|
14:13 |
22. des. 2020 |
Fjárhagsáætlun Húnavatnshrepps samþykkt
Sveitarstjórn Húnavatnshrepps hefur samþykkt fjárhagsáætlun sveitarfélagsins fyrir næsta ár. Í henni er gert ráð fyrir rúmlega 19 milljón króna neikvæðri rekstrarniðurstöðu. Tekjur eru áætlaðar 524 milljónir og rekstrargjöld 500 milljónir. Afskriftir eru áætlaðar 25 milljónir og fjármagnsliðir eru áætlaðir neikvæðir um rúmar 18 milljónir. |
|
10:37 |
22. des. 2020 |
Birna skipuð í embætti sýslumanns á Norðurlandi vestra
Dómsmálaráðherra hefur skipað Birnu Ágústsdóttur í embætti sýslumanns á Norðurlandi vestra frá 1. janúar næstkomandi. Birna lauk meistaragráðu í lögfræði frá Háskólanum á Akureyri 2010 og hefur frá þeim tíma starfað sem löglærður fulltrúi hjá sýslumannsembættinu á Norðurlandi vestra og verið staðgengill sýslumanns undanfarin tvö ár. |
|
16:12 |
21. des. 2020 |
Afmörkun Hálendisþjóðgarðs hvíli ekki á röksemdum um náttúrufar
Húnavatnshreppur leggst gegn samþykkt frumvarps um Hálendisþjóðgarð. Í bókun sveitarstjórnar á fundi sínum í síðustu viku segir að tillögur um afmörkun þjóðgarðs hvíli ekki á sérstökum röksemdum um náttúrufar heldur birtist sem krafa um yfirráð á svæðum þar sem þegar sé gætt að hagsmunum náttúruverndar með Landskipulagi samþykktu af Alþingi, aðalskipulagi, eigandastefnu forsætisráðuneytisins um þjóðlendur og fleira. |
|
15:53 |
21. des. 2020 |
Sveitarfélögin ekki samstíga um rekstur Brunavarna Austur-Húnvetninga
Sveitarstjórn Húnavatnshrepps vill að hlutlaus aðili taki út rekstur og þörf á Brunavörnum Austur-Húnvetninga (BAH) í núverandi mynd og að þeirri úttekt verði lokið fyrir 15. febrúar næstkomandi. Á fundi stjórnar BAH 9. desember síðastliðinn var samþykkt fjárhagsáætlun fyrir árið 2021 og nema framlög sveitarfélaganna tveggja sem standa að samlaginu samtals 52,6 milljónum króna. |
|
15:20 |
21. des. 2020 |
Breyttar reglur um heimsóknartíma um jól og áramót á HN
Heilbrigðisstofnunin á Blönduósi vill ítreka heimsóknarreglur yfir jól og áramót á HSN á Blönduósi. Panta þarf tíma í síma 432-4100 og gestir eru beðnir um að fara í öllu eftir þeim sóttvarnarreglum sem eru í gildi en þær fylgja hér á mynd með fréttinni. |
|
14:41 |
21. des. 2020 |
Stysti dagur ársins
Hann er ekki langur dagurinn í dag, rúmar þrjá klukkustundir milli sólriss og sólarlags í Húnavatnssýslum. Í dag eru vetrarsólstöður og á morgun fer daginn að lengja á ný. Stjörnufræðivefurinn segir frá því að í dag verða pláneturnar Júpíter og Satúrnus nær hvor annarri á himni en þær hafa verið í rúm 400 ár. Hafa þær ekki verið svona nálægt hvort annarri, frá jörðu séð, síðan 16. júlí árið 1623. |
|
10:55 |
21. des. 2020 |
Jólakveðja
Frá stjórn kirkjugarðsins á Blönduósi
Sendum okkar bestu jóla- og nýárskveðjur til fyrirtækja, einstaklinga og félagasamtaka sem með sjálfboðavinnu og frjálsum fjárframlögum hafa styrkt framkvæmdirnar í kirkjugarðinum á Blönduósi s.l. þrjú ár.
Einnig sendum við sóknarbörnum Blönduóskirkju og öllum sem ástvini eiga í kirkjugarðinum bestu jóla- og nýársóskir með ósk um áframhaldandi gott samstarf. |
|
15:20 |
20. des. 2020 |
Engin áramótabrenna á Blönduósi þessi áramót
Engin áramótabrenna verður á Blönduósi þessi áramótin en ákvörðun þess efnis var tekin í dag af umsjónaraðila brennunnar af vel athuguðu máli. Ástæðan er fyrst og fremst ástandið í samfélaginu útaf Covid-19. |
|
13:37 |
20. des. 2020 |
Lestrarátak í desember - frábær þátttaka
Lestrarátak Blönduskóla fór fram í desember. Bæði foreldrar og nemendur voru hvattir til að lesa upphátt í 15 mínútur á dag.
Frábær þátttaka var í lestrarátakinu. |
|
20:31 |
19. des. 2020 |
Gul veðurviðvörun á Norðurlandi vestra
Veðurstofa Íslands hefur gefið út gula viðvörun fyrir Strandir og Norðurland vestra sem gildir til hádegis á mánudaginn. Spáð er norðaustan hvassviðri með vindhraða á bilinu 13-20 metra á sekúndu. Búast má við talsverðri snjókomu eða éljagangi með skafrenningi og lélegu skyggni og versnandi akstursskilyrðum. Samgöngutruflanir og lokanir á vegum eru líklegar. Fólki er bent á að sýna varkárni og fylgjast með veðurspám. |
|
17:35 |
19. des. 2020 |
Tillaga 20 sveitarfélaga felld
Á landsþingi Sambands íslenskra sveitarfélaga í gær var lögð fram tillaga 20 sveitarfélaga um að lýsa yfir andstöðu við áform um að lágmarksfjöldi íbúa í sveitarfélagi yrði lögfestur. Tillagan fól einnig í sér hvatningu til eflingar sveitarstjórnarstigsins með sameiningum og stækkun sveitarfélaga. Tillagan var naumlega felld en alls greiddu 54 með tillögunni en 67 gegn henni. |
|
17:09 |
19. des. 2020 |
Kortlagning á húsnæði fyrir störf án staðsetningar
Byggðastofnun hefur tekið saman upplýsingar um mögulegt húsnæði fyrir störf án staðsetningar. Upplýsingunum var safnað saman með aðstoð landshlutasamtaka sveitarfélaga og eru setta fram á korti sem má sjá hér. Á kortinu birtast 83 staðir þar sem hægt er að taka við fólki sem vinnur starf án staðsetningar. Á þessum 83 stöðum eru yfir 100 starfsstöðvar fyrir einstaklinga. |
|
10:27 |
18. des. 2020 |
Jólakveðjur frá Textílmiðstöðinni
Nú þegar landsmenn prýða heimili sín, gjarnan með útsaumuðum jóladúkum fögnum við í Textílmiðstöðinni meðbyrnum sem okkar áherslur á textílinn hafa hlotið.
Árið 2020 er búið að vera erfitt ár fyrir okkur öll, en við hjá Textílmiðstöðinni erum að reyna að gera það besta úr aðstæðunum og halda okkur striki.
Vel hefur fiskast í hinum ýmsu sjóðum og hefur starfsemin aflað á annað hundrað milljónir í ýmis verkefni. |
|
09:32 |
18. des. 2020 |
Opnunartímar um jól og áramót
Frá Héraðsbókasafni Austur-Húnvetninga á Blönduósi
Síðasta opnun fyrir jól er þriðjudaginn 22. desember (þá er opið frá klukkan 10-16). Á milli jóla og nýárs er opið miðvikudaginn 30. desember frá klukkan 16:00-18:00. Safnið er svo lokað fyrstu viku í janúar en opnar aftur mánudaginn 11. janúar 2021 og er þá opið eins og venjulega frá klukkan 13:00-17:00. |
|
09:27 |
18. des. 2020 |
Formaður SUF stefnir á þing
Lilja Rannveig Sigurgeirsdóttir, sem er formaður Sambands ungra Framsóknarmanna, gefur kost á sér í 3. sæti á lista Framsóknarflokksins í Norðvesturkjördæmi fyrir alþingiskosningarnar 2021. Í tilkynningu segist hún hafa innilegan áhuga á að taka þátt í stjórnmálum og vilji bjóða fram krafta sína til þess að bæta samfélagið næstu árin. |
Til baka
Loka
Prenta
