|
12:22 |
19. mars 2021 |
Húnaþing vestra fær styrk vegna ljósleiðarastofnstrengja
Húnaþing vestra fær 33,5 milljónir króna í styrk frá Fjarskiptasjóði, sem hefur nú lokið yfirferð á styrkumsóknum í B-hluta Ísland ljóstengt 2021 og vegna ljósleiðarastofnstrengja. Þrettán sveitarfélögum stóð til boða samtals 180 milljónir króna. Tilboð fjarskiptasjóðs náði til allra styrkhæfra staða sem sótt var um í þessari lokaúthlutun verkefnisins. |
|
11:14 |
18. mars 2021 |
N4 fjallar um nýsköpunarkeppnina Ullarþon
Norðlenska sjónvarpsstöðin N4 fjallar um nýsköpunarkeppnina Ullarþon í þættinum Að norðan. Rætt er við Jóhönnu Erlu Pálmadóttur, verkefnastjóra Textílmiðstöðvar Íslands, um íslensku ullina og eiginleika hennar, og um nýsköpunarkeppnina, tilgang hennar og markmið. Skráning í keppnina hefur farið fram úr björtustu vonum. |
|
10:26 |
18. mars 2021 |
Guðjón S. Brjánsson hættir á þingi
Guðjón S. Brjánsson, oddviti Samfylkingarinnar í Norðvesturkjördæmi, ætlar ekki að gefa kost á sér í flokksvali Samfylkingarinnar í kjördæminu sem fram fer síðar í þessum mánuði. Í tilkynningu segir hann að stjórnmál hafi átt hug hans einustu ár eða frá því hann settist á þing árið 2016. Hann hafi stefnt á að bjóða sig fram aftur en síðar fundið að hugur fylgdi ekki hjarta. |
|
10:21 |
18. mars 2021 |
Aðalfundur Sölufélags Austur-Húnvetninga svf.
Aðalfundur Sölufélags Austur-Húnvetninga svf. verður haldinn þann 25. mars í mötuneyti SAH Afurða ehf. Húnabraut 39.
Fundurinn hefst kl. 14:00.
Dagskrá samkvæmt samþykktum félagsins.
Önnur mál. |
|
09:30 |
18. mars 2021 |
Katrín Sif vill leiða Pírata í NV-kjördæmi
Katrín Sif Sigurgeirsdóttir, fyrrverandi formaður kjaranefndar ljósmæðrafélags Íslands, vill leiða Pírata í Norðvesturkjördæmi. „Ég býð mig fram í Norðvesturkjördæmi vegna þess að ég tel að reynsla mín og kraftar muni nýtast því kjördæmi einna best á næsta kjörtímabili. Ég á ættir að rekja vestur og hef starfað þar sem ljósmóðir með hléum undanfarin sjö ár bæði á Patreksfirði og á Ísafirði,“ segir Katrín Sif í tilkynningu. |
|
10:07 |
17. mars 2021 |
Stígandi smíðar innréttingar í Grunnskóla Húnaþings vestra
Samið verður við Trésmiðjuna Stíganda á Blönduósi um innréttingar í Grunnskóla Húnaþings vestra. Tvö tilboð bárust í innréttingarnar, annað frá Stíganda að fjárhæð 31,8 milljónir króna og hitt frá Nýform að fjárhæð 36 milljónir. Kostnaðaráætlun hljóðaði upp á 21 milljón. Byggðarráð Húnaþings vestra samþykkti á fundi sínum nýverið að ganga til samninga við lægstbjóðanda. |
|
09:31 |
17. mars 2021 |
Lagt til að hefja viðræður um sameiningu við Húnaþing vestra
Verkefnishópur um könnun á valkostum Dalabyggðar til sameiningar við önnur sveitarfélög leggur til við sveitarstjórn Dalabyggðar að annars vegar sveitarstjórn Húnaþings vestra og hins vegar sveitarstjórnum Stykkishólmsbæjar og Helgafellssveitar verði boðið til fundar til að ræða hvort hefja skuli viðræður um mögulega sameiningu við Dalabyggð. |
|
09:19 |
17. mars 2021 |
Áhugasamur og vandvirkur bókari
Frá Sveitarfélaginu Skagaströnd
Leitum að áhugasömum, talnaglöggum og vandvirkum bókara til að starfa fyrir Sveitarfélagið Skagaströnd sem er til í að takast á við fjölbreytt verkefni.
Helstu verkefni eru bókhaldsstörf, reikningagerð, launavinnsla, greiðslur, samskipti við lánadrottna og notendur þjónustu fyrir Sveitarfélagið Skagaströnd og Félags- og skólaþjónustu A-Hún. |
|
14:49 |
16. mars 2021 |
Kjörbúðin opnar fyrir umsóknir um samfélagsstyrki
Kjörbúðin hefur opnað fyrir umsóknir um samfélagsstyrki fyrir árið 2021. Opið verður fyrir umsóknir til 10. apríl næstkomandi og hægt að nálgast umsóknarformið á vefsíðu verslunarinnar. Megin áhersla Kjörbúðarinnar í styrktarmálum er að styðja við verkefni í nærsamfélögum verslunarinnar, en Kjörbúðin rekur 15 verslanir víðsvegar um landið, að því er segir í tilkynningu frá Samkaupum. |
|
12:26 |
16. mars 2021 |
Breytingar á sóttvarnaráðstöfunum innanlands
Heilbrigðisráðherra hefur ákveðið breytingar á sóttvarnaráðstöfunum sem taka gildi 18. mars og byggja í meginatriðum á tillögum sóttvarnalæknis. Þær fela fyrst og fremst í sér auknar kröfur um skráningu gesta og smitgát í tengslum við viðburði. Þá eru einnig gerðar ríkari kröfur til sóttvarnaráðstafana þar sem boðið er upp á hlaðborð. Gildistími reglugerðar um þessar breytingar er til 9. apríl næstkomandi. |
|
12:16 |
16. mars 2021 |
Samanburður á orkukostnaði heimila árið 2020
Líkt og undanfarin ár, hefur Byggðastofnun fengið Orkustofnun til að reikna út kostnað á ársgrundvelli, við raforkunotkun og húshitun á sömu fasteigninni, á nokkrum þéttbýlisstöðum og í dreifbýli. Auk staðanna sem miðað var við síðustu ár hafa 22 nýir staðir bæst við, þar á meðal er Skagaströnd, og ná tölur fyrir þá alla aftur til 2014. |
|
08:20 |
16. mars 2021 |
Aðalfundur Umf. Geisla haldinn á Húnavöllum
Tilkynning frá stjórn
Aðalfundur Umf. Geisla verður haldinn miðvikudaginn 17. mars og hefst fundurinn kl. 21:00. Fundurinn verður haldinn á Húnavöllum. Á dagskrá eru venjuleg aðalfundarstörf og önnur mál. |
|
14:58 |
15. mars 2021 |
Heitt loft frá gagnaverinu gæti nýst til ylræktar
Varminn frá gagnaverinu frá Blönduósi, sem er 37-40 gráðu heitur, gæti hann nýst til ylræktar á matvælum í 20-30 þúsund fermetra gróðurhúsi, sem yrði þá byggt sem næst gagnaverinu. Samtök sveitarfélaga á Norðurlandi vestra fengu nýverið styrk að fjárhæð sex milljónir króna til að kanna nýtingu á svokölluðum glatvarma frá gagnaverinu, en það er ónýttur varmi eða orka sem streymir frá fyrirtækjum og hægt væri að nýta. |
|
13:35 |
15. mars 2021 |
Stefnt að uppbyggingu leiguíbúða á Hvammstanga
Leigufélagið Bríet stefnir á uppbyggingu á hagkvæmum leiguíbúðum á Hvammstanga. Á vef Húnaþings vestra auglýsir leigufélagið og sveitarfélagið eftir byggingaraðilum til að taka þátt í uppbyggingu íbúðanna. Byggingaraðili skal vera aðalverktaki og annast framkvæmd verkefnis í samráði við sveitarfélagið og leigufélagið. Við val á byggingaraðilum til samstarfs verður tekið tillit til reynslu aðila ásamt hagkvæmni og gæðum lausna. |
|
13:12 |
15. mars 2021 |
Samráðsfundur um stöðu samgöngumála á Norðurlandi vestra
Samgöngu- og sveitarstjórnarráðuneytið og Samtök sveitarfélaga á Norðurlandi vestra bjóða til rafræns samráðsfundar um stöðu samgöngumála á Norðurlandi vestra á morgun, þriðjudaginn 16. mars klukkan 10-12. Á fundinum verður fjallað um samgöngumál í landshlutanum, helstu áskoranir og tækifæri og valkosti til framfara. Boðið verður upp á fjölbreytta dagskrá með erindum og umræðum í minni hópum. |
Til baka
Loka
Prenta
