|
09:59 |
27. ág. 2020 |
Álafoss tekið í bakaríið
Sameiginlegt lið Kormáks og Hvatar átti ekki í vandræðum með lið Álafoss í 12. umferð Íslandsmótsins í knattspyrnu karla 4. deild B riðli en leikurinn fór fram í gær á Tungubakkavelli í Mosfellsbæ. Kormákur/Hvöt skoraði sex mörk í leiknum, fjögur í fyrri hálfleik og tvö í seinni hálfleik. Álafoss náði að skora eitt mark í leiknum en það var sjálfsmark og því urðu úrslit leiksins 0-6. |
|
17:51 |
26. ág. 2020 |
Barnabæ vantar leikskólakennara eða leiðbeinanda
Leikskólinn Barnabæ á Blönduósi vantar leikskólakennara eða leiðbeinanda sem fyrst til starfa í 100% starf en um tímabundna ráðningu er að ræða. Í leikskólanum fer fram fjölbreytt og skemmtilegt uppeldisstarf með börnum á aldrinum 8 mánaða til 6 ára. Unnið er samkvæmt Aðalnámskrá leikskóla 2011 og við leggjum áherslu á að námið fari fram í gegnum leik. Okkar vantar hressa og metnaðarfulla einstaklinga sem hafa áhuga á að vinna gefandi, krefjandi og skemmtilegt starf með börnum. |
|
14:36 |
25. ág. 2020 |
Ristarhlið ekki fjarlægð nema tryggt sé að sauðfé komist ekki yfir varnarlínur
Í tilkynningu frá Matvælastofnun er áréttað að ristarhlið á mörkum varnarhólfa gegn sauðfjársjúkdómum verða ekki fjarlægð nema tryggt sé að sauðfé komist ekki yfir varnarlínur. Vegagerðin setti sig í samband við Matvælastofnun vegna áforma um að fjarlægja tvö ristarhlið á þjóðvegi 1 í Húnaþingi og eitt ristarhlið við Héraðsvötn í Skagafirði. Ristarhliðin eru í slæmu ástandi og ógna umferðaröryggi að mati Vegagerðarinnar. |
|
14:30 |
25. ág. 2020 |
Kennarar kvíðnir vegna lélegra samgangna
Mikið hefur verið ritað og rætt um óboðlega vegi í Húnaþingi vestra, sérstaklega á Vatnsnesi og fáar úrbætur hafa verið gerðar. Kennarar í Grunnskóla Húnaþings vestra á Hvammstanga segjast nú kvíða því að hefja enn eitt skólaárið án þess að samgöngur í sveitarfélaginu hafi verið bættar. Um 150 nemendur eru í skólanum og býr tæplega helmingur þeirra í dreifbýli og þarf að ferðast um langan veg með skólabíl á hverjum degi. |
|
12:12 |
25. ág. 2020 |
Börn á Blönduósi fá frítt í sund og þreksal
Blönduósbær vill hvetja börn í sveitarfélaginu til þess að koma oftar í sund og nýta sér betur frábæra aðstöðu sem er í Íþróttamiðstöðinni. Þannig fá öll börn í sveitarfélaginu, að 18 ára aldri, frítt í sundlaugina og þreksalinn. Athygli er vakin á því að barn yngri en tíu ára verður að vera í fylgd með syndum einstaklingi sem er 15 ára eða eldri þegar sundstaðir eru sóttir. |
|
18:49 |
24. ág. 2020 |
Fjarlægja rimlahlið milli varnarsvæða
Vegagerðin áformar að fjarlægja tvö rimlahlið á hringveginum í Vestur-Húnavatnssýslu og eitt í Skagafirði en þau aðskilja varnarsvæði búfjársjúkdóma og gegna mikilvægu hlutverki í að verjast riðuveiki milli svæða. Sveitarfélagið Skagafjörður og Akrahreppur mótmæla þessu og krefst þess að varnarlínum búfjárveikivarna verði haldið við samkvæmt lögum þar um. Sveitarfélögin Húnaþing vestra og Skagafjörður hafa óskað eftir fundi með Matvælastofnun og Vegagerðinni vegna málsins. |
|
17:17 |
24. ág. 2020 |
Tveimur tonnum af rækju stolið á Hvammstanga
Lögreglan á Norðurlandi vestra rannsakar þjófnað á tveimur tonnum af rækjum sem stolið frá rækjuverksmiðjunni Meleyri á Hvammstanga um helgina. Sagt er frá þessu á vef Ríkisútvarpsins. Haft er eftir Baldvini Þór Bergþórssyni, verkefnisstjóra rækjuvinnslunnar að upp hafi komist um þjófnaðinn á laugardagsmorgun. Lás hafi verið brotinn á frystigámi og rækjurnar horfnar. Hann áætlar að virði rækjanna sé í kringum 5 til 6 milljónir. |
|
16:57 |
24. ág. 2020 |
SSNV stendur fyrir ör-ráðstefnum
Samtök sveitarfélaga á Norðurlandi vestra standa fyrir ör-ráðstefnum í streymi á komandi vetri. Um er að ræða ráðstefnur um málefni til að örva og styrkja rekstur. Lagt er upp með að ör-ráðstefnurnar verði ekki lengri en klukkutíma í senn, að því er segir á vef SSNV.
Fyrsta ör-ráðstefnan ber heitið „Verslun á netinu“. Hún verður haldin 17. september. Farið verður yfir hvað einkennir góða vefverslun, hluti sem ber að varast og hvað getur haft áhrif á sölu. |
|
16:36 |
24. ág. 2020 |
Sláturtíð 2020
Frá SAH Afurðum
Undirbúningur sláturtíðar hjá SAH Afurðum ehf. er nú í fullum gangi og margt sem þarf að huga að á tímum kórónuveirufaraldurs. Mikið og gott samstarf hefur verið við Embætti landlæknis, almannavarnir og Landssamtök sláturleyfishafa til að draga úr hættu á COVID-19 kórónuveiru smiti og einnig að koma með leiðbeiningar fyrir starfsfólk á þessum erfiðu og sérstöku tímum. Mjög mikilvægt er að verja bæði starfsmenn og starfsstöðina fyrir smithættu og hafa því verið teknar eftirfarandi ákvarðanir. |
|
16:33 |
24. ág. 2020 |
Auglýst eftir styrkumsóknum
Félagasamtök og einstaklingar í Húnaþingi vestra sem hafa hug á að sækja um styrki frá sveitarfélaginu til einstakra verkefna á næsta ári geta nú fyllt út þar til gert eyðublað og sent ásamt fylgigöngum til skrifstofu sveitarfélagsins að Hvammstangabraut 5 Hvammstanga eða á netfangið skrifstofa@hunathing.is. Frestur er til 11. september næstkomandi. |
|
11:58 |
24. ág. 2020 |
Fjögur Íslandsmet á Skotsvæði Markviss
Íslandsmeistaramótið í Norrænu trapi fór fram á skotsvæði Skotfélagsins Markviss um helgina við bestu mögulegu aðstæður. Keppni var spennandi í unglingaflokk og karlaflokk og voru sett fjögur Íslandsmet á mótinu, þar af eitt tvíbætt. Sagt er frá þessu á Facebook síðu Markviss.
Í unglingaflokk var met Felix Jónssonar (71 dúfa) frá því fyrr í sumar tvíbætt, Elyass Kristinn byrjaði á því að bæta það um 8 dúfur með skorinu 79, Sigurður Pétur bætti svo um betur og er Íslandsmet unglinga í dag 88 dúfur. |
|
22:15 |
23. ág. 2020 |
Rótbustuðu Snæfell
Sannkölluð markaveisla var á Blönduósvelli í gær þegar sameiginlegt lið Kormáks og Hvatar tók á móti Snæfelli á Íslandsmótinu í knattspyrnu karla, 4. deild B riðli. Alls voru 14 mörk skoruð í leiknum sem fór 13-1 fyrir Kormáki/Hvöt. Þetta var annar leikurinn í röð sem Snæfell fær á sig 13 mörk. Eins og tölurnar gefa til kynna var leikurinn aldrei spennandi. Staðan í hálfleik var 5-0 fyrir heimamenn. |
|
09:20 |
23. ág. 2020 |
Nýjar blómategundir á Skagaströnd
Ólafur Bernódusson, kennari og fréttaritari Morgunblaðsins á Skagaströnd hefur fundið tvær blómjurtir á Spákonufellshöfða sem ekki hafa sést þar áður en þær eru aronsvöndur og bláklukka. Í Morgunblaðinu á fimmtudaginn er rætt við Ólaf en hann kenndi í áratugi líffræði við Höfðaskóla og ræddi gjarnan við nemendur sína um gróður jarðar. |
|
08:53 |
23. ág. 2020 |
Unnið að fornleifauppgreftri á Þingeyrum
Áfram er unnið að fornleifauppgreftri í rústum Þingeyraklausturs. Áætlað er að grafa í þrjár vikur í sumar en uppgröfturinn hófst 10. ágúst síðastliðinn. Eftir að hafa grafið í gegnum leifar yngri bygginga, ofan á sjálfum klausturrústunum, er hópurinn nú að nálgast klausturtímann. Bútur af bókaleðri, innsiglishringur og borði með ævafornu letri er meðal þess sem fundist hefur í fornleifarannsóknum í rústum klaustursins. |
|
09:17 |
21. ág. 2020 |
Hluthafafundur Búsældar samþykkti samruna
Hluthafar Búsældar, sem eru um 500 bændur og á Norðlenska matboðið ehf. að fullu, samþykktu á aðalfundi Búsældar í gær samruna Norðlenska matborðsins ehf. annars vegna og Kjarnafæðis hf. og SAH Afurða ehf. hinsvegar. Stjórn Búsældar fékk þannig heimild hluthafa til að klára samrunann. Með samrunanum er verið að bregðast við breytingum í rekstrarumhverfi matvælaiðnaðarins. |
Til baka
Loka
Prenta
