20:31 |
18. ág. 2021 |
Golfnámskeið barna
Frá Golfklúbbnum Ós
Golfnámskeiði barna á aldrinum 6 til 14 ára lauk nýverið með golfmóti. Atli Freyr Rafnsson hefur verð með kennsluna einu sinni í viku í sumar. Foreldrar voru hvattir til að koma með og var mjög góð þátttaka. Nítján krakkar voru í kennslu í sumar og er það mesta þátttaka í langan tíma. |
10:43 |
18. ág. 2021 |
Fylgi flokka í Norðvesturkjördæmi
Samkvæmt nýjum þjóðarpúlsi Gallup á fylgi stjórnmálaflokka fengi Sjálfstæðisflokkurinn flest atkvæði í Norðvesturkjördæmi ef kosið yrði í dag eða 24%. Vinstri grænir fengju 16,1%, Framsóknarflokkurinn 15,8%, Píratar 12%, Miðflokkurinn 11,2%, Samfylkingin 7,7%, Sósíalistaflokkurinn 6,3%, Viðreisn 3,8% og Flokkur fólksins 2%. Miðað við niðurstöður könnunarinnar gæti núverandi stjórn haldið velli í komandi alþingiskosningum. |
20:59 |
17. ág. 2021 |
Merkur fornleifafundur á Þingeyrum
Gullhringur og höfuðfat eru meðal muna sem fannst við uppgröft á rústum Þingeyraklausturs nýverið og sagt var frá í fréttum Ríkisútvarpsins. Rætt var við Steinunni Kristjánsdóttur, prófessor í fornleifafræði við Háskóla Íslands en hún stýrir verkefninu sem hófst árið 2014. Rannsóknirnar miðuðu þá einkum að því að komast að hvar klaustrið stóð en það var stofnað sirka árið 1133 og var rekið til siðaskipta árið 1551. |
20:49 |
17. ág. 2021 |
Tilboð opnuð í nýjan Þverárfjallsveg
Í dag voru opnuð tilboð hjá Vegagerðinni í byggingu nýs Þverárfjallsvegar í Refasveit frá Hringvegi norðan Blönduóss að núverandi Þverárfjallsvegi, um 8,5 km að lengd og nýs Skagastrandarvegar frá nýjum Þverárfjallsvegi að Skagastrandarvegi norðan Höskuldsstaða, um 3,3 km að lengd. Þá á að byggja nýja 106 metra langa brú á Laxá á Refasveit og nýjar tengingar og heimreiðar samtals um 4,5 km að lengd. |
20:16 |
17. ág. 2021 |
Íslandsmótið í Norrænu Trappi á Blönduósi
Skotfélagið Markviss heldur annað árið í röð Íslandsmót í haglabyssugreininni Norrænt Trapp og fer það fram á skotsvæði félagsins helgina 28.-29. ágúst. Mótið er haldið með fyrirvara um framgang kórónuveirufaraldursins og takmarkanir tengdum honum. Félagsmenn Markviss ætla að gera sitt besta til að mótið verði hið glæsilegasta og vonast þeir til að sjá sem flesta keppendur þessa helgi. |
17:12 |
16. ág. 2021 |
Frá Félagi eldri borgara í Húnaþingi
Félagsmenn í Félagi eldri borgara í Húnaþingi. Vegna forfalla eru laus nokkur sæti í ferðina á Snæfellsnes, dagana 27.-29.ágúst næstkomandi. Vegna hótelbókunar þarf að panta í dag 16. ágúst eða á morgun 17. ágúst. Fyrstur kemur fyrstur fær. |
16:06 |
16. ág. 2021 |
Fyrirkomulag gæsa- og rjúpnaveiða í Húnaþingi vestra óbreytt frá fyrra ári
Landbúnaðarráð Húnaþings vestra hefur ákveðið að fyrirkomulag gæsaveiða og rjúpnaveiða á þessu ári verði óbreytt frá því í fyrra. Veiðimönnum með gilt skotvopnaleyfi og veiðikort útgefið af veiðistjórnunarsviði Umhverfisstofnunar stendur til boða að kaupa sérstakt veiðileyfi útgefið af Húnaþingi vestra er veitir þeim einum heimild til veiða í eignarlöndum sveitarfélagsins. |
15:53 |
16. ág. 2021 |
Ráðherra ferðamála heimsótti Hrútey
Á fimmtudaginn í síðustu viku heimsótti Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, Blönduósbæ og með henni í för var Skarphéðinn Berg Steinarsson ferðamálastjóra og fulltrúar frá Samtökum sveitarfélaga á Norðurlandi vestra. Hópurinn skoðaði meðal annars framkvæmdirnar við Hrútey sem fengið hafa styrk úr Framkvæmdasjóði ferðamannastaða. |
09:43 |
16. ág. 2021 |
Skólasetning haustið 2021
Frá Blönduskóla
Blönduskóli verður settur mánudaginn 23. ágúst næstkomandi. Nánari upplýsingar, fyrirkomulag, tímasetningar og staðsetning, munu berast foreldrum með tölvupósti. Þeir sem eiga eftir að skrá börnin sín í skólann eru vinsamlega beðnir um að gera það sem fyrst í síma 455 4750 eða með tölvupósti blonduskoli@blonduskoli.is |
15:25 |
15. ág. 2021 |
Sæti í úrslitakeppninni tryggt
Kormákur/Hvöt tók á móti Hvíta riddaranum á Blönduósvelli í gær þegar leikið var í 13. umferð Íslandsmótsins í knattspyrnu karla, 4. deild D-riðli. Leikurinn var tíðindalítill framan af og staðan markalaus í hálfleik. Í seinni hálfleik lifnaði heldur betur yfir leikmönnum beggja liða og áður en leiktíminn var liðinn höfðu fjögur mörk verið skoruð. |