja og daginn að stytta. Dagurinn í dag markar því upphaf hausts á norðurhveli jarðar. |
Til baka
Loka
Prenta
