|
11:03 |
08. jan. 2023 |
Fundaröð fyrir forvitna frumkvöðla
Samtök sveitarfélaga á Norðurlandi vestra, Samtök sveitarfélaga á Norðurlandi eystra og Eimur standa að vikulegum fræðsluerindum fyrir frumkvöðla og alla þá sem eru forvitnir um nýsköpunarheiminn. Erindin verða haldin á Teams í hádeginu á þriðjudögum klukkan 12. Ráðgert er að hvert erindi verði ekki lengra en 30 mínútur en í kjölfar hvers erindis gefst hlustendum kostur á að spyrja spurninga. |
|
21:58 |
07. jan. 2023 |
Gul veðurviðvörun og ekkert ferðaverður
Veðurstofan hefur gefið út gula veðurviðvaranir sem taka gildi á morgun, sunnudaginn 8. janúar, fyrir Breiðafjörð, Vestfirði, Strandir, Norðurland vestra og Norðurland eystra. Búast má við norðaustan og norðan 15-23 m/s með snjókomu og skafrenningi. Líklegt er að færð spillist. |
|
10:57 |
07. jan. 2023 |
Opið hús í ráðhúsi Húnaþings vestra vegna breytinga á aðalskipulagi
Mánudaginn 9. janúar 10-12 verður opið hús í ráðhúsi Húnaþings vestra þar sem fólki gefst kostur á að kynna sér breytingar sem fyrirhugaðar eru innan þéttbýlis á Hvammstanga. Um er að ræða breytingu á íbúðarbyggð ÍB 9 við Lindarveg sem er í uppbyggingu og eru þar risin nokkur íbúðarhús. Svæðið er samkvæmt núgildandi skipulagi skilgreint sem svæði fyrir frístundabyggð en með breytingunni er verið að fella þá skilgreiningu niður. |
|
21:11 |
06. jan. 2023 |
Helga Una Íþróttamaður USVH 2022
Helga Una Björnsdóttir hefur verið kjörin Íþróttamaður Ungmennasambands Vestur-Húnvetninga 2022. Helga keppir í Meistaradeild Líflands sem er sterkasta innanhúss mótaröðin á Íslandi. Hún hefur verið í landsliðshóp Íslands í nokkur ár og var valin kynbótaknapi ársins. Í öðru sæti í kjörinu varð Eysteinn Tjörvi Kristinsson hestamaður og í þriðja sæti Dagbjört Dögg Karlsdóttir körfuknattleikskona. |
|
20:27 |
06. jan. 2023 |
Útlit fyrir aukinn kaupmátt heimila
Samkvæmt niðurstöðu greiningar fjármála- og efnahagsráðuneytisins er útlit fyrir að kaupmáttur heimila aukist að nýju á árinu, sé tekið mið af nýundirrituðum kjarasamningum á almennum markaði. Áætla megi að ráðstöfunartekjur meðaleinstaklings á almennum vinnumarkaði verði um það bil 50 þúsund krónum meiri í hverjum mánuði í ár en í fyrra, bæði vegna hækkunar með nýjum kjarasamningum og breytinga í tekjuskattskerfinu þar sem persónuafsláttur og þrepamörk hækka um 10,7%. |
|
14:33 |
06. jan. 2023 |
Enn minnkar byggðakvótinn til Blönduóss
Byggðaráð Húnabyggðar er ekki sátt við þróun á úthlutun almenns byggðakvóta en Blönduós fékk nýlega úthlutað 15 þorskígildistonn fyrir fiskveiðiárið 2022-2023. Samkvæmt úthlutunarskjali er jafnmiklu úthlutað til Blönduóss nú og gert var fiskveiðiárið 2021-2022 en svo virðist sem gleymst hafi að gera ráð fyrir að í fyrra bættust við 4 þorskígildistonn. Úthlutaður byggðakvóti til Blönduóss minnkar því um 21% milli fiskveiðiára eða úr 19 tonnum í 15. Byggðaráð hefur falið sveitarstjóra að andmæla formlega þessari þróun, eins og segir í fundargerð. |
|
12:14 |
06. jan. 2023 |
Viðburður í Bjarmanesi á morgun
Í menningar- og samveruhúsinu Bjarmanesi á Skagaströnd verður viðburður á laugardaginn en þá ætlar ljósmyndarinn og fyrirlesarinn Esther Horvath að sýna og segja frá störfum sínum á norðurslóðum. Viðburðurinn hefst klukkan 15 og verður heitt á könnunni. Allir eru velkomnir. Ester er m.a. ljósmyndari fyrir National Geographic og Alfred Wegener stofnunina. |
|
13:01 |
05. jan. 2023 |
Söfnun á rúlluplasti í Húnabyggð
Bændur sem óska eftir því að nýta sér þessa þjónustu eru vinsamlegast beðnir um að senda beiðni á netfangið: ahaldahus@hunabyggd.is fyrir klukkan 16:00 þriðjudaginn 10. janúar nk. Plasti verður safnað dagana 11.-13. janúar. Miðvikudagurinn 11. janúar: Hólabær, Auðólfsstaðir, Svartárdalur, Blöndudalur, fram Svínvetningabraut, Svínadalur.
Fimmtudaginn 12. janúar: Niður Ása, Vatnsdalur, Þing.
Föstudagurinn 13. janúar: Gamli Engihlíðarhreppur. |
|
16:23 |
04. jan. 2023 |
Samstarfssamning um reglubundna fræðslu um hinsegin málefni
Húnaþing vestra og Samtökin 78 hafa gert með sér samstarfssamning um reglubundna fræðslu samtakanna um hinsegin málefni fyrir starfsfólk grunnskóla, leikskóla og félagsmiðstöðvar, nemenda grunnskóla og til stjórnenda sveitarfélagsins til næstu þriggja ára. Samningurinn ber með sér afar umfangsmikla fræðslu til starfsfólks og barna og ungmenna í sveitarfélaginu. |
|
15:01 |
04. jan. 2023 |
Lesendur Feykis völdu Tönju M. Ísfjörð mann ársins 2022 á Norðurlandi vestra
Líkt og undanfarin ár stóð Feykir fyrir kjöri á manni ársins á Norðurlandi vestra. Íbúum á svæðinu og öðrum lesendum Feykis gafst kostur á að velja úr hópi þeirra sem voru tilnefndir af lesendum. Í þetta skiptið bárust sjö tilnefningar sem teknar voru til greina og varð niðurstaðan sú að Tanja hlaut flest atkvæði í valinu. |
|
09:41 |
04. jan. 2023 |
Þórdís tekur við af Bryndísi
Frá Ámundakinn
Á gamlaársdag urðu húsbóndaskipti í einu rýminu á Húnabraut 4, þegar Þórdís Erla Björnsdóttir, eigandi Hársnyrtistofu Þórdísar, tók við lyklavöldum af Bryndísi Bragadóttur. Hárgreiðslustofa Bryndísar Braga, var fyrsta fyrirtækið sem hóf starfsemi fyrir rúmlega tveimur árum við stéttina sem nú hefur verið byggt yfir og sumir kalla "miðjuna". |
|
21:48 |
03. jan. 2023 |
Félags- og tómstundastarf Húnabyggðar opnar aftur fimmtudaginn 5. janúar
Kæri íbúi/íbúar. Við stelpurnar Sísa, Sissú og Vallý óskum ykkur öllum gleðilegs nýs árs með þakklæti fyrir liðið ár. Opnum félags- og tómstundastarfið aftur fimmtudaginn 5. janúar. Starfsemin er opin hjá okkur á mánudögum og fimmtudögum frá klukkan 13:30-16:30. Um er að ræða þjónustu sem opin er öryrkjum og þeim sem eru 60 ára og eldri. Tómstundir eru mikill og stór þáttur í okkar daglega lífi. |
|
21:38 |
03. jan. 2023 |
Frá félags- og tómstundastarfi Húnabyggðar
Óskum eftir ókláruðum krosssaumspúðum, myndum og fleiru sem er unnið með krossaum. Kostur er að það væri ámálað á stramman en skoðum allt. Ef einhver vill losa sig við og gefa okkur fyrir iðkendur sem sækja starfi værum við mjög þakklát. Þetta mega vera ábyrjuð verkefni. |
|
17:01 |
03. jan. 2023 |
Nýr sóknarmaður til liðs við Kormák Hvöt
Meistaraflokksráð Kormáks Hvatar hefur gert samning við sóknarmanninn Ismael Sidibé um að hann leiki með liðinu næsta sumar. Ismael er frá Fílabeinsströndinni og Spáni og lék í 3. deild á Íslandi árið 2021 með Einherja á Vopnafirði. Skoraði hann 10 mörk í 13 leikjum, þar af tvær þrennur, en hann gekk til liðs við Einherja um mitt sumarið. |
|
16:47 |
03. jan. 2023 |
Byggðakvóta 2022-2023 úthlutað
Matvælaráðuneytið hefur ákveðið úthlutun á almennum byggðakvóta á fiskveiðiárinu 2022-2023. Úthlutað er til 51 byggðarlags í 29 sveitarfélögum. Heildarúthlutun eykst um 262 tonn milli ára og verða því breytingar á magni úthlutaðra þorskígildistonna til einstakra byggðalaga. Byggðalög með færri en 400 íbúa fá 3.271 þorskígildistonnum úthlutað, byggðalög með fleiri en 400 íbúa fá 1.629 þorskígildistonnum úthlutað. Alls fá 14 byggðalög lágmarksúthlutun og fjögur byggðalög fá hámarksúthlutun. |
Til baka
Loka
Prenta
